సూర్యాపేట :సూర్యాపేట మున్సిపాలిటీలో పండుగల నిర్వహణ కోసం చేపట్టిన పనులకు సంబంధించిన టెండర్ల ప్రక్రియ, పనుల ప్రారంభ తేదీలు, వర్క్‌ఆర్డర్లు, బిల్లుల నమోదు అంశాలు చర్చనీయాంశంగా మారుతున్నాయి. టెండర్లు నిర్వహించకముందే పనులు ప్రారంభించారా..? వర్క్‌ఆర్డర్లు జారీ కాకుండానే క్షేత్రస్థాయిలో ఏర్పాట్లు ఎలా చేపట్టారు. పనులు చేసినవారు ఎవరు వాటికి సంబంధించిన ఖర్చులను ఏ ప్రాతిపదికన మున్సిపల్‌ రికార్డుల్లో నమోదు చేశారు అనే ప్రశ్నలు ఉత్పన్నమవుతున్నాయి. ముఖ్యంగా ఎంగిలి బతుకమ్మ పండుగ ఏర్పాట్లలో స్టోన్‌ డస్ట్‌, లైటింగ్‌, బారికేడ్ల పనులకు సంబంధించి వెలువడుతున్న వివరాలపై అధికారులు స్పష్టత ఇవ్వాల్సిన అవసరం కనిపిస్తోంది.ప్రజాధనంతో చేపట్టే పనులకు నిబంధనల ప్రకారం అనుమతులు, టెండర్లు, వర్క్‌ఆర్డర్లు, పనుల కొలతలు, బిల్లుల పరిశీలన వంటి ప్రక్రియలు కీలకం. అత్యవసర పరిస్థితుల్లో ప్రత్యేక విధానంలో పనులు చేపట్టాల్సి వచ్చినా అందుకు సంబంధించిన అనుమతులు, రికార్డులు ఉండాలి. అయితే సూర్యాపేట మున్సిపాలిటీలో పండుగ ఏర్పాట్లకు సంబంధించిన పనుల విషయంలో తేదీల మధ్య వ్యత్యాసం ఉందన్న ఆరోపణలు రావడంతో అసలు ప్రక్రియ ఎలా సాగిందనే దానిపై చర్చ మొదలైంది.అందుబాటులో ఉన్న సమాచారం ప్రకారం, ఈ నెల 9వ తేదీన ఎంగిలి బతుకమ్మ పండుగ ఏర్పాట్ల కోసం స్టోన్‌ డస్ట్‌కు రూ.8 లక్షలు, లైటింగ్‌ ఏర్పాట్లకు రూ.10 లక్షలు, బారికేడ్ల ఏర్పాట్లకు రూ.3 లక్షల విలువైన పనులు చేపట్టినట్లు చెబుతున్నారు. ఈ మూడు పనులకు సంబంధించిన మొత్తం విలువ రూ.21 లక్షలుగా పేర్కొంటున్నారు. అయితే పనులు ప్రారంభించిన తేదీలు, టెండర్ల ప్రక్రియ జరిగిన తేదీలపై సందేహాలు వ్యక్తమవుతున్నాయి.పనులు 9వ తేదీ నుంచే ప్రారంభమైతే, వాటికి సంబంధించిన టెండర్ల ప్రక్రియ ఎప్పుడు పూర్తయింది? సంబంధిత కాంట్రాక్టర్లను ఏ విధానంలో ఎంపిక చేశారు? పనులు చేపట్టేందుకు అధికారిక అనుమతులు ఎప్పుడు మంజూరయ్యాయి? వర్క్‌ఆర్డర్లు ఎప్పుడు జారీ చేశారు? అనే ప్రశ్నలు ఎదురవుతున్నాయి. టెండర్‌ ప్రక్రియ పూర్తికాకముందే పనులు చేపట్టినట్లు ఆరోపణలు వినిపిస్తున్నాయి.టెండర్‌ ప్రక్రియ 10వ తేదీన చేపట్టినట్లు,12వ తేదీన పనులను టెండర్‌లో పొందుపరిచినట్లు సమాచారం ఉందని సంబంధిత వర్గాలు చెబుతున్నాయి. ఇదే నిజమైతే, అప్పటికే పనులు ప్రారంభమైన పరిస్థితుల్లో తదుపరి జరిగిన టెండర్‌ ప్రక్రియ ఉద్దేశం ఏమిటన్న ప్రశ్న ఉత్పన్నమవుతోంది. టెండర్‌ నోటిఫికేషన్‌ తేదీ,దరఖాస్తుల స్వీకరణ గడువు, బిడ్డర్ల వివరాలు, టెండర్‌ తెరిచిన తేదీ, పనుల కేటాయింపు ఉత్తర్వులను పరిశీలిస్తే వాస్తవ పరిస్థితి స్పష్టమయ్యే అవకాశం ఉంది. ముందుగా పనులు చేయించి తర్వాత పరిపాలనా ప్రక్రియను పూర్తి చేశారా అనే అంశాలను అధికారులు వెల్లడించాల్సి ఉంది.