బాల్కొండ నియోజకవర్గ అభివృద్ధి పనులను వేగవంతం చేయాలని రాష్ట్ర పంచాయతీరాజ్‌, గ్రామీణాభివృద్ధి, మహిళా శిశు సంక్షేమ శాఖ మంత్రి సీతక్క అధికారులను ఆదేశించారు. నియోజకవర్గంలో నెలకొన్న సమస్యలను కాంగ్రెస్‌ పార్టీ ఇన్‌ఛార్జి ముత్యాల సునీల్‌ కుమార్‌ మంత్రి దృష్టికి తీసుకెళ్లారు.మార్కండేయ మందిర పునర్నిర్మాణానికి..మోర్తాడ్‌ ప్రజాభవనం ప్రారంభోత్సవానికి వచ్చిన మంత్రి సీతక్కకు ముత్యాల సునీల్‌ కుమార్‌, కాంగ్రెస్‌ నాయకులు స్వాగతం పలికారు. బాల్కొండ మండల కేంద్రంలోని పురాతన మార్కండేయ మందిర పునర్నిర్మాణానికి రూ.50 లక్షల నిధులు కేటాయించాలని పద్మశాలి సంఘం ప్రతినిధులు కోరారు. ప్రక్రియను వెంటనే ప్రారంభించాలని దేవాదాయ శాఖ కమిషనర్‌కు మంత్రి సూచించారు.  నియోజకవర్గంలో చేపట్టాల్సిన అభివృద్ధి పనులు, పెండింగ్‌లో ఉన్న పనులు, ప్రజలు ఎదుర్కొంటున్న సమస్యలను సునీల్‌ కుమార్‌ వివరించారు. గ్రామీణ ప్రాంతాల్లో మౌలిక వసతుల కల్పనకు ప్రత్యేక చర్యలు తీసుకోవాలని కోరారు. దీనిపై స్పందించిన మంత్రి సంబంధిత అధికారులతో మాట్లాడి పనులను వేగవంతం చేయాలని సూచించారు.ఇందిరమ్మ కాలనీ సమస్యలపై ఆరావేల్పూర్‌ మండలంలోని ఇందిరమ్మ కాలనీని మంత్రి సీతక్క సందర్శించి స్థానికుల సమస్యలను అడిగి తెలుసుకున్నారు. సీసీ రహదారులు, మురుగునీటి కాల్వలు, విద్యుత్తు సౌకర్యాలపై ఆరా తీశారు. సంబంధిత శాఖల అధికారులు సమస్యల పరిష్కారానికి చర్యలు తీసుకోవాలని ఆదేశించారు. బాల్కొండ నియోజకవర్గంలో ప్రజలకు అవసరమైన మౌలిక సదుపాయాల కల్పనకు ప్రభుత్వం కట్టుబడి ఉందని మంత్రి పేర్కొన్నారు. ఈ సందర్భంగా పద్మశాలి సంఘం అధ్యక్షుడు అందె వెంకటగిరి, కోశాధికారి కుందారపు శ్రీనివాస్‌ తదితరులు మంత్రిని శాలువాతో సన్మానించారు. కార్యక్రమంలో సంఘం నాయకులు భూస రత్నాకర్‌, మామిడాల రాజు, తాటికొండ నరేందర్‌, బోగ గంగ కిషన్‌, తౌట్‌ కోటేశ్వర్‌, ఏలిగేటి ఆనంద్‌, ఎక్కలదేవి సురేష్‌, భూస శ్రీహరి, మాజీ మార్కెట్‌ కమిటీ ఛైర్మన్‌ నర్సయ్య, మండల ఫోరం అధ్యక్షుడు అరిగెల జనార్ధన్‌, కాంగ్రెస్‌ మండల అధ్యక్షులు పాల్గొన్నారు.

