నల్లబెల్లి : మండలంలోని అర్షణపల్లి గ్రామ శివారులో భూముల రీ-సర్వేప్రక్రియను రెవెన్యూ అధికారులు చేపట్టారు.భూములహద్దులు, విస్తీర్ణం, యాజమాన్య వివరాలను క్షేత్రస్థాయిలో పరిశీలిస్తూ రీ-సర్వేనిర్వహించారు.ఈ సందర్భంగా అధికారులు రైతుల సమక్షంలో భూముల వివరాలను పరిశీలించి, హద్దులను గుర్తించారు. భవిష్యత్‌లో భూ సంబంధిత సమస్యలు తలెత్తకుండా రీ-సర్వే ద్వారా భూ వివరాలను పక్కాగా నమోదు చేస్తున్నట్లు తెలిపారు. రైతులు తమ భూములకు సంబంధించిన వివరాలను పరిశీలించి, ఏవైనా అభ్యంతరాలు లేదా తప్పులు ఉంటే అధికారుల దృష్టికి తీసుకురావాలని సూచించారు.కార్యక్రమంలో జిపిఓ క్రాంతి కుమార్, ఆర్‌ఐ సంపత్‌తో పాటు రెవెన్యూ సిబ్బంది, స్థానిక రైతులు పాల్గొన్నారు. రీ-సర్వే ప్రక్రియను పారదర్శకంగా నిర్వహించేందుకు రైతులు అధికారులకు సహకరించాలని అధికారులు కోరారు.

 మండలంలో నెలకొన్న తీవ్ర వర్షాభావ పరిస్థితుల నేపథ్యంలో నల్లబెల్లి మండలాన్ని కరువు మండలంగా ప్రకటించాలని సీపీఐ వరంగల్ జిల్లా కౌన్సిల్ సభ్యుడు చింతకింది కుమారస్వామి కోరారు. సోమవారం నల్లబెల్లి మండల ప్రజాపరిషత్ కార్యాలయంలో నిర్వహించిన ప్రజావాణి కార్యక్రమంలో మండల సహాయ కార్యదర్శి కడియాల క్రాంతికుమార్‌తో కలిసి అధికారులకు మెమోరాండం సమర్పించారు.వర్షాభావంతో ఆహార, వాణిజ్య పంటల సాగు విస్తీర్ణం గణనీయంగా తగ్గిందని, సాగు చేసిన పంటలకు సరిపడా నీరు అందక కొన్ని పంటలు ఎండిపోతున్నాయని తెలిపారు. రానున్న రోజుల్లో తాగునీటి ఎద్దడి కూడా తీవ్రమయ్యే ప్రమాదం ఉందని ఆందోళన వ్యక్తం చేశారు.అక్టోబర్ 31న రాష్ట్రంలోని కరువు ప్రభావిత ప్రాంతాల జాబితాను కేంద్ర ప్రభుత్వానికి పంపనున్నట్లు వస్తున్న వార్తల నేపథ్యంలో, ఆ నివేదికలో నల్లబెల్లి మండలాన్ని చేర్చాలని కోరారు. ఇందుకు అవసరమైన సమగ్ర సమాచారాన్ని సేకరించి జిల్లా కలెక్టర్ ద్వారా రాష్ట్ర ప్రభుత్వానికి నివేదిక పంపేలా మండల అధికారులు చర్యలు తీసుకోవాలని విజ్ఞప్తి చేశారు.కేంద్ర, రాష్ట్ర ప్రభుత్వాలు కరువు పరిస్థితులపై ప్రత్యేక దృష్టి సారించి రైతాంగాన్ని ఆదుకోవడంతోపాటు ప్రజల కనీస అవసరాలకు అనుగుణంగా ప్రణాళికాబద్ధంగా సహాయ సహకారాలు అందించాలని  కోరారు.

