బీరంగూడ డివిజన్‌లో భారతీయ జనతా పార్టీని మరింత బలోపేతం చేసి, రాబోయే ఎన్నికల్లో పార్టీ విజయానికి కృషి చేస్తానని బీరంగూడ డివిజన్ బీజేపీ అధ్యక్షుడు ఈర్ల రాజు ముదిరాజ్ తెలిపారు. బీజేపీ డివిజన్ అధ్యక్షుడిగా నియమితులైన ఈర్ల రాజు ముదిరాజ్‌ను కిష్టారెడ్డిపేటలోని రెయిన్బో మెడోస్ కాలనీ సొసైటీ నాయకులు మర్యాదపూర్వకంగా కలిసి శాలువాతో ఘనంగా సన్మానించి శుభాకాంక్షలు తెలియజేశారు. ఈ సందర్భంగా ఆయన మాట్లాడుతూ, తనపై అభిమానం చూపించి సన్మానించిన కాలనీ సొసైటీ నాయకులకు, మిత్రులకు కృతజ్ఞతలు తెలిపారు. ప్రజలు తనపై ఉంచిన నమ్మకాన్ని నిలబెట్టుకుంటూ, వారి సమస్యల పరిష్కారానికి నిరంతరం కృషి చేస్తానని పేర్కొన్నారు. పార్టీ రాష్ట్ర, జిల్లా నాయకులు తనకు అప్పగించిన బాధ్యతలను సమర్థవంతంగా నిర్వహిస్తానని, డివిజన్ పరిధిలోని అన్ని కాలనీలు, గ్రామాల్లో పార్టీ నాయకులు, కార్యకర్తలను సమన్వయం చేసుకుంటూ ముందుకు సాగుతానని చెప్పారు. ప్రతి కార్యకర్తకు తగిన గౌరవం కల్పిస్తూ ప్రజలకు అందుబాటులో ఉంటానన్నారు. ప్రధానమంత్రి నరేంద్ర మోదీ నాయకత్వంలో దేశంలో జరుగుతున్న అభివృద్ధి కార్యక్రమాలను ప్రజల్లోకి తీసుకెళ్తూ బీజేపీకి ప్రజాదరణ పెంచేందుకు కృషి చేస్తానని తెలిపారు. రాబోయే ఎన్నికల్లో పార్టీ బలపరిచే అభ్యర్థి విజయం సాధించేలా నాయకులు, కార్యకర్తలు ఐక్యంగా పనిచేయాలని పిలుపునిచ్చారు. ప్రజల ఆశీర్వాదాలు, కార్యకర్తల కృషితో బీరంగూడ డివిజన్‌లో కమలం జెండా ఎగురవేయడమే తన లక్ష్యమని స్పష్టం చేశారు. సన్మాన కార్యక్రమంలో రెయిన్బో మెడోస్ కాలనీ మాజీ అధ్యక్షుడు జీవన్ రెడ్డి, వైస్ ప్రెసిడెంట్ అశోక్ చౌదరి, ట్రెజరర్ ఉమామహేశ్వర్, జాయింట్ సెక్రటరీ మురళి, మాజీ వైస్ ప్రెసిడెంట్ వేణుగోపాల్, బీజేపీ నాయకులు విశ్వనాథం, సృజన్ గౌడ్, అనిల్, ప్రవీణ్ కుమార్, డి. అనిల్ కుమార్, వెంకటేష్, సంతోష్ కుమార్, సుధీర్, సతీష్, చంద్రశేఖర్ తదితరులు పాల్గొన్నారు.

 ప్రజా సమస్యల పరిష్కారమే లక్ష్యంగా పటాన్‌చెరు మండల ప్రజా పరిషత్ కార్యాలయంలో సోమవారం నిర్వహించిన ప్రజావాణి కార్యక్రమంలో మొత్తం 8 దరఖాస్తులను స్వీకరించినట్లు ఎంపీడీవో యాదగిరి తెలిపారు.ఈ సందర్భంగా ఇస్నాపూర్ మున్సిపాలిటీకి సంబంధించి 3 దరఖాస్తులు, రెవెన్యూ శాఖకు సంబంధించి 2 దరఖాస్తులు, ఇంద్రేశం మున్సిపాలిటీకి ఒక దరఖాస్తు, ఇరిగేషన్ శాఖకు ఒక దరఖాస్తు, పంచాయతీరాజ్ శాఖకు ఒక దరఖాస్తు అందినట్లు వెల్లడించారు.ప్రజలు తమ సమస్యల పరిష్కారం కోసం అందించిన దరఖాస్తులను సంబంధిత శాఖల అధికారులకు పంపించి, సమస్యల పరిష్కారానికి అవసరమైన చర్యలు తీసుకోనున్నట్లు తెలిపారు. ప్రజావాణి ద్వారా ప్రజల సమస్యలను నేరుగా తెలుసుకుని, వాటి పరిష్కారానికి కృషి చేస్తున్నట్లు పేర్కొన్నారు.ఈ కార్యక్రమంలో  ఎంఈఓ నాగేశ్వరరావు, ఇంద్రేశం మున్సిపల్ కమిషనర్ అజయ్ కుమార్ రెడ్డి, ఇస్నాపూర్ మున్సిపల్ కమిషనర్ వెంకట్ కిషన్ రావు తదితరులు పాల్గొన్నారు.