మాధవ్ నగర్ ధర్నాలో ఎమ్మెల్యే ధన్ పాల్ సూర్యనారాయణ ధ్వజంనిజామాబాద్ అక్టోబర్27:( విజన్ ఆంధ్ర) ఇందూరులో బీజేపీ గెలిచిందని మాధవ్ నగర్ ఆర్ఓబిపై రాష్ట్ర ప్రభుత్వం నిర్లక్ష్యం వహిస్తుందని అర్బన్ ఎమ్మెల్యే ధన్ పాల్ సూర్యనారాయణ ధ్వజమెత్తారు. నగర శివారులోని మాధవనగర్ ఆర్ వోబీ పనుల జాప్యంపై మంగళవారం మహా ధర్నా నిర్వహించారు. ఈ సందర్భంగా ఎమ్మెల్యే మాట్లాడుతూ...తాను ఇక్కడకి ఎమ్మెల్యేగా కాదని, మీలో ఒకడిగా మీ బాధను పంచుకోవడానికి వచ్చానన్నారు. ఈ మాధవ్ నగర్ గేటుతో నరకయాతన పడాల్సిన పరిస్థితి నెలకొంది. నిత్యం ఈ రోడ్డు మీదుగా అన్ని రకాల వాహనాలు సుమారు 4 నుంచి 5 వేల వరకు రాకపోకలు కొనసాగిస్తాయన్నారు. అలాగే ప్రతిరోజు 24 గంటల్లో 58 రైళ్ల రాకపోకలు కొనసాగుతాయని పేర్కొన్నారు. దీంతో ప్రతిసారి  15 నుంచి 20 నిమిషాల వరకు గేటు పడటం, భారీగా ట్రాఫిక్ జామ్ కావడంతో ఇబ్బందులు తప్పడం లేదన్నారు.ప్రధానంగా ఈ సమస్యతో స్కూల్ పిల్లలు స్కూల్ కి లేట్... కూలీలు పనికి లేట్..రోగులు హాస్పిటల్ కి లేట్... ప్రభుత్వ ఉద్యోగులు ఉద్యోగానికి లేట్... చివరికి శవాలు కూడా స్మశానానికి లేట్ గా వెళ్లాల్సిన పరిస్థితి నెలకొందన్నారు.ఎంపీ ధర్మపురి అరవింద్ ఆర్ వోబీ కొరకు రైల్వే మంత్రి అశ్విని వైష్ణవ్ ని కలిసి కేంద్ర నిధులు మంజూరు చేయించారన్నారు. రైల్వే శాఖ తనవంతు పని పూర్తి చేసిందని, మరి రాష్ట్ర ప్రభుత్వం ఎందుకు చేయడం లేదని ప్రశ్నించారు. మాధవ్ నగర్ ఆర్ఓబిపై ఆర్ అండ్ బీ మంత్రి కోమటిరెడ్డి వెంకట్రెడ్డిని గత ఏడాది కలిస్తే వెంటనే పూర్తి చేయాలని అధికారులకు ఆదేశం ఇచ్చినట్లు గుర్తు చేశారు.కానీ ఇప్పటివరకు ఎందుకు పూర్తి కావడం లేదన్నారు. ఇది నిజామాబాద్ అర్బన్ ప్రజలను అవమానించడమేనని విమర్శించారు.

నిజామాబాద్ : జాతీయ రహదారిపై నిర్మాణ పనుల నేపథ్యంలో ఏర్పాటు చేసిన డైవర్షన్‌ వద్ద ప్రమాదాలు తరచూ చోటు చేసుకుంటున్నాయి. ఇందల్వాయి మండలం చంద్రాయన్ పల్లి శివారులో మంగళవారం ఉదయం కందిపప్పు లోడుతో వెళ్తున్న లారీ అదుపుతప్పి బోల్తా పడింది. తప్పిన పెనుప్రమాదం.. లారీబోల్తా పడిన ఘటనలో లారీ డ్రైవర్‌కు స్వల్ప గాయాలయ్యాయి. దీంతో పెనుప్రమాదం తప్పినట్లయింది. మహబూబ్‌నగర్‌ నుంచి నాగ్​పూర్​కు వైపు వెళ్తున్న లారీ జాతీయ రహదారిపై బోల్తాపడటంతో వాహనాల రాకపోకలకు తీవ్ర అంతరాయం ఏర్పడింది. లారీరోడ్డుపై పడిపోవడంతో సుమారు 3 కిలోమీటర్ల మేర వాహనాలు నిలిచిపోయాయి. సమాచారం అందుకున్న పోలీసులు ఘటనాస్థలానికి చేరుకుని ట్రాఫిక్‌ను క్రమబద్ధీకరించేందుకు చర్యలు చేపట్టారు. సుమారు 2గంటల పాటు శ్రమించి