‎​నలుగురిపై కేసు నమోదు చేసి దర్యాప్తు చేపట్టిన పోలీసులు ‎‎కోయిలకొండ : ‎కోయిలకొండ మండల పరిధిలోని చింతల్ తాండాలో తీవ్ర ఉద్రిక్తత చోటుచేసుకుంది. తాండాకు చెందిన సునీత (26) అనే వివాహిత దారుణ హత్యకు గురైన సంఘటన స్థానికంగా కలకలం రేపింది. ఈ ఘటనకు సంబంధించి పోలీసులు తెలిపిన వివరాల ప్రకారం..‎​మృతురాలు సునీత భర్త బలరాం కొంతకాలంగా మతిస్థిమితం సరిగా లేక హైదరాబాద్‌లోనే ఉంటున్నాడు. దీంతో సునీత తన ఇద్దరు ఆడపిల్లలతో కలిసి చింతల్ తాండాలోనే నివాసంటూ జీవనం సాగిస్తోంది.‎సునీత పేరు మీద 1.20 గుంటల భూమి ఉంది. ఈ భూమిని తమ పేరుపై రాయాలని, లేదంటే ఆ భూమిని నీకు దక్కనీయమంటూ ఆమె భర్త తరఫు బంధువులు కొంతకాలంగా హెచ్చరిస్తూ, తరచూ వేధింపులకు గురిచేస్తున్నట్లు సమాచారం. ఈ భయంతోనే ఆమె కాలం వెళ్లదీస్తోంది. ఈ నేపథ్యంలోనే కక్షగట్టిన కొందరు పదునైన కత్తులతో ఆమెపై విచక్షణారహితంగా దాడి చేయడంతో సునీత అక్కడికక్కడే ప్రాణాలు కోల్పోయింది. ఈ దారుణ హత్యకు కారణమైనట్లు ఆరోపణలు ఎదుర్కొంటున్న మాణిక్య నాయక్, మన్యా నాయక్, పాండు నాయక్ మరియు పార్వతిలపై పోలీసులు కేసు నమోదు చేశారు. మృతురాలు తండ్రి వాల్యా నాయక్ ఇచ్చిన ఫిర్యాదు మేరకు కేసు దర్యాప్తు చేస్తున్నట్లు పోలీసులు తెలిపారు. మృతదేహాన్ని పోస్టుమార్టం నిమిత్తం తరలించి, నిందితుల కోసం గాలింపు చర్యలు ముమ్మరం చేసినట్లు సీఐ గాంధీ నాయక్, ఎస్సై నాగరాజు వెల్లడించారు.

కోయిలకొండ  :  ‎జిల్లా న్యాయ సేవాధికార సంస్థ ఆధ్వర్యంలో కోయిలకొండ మండలం అయ్యవారిపల్లి గ్రామంలో ప్రభుత్వ సంక్షేమ పథకాలకు అర్హులైన లబ్ధిదారులకు ఆధార్, లేబర్, రేషన్ కార్డులు తదితర ముఖ్యమైన ధ్రువపత్రాలను అందజేశారు. ‎​ఈ సందర్భంగా జిల్లా లీగల్ సెక్రటరీ డి. ఇందిరా మాట్లాడుతూ... ప్రతి ఒక్కరూ న్యాయ సహాయాన్ని సద్వినియోగం చేసుకోవాలని, ప్రభుత్వ సంక్షేమ పథకాలను లబ్ధిదారులు పూర్తిగా వినియోగించుకోవాలని పిలుపునిచ్చారు. అర్హులైన ప్రతి పేద కుటుంబానికి సంక్షేమ ఫలాలు అందేలా ప్రభుత్వం, న్యాయ సేవాధికార సంస్థలు సంయుక్తంగా కృషి చేస్తున్నాయని ఆమె పేర్కొన్నారు.​ఈ కార్యక్రమంలో జిల్లా శిశు సంక్షేమ అధికారిణి జరీనా, తహశీల్దార్ దీపక్ రావు. ఎంపీడీవో ధనుంజయ గౌడ్ , ఎస్సైనాగరాజు , లేబర్ ఆఫీసర్, గ్రామ సర్పంచ్ వాగ్య నాయక్, ప్యానల్ అడ్వకేట్లు, పారాలిగల్ వాలంటరీలు తదితరులు పాల్గొన్నారు.