ఈ సందర్భంగా ఇరువురు ఆత్మీయంగా పలకరించుకుని పరస్పరం అభివాదాలు చేసుకున్నారు. సామాజిక న్యాయం, అణగారిన వర్గాల అభ్యున్నతి, ప్రజా సమస్యల పరిష్కారం వంటి అంశాలపై చర్చించినట్లు సమాచారం. ప్రజా సమస్యలపై పరస్పర అభిప్రాయాలను పంచుకుంటూ, సామాజికంగా వెనుకబడిన వర్గాల సంక్షేమానికి సంబంధించిన అంశాలపై చర్చకు ప్రాధాన్యతనిచ్చారు. ఈ మర్యాదపూర్వక భేటీతో ఇరువురి మధ్య ఆత్మీయ పలకరింపులు చోటుచేసుకున్నాయి.

హత్నూర మండల పరిధిలోని ముచ్చర్ల గ్రామంలో పారిశుద్ధాన్ని మెరుగుపరిచే లక్ష్యంతో అండర్ గ్రౌండ్ డ్రైనేజీ నిర్మాణ పనులను ముచ్చర్ల సర్పంచ్ యాదగిరి ప్రారంభించారు. హత్నూర గ్రామ శివారులో గల వేక పరిశ్రమ నుండి సి ఎస్ ఆర్ నిధులు ఐదు లక్షల సాయంతో చేపట్టనున్నాయి. పనులకు ఆయన భూమి పూజ చేశారు ఈ సందర్భంగా సర్పంచ్ యాదగిరి మాట్లాడుతూ గ్రామ అభివృద్ధికి ఆర్థిక సహకారం అందిస్తున్న పరిశ్రమ యజమానానికి పరిశ్రమ ప్రతినిధులకు సర్పంచ్ తో పాటు గ్రామ పాలకవర్గ సభ్యులు సహకారం ఎల్లప్పుడూ పరిశ్రమకు ఉంటుందని, గ్రామస్తుల తరఫున ఆయన కృతజ్ఞతలు తెలిపారు. ఈ కార్యక్రమంలో పాలకవర్గ సభ్యులు గ్రామస్తులు పాల్గొన్నారు.

కందుకూరు :మహేశ్వరం నియోజకవర్గ ఎమ్మెల్యే, మాజీ మంత్రి సబితా ఇంద్రారెడ్డిని  టీ ఎంఆర్పిఎస్ రంగారెడ్డి జిల్లా ఉపాధ్యక్షులు కంద పెద్ద నర్సింహ మర్యాదపూర్వకంగా కలిసి దసరా పండుగ శుభాకాంక్షలు తెలియజేశారు.ఈ సందర్భంగా దసరా పండుగ ప్రజల జీవితాల్లో నూతన వెలుగులు నింపాలని, ప్రతి కుటుంబంలో సుఖసంతోషాలు వెల్లివిరియాలని, ప్రజలందరికీ ఆయురారోగ్యాలు, సిరిసంపదలు కలగాలని కంద పెద్ద నర్సింహ ఆకాంక్షించారు.పండుగలు సమాజంలో ఐక్యత, సోదరభావం, పరస్పర గౌరవాన్ని పెంపొందించేందుకు దోహదపడతాయని పేర్కొన్నారు.ఈ కార్యక్రమంలో గుమ్మడివెల్లి మాజీ సర్పంచ్ మస్కు బాబు, కొలన్ గూడ మాజీ సర్పంచ్ గణేష్, రావిచెట్టి శ్రీనివాస్, వంక రాజేందర్ తదితరులు పాల్గొన్నారు.

