కొంపల్లి: నూతనంగా ఏర్పాటు చేసిన ఎస్‌వీఎం గ్రాండ్ లక్సరి హోటల్  ప్రారంభోత్సవం ఘనంగా నిర్వహించారు. ఈ కార్యక్రమానికి ముఖ్య అతిథిగా విచ్చేసిన ఎమ్మెల్యే కేపీ వివేకానంద గౌడ్ హోటల్‌ను ప్రారంభించారు. ఈ సందర్భంగా ఎమ్మెల్యే కేపీ వివేకానంద గౌడ్ మాట్లాడుతూ, కొంపల్లి ప్రాంతం వేగంగా అభివృద్ధి చెందుతోందని, ఈ ప్రాంతంలో ఆధునిక వసతులతో కూడిన హోటళ్లు, ఫంక్షన్ వేదికలు అందుబాటులోకి రావడం సంతోషకరమని అన్నారు. ఇటువంటి సంస్థలు స్థానికంగా ఉపాధి అవకాశాలను పెంపొందించడంతో పాటు ప్రాంత అభివృద్ధికి దోహదపడతాయని పేర్కొన్నారు. ఎస్‌వీఎం గ్రాండ్  అతిథుల సౌకర్యార్థం ఆధునిక వసతులతో కూడిన రూమ్స్, ప్రత్యేక బాంక్వెట్ హాల్ అందుబాటులో ఉన్నాయి. కుటుంబ కార్యక్రమాలు, వివాహ వేడుకలు, పుట్టినరోజు వేడుకలు, సమావేశాలు, ఇతర శుభకార్యాలను నిర్వహించుకోవడానికి ఈ హోటల్ అనుకూలంగా ఉంటుందని నిర్వాహకులు తెలిపారు. ప్రారంభోత్సవ కార్యక్రమంలో స్థానిక ప్రజాప్రతినిధులు, ప్రముఖులు, ఆహ్వానితులు, స్నేహితులు పాల్గొని నూతన సంస్థ నిర్వాహకులకు శుభాకాంక్షలు తెలియజేశారు. కొంపల్లి ప్రాంతంలో ఆతిథ్య సేవలకు ఎస్‌వీఎం గ్రాండ్ లక్స్ మరింత గుర్తింపు తీసుకురావాలని వారు ఆకాంక్షించారు.

 తెలంగాణ రాజకీయాల్లో కీలకమైన పట్టభద్రుల ఎమ్మెల్సీ ఎన్నికలకు సంబంధించి ఊహించని పరిణామం చోటు చేసుకుంటోంది. గ్రాడ్యుయేట్ ఓటరు నమోదు ప్రక్రియలో గ్రాడ్యుయేట్ల నుండి ఆశించిన స్థాయిలో స్పందన రావడం లేదు. దీంతో రాజకీయ వర్గాల్లో తీవ్ర చర్చ మొదలైంది.10 లక్షల నుండి 5 లక్షలకు పడిపోయిన గ్రాఫ్:2021లో జరిగిన పట్టభద్రుల MLC ఎన్నికల సమయంలో రాష్ట్ర వ్యాప్తంగా మొత్తం 10.36 లక్షల మంది గ్రాడ్యుయేట్లు ఓటర్లుగా నమోదు చేసుకున్నారు. ఆ ఎన్నికలు రాష్ట్ర రాజకీయాల్లో పెద్ద హీట్ ను క్రియేట్ చేశాయి. కానీ ఈసారి పరిస్థితి పూర్తిగా భిన్నంగా ఉంది. ఈ ఏడాది ఇప్పటివరకు కేవలం 5.24 లక్షల మంది మాత్రమే దరఖాస్తు చేసుకున్నారు. అంటే గతంతో పోలిస్తే దాదాపు 50 శాతం దరఖాస్తులు తగ్గిపోయినట్లే.రెండు నియోజకవర్గాల లెక్కలు ఇలా:ప్రస్తుతం అందుతున్న సమాచారం ప్రకారం, అత్యంత కీలకమైన హైదరాబాద్-రంగారెడ్డి-మహబూబ్‌నగర్ (HYD-RR-MBNR) నియోజకవర్గానికి కేవలం 2.29 లక్షల దరఖాస్తులు మాత్రమే వచ్చాయి. అదే విధంగా వరంగల్-నల్గొండ-ఖమ్మం (WGL-NLG-KMM) నియోజకవర్గానికి 2.93 లక్షల దరఖాస్తులు వచ్చాయి.గడువు దగ్గర పడుతున్నా పెరగని సంఖ్య:నవంబర్ 6వ తేదీతో ఓటరు నమోదు గడువు ముగియనుంది. గడువు సమీపిస్తున్నా దరఖాస్తుల సంఖ్యలో పెద్దగా పెరుగుదల లేకపోవడం ఆందోళన కలిగిస్తోంది.కారణం ఏంటి?గ్రాడ్యుయేట్ ఓటరు నమోదుపై ఆశించిన స్థాయిలో ఆసక్తి కనిపించకపోవడానికి ప్రధాన కారణం ఎన్నికల సంఘం సరిగా ప్రచారం చేయకపోవడమేనని రాజకీయ విశ్లేషకులు అంటున్నారు. గతంలో మాదిరిగా కళాశాలలు, యూనివర్సిటీల్లో అవగాహన కార్యక్రమాలు జరగడం లేదని, ఆన్‌లైన్ ప్రక్రియపై సరైన అవగాహన లేకపోవడం వల్లే ఈ పరిస్థితి తలెత్తిందని చెబుతున్నారు. మరోవైపు గ్రాడ్యుయేట్లలో రాజకీయాలపై ఆసక్తి తగ్గిందా? అనే కోణంలో కూడా చర్చ జరుగుతోంది.