కోయిలకొండ :  ‎కోయిలకొండ మండలం పలుగుతండా నుండి కొండాపూర్ వెళ్లే ప్రధాన రహదారి అధ్వానంగా తయారైంది. ముఖ్యంగా మార్గమధ్యలోని వాగు బ్రిడ్జి రోడ్డు పూర్తిగా దెబ్బతిని, బీటీ రోడ్డు అంతా పెద్దపెద్ద గుంతలమయంగా మారింది. దీంతో ఆ మార్గంలో రాకపోకలు సాగించే ప్రయాణికులు, వాహనదారులు తీవ్ర ఇబ్బందులు పడుతున్నారు. ‎రోడ్డు ఏమాత్రం కనిపిచకపోవడంతో ప్రయాణికులు ప్రమాదాల బారిన పడుతున్నారు. ముఖ్యంగా రాత్రివేళల్లో ద్విచక్ర వాహనదారులు అదుపుతప్పి కిందపడి గాయాలపాలవుతున్న ఘటనలు తరచూ జరుగుతున్నాయని స్థానికులు ఆవేదన వ్యక్తం చేస్తున్నారు.​సంబంధిత ఆర్ అండ్ బి (R&B) అధికారులు ఇప్పటికైనా తమ నిర్లక్ష్యాన్ని వీడి, తక్షణమే స్పందించి దెబ్బతిన్న రోడ్డుకు, వాగు బ్రిడ్జికి మరమ్మతులు చేపట్టి ప్రయాణికుల ప్రాణాలను కాపాడాలని ఈ ప్రాంత ప్రజలు, వాహనదారులు కోరుతున్నారు.

కోయిలకొండ : ‎ ‎కొయిలకొండ మండల కేంద్రంలో బుధవారం సీసన్ ‎ విద్యార్థుల మండల స్థాయి క్రీడా పోటీలు అత్యంత ఉత్సాహంగా, ఘనంగా నిర్వహించారు. ప్రత్యేక ప్రతిభావంతులైన విద్యార్థుల్లో దాగి ఉన్న సృజనాత్మకతను, ప్రతిభను వెలికితీయడమే లక్ష్యంగా ఈ క్రీడా వేడుకను ఏర్పాటు చేశారు. ‎​ఈ కార్యక్రమానికి మండల విద్యాశాఖాధికారి (MEO) శ్రీ మిన్హాజుద్దీన్ గారు ముఖ్య అతిథిగా విచ్చేసి, విద్యార్థులను అభినందించి, విజేతలకు బహుమతులు అందజేశారు. ఈ సందర్భంగా ఆయన మాట్లాడుతూ.. దివ్యాంగ పిల్లల్లో ఆత్మస్థైర్యం పెంపొందించడానికి, క్రీడల ద్వారా శారీరక, మానసిక ఉల్లాసం కల్పించడానికి ఇలాంటి పోటీలు ఎంతగానో దోహదపడతాయని పేర్కొన్నారు.​పోటీల్లో విద్యార్థులు ఎంతో ఉత్సాహంగా, ఉల్లాసంగా పాల్గొని తమ ప్రతిభను చాటుకున్నారు. వివిధ విభాగాల్లో విజేతలుగా నిలిచిన విద్యార్థులకు అతిథుల చేతుల మీదుగా బహుమతులు, ప్రశంసా పత్రాలు అందజేశారు. ​ఈ కార్యక్రమంలో PRTU మండల అధ్యక్షులు గోపాల్ నాయక్, కొయిలకొండ ఇన్‌చార్జ్ హెచ్‌ఎం, ఎల్‌ఎఫ్‌ఎల్ హెచ్‌ఎం మొగులయ్య, గంగ్యా నాయక్, ప్రత్యేక ఉపాధ్యాయులు, సీఆర్పీలు శంకర్ యాదవ్, వెంకటేశ్వర్ గౌడ్, హర్ష కుమార్, ఐఈఆర్పీ మన్యమయ్య తదితరులు పాల్గొని విజయవంతం చేశారు.

