నూకపెల్లి రెగ్యులేటర్ ద్వారా రాయని చెరువుకు నీరందించే ప్రత్యామ్నాయ మార్గం పరిశీలించాలిజగిత్యాల జిల్లా కలెక్టర్‌కు నాలుగు గ్రామాల రైతుల విజ్ఞప్తిశ్రీపాద ఎల్లంపల్లి ప్రాజెక్టులో భాగంగా చేపట్టనున్న కుడి కాలువ నిర్మాణాన్ని తక్షణమే రద్దు చేయాలని ముత్యంపేట, మల్యాల, గుడిపేట, సర్వపూర్ గ్రామాలకు చెందిన రైతులు ముక్తకంఠంతో డిమాండ్ చేశారు. ఈ మేరకు జగిత్యాల కలెక్టరేట్‌లో జిల్లా కలెక్టర్ బి. సత్యప్రసాద్‌కు రైతులు వినతిపత్రం అందజేసి, తమ గోడును వెళ్లబోసుకున్నారు.​అభివృద్ధి పేరిట ఇప్పటికే నిలువునా నష్టపోయాం!ఈ సందర్భంగా బాధిత రైతులు మాట్లాడుతూ... ఇప్పటికే ముత్యంపేట పరిసర ప్రాంతాల్లో రైల్వే లైన్, వరద కాలువ, ఎన్‌హెచ్-563 (NH-563) జాతీయ రహదారి విస్తరణ వంటి ప్రాజెక్టుల కోసం వేలాది ఎకరాల విలువైన సాగు భూములను త్యాగం చేశామని ఆవేదన వ్యక్తం చేశారు. ఇప్పుడు మళ్లీ ఎల్లంపల్లి కుడి కాలువ పేరిట మిగిలిన పంట భూములను కూడా లాక్కుంటే, వ్యవసాయాన్నే నమ్ముకున్న కుటుంబాలు పూర్తిగా రోడ్డున పడే దుస్థితి ఏర్పడుతుందని వాపోయారు.​రాయని చెరువుకు ప్రత్యామ్నాయ మార్గం ఉంది!ప్రస్తుత ప్రతిపాదిత కాలువకు ప్రత్యామ్నాయంగా ఉన్న మార్గాన్ని అధికారులు పరిశీలించాలని రైతులు సూచించారు. నూకపెల్లి రెగ్యులేటర్ నుంచి వరద కాలువ ద్వారా రాయని చెరువును నింపే సాంకేతిక అవకాశం ఉందని, దీనివల్ల అదనపు భూసేకరణ అవసరం లేకుండానే చెరువుకు సాగునీరు అందుతుందని కలెక్టర్ దృష్టికి తీసుకెళ్లారు.​రైతులకు రక్షణ… ప్రభుత్వానికి కోట్ల ఆదా!ప్రత్యామ్నాయ మార్గాన్ని పరిశీలించి అమలు చేస్తే:​అన్నదాతలకు జీవనాధారమైన వ్యవసాయ భూములు కోల్పోకుండా కాపాడవచ్చు.​కొత్త భూసేకరణ భారం, భారీ నిర్మాణ వ్యయం తప్పి ప్రభుత్వ ఖజానాకు కోట్ల రూపాయలు ఆదా అవుతాయి.​వెంటనే ఇంజినీరింగ్ అధికారులు క్షేత్రస్థాయిలో సర్వే నిర్వహించి, నీటి ప్రవాహం, సాంకేతిక సాధ్యాసాధ్యాలను నివేదించాలి.​తక్షణమే కుడి కాలువను రద్దు చేయాలినాలుగు గ్రామాల రైతుల జీవనోపాధిని పరిగణనలోకి తీసుకుని, ప్రస్తుత కుడి కాలువ ప్రతిపాదనను పూర్తిగా రద్దు చేయాలని, ప్రత్యామ్నాయ మార్గంలో రాయని చెరువుకు నీరిచ్చి తమను ఆదుకోవాలని రైతులు ప్రభుత్వాన్ని, జిల్లా యంత్రాంగాన్ని కోరారు.