ప్రధానమంత్రి నరేంద్ర మోదీపై ఏఐసీసీ జాతీయ అధ్యక్షుడు మల్లికార్జున ఖర్గే చేసిన అనుచిత వ్యాఖ్యలను బీజేపీ తెలంగాణ రాష్ట్ర కార్యదర్శి భరత్ ప్రసాద్ పోతుగంటి తీవ్రంగా ఖండించారు. సోమవారం ఆయన ఒక ప్రకటన విడుదల చేశారు. రాజకీయ విమర్శల పేరుతో వ్యక్తిగత దూషణలకు దిగడం కాంగ్రెస్ పార్టీ దిగజారుడు రాజకీయాలకు నిదర్శనమని ఆయన ధ్వజమెత్తారు. ప్రజాస్వామ్యంలో విమర్శలు, ప్రతి విమర్శలు సహజమని, అయితే అవి విధానాలపై ఉండాలని, వ్యక్తిగత దూషణలుగా మారకూడదని హితవు పలికారు.రాజకీయాల్లో హుందాతనం పాటించాల్సిన బాధ్యత ప్రతి నాయకుడిపై ఉందని, ముఖ్యంగా జాతీయ పార్టీ అధ్యక్షుడిగా ఉన్న ఖర్గే లాంటి సీనియర్ నేత మాట్లాడేటప్పుడు మరింత బాధ్యతగా వ్యవహరించాలని సూచించారు. వ్యక్తిగత వ్యాఖ్యలతో రాజకీయ చర్చను దిగజార్చవద్దని, ప్రజా సమస్యలు, అభివృద్ధి, ఉపాధి అవకాశాలు, పాలనపై నిర్మాణాత్మక చర్చకు కాంగ్రెస్ ముందుకు రావాలని సవాల్ విసిరారు. వ్యక్తిగత ఆరోపణలు, అనుచిత వ్యాఖ్యలతో ప్రజల దృష్టిని మళ్లించే ప్రయత్నాలు ప్రజలు గమనిస్తున్నారని, ఇటువంటి చర్యలు సరికాదన్నారు. ప్రధాని మోదీపై చేసిన అనుచిత వ్యాఖ్యలను భారతీయ జనతా పార్టీ ప్రజాస్వామ్యబద్ధంగా తీవ్రంగా ప్రతిఘటిస్తుందని హెచ్చరించారు. ఖర్గే తన వ్యాఖ్యలను తక్షణమే ఉపసంహరించుకుని, బహిరంగ క్షమాపణ చెప్పాలని భరత్ ప్రసాద్ డిమాండ్ చేశారు. రాజకీయ నాయకులు తమ మాటలతో, చేతలతో సమాజానికి ఆదర్శంగా నిలవాలని ఆకాంక్షించారు.