‎​కోయిలకొండ :‎కాంగ్రెస్ పార్టీకి ఎనలేని సేవలు అందించి, ప్రజల గుండెల్లో సుస్థిర స్థానం సంపాదించుకున్న ప్రజానేత, దివంగత నాయకులు రెడ్డి గారి రవీందర్ రెడ్డి 5వ వర్ధంతి వేడుకలను మండలంలోని సంఘనోనిపల్లి గ్రామంలో బుధవారం ఘనంగా నిర్వహించారు. ఈ సందర్భంగా రవీందర్ రెడ్డి చిత్రపటానికి పూలమాలలు వేసి నాయకులు, కుటుంబ సభ్యులు ఘనంగా నివాళులు అర్పించారు.​ఈ వేడుకలను పురస్కరించుకుని ఆయన జ్ఞాపకార్థం కుటుంబ సభ్యులు (భార్య అమూల్య రెడ్డి, కుమారుడు సమరసింహారెడ్డి) గ్రామంలోని మండల పరిషత్ ప్రాథమిక పాఠశాల విద్యార్థులకు సేవా కార్యక్రమాలు చేపట్టారు. పాఠశాల విద్యార్థులకు భోజన ప్లేట్లు, గ్లాసులు, నోట్ పుస్తకాలను పంపిణీ చేయడంతో పాటు స్వీట్లు పంచిపెట్టారు.​ఈ సందర్భంగా వెక్తులు మాట్లాడుతూ.. కాంగ్రెస్ పార్టీ బలోపేతానికి, ప్రజా సంక్షేమానికి రవీందర్ రెడ్డి చేసిన సేవలను కొనియాడారు. ఆయన ఆశయాలను ముందుకు తీసుకెళ్తామని స్పష్టం చేశారు. ఈ కార్యక్రమంలో పాఠశాల ఉపాధ్యాయ బృందం, గ్రామస్థులు తదితరులు పాల్గొన్నారు.‎

మిడ్జిల్ :  మిడ్జిల్ మండల పరిధిలోని రాణిపేట గ్రామంలో ఉన్న సెయింట్ మేరీ పాఠశాలను ఎంఈఓ వెంకట్ రాములు ఆకస్మికంగా తనిఖీ చేశారు. ఈ సందర్భంగా పాఠశాల నిర్వహణ, విద్యా ప్రమాణాలకు సంబంధించిన అంశాలను పరిశీలించారు. ఈ తనిఖీలో పాఠశాల కరస్పాండెంట్ జోసెఫ్, ప్రిన్సిపాల్ ప్రతాప్, సీఆర్పీ నర్సింహులు పాల్గొన్నారు. పాఠశాలల్లో విద్యా ప్రమాణాల మెరుగుదలకు, విద్యార్థులకు నాణ్యమైన విద్య అందించేందుకు అధికారుల పర్యవేక్షణ కీలకమని ఈ సందర్భంగా ప్రాధాన్యం సంతరించుకుంది. ఆకస్మిక తనిఖీల ద్వారా పాఠశాలల పనితీరును సమీక్షించి, అవసరమైన మెరుగుదలలకు చర్యలు తీసుకోవడం ద్వారా విద్యా వ్యవస్థను మరింత బలోపేతం చేయవచ్చని విద్యావర్గాలు పేర్కొంటున్నాయి. విద్యార్థుల భవిష్యత్తే లక్ష్యంగా ప్రతి పాఠశాలలో నాణ్యమైన విద్య అందేలా అధికారులు నిరంతరం పర్యవేక్షణ కొనసాగించాలని ప్రజలు ఆకాంక్షిస్తున్నారు