వాహనాల రాకపోకలను పునరుద్ధరించారు. జాతీయ రహదారి పనుల్లో భాగంగా అకస్మాత్తుగా డైవర్షన్‌ ఏర్పాటు చేయడం వల్లే ఈ ప్రాంతంలో తరచూ ప్రమాదాలు జరుగుతున్నాయని స్థానికులు ఆవేదన వ్యక్తం చేస్తున్నారు. వాహనదారులకు ముందస్తు సూచనలు, తగిన హెచ్చరిక బోర్డులు, భద్రతా ఏర్పాట్లు సమర్థంగా లేకపోవడం ప్రమాదాలకు కారణమవుతోందని ఆరోపిస్తున్నారు. వరుస ప్రమాదాలు జరుగుతున్నప్పటికీ సంబంధిత అధికారులు తగినచర్యలు తీసుకోవడం లేదని విమర్శిస్తున్నారు. ఇప్పటికైనా అధికారులు స్పందించి డైవర్షన్‌ వద్ద అవసరమైన భద్రతాచర్యలు చేపట్టి ప్రమాదాల నివారణకు చర్యలు తీసుకోవాలని స్థానికులు కోరుతున్నారు

నిజామాబాద్ :గ్రామాల్లో పారిశుధ్య నిర్వహణ మెరుగుపర్చి..ఇంటింటికీ చెత్త సేకరించేందుకు ఆయా పంచాయతీల ఆధ్వర్యంలో ట్రాక్టర్లు, ట్రాలీలు, ట్యాంకర్లు కొనుగోలు చేశారు. అయితే వాటికి సంబంధించి బీమా కాలపరిమితి గతంలోనే ముగిసినా పట్టించుకునేవారు కరువయ్యారు. ప్రజాధనంతో కొనుగోలు చేసిన వాహనాలు గ్రామాలకు ఉపయోగపడాల్సి ఉండగా, వాటి నిర్వహణ భారంగా మారితే అసలు లక్ష్యం దెబ్బతినే ప్రమాదం ఉందని ప్రజలు పేర్కొంటున్నారు.కొనుగోలు చేశారు.. నిర్వహణ మాటేమిటి?నిజామాబాద్ జిల్లాలో 545 గ్రామ పంచాయతీలు ఉన్నాయి. గ్రామాల్లో చెత్త సేకరణ, పారిశుధ్య పనుల కోసం ట్రాక్టర్లు, ట్రాలీలు, ట్యాంకర్లను వినియోగిస్తున్నారు. అయితే వాహనాలను సమకూర్చడంతోనే బాధ్యత అయిపోలేదు. వాటికి నిరంతరం డీజిల్‌, ఇంజిన్‌ ఆయిల్‌, విడి భాగాలు, మరమ్మతులు, ఇతర నిర్వహణ ఖర్చులు భరించాలి. వీటితోపాటు బీమా పునరుద్ధరణ ప్రధాన అంశం. అవసరమైన ధ్రువపత్రాల నిర్వహణ కూడా తప్పనిసరి. ఆదాయ వనరులున్న లేని గ్రామపంచాయతీల్లో ఈ ఖర్చులకు నిధులు ఎలా సమకూరుస్తున్నారన్నది కీలకంగా మారింది. సరైన నిర్వహణ లేకపోతే వాహనాలు తరచూ మరమ్మతులకు గురికావడం, చివరకు వినియోగానికి దూరమయ్యే పరిస్థితులు ఏర్పడుతున్నాయి.బీమా గడువులపై నిఘా ఏదీ?జిల్లాలోని దాదాపు అన్ని గ్రామ పంచాయతీ ట్రాక్టర్లకు బీమా గడువు ముగిసి ఏళ్లు కావస్తోంది. వాస్తవానికి ప్రతిఏడాది క్రమం తప్పకుండా బీమా రెన్యూవల్ చేయాలి. బీమా లేకుండా వినియోగిస్తే ప్రమాదాల బారినపడితే తీవ్ర ఆర్థిక, చట్టపరమైన సమస్యలు ఎదురయ్యే ముప్పు పొంచి ఉంది. ప్రజా అవసరాల కోసం ఉపయోగించే వాహనాల విషయంలో ఈ అంశాన్ని మరింత బాధ్యతగా చూడాలి. ఏ వాహనానికి బీమా ఎప్పటివరకు ఉంది..? ఎన్ని వాహనాలకు ఫిట్‌నెస్‌ ధ్రువపత్రాలు చెల్లుబాటులో ఉన్నాయి..? రిజిస్ట్రేషన్‌, ఇతర అనుమతులు సక్రమంగా ఉన్నాయా..? అనే వివరాలను సంబంధిత అధికారులు ఎప్పటికప్పుడు పరిశీలించాలి. జిల్లావ్యాప్తంగా ఇలాంటి తనిఖీలు నిర్వహించడం లేదనే విషయం తేటతెల్లమవుతోంది.