  హైదరాబాద్ : ప్రముఖ ఆభరణాల సంస్థ జోయాలుక్కాస్ హైదరాబాద్‌లోని వనస్థలిపురం షోరూమ్‌లో ‘బ్రిలియన్స్ డైమండ్ జ్యువెలరీ షో’ను ప్రారంభించనుంది. అక్టోబర్ 23 నుంచి నవంబర్ 8 వరకు నిర్వహించే ఈ ప్రత్యేక ప్రదర్శనలో సంప్రదాయ కళాత్మకత, ఆధునిక డిజైన్ల కలయికతో రూపొందించిన వజ్రాభరణాలను అందుబాటులో ఉంచనుంది. పెళ్లిళ్లకు ప్రత్యేకంగా రూపొందించిన ఆకర్షణీయమైన వజ్రాభరణాల సెట్లతో పాటు రోజువారీ వినియోగానికి అనువైన సమకాలీన డిజైన్లను ఈ ప్రదర్శనలో చూడవచ్చు. నైపుణ్యంతో రూపొందించిన ప్రత్యేక ఆభరణాలను పరిమిత కాలం పాటు మాత్రమే అందుబాటులో ఉంచనున్నట్లు సంస్థ తెలిపింది. జోయాలుక్కాస్ గ్రూప్ చైర్మన్, మేనేజింగ్ డైరెక్టర్ డాక్టర్ జాయ్ అలుక్కాస్ మాట్లాడుతూ.. వజ్రాల శాశ్వత ఆకర్షణకు, ఆభరణాల రూపకల్పనలో తమ నైపుణ్యానికి ప్రతీకగా ‘బ్రిలియన్స్ డైమండ్ జ్యువెలరీ షో’ను నిర్వహిస్తున్నట్లు తెలిపారు. జోయాలుక్కాస్ ప్రయాణంలో హైదరాబాద్‌కు ప్రత్యేక స్థానం ఉందని, పండుగ సీజన్‌ల

రాష్ట్రవ్యాప్తంగా సమృద్ధిగా వర్షాలు కురిసి, జలాశయాలు నిండాలని, ప్రజలు సుఖసంతోషాలతో ఉండాలని ఆకాంక్షిస్తూ అంబర్‌పేటలోని శ్రీ మహంకాళి అమ్మవారి దేవాలయంలో మూడు రోజుల పాటు శ్రీ వనదుర్గ మహా రుద్ర యాగం, వరుణ యాగం నిర్వహించారు. ప్రభుత్వ సలహాదారు, కాంగ్రెస్ నేత వి. హనుమంతరావు ఆధ్వర్యంలో ఈ యాగాలను చేపట్టారు. ఈ సందర్భంగా వి. హనుమంతరావు మాట్లాడుతూ.. రాష్ట్రంలో సకాలంలో వర్షాలు కురిసి రైతులకు మేలు జరగాలని, పంటలు సమృద్ధిగా పండాలని వరుణ దేవుడిని ప్రార్థించినట్లు తెలిపారు. జలాశయాలు నిండటంతో పాటు ప్రజలకు తాగునీటి ఇబ్బందులు తొలగి, రాష్ట్రం సుభిక్షంగా ఉండాలనే సంకల్పంతో యాగాలు నిర్వహించినట్లు పేర్కొన్నారు. ప్రజలందరూ సుఖసంతోషాలతో, ఆయురారోగ్యాలతో ఉండాలని శ్రీ మహంకాళి అమ్మవారిని ప్రార్థించినట్లు తెలిపారు. లోకకల్యాణం, రాష్ట్ర సుభిక్షం కోసం ఈ ఆధ్యాత్మిక కార్యక్రమాలను నిర్వహించినట్లు వెల్లడించారు.

పేలుడు ధాటికి మంటలు చెలరేగడంతో బాధితుడు కాలిన గాయాలతో బయటకు వచ్చాడు. వెంటనే స్పందించిన స్థానికులు అతడిని చికిత్స నిమిత్తం గాంధీ ఆసుపత్రికి తరలించారు. సమాచారం అందుకున్న అగ్నిమాపక సిబ్బంది రెండు ఫైర్ ఇంజన్లతో ఘటనా స్థలానికి చేరుకున్నారు. తీవ్రంగా వ్యాపించిన మంటలను శ్రమించి అదుపులోకి తీసుకొచ్చారు. అయితే స్క్రాప్ దుకాణంలో పేలుడు సంభవించడానికి గల కారణాలు ఇంకా తెలియరాలేదు. ఘటనకు సంబంధించి పూర్తి వివరాలు తెలియాల్సి ఉంది.

పట్టణంలో గ్రాడ్యుయేట్ ఓటరు నమోదు కార్యక్రమంపై మాజీ ఎమ్మెల్యే గండ్ర వెంకట రమణా రెడ్డి  గల్లీ గల్లీ తిరుగుతూ అవగాహన కల్పించారు.స్థానిక జయశంకర్ పార్కులో వాకర్స్‌ను, మున్సిపాలిటీ పరిధిలోని 16, 17, 29వ వార్డులు సుభాష్ కాలనీలో ఇంటింటికీ వెళ్లి అర్హులైన పట్టభద్రులందరూ వెంటనే గ్రాడ్యుయేట్ ఓటరుగా నమోదు చేసుకోవాలని కోరారు.అర్హులైన ప్రతి పట్టభద్రుడు ఓటరుగా నమోదు చేసుకొని, ప్రజాస్వామ్యంలో తన ఓటు హక్కును సద్వినియోగం చేసుకోవాలని ఈ సందర్బంగా కోరారు.