షాబాద్,(రంగారెడ్డి): షాబాద్ మండలంలోని మద్దూరు గ్రామ ప్రజలకు దసరా పండుగ సందర్భంగా ఐదవ వార్డు సభ్యులు కప్పెర రమేష్ శుభాకాంక్షలు తెలిపారు. విజయదశమి పండుగ ప్రతి ఒక్కరి జీవితాల్లో సుఖసంతోషాలు, ఆయురారోగ్యాలు, అష్టైశ్వర్యాలు నింపాలని ఆకాంక్షించారు.ఈ కార్యక్రమంలో 7వ వార్డు మెంబర్ కడమంచి శ్రీనివాస్‌తో పాటు బేడా బుడగ జంగం కమిటీ సభ్యులు పాల్గొన్నారు.ఈ సందర్భంగా నాగుల మల్లేష్, నాగుల అంజయ్య, కడమంచి మల్లేష్, గగనం గోపాల్, మోతె ముత్తయ్య, నాగుల జంగయ్య, నాగుల సన్నీ, కడమంచి లక్ష్మణ్, తూర్పటి నందు, మోతె నర్సింహ, కప్పెర దేవానంద్, కడమంచి రాములు, నాగుల దినకర్, నాగుల రత్నకుమార్ తదితరులు పాల్గొన్నారు.గ్రామ ప్రజలందరూ దసరా పండుగను ఆనందోత్సాహాలతో జరుపుకోవాలని, అమ్మవారి ఆశీస్సులతో ప్రతి ఇంటా సుఖశాంతులు వెల్లివిరియాలని వారు ఆకాంక్షించారు.

కందుకూరు :వ్యవసాయానికి నిరంతరాయంగా మెరుగైన విద్యుత్ సరఫరా అందించడంతో పాటు, లో వోల్టేజీ సమస్యల కారణంగా పంటలు ఎండిపోకుండా చర్యలు తీసుకునే దిశగా విద్యుత్ శాఖ అధికారులు క్షేత్రస్థాయిలో పర్యటించారు. రాజేంద్రనగర్ సర్కిల్ ఎలక్ట్రిసిటీ ఎస్‌ఈ రవికుమార్, కందుకూరు డీఈ గోపాలకృష్ణ శుక్రవారం ముచ్చర్ల, సాయిరెడ్డిగూడ గ్రామాల్లో పర్యటించి విద్యుత్ సరఫరా పరిస్థితిని సమీక్షించారు.ఈ సందర్భంగా వ్యవసాయానికి విద్యుత్ ఏ విధంగా సరఫరా అవుతోంది, క్షేత్రస్థాయిలో పనిచేస్తున్న విద్యుత్ శాఖ సిబ్బంది రైతులకు అందుబాటులో ఉంటున్నారా, విద్యుత్ సరఫరాలో ఎలాంటి సమస్యలు ఎదురవుతున్నాయి అనే అంశాలను అధికారుల బృందం రైతులను అడిగి తెలుసుకుంది. ఇటీవల కొత్తగా ఏర్పాటు చేసిన ట్రాన్స్‌ఫార్మర్లను పరిశీలించి వాటి పనితీరును సమీక్షించింది.కె ఎల్ ఆర్ ఆదేశాలతో మూడు 100 కేవీ ట్రాన్స్‌ఫార్మర్లుమహేశ్వరం ప్రభుత్వ ఇన్‌చార్జి శ్రీ కె ఎల్ ఆర్ ఆదేశాల మేరకు ముచ్చర్ల, సాయిరెడ్డిగూడ గ్రామాల పరిధిలో లో వోల్టేజీ సమస్యను పరిష్కరించేందుకు కొత్తగా మూడు 100 కేవీ ట్రాన్స్‌ఫార్మర్లను ఏర్పాటు చేసినట్లు స్థానికులు తెలిపారు. ఈ చర్యలతో వ్యవసాయ విద్యుత్ సరఫరా మెరుగుపడి, నీటి పారుదలకు ఇబ్బందులు తగ్గి పంటలను కాపాడుకునేందుకు సహకారం అందిందని రైతులు హర్షం వ్యక్తం చేశారు.రైతుల సమస్యలను గుర్తించి విద్యుత్ సరఫరా మెరుగుదలకు చర్యలు తీసుకున్నందుకు గ్రామ సర్పంచ్ కొంగళ్ల అనిత కృష్ణతో పాటు రైతులు కె ఎల్ ఆర్ కు, ఎస్‌ఈ రవికుమార్, డీఈ గోపాలకృష్ణలకు కృతజ్ఞతలు తెలిపారు.రైతులకు అందుబాటులో విద్యుత్ శాఖ :-వ్యవసాయ రంగానికి విద్యుత్ సరఫరా కీలకమైనందున, రైతులకు ఎదురయ్యే సమస్యలను అధికారులు ఎప్పటికప్పుడు గుర్తించి పరిష్కరించాలని గ్రామస్తులు ఆకాంక్షించారు. ముఖ్యంగా లో వోల్టేజీ సమస్యలు పునరావృతం కాకుండా పర్యవేక్షణ కొనసాగించాలని, విద్యుత్ శాఖ క్షేత్రస్థాయి సిబ్బంది రైతులకు అందుబాటులో ఉండాలని కోరారు.ఈ కార్యక్రమంలో పీఏసీఎస్ మాజీ చైర్మన్ సత్తినేని వెంకట్ రామ్ రెడ్డి, మాజీ సర్పంచ్ బొర్ర యాదమ్మ రాములు, వార్డు సభ్యురాలు బుక్క లక్ష్మి రమేష్, జేఎల్‌ఎం శ్రీనివాస్ రెడ్డి, రైతులు పెంటయ్య, బాలయ్య, సిందం మంజుల, రాకేష్ గౌడ్, కొంగళ్ల కృష్ణ, సకిలాల జంగయ్య తదితరులు పాల్గొన్నారు.