ఖర్చుల భారం.. సేవలకు విఘాతం?ట్రాక్టర్లు, ట్రాలీల నిర్వహణకు నిధులు సరిపోకపోతే మరమ్మతులు వాయిదా పడే అవకాశం ఉంది. దీంతో చెత్త సేకరణ, పారిశుధ్య పనులకు ఆటంకం కలగవచ్చు. వాహనాలు అందుబాటులో లేకపోతే ప్రత్యామ్నాయ ఏర్పాట్లు చేయాల్సి వస్తుంది. ఇది పంచాయతీలపై అదనపు భారాన్ని మోపడంతోపాటు గ్రామస్తులకు అసౌకర్యం కలిగించే ప్రమాదం నెలకొంది. జిల్లాలో ఎన్ని వాహనాలు పనిచేస్తున్నాయి, ఎన్ని మరమ్మతుల్లో ఉన్నాయి, ఎన్ని నిరుపయోగంగా ఉన్నాయనే అధికారిక గణాంకాలు వెలుగులోకి రావాల్సి ఉంది. వాస్తవ పరిస్థితులపై గ్రామపంచాయతీల వారీగా వివరాలు సేకరిస్తే సమస్య తీవ్రత స్పష్టమవుతుంది. డ్రైవర్ల నియామకంపై స్పష్టత కరవు?ట్రాక్టర్లు, ఇతర వాహనాలను నడిపేందుకు అర్హత కలిగిన డ్రైవర్లు అవసరం. ప్రత్యేక డ్రైవర్లను నియమించడం, వారికి జీతాలు చెల్లించడం పంచాయతీలకు అదనపు ఖర్చుగా మారిందని సర్పంచులు వాపోతున్నారు. ఈ నేపథ్యంలో డ్రైవర్ల నియామకం, వేతనాల చెల్లింపు, విధుల కేటాయింపుపై స్పష్టమైన విధానం ఉండాలి. వాహనాన్ని నడిపే వ్యక్తికి సంబంధిత వాహన తరగతికి చెల్లుబాటయ్యే డ్రైవింగ్‌ లైసెన్స్‌ ఉండటంతోపాటు, వాహనం రహదారిపై నడిపేందుకు అవసరమైన చట్టపరమైన అర్హతలు కలిగి ఉండాలి. భద్రతా ప్రమాణాలు పాటించకపోతే ప్రమాదాల ముప్పు పెరుగుతుంది.రికార్డుల నిర్వహణ తప్పనిసరిప్రతి గ్రామ పంచాయతీలో వాహనాల కొనుగోలు, వినియోగం, ఇంధన ఖర్చులు, మరమ్మతులు, బీమా పునరుద్ధరణ, ఫిట్‌నెస్‌ వివరాలను క్రమబద్ధంగా నమోదు చేయాలి. వాహనాలపై చేసిన ఖర్చులకు సంబంధించి బిల్లులు, రికార్డులను పరిశీలించాలి. వాహనాలు ఎంతకాలంగా వినియోగంలో ఉన్నాయి? మరమ్మతుల కోసం ఎంత ఖర్చు చేశారు? తరచూ మరమ్మతులు అవసరమవుతున్న వాహనాల విషయంలో తీసుకుంటున్న చర్యల వంటి అంశాలపై ఆడిట్‌, పర్యవేక్షణ ఉండాలి. దీంతో ప్రజాధనం దుర్వినియోగం కాకుండా అడ్డుకోవడంతోపాటు వాహనాల వినియోగ సామర్థ్యాన్ని పెంచే అవకాశం ఉంటుంది.సమగ్ర సర్వేతోనే పరిస్థితి వెలుగులోకి!జిల్లాలోని గ్రామపంచాయతీల వారీగా వాహనాల సంఖ్య, ప్రస్తుత స్థితి, బీమా గడువు, ఫిట్‌నెస్‌, మరమ్మతుల వ్యయం, డ్రైవర్ల అందుబాటు వంటి అంశాలపై సమగ్ర సర్వే నిర్వహించాల్సిన అవసరం ఉంది. సంబంధిత అధికారులు వాస్తవ పరిస్థితులను పరిశీలించి, లోపాలుంటే సరిదిద్దే చర్యలు చేపట్టాలి. ప్రజాధనంతో సమకూర్చిన వాహనాలు రికార్డులకే పరిమితం కాకుండా గ్రామాలకు ఉపయోగపడేలా చూడటమే లక్ష్యంగా ఉండాలని ప్రజలు పేర్కొంటున్నారు.