 హైదరాబాద్: క్యూర్ (CORE Urban Region) పరిధిలో లక్ష ఇళ్ల నిర్మాణమే లక్ష్యంగా ప్రభుత్వం ముందుకు సాగుతోందని రాష్ట్ర రెవెన్యూ, హౌసింగ్, సమాచార పౌరసంబంధాల శాఖల మంత్రి పొంగులేటి శ్రీనివాసరెడ్డి తెలిపారు. పేదల ఉపాధికి ఎలాంటి ఆటంకం కలగకుండా, వారు ప్రస్తుతం నివసిస్తున్న ప్రాంతాలకు సమీపంలోనే ఇందిరమ్మ ఇళ్లు నిర్మించి అందించాలన్నదే ప్రభుత్వ లక్ష్యమని స్పష్టం చేశారు. ఇందిరమ్మ టవర్స్ నిర్మాణానికి అవసరమైన భూములను యుద్ధప్రాతిపదికన గుర్తించాలని అధికారులను ఆదేశించారు. శుక్రవారం డాక్టర్ బీఆర్ అంబేద్కర్ సచివాలయంలో హైదరాబాద్, రంగారెడ్డి, మేడ్చల్–మల్కాజిగిరి జిల్లాల కలెక్టర్లు, ఆర్డీవోలు, హౌసింగ్ శాఖ అధికారులతో మంత్రి సమీక్ష నిర్వహించారు. ఇందిరమ్మ టవర్స్ నిర్మాణం, తదుపరి విడతలకు అవసరమైన భూముల గుర్తింపు, డబుల్ బెడ్‌రూమ్ ఇళ్ల లబ్ధిదారుల ఎంపిక తదితర అంశాలపై చర్చించారు. ఈ సమావేశంలో రెవెన్యూ శాఖ కార్యదర్శి డి.ఎస్. లోకేష్ కుమార్, హౌసింగ్ శాఖ కార్యదర్శి వి.పి. గౌతమ్ తదితరులు పాల్గొన్నారు.మూడు విడతల్లో లక్ష ఇళ్ల నిర్మాణం* క్యూర్ పరిధిలో మొత్తం లక్ష ఇళ్ల నిర్మాణాన్ని లక్ష్యంగా పెట్టుకున్నట్లు మంత్రి తెలిపారు. మొదటి విడతలో ప్రతి నియోజకవర్గానికి సుమారు 500 ఇళ్ల చొప్పున నిర్మాణాలు చేపడుతున్నట్లు వెల్లడించారు. మొదటి విడత నిర్మాణాలకు అవసరమైన స్థలాల గుర్తింపును వేగవంతం చేయడంతో పాటు, రెండో, మూడో విడతల్లో చేపట్టే నిర్మాణాలకు కూడా ముందుగానే భూములను గుర్తించి సిద్ధంగా ఉంచాలని కలెక్టర్లను ఆదేశించారు.ఇళ్ల నిర్మాణానికి అనువైన స్థలాల ఎంపికలో భూముల లభ్యత, ఇతర సాంకేతిక అంశాలను పరిశీలించాలని సూచించారు. ప్రభుత్వ భూములను పరిరక్షిస్తూ, నిర్మాణాలకు అవసరమైన భూములను గుర్తించాలని స్పష్టం చేశారు. భూముల గుర్తింపు నుంచి నిర్మాణాల ప్రారంభం వరకు నిర్దిష్ట కార్యాచరణ ప్రణాళికతో అధికారులు సమన్వయంతో పనిచేయాలని తెలిపారు. డబుల్ బెడ్‌రూమ్ ఇళ్ల ఎంపికలో పారదర్శకత హైదరాబాద్, రంగారెడ్డి, మేడ్చల్–మల్కాజిగిరి జిల్లాల్లో డబుల్ బెడ్‌రూమ్ ఇళ్ల లబ్ధిదారుల ఎంపిక ప్రక్రియను ఈ నెలాఖరులోగా పూర్తి చేయాలని మంత్రి అధికారులను ఆదేశించారు. అర్హులైన వారికి న్యాయం జరిగేలా ఎంపిక ప్రక్రియను పారదర్శకంగా నిర్వహించాలని సూచించారు.హౌసింగ్ కార్పొరేషన్ రూపొందించిన ప్రత్యేక సాఫ్ట్‌వేర్‌ను ఉపయోగించి లబ్ధిదారుల ఎంపిక కోసం ఆన్‌లైన్ డ్రా నిర్వహించాలని తెలిపారు. మూడు జిల్లాల్లోనూ ఒకే విధానాన్ని అనుసరించి, లబ్ధిదారుల వివరాలను సాఫ్ట్‌వేర్‌లో నమోదు చేయడం ద్వారా ఎంపిక ప్రక్రియను పారదర్శకంగా చేపట్టాలని ఆదేశించారు.