గండీడ్   మండలం : గౌరవ ముఖ్యమంత్రి శ్రీ రేవంత్ రెడ్డి గారు, ఉప ముఖ్యమంత్రి మరియు విద్యుత్ శాఖ మంత్రి శ్రీ మల్లు భట్టి విక్రమార్క గారి నేతృత్వంలో గండీడ్ మండలం వెన్నచేడ్ రెవెన్యూ గ్రామంలో రూ.2 కోట్లతో రూఫ్‌టాప్ సోలార్ విద్యుత్ పథకాన్ని ప్రారంభించినట్లు పరిగి ఎమ్మెల్యే,టీపీసీసీ ట్రైనింగ్ కమిటీ చైర్మన్ (SIR) డాక్టర్ టి.రామ్మోహన్ రెడ్డి గారు తెలిపారు.ఈ పథకం ద్వారా ప్రతి ఇంటిపై సోలార్ ప్యానెళ్లు ఏర్పాటు చేసి రోజుకు సుమారు 8 యూనిట్లు, నెలకు 240 యూనిట్ల వరకు విద్యుత్ ఉత్పత్తి చేయడమే లక్ష్యంగా ముందుకు సాగుతున్నామని పేర్కొన్నారు. గృహ అవసరాలకు వినియోగించిన తర్వాత మిగిలిన విద్యుత్‌ను నిబంధనల ప్రకారం గ్రిడ్‌కు సరఫరా చేసి ఆర్థిక ప్రయోజనం పొందే అవకాశం ఉంటుందని తెలిపారు.వెన్నచేడ్ రెవెన్యూ గ్రామ పరిధిలోని అనుబంధ గ్రామాలతో పాటు పరిగి నియోజకవర్గంలోని మరిన్ని గ్రామాలకు ఈ పథకాన్ని దశలవారీగా విస్తరించేందుకు కృషి చేస్తామని ఎమ్మెల్యే గారు స్పష్టం చేశారు.  ఈ కార్యక్రమానికి గ్రామ సర్పంచ్ నవనీత చెన్నయ్య, ఉపసర్పంచ్ రవికాంత్ రెడ్డి, గ్రామ యువకులు, యువజన సంఘ సభ్యులు, గ్రామ పెద్దలు, ఉపాధ్యాయులు, మేధావులు పాల్గొనడం జరిగింది

ఈరోజు గండీడ్ మండల పరిధిలోని వెన్నచెడు గ్రామంలో పండుగల సాయన్న గారి 174వ జయంతి సందర్భంగా గ్రామంలోని ముదిరాజ్ బిడ్డలందరూ కలిసి జయంతి వేడుకలను ఘనంగా నిర్వహించారు. ఈ కార్యక్రమంలో గ్రామ సర్పంచ్ నవనీత చెన్నయ్య గారు, మాజీ సర్పంచ్, మాజీ సర్పంచ్ బోయిని గోపాల్, అనంత లక్ష్మారెడ్డి,గంగుల పుల్లారెడ్డి గారు, పులిందర్ రెడ్డి గారు, శ్రీనివాస్ రెడ్డి గారు, కమ్మరి రమేష్ గారు, ముదిరాజ్ నరసింహులు గారు, అంతర్గాని రాములు గారు, గ్రామ పెద్దలు, ముదిరాజ్ ముద్దుబిడ్డ గువ్వల వెంకటన్న గారు, అలాగే దోమ వెంకటేష్, దోమ హనుమంతు, కోడియా కృష్ణ తదితర గ్రామ యువకులు పాల్గొన్నారు. పండుగల సాయన్న గారి ఆశయాలను స్మరించుకుంటూ, ఆయన సేవలను గుర్తుచేసుకుంటూ, గ్రామంలోని ముదిరాజ్ సోదరులందరూ ఐకమత్యంతో జయంతి వేడుకలను నిర్వహించడం విశేషం.  పండుగల సాయన్న గారికి ఘన నివాళులు! 