నిజామాబాదు జిల్లా బాల్కొండ అసెంబ్లీ నియోజక వర్గం కేంద్రంలో ఆదివారం రాత్రి ఉల్లాస భరింతంగ కోజాగరి పౌర్ణమి పూజ అనంతరం, పాత్రలో పాలల్లో చంద్ర దర్శనంలో భక్తులు ఉప్పొంగి పోయారు.ఈ సందర్బంగా పూజారీ దుర్గ ప్రసాద్ భక్తుల్ని ఉద్దేశించి మాట్లాడుతూకోజావరి పౌర్ణిమ , శరదృతువు ఆశ్వీజ మాసంలో వచ్చే పౌర్ణమిరోజుల్లో భూమండలంపై గాలి, నీరు, పుష్పాలు చంద్రుని వల్ల ప్రకృతిలో ఎట్పడ్డ గాలి తో చంద్రిని కిరణాలను భక్తులు పాత్రలో చంద్ర దర్శనం ద్వారా మనసుకు ఉల్లాసము, శక్తి,మానసిక ప్రశాంతత చంద్రుని ద్వారా మనకు కలుగటమే కాకుండా సకల దోషాలు తొలిగి పోతాయని అన్నారు. ఈ పూజ కార్యక్రమాన్ని బాల్కొండ లోని నల్లూరి హరికృష్ణ వివరిస్తూకోజాగరి పౌర్ణమి  రోజున రాగి పాత్రలో చంద్ర దర్శనంతో ప్రతి మనిషికి మానసిక ప్రశాంతత సకల దోషాలు తొలగి పోతాయని శాస్త్రం చెపుతుందని ఇదే సిద్ధాంతంతో మా పూర్వికులు గత 108 సంవత్సరాలనుండి భక్తుల సమక్షంలో శాస్త్రోత్ర ప్రాకారంగా ఆదివారం రాత్రి పూజాల అనంతరం 9:00 నుండి 10:00 వరకు పాత్రలో  భక్తులకు చంద్ర దర్శనం చేయించడం జరిగిందని నల్లూరి హరికృష్ణ తెలిపారు. ఈ పూజ కార్యక్రమాన్ని నల్లూరి హరికృష్ణ నెత్రుత్వం లోపూజారి  శ్రీ శ్రీ శ్రీ దుర్గ ప్రసాద్ శర్మ,పుణ్య వచనాలతో శాస్త్రోత్వకంగ పూజలో శ్రీ నల్లూరి  కళ్యాణ కృష్ణ జోషి, సుదీప్ జోషి,అశేష భక్తుల మధ్య పూజలు పూజలు ఘనంగా జరిగాయి.

 కార్యక్రమాన్ని విజయవంతం చేయాలని కార్యకర్తల కు దిశ నిర్దేశం చేసిన ఎమ్మెల్యే.. బాన్సువాడ కు నేడు  పంచాయతీరాజ్ శాఖ మంత్రి ఉమ్మడి నిజామాబాద్ ఇన్చార్జి మంత్రి సీతక్క అభివృద్ధి కార్యక్రమాల్లో పాల్గొనేందుకు బాన్సువాడ కు విచ్చేస్తున్నట్లు సోమవారం పోచారం తెలిపారు. బాన్సువాడ నియోజక వర్గ పరిధి లో పలు అభివృద్ధి కార్యక్రమాల ప్రారంభోత్సవాల కు ముఖ్య అతిథి గా హాజరు కానున్న మంత్రి సీతక్క బాన్సువాడ నియోజకవర్గం లో మంగళవారం రోజున పలు అభివృద్ధి కార్యక్రమాల ప్రారంభోత్సవాలు, నూతన నిర్మాణాల కు భూమి పూజ కార్యక్రమాల్లో ముఖ్య అతిథిగా పాల్గొనేందుకు ఉమ్మడి నిజామాబాద్ జిల్లా ఇన్‌చార్జి మంత్రి, పంచాయతీరాజ్ & గ్రామీణాభివృద్ధి శాఖ మంత్రి శ్రీమతి అనసూయ సీతక్క  బాన్సువాడ కు రానున్నారు. మంత్రి సీతక్క పర్యటన కు సంబంధించి బాన్సువాడ పట్టణ, గ్రామీణ మండలాల కు చెందిన ప్రజాప్రతి నిధులు, నాయకుల తో తెలంగాణ రాష్ట్ర ప్రభుత్వ వ్యవసాయ సలహాదారులు, బాన్సువాడ నియోజకవర్గ శాసనసభ్యులు  పోచారం శ్రీనివాసరెడ్డి  సమావేశమై ఏర్పాట్లపై సమీక్ష నిర్వహించి, కార్యక్రమాల నిర్వహణకు సంబంధించి దిశానిర్దేశం చేశారు. ఈ సమావేశం లో రాష్ట్ర మాజీ ఆగ్రోస్ ఛైర్మెన్ కాసుల బాలరాజు పాల్గొన్నారు. మంత్రి సీతక్క  పర్యటన లో భాగంగా నిర్వహించనున్న కార్యక్రమాలు......  మధ్యాహ్నం 2 గంటల కు కొయ్యగుట్ట తాండలో: బాన్సువాడ గ్రామీణ మండలం కొయ్యగుట్ట తాండ లో నూతనంగా నిర్మించనున్న గ్రామ పంచాయతీ భవనం, మహిళా సమాఖ్య భవనాల నిర్మాణానికి భూమిపూజ, మధ్యాహ్నం 3 గంటల కు బాన్సువాడ పట్టణంలో: పట్టణం లోని 3వ వార్డు లో నూతనంగా నిర్మించిన మహిళా సమాఖ్య భవనం ప్రారంభోత్సవం,మధ్యాహ్నం 3:30 గంటల కు బోర్లం గ్రామ శివారు లో: బాన్సువాడ గ్రామీణ మండలం బోర్లం గ్రామ శివారు లో నూతనం గా నిర్మించిన 33/11 కేవీ సబ్‌స్టేషన్ ప్రారంభోత్సవం. ఈ కార్యక్రమాల కు సంబంధించి న ఏర్పాట్ల ను ప్రజాప్రతినిధులు, నాయకులు సమన్వయం తో చేపట్టి విజయవంతం చేయాలని పోచారం శ్రీనివాసరెడ్డి  సూచించారు. ఈ కార్యక్రమం లో మాజీ ఆగ్రో  చైర్మన్ కాసుల బాలరాజ్, మాజీ సింగిల్ నుండి చైర్మన్ ఏరువాల కృష్ణారెడ్డి, మండల పరిధి లోని నాయకులు కార్యకర్తలు పాల్గొన్నారు.