పనుల విలువకు అనుగుణంగా వర్తించే టెండర్‌ నిబంధనల ప్రకారం ఆన్‌లైన్‌ ప్రక్రియ నిర్వహించారా లేదా అన్నది మరో కీలక అంశం. పనులకు సంబంధించిన టెండర్‌ నోటిఫికేషన్‌ ఆన్‌లైన్‌లో ఎప్పుడు ప్రచురించారు..? ఎంతమంది కాంట్రాక్టర్లు బిడ్లు దాఖలు చేశారు? పోటీ బిడ్లు రాకపోతే తదుపరి ఏ చర్యలు తీసుకున్నారు? టెండర్‌ రద్దు చేశారా..?తిరిగి ఆహ్వానించారా..? లేక నిబంధనల ప్రకారం ప్రత్యామ్నాయ విధానాన్ని అనుసరించారా? అన్న వివరాలు బయటకు రావాల్సి ఉంది.పనులు చేసినట్లు కనిపిస్తున్నప్పటికీ వాటిని చేపట్టిన వ్యక్తులు లేదా సంస్థల వివరాలు, వారికి పనులు అప్పగించిన అధికారిక ఉత్తర్వులు ప్రజలకు అందుబాటులో లేకపోతే అనుమానాలు మరింత పెరిగే అవకాశం ఉంది. అందువల్ల సంబంధిత పనులకు సంబంధించిన టెండర్‌ ఫైళ్లు, అనుమతులు, వర్క్‌ఆర్డర్లు, బిల్లులను పరిశీలించి పూర్తి వివరాలు వెల్లడించాల్సిన అవసరం ఉంది.లైటింగ్‌ పనులకు సంబంధించి ఈ నెల 9వ తేదీనే టెండర్‌ దాఖలుకు చివరి తేదీగా ఉండటంతో ఎవరూ టెండర్‌ వేయలేదని సమాచారం అందుతోంది. ఈ సమాచారం అధికారిక రికార్డులతో ధృవీకరించాల్సి ఉంది. ఒకవేళ టెండర్‌ దాఖలు కాకపోతే రూ.10 లక్షల విలువైన లైటింగ్‌ ఏర్పాట్లను ఎవరు చేపట్టారు.? ఏ సంస్థకు పనులు అప్పగించారు.? పనులు అప్పగించే ముందు ధరల పరిశీలన జరిగిందా.. సంబంధిత అధికారుల అనుమతి తీసుకున్నారా.. అనే ప్రశ్నలకు సమాధానాలు అవసరం.టెండర్‌ ప్రక్రియలో ఎవరూ పాల్గొనకపోతే సాధారణంగా తదుపరి ఏ చర్యలు తీసుకోవాలన్నది వర్తించే నిబంధనలు, పరిస్థితులపై ఆధారపడి ఉంటుంది. అలాంటి సందర్భంలో ప్రత్యామ్నాయంగా పనులు కేటాయించి ఉంటే దానికి సంబంధించిన ఉత్తర్వులు, ధరల వివరాలు, అనుమతులు ప్రజలకు తెలియజేయాలి. పనులు పూర్తయ్యాక బిల్లులు సమర్పించినట్లయితే వాటి పరిశీలన ఎలా జరిగింది. పనుల నాణ్యత, పరిమాణాన్ని ఎవరు ధృవీకరించారనే అంశాలు కూడా ముఖ్యమే.ఈ వ్యవహారంలో స్టోన్‌ డస్ట్‌ సరఫరాపై వస్తున్న ఆరోపణలు మరో కీలక అంశంగా మారాయి. సుమారు వందల యూనిట్ల స్టోన్‌ డస్ట్‌ను అండర్‌గ్రౌండ్‌ డ్రైనేజీ పనులకు సంబంధించిన సంస్థ అందించిందని, అయితే మున్సిపల్‌ రికార్డుల్లో మాత్రం మున్సిపాలిటీ తరఫున సరఫరా చేసినట్లు చూపిస్తున్నారనే ఆరోపణలు వినిపిస్తున్నాయి.ఈ  స్టోన్‌ డస్ట్‌ ఎక్కడి నుంచి వచ్చింది.. సరఫరా చేసిన సంస్థ ఏది.. దానికి సంబంధించిన రవాణా ఖర్చులు ఎవరు భరించారు.. అనే అంశాలను పరిశీలించాల్సి ఉంది.ఒక సంస్థ అందించిన మెటీరియల్‌ను మరో ప్రభుత్వ సంస్థకు సంబంధించిన పనుల్లో వినియోగించినట్లయితే, దానికి సంబంధించిన అనుమతులు, సరఫరా పత్రాలు, వినియోగ వివరాలు రికార్డుల్లో స్పష్టంగా ఉండాలి. అదే సమయంలో మున్సిపాలిటీ స్వయంగా కొనుగోలు చేసి వినియోగించినట్లయితే కొనుగోలు బిల్లులు, వాహనాల వివరాలు, స్టాక్‌ రిజిస్టర్‌, సరఫరా ధ్రువీకరణ పత్రాలు అందుబాటులో ఉండాలి. చెల్లింపుల కోసం ఏ అధికారి ఆమోదం తెలిపారు.?