 మిడ్జిల్ మండల కేంద్రంలో బహుజన నాయకుడు పండుగ సాయన్న జయంతి వేడుకలను ఘనంగా నిర్వహించారు. ఈ సందర్భంగా ఆయన చిత్రపటానికి వివిధ సంఘాల నాయకులు పూలమాలలు వేసి నివాళులర్పించారు. పేదల హక్కుల కోసం, అణగారిన వర్గాల అభ్యున్నతి కోసం పండుగ సాయన్న చేసిన పోరాటాలు స్ఫూర్తిదాయకమని నాయకులు కొనియాడారు. అనంతరం ముదిరాజ్ సంఘ నాయకులు మాట్లాడుతూ, ముదిరాజులను బీసీ-డీ నుంచి బీసీ-ఏలోకి మార్చాలని ప్రభుత్వాన్ని డిమాండ్ చేశారు. ఎన్నికల సమయంలో ఇచ్చిన హామీని కాంగ్రెస్ ప్రభుత్వం నిలబెట్టుకుని, తక్షణమే అధికారిక ఉత్తర్వులు జారీ చేయాలని కోరారు. ఈ కార్యక్రమంలో సర్పంచులు ఎడ్ల శంకర్, గోపాల్, మల్లేష్‌తో పాటు వివిధ రాజకీయ పార్టీల నాయకులు, ముదిరాజ్ సంఘం బాధ్యులు, బహుజన కార్యకర్తలు పెద్ద సంఖ్యలో పాల్గొన్నారు.

ఉమ్మడి మహబూబ్ నగర్ జిల్లా కేంద్రంలో హైదరాబాద్ - రంగారెడ్డి - మహబూబ్ నగర్ పట్టభద్రుల ఎమ్మెల్సీ ఎన్నికల సన్నాహక సమావేశం నిర్వహించారు. ఈ సమావేశానికి మంత్రులు, ఎంపీలు, ఎమ్మెల్యేలు, కార్పొరేషన్ చైర్మన్లు, డీసీసీ అధ్యక్షులు, ముఖ్య నేతలు హాజరయ్యారు. ఈ సమావేశంలో నాగర్ కర్నూల్ జిల్లా డీసీసీ అధ్యక్షుడు, అచ్చంపేట ఎమ్మెల్యే డాక్టర్ చిక్కుడు వంశీకృష్ణ పాల్గొని మాట్లాడారు. అర్హులైన పట్టభద్రులందరినీ ఓటర్లుగా నమోదు చేయించడంపై నాయకులు ప్రత్యేక దృష్టి సారించాలని ఆయన అన్నారు. పట్టభద్రుల ఓటరు నమోదు ప్రక్రియపై విస్తృతంగా అవగాహన కల్పించాలని, అర్హత కలిగిన ప్రతి పట్టభద్రుడు ఓటరుగా నమోదు చేసుకునేలా కృషి చేయాలని కోరారు. తమ తమ ప్రాంతాల్లో పట్టభద్రులను గుర్తించి, ఓటరు నమోదు ప్రక్రియను వేగవంతం చేయాలని, పార్టీ నాయకులు, కార్యకర్తలు ఓటరు నమోదు కార్యక్రమంలో చురుకుగా పాల్గొనాలని పిలుపునిచ్చారు. క్షేత్రస్థాయిలో పార్టీ శ్రేణులన్నీ సమన్వయంతో పనిచేయాలని, పట్టభద్రుల ఎమ్మెల్సీ ఎన్నికల్లో కాంగ్రెస్ పార్టీ బలోపేతానికి ప్రతి ఒక్కరూ కృషి చేయాలని ఆయన అన్నారు.