యూట్యూబ్‌లో ఎప్పుడైనా వివరాలు చూసుకునే అవకాశండబుల్ బెడ్‌రూమ్ ఇళ్ల లబ్ధిదారుల ఎంపిక డ్రాను ప్రత్యక్ష ప్రసారం చేసేలా ఏర్పాట్లు చేయాలని మంత్రి సూచించారు. ప్రత్యక్షంగా వీక్షించలేని వారు సైతం యూట్యూబ్‌లో డ్రాకు సంబంధించిన వివరాలను ఎప్పుడైనా పరిశీలించుకునే అవకాశం కల్పించాలని తెలిపారు. తద్వారా లబ్ధిదారులు తమ పేర్లు ఎంపిక జాబితాలో ఉన్నాయో లేదో తెలుసుకోవచ్చని వివరించారు.పేదలకు సొంత ఇల్లు అందించడమే లక్ష్యంముఖ్యమంత్రి రేవంత్ రెడ్డి ఆలోచనలకు అనుగుణంగా పేదల జీవనోపాధికి ఇబ్బందులు కలగకుండా, వారు నివసిస్తున్న ప్రాంతాలకు సమీపంలోనే ఇళ్లు నిర్మించి అందించేందుకు ప్రభుత్వం ఇందిరమ్మ టవర్స్ కార్యక్రమాన్ని చేపట్టిందని పొంగులేటి శ్రీనివాసరెడ్డి తెలిపారు. నియోజకవర్గాన్ని ఒక యూనిట్‌గా తీసుకొని కార్యక్రమాన్ని అమలు చేస్తున్నట్లు పేర్కొన్నారు.పేదలకు సొంత ఇంటి సౌకర్యం కల్పించేందుకు అధికారులు పూర్తి బాధ్యతతో పనిచేయాలని, భూముల గుర్తింపు, లబ్ధిదారుల ఎంపిక, నిర్మాణాల ప్రణాళిక వంటి ప్రతి అంశాన్ని నిరంతరం పర్యవేక్షించాలని మంత్రి ఆదేశించారు.

హైదరాబాద్:ముదిరాజ్‌ సమాజం ఐక్యంగా ముందుకు సాగినప్పుడే రాజకీయ సాధికారత సాధ్యమవుతుందని శక్తి, గనుల శాఖ మంత్రి వివేక్‌ వెంకటస్వామి అన్నారు. బలహీన వర్గాల ఐక్యతను దెబ్బతీసే విభజన రాజకీయాల పట్ల అప్రమత్తంగా ఉండాలని పిలుపునిచ్చారు. తెలంగాణ సాయుధ పోరాట యోధుడు పండుగ సాయన్న 174వ జయంతి ఉత్సవాల్లో గురువారం పాల్గొన్న మంత్రి ఈ మేరకు ప్రసంగించారు.కాంగ్రెస్‌ ప్రజా ప్రభుత్వం అధికారంలోకి వచ్చిన తర్వాత ముదిరాజ్‌ సమాజానికి ముఖ్యమంత్రి రేవంత్‌రెడ్డి ప్రాధాన్యత కల్పిస్తున్నారని మంత్రి తెలిపారు. భవిష్యత్తులోనూ ముదిరాజ్‌ సమాజానికి మరిన్ని కీలక పదవులు, అవకాశాలు కల్పిస్తామని హామీ ఇచ్చారు.చెన్నూరు నియోజకవర్గంలో ముదిరాజ్‌ సోదరుల సంక్షేమానికి ప్రత్యేక ప్రాధాన్యత ఇస్తున్నామని వివేక్‌ వెంకటస్వామి వెల్లడించారు. గత మున్సిపల్‌ ఎన్నికల్లో 16 వార్డులకు గాను ముగ్గురు ముదిరాజ్‌ అభ్యర్థులకు టికెట్లు కేటాయించి, వారిని గెలిపించుకున్నామని చెప్పారు. ముదిరాజ్‌ సమాజం చిరకాలంగా కోరుతున్న భవన్‌ నిర్మాణానికి రూ.50 లక్షలు మంజూరు చేశామని, పనులు వేగంగా జరుగుతున్నాయని తెలిపారు. మరో రెండు, మూడు నెలల్లో భవన నిర్మాణం పూర్తవుతుందని, ప్రారంభోత్సవానికి ముదిరాజ్‌ సోదరులు పెద్ద సంఖ్యలో హాజరుకావాలని ఆహ్వానించారు.ముదిరాజ్‌ సమాజానికి జన బలం ఉందని, దానిని ఐక్యతతో రాజకీయ బలంగా మలచుకోవాలని మంత్రి సూచించారు. బలహీన వర్గాల్లో చీలికలు సృష్టించి, వారిని వేర్వేరు వర్గాలుగా విడదీసి బలహీనపరిచేందుకు కొన్ని శక్తులు ప్రయత్నిస్తుంటాయని అన్నారు. ఇలాంటి విభజన రాజకీయాలను తిప్పికొట్టాలని పిలుపునిచ్చారు.ముదిరాజ్‌ సమాజమంతా ఒకే లక్ష్యంతో ఐక్యంగా ముందుకు సాగినప్పుడే తమ హక్కులను సాధించుకోవడంతో పాటు ప్రజాస్వామ్యంలో తగిన గౌరవం, రాజకీయ ప్రాతినిధ్యం పొందగలుగుతారని మంత్రి వివేక్‌ వెంకటస్వామి పేర్కొన్నారు.