ఇంట్లో ప్రమాదవశాత్తు విద్యుతాఘాతంతో ఓ వ్యక్తి దుర్మరణం పాలైన విషాదకర ఘటన వరంగల్ జిల్లా రాయపర్తి మండలంలో చోటుచేసుకుంది.స్థానికులు తెలిపిన వివరాల ప్రకారం.. ఊకల్లు గ్రామానికి చెందిన నర్రా దేవేందర్(50) చేపలు పడుతూ జీవనం సాగిస్తున్నాడు.శుక్రవారం రాత్రి ఇంటి రేకులకు విద్యుత్ ప్రవాహం (కరెంట్) సరఫరా అవుతున్న విషయాన్ని గమనించకపోవడంతో,ప్రమాదవశాత్తు వాటిని తాకి విద్యుత్ షాక్ కు గురై కిందపడిపోయాడు. గమనించిన కుటుంబ సభ్యులు వెంటనే విద్యుత్ సరఫరాను నిలిపివేసి,స్థానికుల సహాయంతో అతడిని వర్ధన్నపేట ప్రభుత్వ ఆసుపత్రికి తరలించారు.అయితే,అప్పటికే అతడు మృతి చెందినట్లు పరీక్షించిన వైద్యులు ధ్రువీకరించారు.దింతో ఆయన మృతితో గ్రామంలో తీవ్ర విషాద ఛాయలు అలుముకున్నాయి.మృతుడు దేవేందర్ కు భార్య జయలక్ష్మి, కుమారుడు, కుమార్తె ఉన్నారు.సమాచారం అందుకున్న స్థానిక పోలీసులు స్థలానికి చేరుకుని పరిశీలించారు.మృతదేహాన్ని పోస్టుమార్టం నిమిత్తం వర్ధన్నపేట మార్చురీకి తరలించారు.

హన్మకొండ న్యూస్ : కుష్టు వ్యాధి నిర్మూలనలో ప్రతి ఒక్కరూ భాగస్వాములై సమిష్టిగా కృషి చేయాలని హనుమకొండ జిల్లా వైద్య, ఆరోగ్యశాఖాధికారి డాక్టర్ ఏ. అప్పయ్య విజ్ఞప్తి చేశారు.జాతీయ కుష్టు వ్యాధి నిర్మూలన కార్యక్రమంలో భాగంగా హనుమకొండ జిల్లా ఆత్మకూరు ప్రాథమిక ఆరోగ్య కేంద్రం (పీహెచ్‌సీ) పరిధిలో చేపట్టిన లెప్రసీ కేసుల గుర్తింపు ప్రచార కార్యక్రమం (లేప్రోజీ  కేసు  డిటెక్షన్  కాంపెయిన్  ) సర్వేను గురువారం డీఎంహెచ్‌ఓ డాక్టర్ అప్పయ్య ప్రారంభించి  మాట్లాడుతూ, కుష్టు వ్యాధిని ప్రారంభ దశలోనే గుర్తించి బాధితులకు సకాలంలో చికిత్స అందించడం ద్వారా వ్యాధి వల్ల కలిగే వైకల్యాలను నివారించడంతో పాటు వ్యాధి వ్యాప్తిని నియంత్రించవచ్చని తెలిపారు. సర్వేలో భాగంగా ఆరోగ్య సిబ్బంది ఇంటింటికీ వెళ్లి ప్రజలకు కుష్టు వ్యాధి లక్షణాలపై అవగాహన కల్పించాలని, అనుమానిత లక్షణాలు ఉన్నవారిని గుర్తించి వైద్య పరీక్షల నిమిత్తం సంబంధిత ఆరోగ్య కేంద్రాలకు పంపించాలని సూచించారు.