నల్గొండ/మర్రిగూడ:తెలంగాణ సంస్కృతి, సాంప్రదాయాలకు ప్రతిరూపమైన బతుకమ్మ పండుగ వేడుకలను ఇఎల్వి ఫౌండేషన్ ఆధ్వర్యంలో నల్గొండ జిల్లా మర్రిగూడ మండల కేంద్రంలోని జిల్లా పరిషత్ ఉన్నత పాఠశాల ప్రాంగణంలో అత్యంత వైభవంగా నిర్వహించారు. రంగురంగుల పూలతో పేర్చిన బతుకమ్మలు,సాంప్రదాయ దుస్తుల్లో కరివేల్పిన మహిళలు, ఆటపాటలు, బతుకమ్మ పాటలతో పాఠశాల ప్రాంగణమంతా పండుగ శోభ సంతరించుకుంది.ఈ వేడుకల్లో పాల్గొన్న ఇఎల్వి ఫౌండేషన్ ఛైర్మన్ ఇరుగదిండ్ల భాస్కర్ మహిళలకు బతుకమ్మ పండుగ శుభాకాంక్షలు తెలిపారు. తెలంగాణ సంస్కృతీ సాంప్రదాయాలను కాపాడుతూ, భావితరాలకు అందించడంలో మహిళల పాత్ర కీలకమని పేర్కొన్నారు.ఫ్లోరోసిస్ పోరాటానికి సిద్ధంఈ సందర్భంగా భాస్కర్ మాట్లాడుతూ, "రాచకొండ ప్రాంత ప్రజల సమస్యల పరిష్కారానికి, ముఖ్యంగా మునుగోడు ప్రాంతాన్ని ఎన్నో ఏళ్లుగా వేధిస్తున్న ఫ్లోరోసిస్ సమస్య శాశ్వత నిర్మూలనకు నా వంతు కృషి చేస్తాను. ఫ్లోరోసిస్ భూతాన్ని తరిమికొట్టేందుకు ముందుండి పోరాటం చేస్తాను. ఈ ఉద్యమంలో ప్రజలందరూ భాగస్వాములై నాతో కలిసి అడుగులు వేయాలి" అని పిలుపునిచ్చారు. అలాగే శివన్నగూడెం రిజర్వాయర్ పనులను త్వరితగతిన పూర్తి చేసి, ప్రాంత ప్రజలకు తాగు, సాగునీరు అందించాలని ప్రభుత్వాన్ని కోరారు.సమన్వయంతో వైభవంగా వేడుకలుఇఎల్వి ఫౌండేషన్ మండల కన్వీనర్ ఐతగోని నర్సింహ పర్యవేక్షణలో ఈ బతుకమ్మ వేడుకలు పెద్ద ఎత్తున జరిగాయి. ఈ సందర్భంగా నిర్వహించిన పోటీల్లో ప్రతిభ కనబరిచిన మహిళలకు ప్రథమ, ద్వితీయ, తృతీయ బహుమతులను అందజేశారు.మహిళలు బతుకమ్మల చుట్టూ చేరి సాంప్రదాయ పాటలు పాడుతూ, ఆటపాటలతో అల్లరించారు. ఈ కార్యక్రమంలో సర్పంచులు కమ్మంపాడు వెంకటేష్, కొల్లేటు లింగయ్య, ఇఎల్వి ఫౌండేషన్ సభ్యులు, నాయకులు, స్థానిక ప్రజలు పెద్ద సంఖ్యలో పాల్గొన్నారు.