ఇదే తరహా ప్రశ్నలు గతంలో వినాయక చవితి నిమజ్జన ఏర్పాట్ల సందర్భంగా కూడా ఎదురయ్యాయని ఆరోపణలు వినిపిస్తున్నాయి. ఆ సమయంలో టెండర్‌ ప్రక్రియ లేకుండానే స్టోన్‌ డస్ట్‌ను వినియోగించారని, అండర్‌గ్రౌండ్‌ డ్రైనేజీ పనులకు సంబంధించిన సంస్థ మెటీరియల్‌ అందించినప్పటికీ మున్సిపల్‌ రికార్డుల్లో మున్సిపాలిటీ సరఫరా చేసినట్లు నమోదు చేశారనే వాదనలు ఉన్నాయి.నిమజ్జన ఏర్పాట్లకు సంబంధించి ఎలాంటి అంచనాలు రూపొందించారు? పనులకు ఎవరు అనుమతులు ఇచ్చారు? మెటీరియల్‌ ఎక్కడి నుంచి వచ్చింది? దాని ఖర్చును ఏ విభాగం భరించింది? సంబంధిత బిల్లులు ఎలా సిద్ధం చేశారు? అనే అంశాలను పరిశీలించాల్సి ఉంది. బతుకమ్మ, వినాయక నిమజ్జన ఏర్పాట్లకు సంబంధించిన రికార్డులను వేర్వేరుగా పరిశీలించడంతో పాటు, రెండు సందర్భాల్లోనూ స్టోన్‌ డస్ట్‌ సరఫరా వివరాలను పోల్చి చూస్తే ఆరోపణలకు సంబంధించిన వాస్తవాలు వెలుగులోకి వచ్చే అవకాశం ఉంది.పనులు నిర్వహించిన ముగ్గురు వ్యక్తులు లేదా సంస్థలు ఎవరన్నది, వారు ఏ హోదాలో లేదా ఏ కాంట్రాక్టు ప్రాతిపదికన పనులు చేపట్టారన్నది కూడా స్పష్టత రావాల్సిన అంశం. టెండర్‌లో పాల్గొన్న కాంట్రాక్టర్లే పనులు చేశారా లేక వేరే వ్యక్తులకు పనులు అప్పగించారా.. పనులు అప్పగించినట్లు అధికారిక ఉత్తర్వులు ఉన్నాయా.. ఉంటే వాటిని ఎప్పుడు జారీ చేశారు. అనే ప్రశ్నలకు రికార్డుల ఆధారంగా సమాధానం రావాలి.అలాగే పనులు ప్రారంభించే ముందు సంబంధిత ఇంజినీరింగ్‌ విభాగం అంచనాలు రూపొందించిందా..? పనుల పరిమాణాన్ని కొలిచిందా..? పనులు పూర్తయిన తర్వాత నాణ్యత, పరిమాణంపై ధ్రువీకరణ ఇచ్చిందా..? అనే వివరాలు కూడా పరిశీలించాల్సి ఉంది. పండుగల నిర్వహణ ప్రజలకు ఇబ్బందులు కలగకుండా, సకాలంలో ఏర్పాట్లు చేయడం మున్సిపాలిటీ బాధ్యత. అయితే ఆ పనుల నిర్వహణలో వర్తించే నిబంధనలు, ఆర్థిక క్రమశిక్షణ, రికార్డుల నిర్వహణ కూడా అంతే ముఖ్యం.పనులు చేపట్టాల్సిన వాటికి అనుమతులు, ఖర్చుల వివరాలు, పనులు అప్పగించిన విధానం స్పష్టంగా ఉండాలి.ఈ నేపథ్యంలో సూర్యాపేట మున్సిపల్‌ కమిషనర్‌, సంబంధిత ఇంజినీరింగ్‌ అధికారులు, ఉన్నతాధికారులు బతుకమ్మ, వినాయక నిమజ్జన ఏర్పాట్లకు సంబంధించిన టెండర్‌ రికార్డులు, వర్క్‌ఆర్డర్లు, స్టోన్‌ డస్ట్‌ సరఫరా వివరాలు, బిల్లులపై సమగ్ర పరిశీలన జరిపి వాస్తవాలను వెల్లడించాలని ప్రజలు కోరుతున్నారు.ప్రజాధనం ఖర్చు చేసే ప్రతి పనికి లెక్క ఉండాలి. పనులు ఎప్పుడు ప్రారంభమయ్యాయి, టెండర్లు ఎప్పుడు జరిగాయి, వర్క్‌ఆర్డర్లు ఎప్పుడు జారీ అయ్యాయి, మెటీరియల్‌ ఎవరు సరఫరా చేశారు, బిల్లులు ఎవరు ఆమోదించారు అనే ప్రశ్నలకు రికార్డులే సమాధానం చెప్పాలి. తేదీల్లో వ్యత్యాసాలు, సరఫరా వివరాల్లో తేడాలపై వస్తున్న ఆరోపణలకు అధికారిక వివరణ రావడం ద్వారా వాస్తవాలు వెలుగులోకి రావడంతో పాటు ప్రజల్లో నెలకొన్న సందేహాలు తొలగే అవకాశం ఉంది.