కుష్టు వ్యాధి సోకిన వారిలో సాధారణ చర్మపు రంగు కంటే తక్కువ రంగు లేదా రాగి రంగులో మచ్చలు కనిపించవచ్చని, ఆ మచ్చలపై స్పర్శ జ్ఞానం తగ్గడం లేదా లేకపోవడం ప్రధాన లక్షణమని వివరించారు. వ్యాధి నరాలను ప్రభావితం చేసినప్పుడు చేతులు, కాళ్లలో తిమ్మిర్లు, బలహీనత, స్పర్శ జ్ఞానం కోల్పోవడం వంటి లక్షణాలు కనిపించవచ్చని తెలిపారు. ఈ లక్షణాలను నిర్లక్ష్యం చేయకుండా వెంటనే వైద్యులను సంప్రదించాలని సూచించారు.కుష్టు వ్యాధికి సంబంధించిన పరీక్షలు, చికిత్స ప్రభుత్వ ఆరోగ్య కేంద్రాల్లో ఉచితంగా అందుబాటులో ఉన్నాయని పేర్కొన్నారు. వ్యాధిపై భయాందోళనలు విడనాడాలని, వ్యాధిగ్రస్తుల పట్ల వివక్ష చూపకుండా వారికి అండగా నిలవాలని ప్రజలకు విజ్ఞప్తి చేశారు.ఆత్మకూరు ప్రాథమిక ఆరోగ్య కేంద్రం పరిధిలోని వైద్యాధికారులు, ఆరోగ్య సిబ్బంది, ఆశా కార్యకర్తలు, ఇతర ఆరోగ్య కార్యకర్తలు సమన్వయంతో పనిచేసి సర్వేను సమర్థవంతంగా నిర్వహించాలని డీఎంహెచ్‌ఓ ఆదేశించారు. సర్వేలో గుర్తించిన అనుమానిత కేసులకు అవసరమైన వైద్య పరీక్షలు నిర్వహించి, వ్యాధి నిర్ధారణ అయిన వారికి ప్రభుత్వ ఆరోగ్య కేంద్రాల ద్వారా ఉచిత చికిత్స అందేలా చర్యలు తీసుకోవాలని సూచించారు.అదనపు డీఎంహెచ్‌ఓ డాక్టర్ టి. మదన్ మోహన్ రావు మాట్లాడుతూ, కుష్టు వ్యాధి మైకోబాక్టీరియం లెప్రే అనే బ్యాక్టీరియా వల్ల వస్తుందని తెలిపారు. ఈ వ్యాధి లక్షణాలు బయటపడటానికి సాధారణంగా మూడు నుంచి ఐదు సంవత్సరాలు పట్టవచ్చని వివరించారు. కుష్టు వ్యాధి వంశపారంపర్యంగా వచ్చే వ్యాధి కాదని, అది శాపం లేదా పాపం వల్ల వచ్చే వ్యాధి కాదని స్పష్టం చేశారు. బహుళ ఔషధ చికిత్స ( ఎండిటి ) ద్వారా కుష్టు వ్యాధిని పూర్తిగా నయం చేయవచ్చని, వ్యాధి రకాన్ని బట్టి సాధారణంగా ఆరు నుంచి పన్నెండు నెలల పాటు చికిత్స తీసుకోవాల్సి ఉంటుందని తెలిపారు.కుష్టు వ్యాధి నిర్మూలనలో ప్రజల భాగస్వామ్యం కీలకమని, ఆరోగ్యశాఖ నిర్వహిస్తున్న ఎల్‌సీడీసీ సర్వేకు ప్రజలందరూ సహకరించి, ఆరోగ్య సిబ్బందికి అవసరమైన సమాచారం అందించాలని ఆయన కోరారు.ఈ కార్యక్రమంలో అదనపు డీఎంహెచ్‌ఓ డాక్టర్ టి. మదన్ మోహన్ రావు, ఆత్మకూరు ప్రాథమిక ఆరోగ్య కేంద్రం వైద్యాధికారి డాక్టర్ స్పందన, హెల్త్ ఎడ్యుకేషన్ ఆఫీసర్ శ్రీనివాస్, డీపీఎంఓలు రవీందర్, ఎల్లయ్య, దేవ్ సింగ్, సీహెచ్‌ఓ జునేధి, సూపర్‌వైజర్లు, ఆరోగ్య కార్యకర్తలు, ఆశా కార్యకర్తలు తదితరులు పాల్గొన్నారు.