హైదరాబాద్: రాజకీయ వైరుధ్యాలను పక్కనబెట్టి, అన్ని పార్టీల నాయకులను ఒకే వేదికపైకి తీసుకొచ్చి ప్రేమానురాగాలు, ఆత్మీయతను చాటిచెప్పే గొప్ప సంప్రదాయం ‘అలయ్ బలయ్’ అని శక్తి, గనుల శాఖ మంత్రి వివేక్ వెంకటస్వామి అన్నారు. బండారు దత్తాత్రేయ ఏటా దసరా పండుగ సందర్భంగా ప్రతిష్ఠాత్మకంగా నిర్వహించే అలయ్ బలయ్ కార్యక్రమంలో ఆయన పాల్గొన్నారు.ఈ సందర్భంగా మంత్రి మాట్లాడుతూ.. దసరా పండుగ సమాజానికి అందించే స్నేహం, ఐక్యత సందేశాలను అలయ్ బలయ్ కార్యక్రమం ద్వారా దత్తాత్రేయ చాటిచెబుతున్నారని అన్నారు. రాజకీయాల్లో పార్టీలు, సిద్ధాంతాలు వేరైనా అందరినీ ఒకే వేదికపైకి తీసుకొచ్చి పరస్పరం కలుసుకునే గొప్ప అవకాశం ఈ కార్యక్రమం కల్పిస్తోందని పేర్కొన్నారు.ఎంత బిజీగా ఉన్నప్పటికీ అలయ్ బలయ్ కార్యక్రమానికి తప్పకుండా హాజరవుతానని వివేక్ వెంకటస్వామి స్పష్టం చేశారు. అన్ని రాజకీయ పార్టీల ముఖ్య నాయకులు, సన్నిహితులు, బంధువులు ఒకే వేదికపై కలుసుకోవడం ఈ కార్యక్రమ ప్రత్యేకత అని అన్నారు.రాజకీయ నాయకుల మధ్య ఉండాల్సింది శత్రుభావం కాదని, ప్రజల కోసం పనిచేస్తూనే పరస్పర గౌరవం, స్నేహభావంతో మెలగాలని ఈ వేదిక గుర్తుచేస్తోందని మంత్రి తెలిపారు. ఈ విధమైన ‘దోస్తానా’ సంస్కృతి ప్రతి ఒక్కరిలోనూ, ముఖ్యంగా రాజకీయ నాయకుల్లో ఉండాల్సిన అవసరం ఉందన్నారు. ఇలాంటి ఆత్మీయ వాతావరణం సమాజంలోసామరస్యాన్ని పెంపొందించేందుకు దోహదపడుతుందని పేర్కొన్నారు.తెలంగాణ సంస్కృతి,సామరస్యానికి ప్రతీకగా నిలిచే అలయ్ బలయ్ కార్యక్రమం ప్రతి ఏటా మరింత ఉత్సాహంగా, విజయవంతంగా కొనసాగాలని మంత్రి ఆకాంక్షించారు. కార్యక్రమ నిర్వాహకులకు, బండారు దత్తాత్రేయకురు. ప్రత్యేక అభినందనలు తెలిపా

హైదరాబాద్: తెలంగాణలో లగ్జరీ కార్ల వినియోగదారులకు మరింత మెరుగైన సేవలు అందించడమే లక్ష్యంగా కృష్ణ ఆటోమోటివ్ తన కార్యకలాపాలను విస్తరించింది. హైదరాబాద్‌లో బీఎండబ్ల్యే అధీకృత డీలర్ భాగస్వామిగా ఉన్న కృష్ణ ఆటోమోటివ్.. ఆధునిక సర్వీస్ వర్క్‌షాప్‌తో పాటు ప్రత్యేక బీఎండబ్ల్యే ప్రీమియం సెలెక్షన్ (BPS) కేంద్రాన్ని ప్రారంభించింది. దీంతో వినియోగదారులకు కొత్త బీఎండబ్ల్యే కార్ల కొనుగోలు, ధ్రువీకరించిన ప్రీ-ఓన్డ్ వాహనాల ఎంపిక, నాణ్యమైన ఆఫ్టర్ సేల్స్ సేవలు ఒకే సంస్థ ద్వారా అందుబాటులోకి వచ్చాయి.హైదరాబాద్‌లో కృష్ణ ఆటోమోటివ్ కార్యకలాపాలకు గచ్చిబౌలిలోని రిటైల్.