గండీడు మండలం :రంగారెడ్డి-- మహబూబ్ నగర్ - హైదరాబాద్  పట్టభద్రుల mlc ఓటర్ నమోదు ప్రకియలో భాగంగా సామ రామ మోహన్ రెడ్డి గారికి మద్దతుగా పరిగి నియోజకవర్గం వెన్నచెడ్ గ్రామం లో వివిధ వార్డ్ లొ తిరిగి ఓటర్ నమోదు చేస్తున్న మహబూబ్నగర్ జిల్లా ప్రధాన కార్యదర్శి. గంగుల పుల్లారెడ్డి, మండల కాంగ్రెస్ పార్టీ అధ్యక్షులు అనంత లక్ష్మారెడ్డి, గండీడ్ మండల్ కాంగ్రెస్ పార్టీ సోషల్ మీడియా కోఆర్డినేటర్ పులిందర్ రెడ్డి,  మండల ప్రధాన కార్యదర్శి శరణప్ప , ఆశన్న గౌడ్,రమేష్ చారి,  రాములు గౌడ్, రాములు,నరేష్, శ్రీనివాస్ రెడ్డి, వీరేంద్ర, చల్ల వీరేంద్ర, గువ్వల వెంకటయ్య, ప్రశాంత్ రెడ్డి, వెంకటేష్, ప్రవీణ్ గౌడ్, నందు,  ఆంజనేయులు గౌడ్, శ్రీను, మోహన్, మంగలి శ్రీనివాస్ తదితరులు పాల్గొని పట్టపద్రుల ఓటర్ నమోదు  నమోదు చేయించడం జరిగింది. పట్టభద్రులు ప్రతి ఒక్కరు తమ ఓటు నమోదు చేసుకొని, ఎమ్మెల్సీ ఎలక్షన్లో నిష్ణార్థులైనటువంటి, జ్ఞానవంతులని, నిరుద్యోగ ప్రజా సమస్యలపై అవగాహన ఉన్నటువంటి మంచి నాయకున్ని ఎన్నుకునేటువంటి అవకాశం పట్టభద్రులకు ఉంటుంది  కావున ప్రతి ఒక్కరు ఓటరు నమోదు చేసుకోవాలని విజ్ఞప్తి చేశారు

అచ్చంపేట : ఉమ్మడి పాలమూరు జిల్లాను కరువు జిల్లాగా ప్రకటించి, కరువు నివారణ చర్యలు తక్షణమే చేపట్టాలని అచ్చంపేట జాయింట్ యాక్షన్ కమిటీ (జేఏసీ) రాష్ట్ర సంయుక్త కార్యదర్శి శ్రీనివాస్  మాట్లాడుతూ.ఈ సందర్భంగా జూరాల ప్రాజెక్టు ఎడమ కాలువ వద్ద సాగునీటి కోసం ధర్నా చేస్తున్న రైతులపై నమోదు చేసిన కేసులను వెంటనే రాష్ట్ర ప్రభుత్వం ఎత్తివేయాలి,పాలమూరు జిల్లాలో ఏళ్ల తరబడి పెండింగ్‌లో ఉన్న సాగునీటి ప్రాజెక్టులన్నింటినీ పూర్తి చేసి రైతాంగానికి సాగునీరు, ప్రజలకు తాగునీరు అందించాలని జేఏసీ నాయకులు డిమాండ్ చేశారు. డిండి ప్రాజెక్టు పేరుతో జల దోపిడి జరిగితే  పాలమూరు జిల్లాకు న్యాయం జరిగే వరకు పోరాటం కొనసాగిస్తామని స్పష్టం చేశారు.ఈ నెల  17న కల్వకుర్తి పట్టణంలోని తహసీల్దార్ (ఎమ్మార్వో) కార్యాలయం వద్ద ఉమ్మడి మహబూబ్ నగర్ పెండింగ్ ప్రాజెక్ట్ జలసాధన జేఏసీ కమిటీ ఆధ్వర్యంలో నిర్వహించే ఉద్యమానికి అచ్చంపేట ప్రాంత ప్రజలు, రైతులు, ప్రజాసంఘాల నాయకులు, ఉద్యమకారులు పెద్ద సంఖ్యలో తరలిరావాలని అచ్చంపేట జేఏసీ పిలుపునిచ్చింది. పాలమూరు రైతాంగ హక్కుల సాధన కోసం ఐక్యంగా ఉద్యమించాలని కోరారు