నల్లబెల్లి : పెండింగ్ కేసులను త్వరితగతిన పరిష్కరించి, నాణ్యమైన దర్యాప్తుతో నిర్ణీత సమయంలో పూర్తి చేయాలని ఈస్ట్ జోన్ డీసీపీ అంకిత్ కుమార్ శంఖ్వార్ అధికారులను ఆదేశించారు.  మండల కేంద్రంలోని పోలీస్ స్టేషన్‌ను శుక్రవారం ఆయన ఆకస్మికంగా తనిఖీ చేసి స్టేషన్ రికార్డులు, క్రైమ్ రిజిస్టర్లు, పెండింగ్  కేసులు, దర్యాప్తు పురోగతిని పరిశీలించారు.ఈ సందర్భంగా ప్రజల ఫిర్యాదులపై తక్షణమే స్పందించి బాధితులకు న్యాయం చేయాలని, గ్రామాల్లో శాంతిభద్రతల పరిరక్షణకు, నేరాల నియంత్రణకు పటిష్ట చర్యలు చేపట్టాలని సూచించారు. ప్రజలతో మర్యాదపూర్వకంగా వ్యవహరిస్తూ మెరుగైన పోలీస్ సేవలు అందించాలని సిబ్బందికి తెలిపారు.అనంతరం పోలీస్ స్టేషన్ ఆవరణలో మొక్కలు నాటారు.  నర్సంపేట ఏసీపీ పి. రవీందర్ రెడ్డి, దుగ్గొండి సీఐ శంకర్ రావు, నల్లబెల్లి ఎస్‌ఐ  సాయి ప్రసన్న కుమార్ పాల్గొన్నారు.

స్టేషన్ ఘన్‌పూర్: ఎల్‌నినో ప్రభావం, వర్షాభావ పరిస్థితులను దృష్టిలో ఉంచుకొని రైతులు తక్కువ నీటితో సాగు చేయగల ఆరుతడి, ప్రత్యామ్నాయ పంటలకు ప్రాధాన్యత ఇవ్వాలని జిల్లా కలెక్టర్ సందీప్ కుమార్ ఝా అన్నారు. శుక్రవారం స్టేషన్ ఘన్‌పూర్ మండలం శివునిపల్లి గ్రామంలోని రైతు వేదికలో వ్యవసాయ శాఖ ఆధ్వర్యంలో నిర్వహించిన ఎల్‌నినో ప్రభావం, పంటల మార్పిడిపై అవగాహన సదస్సుకు కలెక్టర్ ముఖ్య అతిథిగా హాజరయ్యారు. ఈ సందర్భంగా మాట్లాడుతూ అక్టోబర్ 16 నాటికి జిల్లాలో సాధారణ వర్షపాతం 800 మిల్లీమీటర్లు కాగా, ఇప్పటివరకు 520 మిల్లీమీటర్లు మాత్రమే నమోదైందని తెలిపారు. వర్షాభావ పరిస్థితుల్లో అధిక నీరు అవసరమయ్యే వరి సాగుకు బదులుగా శనగ, కంది, పెసర, నూనెగింజల వంటి పంటలను సాగు చేయాలని సూచించారు. బోర్లు, బావుల్లో నీటి లభ్యత తగ్గుతున్న నేపథ్యంలో నీటిని పొదుపుగా వినియోగించుకోవాలని, వాతావరణ పరిస్థితులకు అనుగుణంగా పంటల ప్రణాళిక రూపొందించుకోవాలని తెలిపారు. బత్తాయి, కొబ్బరి, జామ, సీతాఫలం వంటి ఉద్యాన పంటల సాగుకు ప్రభుత్వం అందిస్తున్న సబ్సిడీలను అర్హులైన రైతులు వినియోగించుకోవాలని అన్నారు. డ్రిప్‌, స్ప్రింక్లర్‌ పరికరాలకు అర్హతను బట్టి 80 నుంచి 90 శాతం వరకు సబ్సిడీ అందిస్తున్నట్లు వివరించారు. కూరగాయలు, ఆకుకూరల సాగుతో రైతులు నిరంతర ఆదాయం పొందవచ్చని, మహిళా రైతులు కూడా ఈ సాగుపై దృష్టి సారించాలని సూచించారు. రైతులకు నాణ్యమైన విత్తనాలు, ఎరువులు అందించేందుకు ప్రభుత్వం చర్యలు తీసుకుంటోందని, మహిళా శక్తి రైతు సేవా కేంద్రాల ద్వారా వ్యవసాయ ఉత్పాదకాలను అందుబాటులో ఉంచుతున్నట్లు తెలిపారు. రైతుల సమస్యలను సంబంధిత అధికారులు తన దృష్టికి తీసుకురావాలని కలెక్టర్ సూచించారు. ఈ కార్యక్రమంలో జిల్లా వ్యవసాయ అధికారి అంబికా సోనీ, ఏడీఏ అపర్ణ, జిల్లా పశుసంవర్ధక శాఖ అధికారి మురళీధర్ రావు, మున్సిపల్ కమిషనర్ రాధాకృష్ణ, ఏసీపీ భీం శర్మ, ఎంపీడీఓ విజయశ్రీ వివిధ శాఖల అధికారులు, రైతులు పాల్గొన్నారు.