ఆమనగల్ బ్యాడ్మింటన్ అసోసియేషన్ ఆధ్వర్యంలో నిర్వహించిన షటిల్ టోర్నమెంట్ ఘనంగా ముగిసింది. ఈ సందర్భంగా నిర్వహించిన బహుమతుల ప్రదానోత్సవ కార్యక్రమానికి ఆమనగల్ గౌరవ సీఐ వెంకటేశ్వర్లు గారు ముఖ్య అతిథిగా విచ్చేశారు. అసోసియేషన్ గౌరవ అధ్యక్షులు కృష్ణ నాయక్ గారి అధ్యక్షతన ఈ కార్యక్రమం జరిగింది. గౌరవ సీఐ వెంకటేశ్వర్లు గారి చేతుల మీదుగా విజేతలకు బహుమతులు అందజేశారు.  బహుమతుల వివరాలు మొదటి బహుమతి: మల్లేష్ – ప్రసాద్ జోడీ, ద్వితీయ బహుమతి: వెంకటేష్ – వేణు (కాటన్ మిల్) జోడీ ఈ టోర్నమెంట్‌కు బహుమతుల అందజేతలో సహకరించిన జీహెచ్ఎం లండం పర్వతాలు గారికి, అలాగే టీ-షర్టుల అందజేతలో సహకరించిన టీచర్ వెంకటేష్ గారికి అసోసియేషన్ తరఫున ఘనంగా సన్మానం చేశారు.ఈ కార్యక్రమంలో ఆమనగల్ బ్యాడ్మింటన్ అసోసియేషన్ సభ్యులందరూ పాల్గొని టోర్నమెంట్‌ను విజయవంతం చేశారు.క్రీడాస్ఫూర్తితో యువత ముందుకు సాగాలి… ఆమనగల్ బ్యాడ్మింటన్ అసోసియేషన్ మరిన్ని విజయాలు సాధించాలి! ఈకార్యక్రమంలో ప్రధానకార్యదర్శి, తిరుపతి, ఉపాధ్యక్షుడు పవన్ కళ్యాణ్, టీచర్ రవి,జంగయ్య, JSజగన్,శ్రీకాంత్, పర్వతాలు,దేవా, హీరసింగ్, సత్యం సింగ్,ఆర్యన్,నిఖిల్,మసన గిరి,