నెక్స్ట్ (Retail.NEXT) షోరూమ్ ప్రధాన కేంద్రంగా ఉంది. బీఎండబ్ల్యే గ్రూప్ ఆధునిక రిటైల్ విధానానికి అనుగుణంగా ఈ షోరూమ్‌ను రూపొందించారు. తాజాగా ప్రారంభించిన సర్వీస్ వర్క్‌షాప్, బీఎండబ్ల్యే ప్రీమియం సెలెక్షన్ కేంద్రాలతో కలిసి వినియోగదారులకు సమగ్ర సేవలు అందించనుంది. ఆధునిక నిర్మాణ శైలి, డిజిటల్ సదుపాయాలు, ఆకర్షణీయమైన డిజైన్‌తో ఈ కేంద్రాలను ఏర్పాటు చేశారు. ప్రీమియం వాహన కొనుగోలు, నిర్వహణలో వ్యక్తిగత అనుభవాన్ని అందించడమే లక్ష్యంగా ఈ సదుపాయాలను అభివృద్ధి చేశారు.ఈ సందర్భంగా బీఎండబ్ల్యే గ్రూప్ ఇండియా ప్రెసిడెంట్, సీఈఓ హర్దీప్ సింగ్ బ్రార్ మాట్లాడుతూ.. తెలంగాణలోని లగ్జరీ ఆటోమొబైల్ విభాగంలో అగ్రస్థానంలో ఉన్న బీఎండబ్ల్యే గ్రూప్ ఇండియా, వాహన యాజమాన్యంలోని ప్రతి దశలోనూ అత్యుత్తమ అనుభవాన్ని అందించేందుకు కట్టుబడి ఉందన్నారు. హైదరాబాద్‌లో లగ్జరీ కార్ల మార్కెట్ వేగంగా అభివృద్ధి చెందుతోందని, ఇక్కడి వినియోగదారులు పనితీరు, సాంకేతికత, వ్యక్తిగత సేవలకు ప్రాధాన్యత ఇస్తున్నారని పేర్కొన్నారు.రిటైల్.నెక్స్ట్ షోరూమ్‌కు తోడుగా కొత్త సర్వీస్ వర్క్‌షాప్, బీఎండబ్ల్యే ప్రీమియం సెలెక్షన్ కేంద్రం అందుబాటులోకి రావడంతో వినియోగదారులకు మరిన్ని ఎంపికలు, సౌకర్యాలు లభిస్తాయని తెలిపారు. కొత్త బీఎండబ్ల్యే లేదా ధ్రువీకరించిన ప్రీ-ఓన్డ్ కారును కొనుగోలు చేయడం నుంచి నమ్మకమైన ఆఫ్టర్ సేల్స్ సేవలను పొందడం వరకు అన్ని సేవలు మరింత సులభతరం అవుతాయని చెప్పారు. తెలంగాణలో వినియోగదారులతో దీర్ఘకాలిక సంబంధాలను బలోపేతం చేసేందుకు ఈ విస్తరణ దోహదపడుతుందని వెల్లడించారు.కృష్ణ ఆటోమోటివ్ డీలర్ ప్రిన్సిపల్ సచిత్ పస్సీ మాట్లాడుతూ.. ఈ ప్రాంత వినియోగదారుల ఆకాంక్షలను అర్థం చేసుకుంటూ బీఎండబ్ల్యే గ్రూప్ ఇండియాతో తమ ప్రయాణం కొనసాగుతోందన్నారు. ఇప్పటికే ఉన్న విక్రయ కేంద్రాలకు బీఎండబ్ల్యే ప్రీమియం సెలెక్షన్, అత్యాధునిక సర్వీస్ వర్క్‌షాప్‌ను జోడించడం కీలక ముందడుగని పేర్కొన్నారు. అధునాతన వర్క్‌షాప్ సదుపాయాలతో పాటు ప్రత్యేక శిక్షణ పొందిన సిబ్బంది అందుబాటులో ఉన్నారని, పారదర్శకత, శ్రద్ధ, వ్యక్తిగత సేవలతో బీఎండబ్ల్యే వినియోగదారులకు వాహన యాజమాన్యంలోని ప్రతి దశలోనూ సహకారం అందిస్తామని తెలిపారు. హైదరాబాద్‌లో తమ కార్యకలాపాలను మరింత విస్తరించడం, తెలంగాణలో పెరుగుతున్న బీఎండబ్ల్యే వినియోగదారులకు సేవలందించడం గర్వంగా ఉందన్నారు.గచ్చిబౌలిలో రిటైల్.నెక్స్ట్ షోరూమ్*హైదరాబాద్‌లోని గచ్చిబౌలి, మాధవ రెడ్డి కాలనీలో మహావీర్ గేట్‌వే వద్ద కృష్ణ ఆటోమోటివ్ రిటైల్.నెక్స్ట్ షోరూమ్ ఉంది. 