నల్లబెల్లి, వరంగల్ జిల్లా : దసరా ఉత్సవాలను ప్రశాంత వాతావరణంలో నిర్వహించాలని సీఐ శంకర్ రావు, ఎస్ఐ సాయి ప్రసన్న కుమార్ సర్పంచ్ లకు  సూచించారు. మండల కేంద్రంలోని పోలీస్ స్టేషన్‌లో  బుధవారం సాయంత్రం మండలంలోని అన్ని గ్రామాల సర్పంచులతో నిర్వహించిన సమావేశంలో వారు మాట్లాడుతూ.....గ్రామాల్లో ఉత్సవాలు శాంతియుతంగా జరిగేలా సర్పంచులు బాధ్యత తీసుకోవాలని కోరారు.ఉత్సవ నిర్వాహకులకు తగిన సూచనలు చేయాలని, ప్రజలకు ఇబ్బందులు కలగకుండా చూడాలని, ఎలాంటి అవాంఛనీయ సంఘటనలు చోటుచేసుకోకుండా అప్రమత్తంగా ఉండాలని తెలిపారు. శాంతిభద్రతల పరిరక్షణలో పోలీసులకు సహకరించాలని సూచించారు.

నల్లబెల్లి, వరంగల్ జిల్లా : శ్రీ వాగ్దేవి యువజన కళా సంస్థ ఆధ్వర్యంలో నిర్వహిస్తున్న దేవీ శరన్నవరాత్రి మహోత్సవాల్లో భాగంగా నాలుగో రోజు బుధవారం అమ్మవారిని మహా చండీ అవతారంలో అలంకరించారు. పురోహితులు ఆచార్య గణేష్ శర్మ ధూప, దీప, నైవేద్యాలతో ప్రత్యేక పూజలు, అర్చనలు నిర్వహించారు.మహా చండీ అలంకరణలో అమ్మవారు భక్తులకు దర్శనమివ్వడంతో ఆలయ ప్రాంగణం ఆధ్యాత్మిక శోభను సంతరించుకుంది. భక్తులు అమ్మవారిని దర్శించుకొని ప్రత్యేక పూజలు చేసి మొక్కులు చెల్లించుకున్నారు. లోకకల్యాణం, ప్రజల సుఖసంతోషాలు, ఆయురారోగ్యాలు కలగాలని ప్రార్థించారు.ఈ సందర్భంగా అమ్మవారికి ప్రత్యేక హారతి సమర్పించి భక్తులకు తీర్థప్రసాదాలు అందజేశారు. నవరాత్రి ఉత్సవాల్లో భాగంగా ప్రతిరోజూ నిర్వహిస్తున్న అమ్మవారి విభిన్న అలంకరణలు భక్తులను ఆకట్టుకుంటున్నాయి.ఈ పూజా కార్యక్రమంలో శ్రీ వాగ్దేవి యువజన కళా సంస్థ ప్రతినిధులు, పూజా కార్యక్రమాల దాతలు, మాలధారణ భక్తులు, గ్రామస్తులు, అధిక సంఖ్యలో భక్తులు పాల్గొన్నారు.