చిలుకూరు(  సూర్యాపేట ) : చిలుకూరు ప్రాథమిక సహకార సంఘం అమలు పనితీరును  ఆదర్శంగా తీసుకోవాలని సిటీఐ అధికారి సంపత్ కుమార్ అన్నారు. ఖమ్మం జిల్లాలోని సహకార సంఘాలలో పనిచేస్తున్న కార్య దర్శులకు, కంప్యూటర్ ఆపరేటర్లకు మూడు రోజుల  శిక్షణ కార్యక్రమంలో భాగంగా చిలుకూరు సహకార సంఘాన్ని క్షేత్రస్థాయిలో సందర్శించడం జరిగింది. ఈ సందర్భంగా ఖమ్మం...

ఎమ్మెల్సీ ఎన్నికల వేళ ఆసక్తికర చర్చ మళ్లీ కలిసేనా.. సర్వోత్తమ్‌,వేనారెడ్డి..? ఎన్నికలవేళ ఇద్దరి సమన్వయం పై ఆసక్తి.. విభేదాల నేపథ్యంలో సహకారం ఉంటుందా అని కాంగ్రెస్‌ శ్రేణుల్లో గుసగుసలు

ప్రారంభానికి నోచుకోని మరుగుదొడ్లు.. ప్రజలకు తప్పని ఇబ్బందులు.. పట్టించుకునేది ఎవరు..? వినియోగంలోకి రాకపోవడంతో ప్రజలకు తప్పని అవస్థలు

ఆయన ఆనందం కోసం... ఆ సందులో ఆకలి మంటలు. ఈ సందులో వ్యాపారాలన్నీ బంద్ చేయాలని ఓ ఆర్యవైశ్యుడి హుక్కుం. సొంత కార్యానికి చిరు వ్యాపారుల పొట్టకొట్టడంపై ఆవేదన. పెద్దపెద్ద కార్ల రాకపోకల కోసం వ్యాపారాలకు తాళాలు. కిరాయిలు కట్టలేక సతమతం.. ఒక్కరోజు బంద్‌తో మరింత భారం దుకాణాల బంద్‌పై అధికారిక ఆదేశాలు ఉన్నాయా. వ్యాపారుల ఉపాధికి భరోసా కల్పించాలని స్థానికుల విజ్ఞప్తి.