మెట్‌పల్లి : మహిళల ఆత్మగౌరవానికి ప్రతీకగా నిలిచే బతుకమ్మ సంబరాల్లోనే మహిళా కౌన్సిలర్లకు తగిన ప్రాధాన్యం దక్కలేదనే విమర్శలు మెట్‌పల్లి పట్టణంలో చర్చనీయాంశంగా మారాయి. మహిళా ప్రజాప్రతినిధులను గౌరవించాల్సిన కార్యక్రమంలో వారి భర్తలకు పెద్దపీట వేస్తున్నారనే ఆరోపణలు వినిపించడంతో మున్సిపాలిటీ తీరుపై పలువురు ప్రశ్నలు సంధిస్తున్నారు.తెలంగాణ సంస్కృతి, సంప్రదాయాలకు ప్రతీక అయిన బతుకమ్మ పండుగను మహిళలు ఎంతో వైభవంగా జరుపుకుంటారు. అలాంటి పండుగ వేడుకల్లో మహిళా కౌన్సిలర్లకు ప్రాధాన్యం ఇవ్వాల్సింది పోయి, వారి భర్తలకు ప్రాముఖ్యత కల్పిస్తే మహిళా సాధికారతకు అర్థమేంటని పలువురు ప్రశ్నిస్తున్నారు.ప్రజలు ఓట్లేసి గెలిపించింది మహిళా కౌన్సిలర్లను. ప్రజలకు జవాబుదారీగా ఉండాల్సింది కూడా ఎన్నికైన ప్రజాప్రతినిధులే. అలాంటప్పుడు అధికారిక కార్యక్రమాల్లో మహిళా కౌన్సిలర్ల పాత్రను పక్కనపెట్టి, వారి భర్తలకు ప్రాధాన్యం కల్పించడం ఎంతవరకు సమంజసమనే చర్చ పట్టణంలో సాగుతోంది.మహిళా సాధికారత మాటలకే పరిమితమా?మహిళలకు రాజకీయాల్లో సముచిత స్థానం కల్పించాలనే లక్ష్యంతో రిజర్వేషన్లు అమలు చేస్తున్నా, క్షేత్రస్థాయిలో మహిళా ప్రజాప్రతినిధులకు స్వతంత్రంగా పనిచేసే అవకాశం కల్పిస్తున్నారా? అనే ప్రశ్నలు తలెత్తుతున్నాయి. మహిళల పండుగైన బతుకమ్మ వేడుకల్లోనే వారికి తగిన గుర్తింపు లభించకపోతే, మహిళా సాధికారతకు విలువ ఎక్కడుందని పట్టణ ప్రజలు ప్రశ్నిస్తున్నారు.మహిళా కౌన్సిలర్లకు సముచిత గౌరవం కల్పించడంతో పాటు, అధికారిక కార్యక్రమాల్లో ఎన్నికైన ప్రజాప్రతినిధులకే ప్రాధాన్యం ఇవ్వాలని ప్రజలు కోరుతున్నారు. ఈ వ్యవహారంపై మున్సిపల్ అధికారులు, పాలకవర్గం స్పందించి స్పష్టత ఇవ్వాల్సిన అవసరం ఉందని అభిప్రాయపడుతున్నారు.బతుకమ్మ పండుగ మహిళల ఆత్మగౌరవానికి ప్రతీక.. అలాంటి వేడుకల్లోనే మహిళా ప్రజాప్రతినిధులకు ప్రాధాన్యం తగ్గితే ఎలా? అన్న ప్రశ్న ఇప్పుడు మెట్‌పల్లి పట్టణంలో చర్చకు దారితీస్తోంది.

​సారంగాపూర్ : మండలంలోని స్వర్ణ గ్రామ పంచాయతీ పరిధిలో ఉన్న పల్లె ప్రకృతి వనం పర్యవేక్షణ లేక అధ్వానంగా తయారైంది. వనంలో కూర్చోవడానికి ఏర్పాటు చేసిన బెంచీలు విరిగిపోయి, చెత్తాచెదారంతో పరిసరాలు అపరిశుభ్రంగా మారాయి. పార్కులోని బోర్డులు పాడైపోయి, కనీస నిర్వహణ కరువైంది. ప్రజాధనం వృథా కాకుండా సంబంధిత అధికారులు స్పందించి వనాన్ని పునరుద్ధరించాలని స్థానికులు కోరుతున్నారు.

​సారంగాపూర్:  మండలంలోని సాయి నగర్ తండాకు చెందిన ఆడే సరళాబాయి (55) మంగళవారం మధ్యాహ్నం 1:00 గంటలకు ఇంట్లో పురుగుల మందు తాగి అస్వస్థతకు గురయ్యారు. 108 అంబులెన్స్ పైలట్ జ్ఞానేశ్వర్ బాధితురాలను వెంటనే జిల్లా ఆసుపత్రికి తరలించారు. ప్రస్తుతం ఆమె పరిస్థితి విషమంగా ఉంది.