 రాయపర్తి :రాష్ట్ర మాజీ మంత్రివర్యులు ఎర్రబెల్లి దయాకర్ రావు  ఆదేశాల మేరకు.వరంగల్ జిల్లా రాయపర్తి మండలం గణేష్ కుంట తండా గ్రామంలో.....బీఆర్ఎస్ మాజీ మండల అధ్యక్షులు మునవత్ నరసింహ నాయక్  బాబాయ్ మునవత్ చక్రు నాయక్  ఈ రోజు అనారోగ్యంతో మరణించగా  వారి పార్థివా దేహానికి పూల మాల వేసి నివాళ్లు అర్పించిన ....రాయపర్తి మండల సీనియర్ నాయకులు లేతకుల రంగారెడ్డి మాజీ జడ్పీటీసీ రంగు కుమార్ గౌడ్ మాజీ మండల పార్టీ ప్రధాన కార్యదర్శి,పూస మధు, మండల పార్టీ నాయకులు ఆశ్రఫ్ పాషా, మాలోత్ వసుంధర్, జీవన్, చందు లక్ష్మన్, ఛత్రు నాయక్ తదితరులు పాల్గొన్నారు

రాయపర్తి  జరిగిన ఈ సమావేశంలో మండలానికి చెందిన సర్పంచులందరూ మహబూబ్నగర్ గ్రామ సర్పంచ్  పెండ్లి మహేందర్ రెడ్డి ని ఏకగ్రీవంగా సర్పంచ్ల ఫోరం నూతన అధ్యక్షునిగా ఎన్నుకున్నారు,ఉపాధ్యక్షులు  సూదుల ఉమాదేవి ,దేదవత్ గోపాల్,గుగులోతు రమేష్,కందికట్ల స్వప్న-సంతోష్,ప్రధాన కార్యదర్శి తీగల సాయిలు, కోశాధికారి మనవత్ బాన్షా నాయక్,సంయుక్త కార్యదర్శి గుజే సుధాకర్,కార్యదర్శిగా గుగులోతు అక్క్రీ,షీలా-హేమలత రత్నాకర్ రెడ్డి,ముఖ్య సలహాదారులుగా మునావత్ సోమ్లా,గారే సహేంద్ర ఎన్నికైయ్యారు_ఎంపీడీవో పాక శ్రీనివాస్  మాట్లాడుతూ.. రాయపర్తి మండల అభివృద్ధి,ప్రజా సమస్యలు,సర్పంచుల సమస్యలను పరిష్కరించేందుకు, అందరితో సమన్వయంతో పని చేసేందుకు నూతన కార్యవర్గాన్ని ఏర్పాటు చేసినట్లు తెలిపారు.అనంతరం ఎన్నికైన నూతన కార్యవర్గ సభ్యులకు,ప్రజా ప్రతినిధులు అధికారులు,స్థానిక నాయకులు శుభాకాంక్షలు తెలిపారు._ ఈ కార్యక్రమంలో కార్యవర్గ సభ్యులు  చినపాక రజిత, వాంకుడోత్ దేవేందర్,వంగాళా ఎల్లమ్మ,గుగులోతు సునీత,ఇస్లావత్ సంతోష్, స్థానిక ప్రజా ప్రతినిధులు తదితరులు పాల్గొన్నారు.

స్టేషన్ ఘన్‌పూర్ :ఉద్యానవన పంటలతో పాటు ఇతర పంటల సాగుకు నీటి కొరత లేకుండా పొలాల్లో చిన్న నీటి నిల్వ చెరువులైన ఫార్మ్ పాండ్స్ నిర్మించడం వల్ల రైతులకు ఎంతో ప్రయోజనం చేకూరుతుందని జిల్లా కలెక్టర్ సందీప్ కుమార్ ఝా అన్నారు. మంగళవారం జనగామ జిల్లాలోని ఘన్‌పూర్ (స్టేషన్) మండలం, రంగరాయగూడెం గ్రామంలో వీబీజీ రామ్ జీ పథకం కింద చేపట్టిన ఫార్మ్ పాండ్స్ నిర్మాణ పనులను కలెక్టర్ సందర్శించి, తనిఖీ చేశారు. ఈ సందర్భంగా ఫార్మ్ పాండ్స్ నిర్మాణం ప్రభుత్వ స్థలంలో చేపడుతున్నారా? లేదా? రైతుల సొంత భూముల్లో చేపడుతున్నారా? అనే వివరాలను సంబంధిత అధికారులను అడిగి తెలుసుకున్నారు. పనులకు రోజువారీగా ఎంత