5,600 చదరపు అడుగులకు పైగా విస్తీర్ణంలో ఉన్న ఈ షోరూమ్‌లో ఒకే చోట ఆరు బీఎండబ్ల్యే కార్లతో పాటు లైఫ్‌స్టైల్ ఉత్పత్తులను ప్రదర్శిస్తున్నారు.*బాలానగర్‌లో సర్వీస్ వర్క్‌షాప్, ప్రీమియం సెలెక్షన్ కేంద్రం*బాలానగర్‌లోని ఇండస్ట్రియల్ డెవలప్‌మెంట్ ఏరియా రోడ్, 29/A వద్ద 19,300 చదరపు అడుగులకు పైగా విస్తీర్ణంలో ఈ కేంద్రాన్ని ఏర్పాటు చేశారు. బీఎండబ్ల్యే ప్రీమియం సెలెక్షన్ షోరూమ్‌లో రెండు ప్రీ-ఓన్డ్ వాహనాలను ప్రదర్శించే సదుపాయం ఉంది. దీనికి అనుబంధంగా పూర్తిస్థాయి బీఎండబ్ల్యే సర్వీస్ వర్క్‌షాప్‌ను ఏర్పాటు చేశారు.ఈ వర్క్‌షాప్‌లో మొత్తం 15 సర్వీస్ బేలు ఉన్నాయి. వీటిలో రెండు ఆర్‌ఏటీసీ బేలు, 10 మెకానికల్, ఎలక్ట్రికల్ బేలు, మూడు బాడీ అండ్ పెయింట్ బేలు ఉన్నాయి. వాహనాల నిర్వహణ, మరమ్మతులు, సమగ్ర ఆఫ్టర్ సేల్స్ సేవలు అందించేందుకు ఈ వర్క్‌షాప్‌ను రూపొందించారు. వినియోగదారుల అనుభవాన్ని మరింత మెరుగుపరిచేందుకు ప్రత్యేక లైఫ్‌స్టైల్ విభాగాన్ని కూడా ఏర్పాటు చేశారు.బీఎండబ్ల్యే ప్రీమియం సెలెక్షన్, ఆఫ్టర్ సేల్స్ సేవలు ఒకే ప్రాంగణంలో అందుబాటులో ఉండటంతో వినియోగదారులు తమ అవసరాలకు అనుగుణంగా సమగ్ర సేవలను ఒకే చోట పొందవచ్చు.కృష్ణ ఆటోమోటివ్ బీఎండబ్ల్యే గ్రూప్ ఇండియాకు చండీగఢ్, లూధియానాలో కూడా విక్రయాలు, సర్వీస్ కేంద్రాల ద్వారా ప్రాతినిధ్యం వహిస్తోంది. దీంతో బీఎండబ్ల్యే గ్రూప్ ఇండియాతో సంస్థ అనుబంధం మరింత బలోపేతమైంది.

హైదరాబాద్: రామంతాపూర్‌లోని సీడీటీఐ (CDTI) పరిసరాల్లో మల్కాజిగిరి పోలీసులు నిర్వహించిన మాక్ డ్రిల్‌లో భద్రతా ఏర్పాట్లు, పోలీసుల అప్రమత్తత, అత్యవసర పరిస్థితుల్లో స్పందించే సామర్థ్యాన్ని అధికారులు పరిశీలించారు. ఏదైనా ముప్పు ఎదురైనప్పుడు సంబంధిత సిబ్బంది ఎంత వేగంగా స్పందిస్తున్నారు, భద్రతా చర్యలను ఎంత సమర్థవంతంగా అమలు చేస్తున్నారు అనే అంశాలను అంచనా వేశారు.మాక్ డ్రిల్‌లో భాగంగా కీలక ప్రాంతాల్లో భద్రతను నిరంతరం పర్యవేక్షించడం, అనుమానాస్పద పరిస్థితులను గుర్తించి తక్షణ చర్యలు చేపట్టడం, అత్యవసర సమయాల్లో సమన్వయంతో వ్యవహరించడం వంటి అంశాలపై పోలీసులకు అవగాహన కల్పించారు. ముప్పును గుర్తించిన వెంటనే అప్రమత్తమై, పరిస్థితిని అదుపులోకి తీసుకునేందుకు అవసరమైన చర్యలు చేపట్టే విధానాలను పరిశీలించారు.భద్రతా వ్యవస్థలో ఉన్న లోపాలను గుర్తించి అవసరమైన మార్పులు చేపట్టడంతో పాటు, ఎలాంటి ముప్పునైనా సమర్థవంతంగా ఎదుర్కొనేందుకు పోలీసు సిబ్బందిని మరింత సన్నద్ధం చేయడమే మాక్ డ్రిల్ ప్రధాన ఉద్దేశమని అధికారులు తెలిపారు