నల్గొండ/మర్రిగూడ:రాష్ట్రంలో అన్నదాతలను తీవ్ర సంక్షోభంలోకి నెట్టేలా ప్రభుత్వం వ్యవహరిస్తోందని, సాగుకు దూరంగా ఉండమని కోరడం కాకుండా రైతాంగాన్ని ఆదుకోవడానికి తక్షణమే ప్రత్యామ్నాయ చర్యలు చేపట్టాలని బిఆర్ఎస్ సీనియర్ నాయకులు ఏరుకొండ అబ్బయ్య డిమాండ్ చేశారు. గురువారం నల్గొండ జిల్లా మర్రిగూడ మండల కేంద్రంలో నిర్వహించిన విలేకరుల సమావేశంలో ఆయన మాట్లాడారు.ఎల్ నినో ప్రభావం ఉందనే పేరుతో రైతులు పంటలు సాగు చేయవద్దంటూ ముఖ్యమంత్రి రేవంత్ రెడ్డి ప్రకటనలు చేయడంపై ఆయన తీవ్ర అభ్యంతరం వ్యక్తం చేశారు. "రైతులు వ్యవసాయం చేయకుండా మానుకుంటే వాళ్లు ఎలా జీవనం సాగించాలి? వారి కుటుంబాలు ఏమైపోవాలి?" అని ప్రశ్నించారు. ప్రకృతి వైపరీత్యాలు, వాతావరణ మార్పుల పేరు చెప్పి అన్నదాతల మనోధైర్యాన్ని దెబ్బతీయడం ఏమాత్రం తగదని హితవు పలికారు.సంక్లిష్ట పరిస్థితుల్లో చిక్కుకున్న ప్రతి రైతుకు ఎకరానికి రూ. 40 వేల చొప్పున పరిహారంగా ఆర్థిక సహాయం అందించాలని,గతంలో బిఆర్ఎస్ ప్రభుత్వం అమలు చేసిన రైతుబంధు పథకం తరహాలోనే, ఏమాత్రం ఆలస్యం చేయకుండా అర్హులైన ప్రతి రైతు బ్యాంక్ ఖాతాలోనూ నగదును జమ చేయాలని,పంటలు వేయవద్దని హెచ్చరికలు జారీ చేయడం కంటే, రైతులు నష్టపోకుండా ఉండేందుకు ప్రభుత్వమే ప్రత్యామ్నాయ నీటి పారుదల, పంటల మార్పిడి ప్రణాళికలను సిద్ధం చేయాలని డిమాండ్ చేశారు.దేశానికి వెన్నెముకగా నిలిచే రైతన్నలకు కష్టం వస్తే అండగా నిలవాల్సిన బాధ్యత ప్రభుత్వంపైనే ఉందన్నారు. వెంటనే క్షేత్రస్థాయి పరిశీలనలు చేపట్టి, బాధితులకు తగిన భరోసా కల్పించాలని కోరారు. "రైతులను ఆదుకోండి.. రైతాంగాన్ని కాపాడండి" అని ఆయన ఈ సందర్భంగా నినాదాలు చేశారు.