మంది కూలీలు హాజరవుతున్నారని వారికి రోజుకు ఎంత కూలి లభిస్తుందనే వివరాలను ఆరా తీశారు. గ్రామానికి చెందిన రైతు ఎల్లగౌడ్ తన పొలంలో ఫార్మ్ పాండ్ నిర్మించగా, ఆయనకు ఎన్ని ఎకరాల భూమి ఉందనే వివరాల గురించి ఆరా తీశారు. ఫార్మ్ పాండ్ నిర్మాణం వల్ల కలిగిన ప్రయోజనాలను రైతును అడిగి తెలుసుకున్నారు. అలాగే తన బోరులో సరిపడా నీరు అందుబాటులో ఉందని, బావిలో నీటి కొరత లేకపోవడంతో పాటు నీటి మట్టం కూడా పెరిగిందని రైతు కలెక్టర్‌కు వివరించారు. తన భూమిలో వరి పంట సాగు చేస్తున్నట్లు తెలిపారు. పండించిన ధాన్యాన్ని ఎక్కడ విక్రయిస్తున్నారని కలెక్టర్ అడగగా, ధాన్యం కొనుగోలు కేంద్రాల్లో విక్రయిస్తున్నట్లు రైతు వివరించారు. అనంతరం ఫార్మ్ పాండ్స్ పొడవు, వెడల్పు, లోతుకు సంబంధించిన వివరాలను అడిగి తెలుసుకున్నారు. నిబంధనలకు అనుగుణంగా నిర్ణీత కొలతల ప్రకారం పనులు చేపట్టాలని సంబంధిత అధికారులకు సూచించారు. ఫార్మ్ పాండ్స్ తవ్వకాల ద్వారా వెలువడే మట్టిని గుంతలకు దూరంగా వేయాలని కూలీలకు సూచించారు. మట్టిని గుంతలకు సమీపంలో వేస్తే వర్షాల సమయంలో తిరిగి గుంతల్లోకి చేరే అవకాశం ఉంటుందని తెలిపారు. ఫార్మ్ పాండ్స్ నిర్మాణాలను అధికంగా రైతుల పొలాల్లో చేపట్టేందుకు ప్రాధాన్యత ఇవ్వాలని, వాటి వల్ల కలిగే ప్రయోజనాలపై రైతులకు అవగాహన కల్పించాలని సంబంధిత అధికారులను ఆదేశించారు. ఈ సందర్భంగా జిల్లా కలెక్టర్ మాట్లాడుతూ గ్రామీణ ప్రాంతాల్లో ఉపాధి సమస్యలు తలెత్తకుండా, వ్యవసాయంపై ఆధారపడిన కుటుంబాలకు పని కల్పించి జీవనోపాధి కల్పించేందుకు ప్రభుత్వం వీబీజీ రామ్ జీ పథకాన్ని అమలు చేస్తోందని తెలిపారు. నీటి సంరక్షణలో ఫార్మ్ పాండ్స్ కీలకంగా ఉపయోగపడతాయని, వర్షపు నీటిని నిల్వ చేసుకోవడం ద్వారా భూగర్భ జలాల పెరుగుదలకు, రైతులు పంటలు సాగు చేసుకునేందుకు దోహదపడతాయని అన్నారు. ఫార్మ్ పాండ్స్ నిర్మాణ లక్ష్యాలను నిర్దేశిత సమయంలో సాధించేందుకు సంబంధిత అధికారులు మరింత కృషి చేయాలని స్పష్టం చేశారు. ఈ తనిఖీలో డీఆర్‌డీఓ భాస్కర్, అదనపు డీఆర్‌డీఓ పి. సూరి, ఎంపీడీవో విజయ శ్రీ, ఇతర సంబంధిత అధికారులు, తదితరులు పాల్గొన్నారు.

వరంగల్ జిల్లా రాయపర్తి మండలం ఈ కార్యక్రమంలో పాల్గొన్న ధరణి ఎండి పల్సర్ రామదాసు ఎస్ఆర్ఆర్ ఫౌండేషన్ చైర్మన్ పరుపాటి శ్రీనివాస్ రెడ్డి ని కలవటం సన్మానించడం జరిగింది....ఈ కార్యక్రమంలో తాళ్లపెల్లి సంతోష్ గౌడ్, పనస మాదు, అచ్చిరెడ్డి, గడ్డం శీను,  పుట్ట శివ,శంకర్, బండి సతీష్ తదితరులు పాల్గొన్నారు...