 చైర్‌పర్సన్ చెప్పినా.. కమిషనర్ పట్టించుకోరా..? పాత బావి సమస్యపై కమిషనర్ నిర్లక్ష్యమా..? ఫిర్యాదులు వెళ్లినా.. చర్యలు ఎక్కడ..? పాములు, దోమల బెడదతో కాలనీవాసుల ఆందోళన.. బావిని పూర్తిగా పూడ్చివేయాలని మహిళల ఆందోళన..

నకిలీ గుర్తింపు కార్డుల జారీపై ఆరోపణలు రూ.13 వేల వరకు వసూళ్లంటూ ప్రచారం మగ్గంతో సంబంధం లేని వారికి కార్డులా?  చేనేత జౌలి శాఖల చౌద్యం   అడిగినంత చిన్నవారికల్లా అడ్డదారిలో కార్డుల జారీ.. పింఛన్ దరఖాస్తులపై పెరుగుతున్న అనుమానాలు క్షేత్రస్థాయి తనిఖీలపై అధికారిక స్పష్టత కోరుతున్న చేనేత కార్మికులు

చింతలపాలెం (సూర్యాపేట) : ఎగువ ప్రాంతాల్లో గత రెండు రోజులుగా కురుస్తున్న వర్షాలతో కృష్ణా నదిలో స్వల్పంగా నీటి ప్రవాహం కొనసాగుతోంది. దీంతో పులిచింతల ప్రాజెక్టులోకి ఈ సీజన్‌లో తొలిసారిగా ఇన్‌ఫ్లో ప్రారంభమైంది. వర్షాల కోసం ఎదురుచూస్తున్న రైతులకు ఇది కొంత ఊరటనిచ్చింది. శుక్రవారం మధ్యాహ్నం 12 గంటల వరకు ప్రాజెక్టు పూర్తి స్థాయి నీటి...

పెన్ పహాడ్, ( సూర్యాపేట): నేటి ఆధునిక కాలంలో స్మార్ట్‌ఫోన్లు, ఓటీటీల హడావిడిలో పాతకాలపు మధురమైన సాంప్రదాయాలు మరుగైపోతున్నాయి. ఒకప్పుడు వినాయక చవితి నవరాత్రులొచ్చాయంటే చాలు, ఊర్లలోని వినాయక మండపాల వద్ద రాత్రిపూట తెరలు కట్టి సినిమాలు ప్రదర్శించేవారు. ఆ జ్ఞాపకాలను మళ్లీ కళ్లముందు సాక్షాత్కరింపజేస్తూ... సోమవారం రాత్రి మండల పరిధిలోని  అనంతరం గ్రామంలో ఒక...

పెన్ పహాడ్, ( సూర్యాపేట): మండల పరిధిలోని దుబ్బ తండ మండల పరిషత్ ప్రాథమిక పాఠశాల ఉపాధ్యాయులు అంతటి త్రివేధ గౌడ్ హైదరాబాద్‌లోని ఒక ప్రైవేట్ ఆసుపత్రిలో చికిత్స పొందుతూ మంగళవారం తెల్లవారుజామున కన్నుమూశారు. కొద్దిరోజుల క్రితం జరిగిన ఒక దాడి ఘటనలో ఆయన తీవ్రంగా గాయపడి ఆసుపత్రిలో చేరినట్లు తెలుస్తోంది. పరిస్థితి విషమించడంతో ఆయన...

చేనేత సహకార సంఘం డైరెక్టర్ యలగందుల సాయినేత.

హుజూర్‌నగర్, కోదాడకే పరిమితమైన ఉద్యోగ మేళాలు..  జిల్లా కేంద్రం యువతలో ఎదురుచూపులు.. జాబ్ మేళాలోనూ సూర్యాపేటకు మొండిచేయి..! అధికార పార్టీ ఎమ్మెల్యే లేకపోవడమే కారణమా..  రెండు నియోజకవర్గాల్లో నిర్వహణ.. జిల్లా కేంద్రం నిరుద్యోగులకు ఇంకా నిరీక్షణే..