నల్లగొండ : పట్టభద్రుల ఎన్నికల ఓటు నమోదు కార్యక్రమంలో భాగంగా నగరంలోని1నుంచి 25 వార్డుల వరకు ముఖ్య నాయకులు,కార్పొరేటర్లు, కాంటెస్ట్ కార్పొరేటర్లు, పట్టభద్రుల ఓటు నమోదు ఎన్రోలర్లతో జరిగిన సమావేశంలో నల్గొండ మాజీ శాసనసభ్యులు కంచర్ల భూపాల్ రెడ్డి,గ్రాడ్యుయేట్ ఎమ్మెల్సీ అభ్యర్థి ఏనుగుల రాకేష్ రెడ్డిలు పాల్గొని ఇప్పటివరకు జరిగిన ఎన్నికల నమోదు కార్యక్రమాన్ని సమీక్షించారు.ఈ సందర్భంగా కంచర్ల భూపాల్ రెడ్డి మాట్లాడుతూఎన్రోలర్లు, కార్పొరేటర్లు,కాంటెస్టెడ్ కార్పొరేటర్లు,ముఖ్య నాయకులు నగరంలోని ఎవరికి వారు సంబంధించిన డివిజన్లలో ఇంటింటికి తిరిగి ఓటర్ నమోదు కార్యక్రమాన్ని చేయాలని,ఒకవేళ ఇప్పటికే ఓటర్ నమోదు చేయించుకున్న వారి వివరాలు తీసుకొని నమోదు చేసుకోవాలని కోరారు.ముఖ్యంగా నల్లగొండలోని వివిధ డివిజన్లలోని కాలనీలలో ప్రతి ఇంటికి తిరిగి ఉద్యోగస్తులను,గ్రాడ్యుయేట్లను గ్రాడ్యుయేట్ ఓటర్ గా నమోదు చేయించాలని,ఈ విషయంలో ఎవరు కూడా అశ్రద్ధ చేయవద్దని,ప్రతి ఒక్కరు కూడా నమోదు కార్యక్రమంలో భాగస్వాములై పార్టీ అభ్యర్థి విజయానికి కృషి చేయాలని కోరారు.ఏనుగుల రాకేష్ రెడ్డి మాట్లాడుతూ తాను ఓటర్ నమోదు కొరకు ఉమ్మడి వరంగల్,ఖమ్మం,నల్గొండ జిల్లాలు తిరుగుతున్నానని, ఎక్కడికి పోయినా మంచి రెస్పాన్స్ వస్తున్నదని,ఇది పార్టీ భవిష్యత్తు గెలుపుకు బాట వేస్తుందని అన్నారు.గతంలో పట్టభద్రులను ఓటర్లుగా నమోదు చేయకపోవడం వల్ల మనం ఓడిపోయామని,కానీ ఈసారి అలా జరగడానికి వీలు లేదని,మూడు జిల్లాల్లోని మొత్తం 36 నియోజకవర్గాల్లో 34 చోట్ల కాంగ్రెస్ వారి మిత్రపక్షం అధికారంలో ఉందని,వారి అధికారాన్ని, డబ్బులను అడ్డుకొని మనం ఎన్నికల్లో గెలిస్తే వచ్చే సాధారణ ఎన్నికల్లో మనకు తిరుగుండదని,కాబట్టి ప్రతి ఒక్కరు ఓటర్ నమోదుకు కృషి చేయాలని కోరారు.ఈ సమావేశంలోకార్పొరేటర్లు మారగోని భవాని గణేష్,పెరిక యాదయ్య,పేర్ల మల్లీశ్వరి అశోక్,రత్నగిరి తారకమ్మ శ్రీనివాస్,కుందూరు దీపికా ప్రవీణ్ రెడ్డి,బాణావత్ దీప్లా, దొడ్డి రమేష్, గోపగోని స్వాతి రాజశేఖర్,ముఖ్య నాయకులు పిన్నపరెడ్డి మధుసూదన్ రెడ్డి, సయ్యద్ జాఫర్,చింతల యాదగిరి,బొజ్జ వెంకటయ్య, గున్ రెడ్డి యుగంధర్ రెడ్డి, దండంపెల్లి సత్తయ్య, పొనుగోటి జనార్దన్ రావు, భాషపాక హరికృష్ణ,మాతంగి అమర్,పున్న వెంకన్న,వజ్జ శ్రీనివాస్,అఫ్జల్ ఖాన్, శంషుద్దీన్, పెద్దులు,నరేష్, కోట్ల అశోక్ రెడ్డి,షాగటి వెంకన్న,ఆయా డివిజన్లకు చెందిన ఎన్ రోలర్లు,ముఖ్య నాయకులు పాల్గొన్నారు.