అక్రమ అరెస్టు చేయడం సరైనది కాదని సోమవారం టీజేఏసీ కో కన్వీనర్ ఉమ్మడి నిజామాబాద్ జిల్లా మాధవ్ యాదవ్ తీవ్రం గా ఖండించారు. ఈ సందర్భం గా ఆయన మాట్లాడుతూ. ఏదో ఒక ఉద్యమ సంస్థ ముఖ్యమంత్రి  ఇంటిని ముట్టడి కార్యక్రమం పెట్టుకుంటే అందరిని అంటే ఆ సంస్థ కు సంబంధం లేని ఉద్యమకారుల ను అక్రమ అరెస్టులు చేయడం సమంజసం కాదు రాష్ట్ర ప్రభుత్వం కేశవరావు కమిటీని పెట్టి రెండు సంవత్సరాల నుండి అధ్యాయనం చేయుచున్నది ఈ అధ్యాయం తో కాలయాపన జరుగుతున్న మాట వాస్తవమే అయినా న్యాయం జరుగుతుందని విశ్వాసం మాకు ఉంది మేము ప్రొఫెసర్ కోదండరాం ఎమ్మెల్సీ  నాయకత్వం లో తెలంగాణ జెఎన్టి యాక్షన్ కమిటీ  టీజేఏసీ లో పనిచేస్తున్నాం మాకు సంబంధం లేని విషయాల తో పోలీస్ డిపార్ట్మెంట్ మా కార్యకర్తలను అక్రమ అరెస్టులు చేయడం పై ఖండిస్తున్నాం అని తెలిపారు.

 మోర్తాడ్  : నిజామాబాద్ జిల్లా మోర్తాడ్ మండలం మేజర్ గ్రామపంచాయతీ   బతుకమ్మ మహోత్సవం తెలంగాణ సంస్కృతి, సంప్రదాయా లు, ఆచార వ్యవహారాలకు ప్రతీకగా నిలిచే బతుకమ్మ పండుగ రాష్ట్ర ప్రజల జీవితాల్లో ప్రత్యేకమైన స్థానాన్ని సంపాదించుకుంది. ప్రకృతిని ఆరాధిస్తూ, పూలను పూజిస్తూ, మహిళలంతా ఒకచోట చేరి ఆనందోత్సా హాల మధ్య జరుపుకునే ఈ పండుగ తెలం గాణ ప్రత్యేకతను ప్రపంచానికి చాటిప్రకృతిని పూజించే అపురూప సంప్రదాయం తీరొక్క పూలతోబతుకమ్మల అందమైన పేర్పు • జానపద గీతాలు, ఆటపాటలతో మహిళల సందడి • తరతరాలకు తెలంగాణ సంస్కృతిని అందించే వేడుక చెబుతోంది. పల్లె నుంచి పట్టణం వరకు ఎక్కడ చూసినా రంగురంగుల పూలతో పే ర్చిన బతుకమ్మలు, వాటి చుట్టూ వలయం గా చేరిన మహిళలు, లయబద్ధంగా విని పించే జానపద గీతాలు పండుగ వాతావర ణాన్ని నింపుతాయి. ఆశ్వయుజ మాసం లో తొమ్మిది రోజులపాటు నిర్వహించే బ తుకమ్మ వేడుకలు మహిళల భక్తిశ్రద్ధలకు, సామూహిక ఐక్యతకు, ప్రకృతిపై వారికు న్న ప్రేమకు నిదర్శనంగా నిలుస్తాయి. మొదటి రోజు ఎంగిలిపూల బతుకమ్మతో ప్రా రంభమయ్యే ఈ వేడుకలు చివరి రోజు స ద్దుల బతుకమ్మతో ముగుస్తాయి. ప్రతి రో జుకు ప్రత్యేకమైన ఆచారాలు, పూజా విధా నాలు, నైవేద్యాలు ఉంటాయి. పూలతో పే ర్చే బతుకమ్మలో కేవలం అందం మాత్రమే కాకుండా ప్రకృతి  ప్రసాదించిన సంపదపై కృతజ్ఞత, కుటుంబాల సంక్షేమం