మేడిపల్లి / భీమారం : మేడిపల్లి భీమారం మండల ప్రజలకు దుర్గాదేవి నవరాత్రి ఉత్సవాల సందర్భంగా, దసరా పండుగ సందర్భంగా శుభాకాంక్షలు తెలుపుతూ మేడిపల్లి ఎస్ఐ శ్రీధర్ రెడ్డి పలు సూచనలు చేయడం జరిగింది. ఈ సందర్భంగా ఆయన మాట్లాడుతూ...  దుర్గామాత విగ్రహాన్ని ప్రతిష్టించేవారు తప్పనిసరి ఆన్లైన్లో నమోదు చేసుకోవాలని కోరారు. ఆన్లైన్లో అనుమానితులు కనిపించినట్లయితే...

   రెండోసారి లిఫ్ట్ ప్రమాదానికి గురైన అడ్లూరి లక్ష్మణ్.. - ప్రచారానికే పరిమితమైన లిఫ్ట్ చట్టం జగిత్యాల :  జగిత్యాల జిల్లా కేంద్రంలో ఓ బాంకెట్ హాల్ ప్రారంభోత్సవంలో మంత్రి అడ్లూరి లక్ష్మణ్ ఎక్కిన లిఫ్ట్ తెగిపడింది. స్వల్ప ఎత్తు నుంచే పడడంతో సురక్షితంగా అడ్లూరి లక్ష్మణ్ బయటపడ్డట్లు సమాచారం. అయితే, ఇటీవల తెలంగాణ బిల్డింగ్ సేఫ్టీ...

ప్రమాదంలో గాయపడిన సీనియర్ జర్నలిస్టు నాగరాజుకు రూ.22 వేల ఆర్థిక సాయం

ప్రమాదంలో గాయపడిన సీనియర్ జర్నలిస్టు నాగరాజుకు రూ.22 వేల ఆర్థిక సాయం

స్టేషన్ ఘన్‌పూర్, (జనగామ) : జనగామ జిల్లా చిలుపూరు మండలంలోని ప్రసిద్ధ శ్రీ బుగులు వెంకటేశ్వర స్వామి దేవస్థానంలో మంగళవారం పురస్కరించుకుని స్వామివారికి అష్టదళ పాద  పద్మారాధన పూజను అర్చకులు వైభవంగా నిర్వహించారు. బంగారు పద్మాలతో స్వామివారికి ప్రత్యేక పూజా కార్యక్రమాన్ని నిర్వహించారు. ఈ సందర్భంగా దేవస్థాన చైర్మన్ పొట్లపల్లి శ్రీధర్ రావు, కిరణ్మయి

సారంగాపూర్ :​మండల కేంద్రంలోని తెలంగాణ సాయుధ పోరాట యోధురాలు, భూస్వామ్య దోపిడీపై తిరుగుబాటు జెండా ఎగరవేసిన వీరనారి చాకలి ఐలమ్మ జయంతి వేడుకలను శనివారం మండల కేంద్రంలో ఘనంగా నిర్వహించారు. ఈ కార్యక్రమంలో బీజేపీ మండల అధ్యక్షులు కాల్వ నరేష్ ఐలమ్మ చిత్రపటానికి పూలమాలలు వేసి ఘనంగా నివాళులర్పించారు.​ఈ కార్యక్రమంలో బీజేపీ నాయకులు బడి పోతన్న,...

మేడిపల్లి / భీమారం, (జగిత్యాల): కొండాపూర్ గ్రామంలోని జిల్లా పరిషత్ ఉన్నత పాఠశాలలో మధ్యాహ్నం భోజన పథకాన్ని జిల్లా విద్యాధికారి కే రాము ఆకస్మికంగా తనిఖీ చేయడం జరిగింది. ఈ సందర్భంగా భోజనం నాణ్యతను, పరిశుభ్రతను పరిశీలించారు. అనంతరం విద్యార్థులతో మాట్లాడుతూ పాఠశాల యొక్క స్థితిగతులను తెలుసుకోవడం జరిగింది. ఈ కార్యక్రమంలో మండల విద్యాధికారి లక్ష్మీ...

​సారంగాపూర్ : మండల కాంగ్రెస్ పార్టీ నూతన కమిటీని ప్రకటించిన సందర్భంగా, పార్టీ మండల అధ్యక్షులు కొత్తపల్లి మాధవరావు నూతనంగా ఎన్నికైన ఉపాధ్యక్షులు, ప్రధాన కార్యదర్శులు, కార్యదర్శులు మరియు కమిటీ సభ్యులందరికీ హృదయపూర్వక శుభాకాంక్షలు తెలిపారు.​ఈ సందర్భంగా ఆయన మాట్లాడుతూ... మండలంలో కాంగ్రెస్ పార్టీని మరింత బలోపేతం చేయడానికి ప్రతి గ్రామంలోనూ మండల ముఖ్య నాయకులతో...