నల్గొండ :నల్గొండలోని క్యాంపు కార్యాలయంలో నేడు తెలంగాణ శాసన మండలి చైర్మన్ గుత్తా సుఖేందర్ రెడ్డి మీడియా ప్రతినిధులతో చిట్‌చాట్ కార్యక్రమంలో పాల్గొన్నారు.ఈ సందర్భంగా రాష్ట్రంలోని సాగునీటి ప్రాజెక్టులు,జల వివాదాలు, కరువు పరిస్థితులు,విద్యుత్ సమస్యలు,రైతాంగం ఎదుర్కొంటున్న ఇబ్బందులు తదితర అంశాలపై ఆయన మాట్లాడారు.ఈ సందర్భంగా గుత్తా సుఖేందర్ రెడ్డి మాట్లాడుతూ"నీళ్లు,నిధులు,నియామకాల కోసం ఆనాడు సుదీర్ఘ పోరాటం చేసి తెలంగాణ రాష్ట్రాన్ని సాధించుకున్నాం.ఎంతోమంది త్యాగాలు,పోరాటాల ఫలితంగా ఏర్పడిన తెలంగాణలో నేడు జిల్లాల మధ్య చిచ్చుపెట్టే విధంగా కొందరు వ్యవహరించడం బాధాకరం.ప్రాంతాల మధ్య విభేదాలు సృష్టించడం వల్ల రాష్ట్ర ప్రయోజనాలకు నష్టం కలుగుతుంది"అని అన్నారు.మహబూబ్‌నగర్,నల్గొండ జిల్లాలను సస్యశ్యామలం చేయాలనే లక్ష్యంతో పాలమూరు-రంగారెడ్డి,డిండి ఎత్తిపోతల పథకాలను చేపట్టడం జరిగిందన్నారు.ఈ ప్రాజెక్టుల ద్వారా రెండు జిల్లాల రైతాంగానికి సాగునీరు అందించాలన్నదే ప్రధాన ఉద్దేశమని తెలిపారు.పెండింగ్‌లో ఉన్న ప్రాజెక్టు పనులను త్వరితగతిన పూర్తి చేసి రైతులకు సాగునీరు అందించాలనే లక్ష్యంతో రాష్ట్ర మంత్రివర్గ సమావేశంలో పలు కీలక నిర్ణయాలు తీసుకున్నట్లు వివరించారు.ఎదుళ్ల రిజర్వాయర్ నుంచి రోజుకు1.5 టీఎంసీల నీటిని పాలమూరు ప్రాంతానికి,0.5 టీఎంసీల నీటిని డిండి ఎత్తిపోతల పథకానికి కేటాయించేందుకు రాష్ట్ర మంత్రివర్గం ఆమోదం తెలిపిందని పేర్కొన్నారు.అయితే ఈ నిర్ణయాన్ని వివాదాస్పదం చేస్తూ కొందరు మహబూబ్‌నగర్ జిల్లా ప్రజలను రెచ్చగొట్టే విధంగా వ్యవహరించడం సరికాదన్నారు.అనవసరమైన వివాదాలు సృష్టించి ముఖ్యమంత్రి రేవంత్ రెడ్డిపై ఒత్తిడి తీసుకురావడానికి ప్రయత్నిస్తున్నారని ఆయన అభిప్రాయపడ్డారు.నార్లాపూర్ నుంచి నీటిని తరలించాలంటే అదనపు ఖర్చుతో పాటు ఎక్కువ సమయంఅవసరమవుతుందని, అనుమతుల సమస్యలు కూడా ఎదురయ్యే అవకాశం ఉందని వివరించారు.నల్గొండ ఫ్లోరైడ్ సమస్య, డబ్ల్యూహెచ్ఓ సూచనలు నల్గొండ జిల్లా దశాబ్దాలుగా ఫ్లోరైడ్ సమస్యతో తీవ్ర ఇబ్బందులు ఎదుర్కొన్న ప్రాంతమని గుర్తుచేశారు. ఫ్లోరైడ్ సమస్య నుంచి ప్రజలను శాశ్వతంగా కాపాడాలంటే సురక్షితమైన తాగునీటితో పాటు సాగునీటి వసతులు కూడా అందుబాటులో ఉండాలని అన్నారు.ఈ విషయంలో ప్రపంచ ఆరోగ్య సంస్థ సూచనలను కూడా పరిగణనలోకి తీసుకోవాల్సిన అవసరం ఉందని పేర్కొన్నారు.సాగునీటి ప్రాజెక్టుల విషయంలో ఇంజనీర్లు రాజకీయ,ప్రాంతీయ వివాదాలకు అతీతంగా వ్యవహరించాలని సూచించారు.సీఎం రేవంత్ రెడ్డి సమావేశం నిర్వహించాలి.మహబూబ్‌నగర్,నల్గొండ జిల్లాల ప్రజాప్రతినిధులు పరస్పరం చర్చించుకుని, ఎదుళ్ల రిజర్వాయర్ నుంచి ఏ జిల్లాకు ఎంత నీరు అవసరమోసామరస్యపూర్వకంగా నిర్ణయించుకోవాలని సూచించారు.ఈ సమస్యకు శాశ్వత పరిష్కారం చూపేందుకు ముఖ్యమంత్రి రేవంత్ రెడ్డి చొరవ తీసుకుని రెండు జిల్లాలకు చెందిన మంత్రులు,ఎమ్మెల్యేలు,సంబంధిత అధికారులతో ప్రత్యేక సమావేశం నిర్వహించి, అందరికీ ఆమోదయోగ్యమైన నిర్ణయాలు తీసుకోవాలని విజ్ఞప్తి చేశారు.ప్రపంచవ్యాప్తంగా ఎల్‌నినో ప్రభావంతో వాతావరణ పరిస్థితుల్లో మార్పులు చోటుచేసుకుంటున్నాయని, ఈ నేపథ్యంలో కరువు పరిస్థితులు నెలకొన్నాయని పేర్కొన్నారు.వర్షాభావ పరిస్థితుల కారణంగా రైతులు తీవ్ర ఇబ్బందులుఎదుర్కొంటున్నారని,జలాశయాల్లో నీటి నిల్వలు తగ్గిపోవడంతో జలవిద్యుత్ ఉత్పత్తి కూడా తగ్గిందని వివరించారు.ప్రస్తుత పరిస్థితుల్లో ప్రతి ఒక్కరూనీటిని,విద్యుత్‌ను పొదుపుగావినియోగించుకోవాలని,ముఖ్యంగా రబీ సీజన్‌లో రైతులు అధిక నీరు అవసరమయ్యే పంటలకు బదులుగా ఆరుతడి పంటల సాగుకు ప్రాధాన్యం ఇవ్వాలని సూచించారు.రాష్ట్ర ప్రయోజనాలే అందరికీ ప్రథమ ప్రాధాన్యం కావాలని,జిల్లాల మధ్య వివాదాలకు తావులేకుండా పరస్పర సహకారంతో సాగునీటి సమస్యలను పరిష్కరించుకోవాలని పిలుపునిచ్చారు.