పాపన్నపేట: ఎప్పుడెప్పుడా అని ఎదురుచూస్తున్న నార్సింగి–శంకరంపేట రహదారి పనులు వేగవంతం కావడంతో ప్రజలు, ప్రయాణికుల్లో ఆశలు చిగురిస్తున్నాయి. ఎన్నాళ్లుగానో మెరుగైన రహదారి సౌకర్యం కోసం ఎదురుచూస్తున్న ప్రజలకు ఈ పనులు పూర్తయితే ఎంతో ఊరట లభించనుంది. రహదారి పనులను డిసెంబర్‌లోగా పూర్తి చేయనున్నట్లు సమాచారం అందుతుండటంతో ఈ మార్గంలో రాకపోకలు సాగించే వారిలో సంతోషం వ్యక్తమవుతోంది.ప్రయాణ కష్టాలకు త్వరలో చెక్‌! నార్సింగి నుంచి శంకరంపేట వరకు ప్రయాణించే ప్రజలు రహదారి సౌకర్యాల మెరుగుదల కోసం చాలాకాలంగా ఎదురుచూస్తున్నారు. రోడ్డు అభివృద్ధి పనులు పూర్తయితే ప్రయాణం సులభతరం కావడంతో పాటు సమయం ఆదా కానుంది. రైతులు, వ్యాపారులు, ఉద్యోగులు, విద్యార్థులకు ఈ రహదారి ఎంతో ఉపయోగకరంగా మారనుంది. త్వరగా పూర్తిచేయాలని ప్రజల ఆకాంక్షరహదారి పనులు వేగంగా కొనసాగి నిర్ణీత గడువులోగా పూర్తయితే నిత్యం ఈ మార్గంలో ప్రయాణించే వారికి పెద్ద ఊరట లభించనుంది. పనుల్లో జాప్యం లేకుండా, నాణ్యతా ప్రమాణాలు పాటిస్తూ వీలైనంత త్వరగా రహదారిని అందుబాటులోకి తీసుకురావాలని ప్రజలు ఆకాంక్షిస్తున్నారు. ఎన్నాళ్లుగానో ఎదురుచూస్తున్న రహదారి సౌకర్యం అందుబాటులోకి వస్తే ఈ ప్రాంత అభివృద్ధికి మరింత ఊతం లభించనుంది.

  నాంపల్లి ని కరువు మండల ప్రాంతంగా ప్రకటించాలని నాంపల్లి ఎంపీడీవో కార్యాలయంలో నిర్వహించిన ప్రజావాణిలో వినతి పత్రం ఇవ్వడం జరిగింది.ఈ సందర్బంగా సిపిఐ(ఎం) నాంపల్లి మండల కార్యదర్శి నాంపల్లి చంద్రమౌళి మాట్లాడుతూ కరువు మండలంగా ప్రకటించడంతో పాటు, పంటలు నష్టపోయిన రైతులకు నష్టపరిహారం చెల్లించాలని ఆయన ప్రభుత్వాన్ని డిమాండ్ చేశారు. ఒకవైపు వర్షాభావం లేక సరైన సమయంలో వర్షాలు పడకపోవడంతో ఎంతోమంది రైతులు తీవ్ర ఇబ్బందులు పడుతున్నారని ఆయన ఆవేదన వ్యక్తం చేశారు. మండలంలో నెలకొన్న వర్షాభావ పరిస్థితులను క్షేత్రస్థాయిలో పరిశీలించి రైతులకు జరిగిన నష్టాన్ని అంచనా వేయాలని ఆయన అధికారులను కోరారు. ఎల్ నీనో పరిస్థితిలు వాతావరణం మార్పుల నేపథ్యంలో కేంద్రం మద్దతు ధర ప్రకటించిన పంటలన్నీటికి  100% మద్దతు ధరకు కొనుగోలు చేయాలని ఆయన కేంద్ర ప్రభుత్వానికి కోరారు. ఒకవైపు ఎల్‌నినో ప్రభావం, మరో వైవువ్యవసాయానికి అవసరమైన మేరకు నాణ్యమైన విద్యుత్ సరఫరా చేయడంలో ప్రభుత్వం విఫలమైందని విమర్శించారు. రైతుల సమస్యలను ప్రభుత్వం తక్షణమే పరిష్కరించకపోతే రైతులతో కలిసి మరిన్ని ఆందోళన కార్యక్రమాలు చేపడతామని ఆయన హెచ్చరించారు.ఈ కార్యక్రమంలో సీపీఎం మండల కమిటీ సభ్యులు వాసిపాక ముత్తిలింగం, కొమ్ము లక్ష్మయ్య, తదితరులు పాల్గొన్నారు.

కడ్తల్ : రూ. లక్ష లంచం తీసుకుంటూ రంగారెడ్డి DMHO స్వర్ణకుమారి పట్టుబడ్డారు. ఓ వ్యవహారంలో లంచం డిమాండ్ చేసినట్లు అందిన ఫిర్యాదుపై ఏసీబీ అధికారులు రంగంలోకి దిగారు. నగదు తీసుకుంటున్న సమయంలో ఆమెను అధికారులు పట్టుకున్నట్లు సమాచారం. ప్రస్తుతం స్వర్ణకుమారిని ACB అధికారులు విచారిస్తున్నారు. జిల్లా స్థాయి అధికారి లంచం తీసుకుంటూ పట్టుబడటం తీవ్ర...

సర్పంచ్ రాజేందర్ రెడ్డి ఆధ్వర్యంలో సోలిపేటలో గ్రామసభ