పట్ల ఆ కాంక్ష, మహిళల మధ్య అనుబంధం  ఒకరికి ఒకరు శుభాకాంక్షలు తెలుపుకున్నారు ఈ కార్యక్రమంలో కమిటీ సభ్యులు దేవల పూజ జిన్నా రాజశ్రీ దేవల లత  ఈర్గాల లక్ష్మి  పద్మ జిన్న గంగనర్సు   సురేఖ సుస్మిత  సుజాత సుప్రజ ప్రిన్సి సైని సంజన శ్రీ నిత్య శ్రీవిద్య సంస్కృతి ఇషిక శ్రీ  చైత్య ఇషిక   తదితరులు పాల్గొన్నారు

మోర్తాడ్ ముసలమ్మ చెరువు  దుర్గామాత నిమజ్జనాన్ని ప్రశాంత వాతావరణంలో, భక్తులకు ఎలాంటి ఇబ్బందులు కలగకుండా నిర్వహించేందుకు అవసరమైన ఏర్పాట్లు చేపట్టారు. ఇందులో భాగంగా స్థానిక సర్పంచ్ భోగా ఆనంద్ గ్రామ పంచాయతీ సెక్రెటరీ సైఫుద్దీన్  విడీసీ సభ్యులు ఎల్లాల రమేష్ ఆధ్వర్యంలో నిమజ్జనం కోసం సిద్ధం చేసిన చెరువును  పరిశీలించారు. ఈ సందర్భంగా నిమజ్జనానికి వచ్చే భక్తులకు అవసరమైన సౌకర్యాలు, భద్రతా ఏర్పాట్లు, నీటి వసతి తదితర అంశాలను పరిశీలించి, వేడుకలు సజావుగా జరిగేలా చర్యలు తీసుకోవాలని సూచించారు. అదేవిధంగా ముసలమ్మ చెరువులో  దుర్గామాత విగ్రహాల నిమజ్జనం కోసం చేపట్టిన ఏర్పాట్లను కూడా పరిశీలించారు. భక్తుల మనోభావాలను గౌరవిస్తూ, నిమజ్జన కార్యక్రమంలో ఎలాంటి అవాంఛనీయ సంఘటనలు చోటుచేసుకోకుండా సంబంధిత అధికారులు సమన్వయంతో పనిచేయాలని సూచించారు. నిమజ్జనానికి వచ్చే ప్రజలకు ఎలాంటి అసౌకర్యం కలగకుండా ముందస్తు జాగ్రత్తలు తీసుకోవాలని పేర్కొన్నారు.  దుర్గామాత నిమజ్జనానికి అవసరమైన ఏర్పాట్లపై ప్రత్యేక దృష్టి సర్పంచ్  భోగ ఆనంద్ విడీసీ సభ్యులు  ప్రత్యేక శుభాకాంక్షలు తెలియజేశారు. ప్రజల సౌకర్యార్థం నిమజ్జన ఏర్పాట్లు చేపట్టడం అభినందనీయమని పేర్కొన్నారు.

మేజర్ గ్రామ పంచాయతీ సర్పంచ్ భోగ ఆనంద్ మహిళలందరికీ సద్దుల బతుకమ్మ, పెద్ద బతుకమ్మ పండుగ శుభాకాంక్షలు తెలిపారు. ఈ సందర్భంగా సర్పంచ్ మాట్లాడుతూ.. బతుకమ్మ నిమజ్జనాలకై చెరువకట్ట వద్ద అన్ని ఏర్పాట్లు చేశామని చెప్పారు. ప్రతి ఒక్కరు జాగ్రత్తలు పాటిస్తూ పండుగను సంతోషంగా జరుపుకోవాలని కోరారు. ఈ మేరకు చెరువు కట్ట వద్ద లైటింగ్ వ్యవస్థ, నేలపై క్లీన్ చేయించారు, చిన్నారులు నీటిలోకి ప్రమాదవశాత్తూ దిగకుండా అన్ని ఏర్పాటు చేశామన్నారు. అక్కడే పారిశుద్ధ్య కార్మికులు కూడా ప్రజలకు అందుబాటులో ఉంటారని పేర్కొన్నారు.