నల్గొండ /మర్రిగూడ:మర్రిగూడ మండలంలోని కొండూరు గ్రామంలో శ్రీ దుర్గాదేవి శరన్నవరాత్రి ఉత్సవాలు అత్యంత వైభవంగా,ఆధ్యాత్మిక శోభతో కొనసాగుతున్నాయి. కొంగుబంగారమై కొలిచిన కొంగుల వెలుగొందుతున్న దుర్గమ్మను దర్శించుకునేందుకు చుట్టుపక్కల గ్రామాల నుంచి భక్తులు పోటెత్తుతున్నారు.ఉత్సవాల్లో భాగంగా మూడో రోజైన మంగళవారం అమ్మవారు సర్వజగత్తుకూ ఆకలి తీర్చే జగన్మాత 'అన్నపూర్ణ దేవి' అలంకారంలో భక్తులకు కనువిందు చేశారు.ఉత్సవ కమిటీ ఆధ్వర్యంలో  పూజా కార్యక్రమాలు నిర్వహించారు. అమ్మవారికి ప్రత్యేక అలంకరణలు చేసి,కుంకుమార్చనలు, హారతులు సమర్పించారు. "ఓం శ్రీ అన్నపూర్ణాయై నమః" అనే నామస్మరణతో ఆలయ ప్రాంగణం మార్మోగింది. అమ్మవారి దివ్యరూపాన్ని కనులారా వీక్షించిన భక్తులు తరించిపోయారు. గ్రామ ప్రజలంతా ఏకమై నవరాత్రి వేడుకలను అత్యంత ప్రతిష్టాత్మకంగా నిర్వహిస్తున్నారు. ఘనంగా అన్నప్రసాద వితరణపూజా కార్యక్రమాల అనంతరం మూడో రోజు భక్తుల సౌకర్యార్థం భారీ ఎత్తున అన్నప్రసాద వితరణ కార్యక్రమాన్ని చేపట్టారు.మర్రిగూడ మండల యూత్ కాంగ్రెస్ అధ్యక్షుడు కోడాల అల్వాల్ రెడ్డి నేతృత్వంలో ఈ కార్యక్రమం దిగ్విజయంగా నిర్వహించబడింది. ఆలయ ప్రాంగణానికి విచ్చేసిన భక్తులందరికీ రుచికరమైన ప్రసాదాన్ని ప్రేమతో వడ్డించారు. పెద్ద సంఖ్యలో మహిళలు, వృద్ధులు, యువకులు ఈ అన్నప్రసాదంలో పాల్గొని అమ్మవారి తీర్థప్రసాదాలను స్వీకరించారు. భక్తులకు సేవ చేయడం పూర్వజన్మ సుకృతం: కోడాల అల్వాల్ రెడ్డి ఈ సందర్భంగా మర్రిగూడ మండల యూత్ కాంగ్రెస్ అధ్యక్షుడు కోడాల అల్వాల్ రెడ్డి మీడియాతో మాట్లాడుతూ  ఆధ్యాత్మిక వాతావరణంలో అంగరంగ వైభవంగా జరుగుతున్న దేవీ నవరాత్రి ఉత్సవాల్లో భక్తులకు సేవ చేసే అవకాశం దక్కడం తన పూర్వజన్మ సుకృతమన్నారు. అన్నపూర్ణ దేవి కటాక్షంతో మండల ప్రజలందరూ సుభిక్షంగా ఉండాలని, పాడిపంటలతో, ఆయురారోగ్యాలు మరియు అష్టైశ్వర్యాలతో కలకాలం వర్ధిల్లాలని అమ్మవారిని ప్రార్థించినట్లు తెలిపారు. భవిష్యత్తులోనూ ఇలాంటి సేవా కార్యక్రమాలను గ్రామంలో మరింత విస్తృతంగా నిర్వహిస్తా నాయకులు, స్థానిక యువకులు తదితరులు పెద్ద సంఖ్యలో పాల్గొని ఉత్సవాలను విజయవంతం చేశారు.మని ఆయన స్పష్టం చేశారు.ఈ కార్యక్రమంలో ఉత్సవ కమిటీ చైర్మన్, సభ్యులు, కొండూరు గ్రామ పెద్దలు, కాంగ్రెస్ పార్టీ

శివన్నగూడ ఎఫ్ఎస్సిఎస్ వివాదంపై డైరెక్టర్ దామెర సత్తమ్మ ధ్వజం! తప్పులను కప్పిపుచ్చుకునేందుకే చైర్మన్ బుకాయింపు?

అట్రాసిటీ కేసులు నమోదు చేయాలి.తెలంగాణ రాష్ట్ర దళిత సంఘాల అధ్యక్షుడు బత్తుల చంద్రమౌళి

ఓటు హక్కును పరిరక్షించాలి.. కేంద్ర ఎన్నికల సంఘం ప్రధాన కమిషనర్ రాజీనామా చేయాలి నాంపల్లి మండల కాంగ్రెస్ అధ్యక్షుడు కత్తి రవీందర్ రెడ్డి

రాహుల్,ప్రియాంక,ఖర్గే అరెస్టుకు నిరసనగా చండూరు చౌరస్తాలో మోడీ దిష్టిబొమ్మ దహనం

నాగార్జునసాగర్ : మండలంలో స్వయం సహాయక మహిళ సంఘాల బలోపేతానికి ప్రత్యేక చర్యలు తీసుకుంటామని నాగార్జున సాగర్ నియోజకవర్గ శాసనసభ్యులు కుందూరు జయవీర్ రెడ్డి అన్నారు.పెద్దవూర మండలం నిమ్మనాయక్ తండ గ్రామపం చాయతీలోని బెట్టలతండలో సోమవారం మహిళ సమాఖ్య భవనాన్ని ప్రారంభించారు. అనంతరం ఏర్పాటు చేసిన సమావేశంలో ఎమ్మెల్యే మాట్లాడుతూ కాంగ్రెస్ ప్రభుత్వం మహిళల సంక్షేమానికి...

నాగార్జునసాగర్  : ఆల్ ఇండియా కిసాన్ సభ 36వ జాతీయ మహాసభలను,ఆ సందర్భంగా జరిగే బహిరంగ సభను జయప్రదం చేయాలని సిపిఎం జిల్లా కార్యదర్శి వర్గ సభ్యులు చినపాక లక్ష్మీనారాయణ పిలుపునిచ్చారు.బుధవారం అఖిలభారత రైతు సంఘం జాతీయ 36 మహాసభలను జయప్రదం చేయాలని కోరుతూ పెద్దవూర మండల కేంద్రంలో రాస్తున్న వాల్ రైటింగ్ ను పరిశీలించారు.ఈ...

రోడ్డు ప్రమాదమా? హత్యా?.. గడ్డి పొదల్లో శవమై తేలిన బందమీది శ్రీనివాస్ అన్ని కోణాల్లో చండూరు పోలీసుల దర్యాప్తు.