నిజామాబాద్ జిల్లా సాలూర మండల కేంద్రంలోని శ్రీ సార్వజనిక్ దుర్గామాత ఉత్సవాల్లో భాగంగా అమ్మవారి లడ్డూ, మెడలోని పైసల దండ, చీరలు, వివిధ రూపాల్లోని అమ్మవారి అలంకరణ వస్తువులకు వేలంపాట నిర్వహించారు. భక్తులు ఉత్సాహంగా పాల్గొని వేలంలో పోటీపడి వస్తువులను దక్కించుకున్నారు. అమ్మవారి మణిహారం అత్యధికంగా రూ.1,77,000కు బిల్లా అభినయ్ (భవాని టీం) దక్కించుకోగా, దుర్గామాత లడ్డూను కన్నె సాయిలు (వసంత్) రూ.1,46,000కు దక్కించుకున్నారు. వేలంలో దక్కించుకున్న వారి వివరాలు: దుర్గాదేవి లడ్డూ: కన్నె సాయిలు (వసంత్) – రూ.1,46,000దుర్గాదేవి మణిహారం: బిల్లా అభినయ్ (భవాని టీం) – రూ.1,77,000త్రిపుర దేవి: కల్లూరి భాస్కర్ – రూ.12,000శాకంబరి దేవి: సున్నపు సాయిలు – రూ.6,000అన్నపూర్ణ దేవి: సోక్కం సాయిలు – రూ.25,000కాత్యాయిని దేవి: బిల్లా గంగాధర్ – రూ.27,000మహాలక్ష్మి దేవి: ఉష్కే సిద్ధు – రూ.39,000.లలితా త్రిపుర సుందరి దేవి: అల్లె పొశెట్టి – రూ.25,555 సరస్వతి దేవి: మేదరి సాయిలు (సంతొష్) – రూ.25,000దుర్గాదేవి: గాండ్ల రాజన్నా  – రూ.35,555మహిషాసుర మర్దిని: బాజే భాస్కర్ – రూ.33,333దుర్గామల్లేశ్వరి కల్యాణం: కన్నె సాయి వినోద్ (చింటూ) – రూ.40,000.వేలంపాటలో భక్తులు ఉత్సాహంగా పాల్గొని అమ్మవారిపై తమకున్న భక్తిని చాటుకున్నారు. ఉత్సవాల సందర్భంగా ఆలయ పరిసరాల్లో భక్తి వాతావరణం నెలకొంది.

బాల్కొండ (నిజామాబాదు జిల్లా) :- హైoదవ ధర్మాన్ని రక్షిస్తే ఆ ధర్మమే మిమ్ముల్ని రాక్షస్తుందని తెలంగాణ బి. సి.గ్రడ్యూయేట్ ఫోరo ప్రోగ్రెస్ యూనియన్ జర్నలిస్ట్ అసోసియేషన్ జాతీయ కార్యనిర్వాహా అధ్యక్షులు డా,,అబ్బగోని అశోక్ గౌడ్అన్నారు.నిజామాబాదు జిల్లా బాల్కొండ లో ఉన్న శ్రీ నిమి షంభ దేవి నవరాత్రి ఉత్స వాల్లో భాగంగ ఆదివారం సాయంత్రం ముఖ్య అతిథిగా హాజరై ప్రతేక పూజలో పాల్గొని భక్తుల్ని ఉద్దేశిస్తూ అన్నారు.ఈ సందర్భంగా ఆయన మాట్లా డుతూ పూర్వపు అల్లకొండ నేటి బాల్కొండ లో కొలువైన ఉన్న శ్రీ నిమిషంబ దేవి ఆలయం తొమ్మిది ఏతైనా.నల్ల రాల్ల కొండల చేత చుట్టబడి ఉందని,పూర్వం అల్లయ్య కొండయ్య సామ్రాజ్యంలో శ్రీ సోమ క్షత్రియులు శ్రీ నిమిషంబ దేవి పంచలోహ విగ్రహాన్ని 1059 బాల్కొండ కు తీసుక వచ్చి గోవిందయ్య వంశీయుల ద్వారా నిత్య నైవేద్య పూజలు జరిగినట్లు చరిత్ర చెబుతుందని అయన భక్తులకు వివరిస్తూనే కాల జ్ఞానీ శ్రీ పోతుంలూరి వీర బ్రహ్మంగారు కాల జ్ఞానంలో " కలికాల ప్రభావంతో " దొంగ బాబాలతో పాటు దొంగ సాధువులు పుట్టుక వస్తారని, ఆలయాల పేరుతో ఏ మాత్రం చరిత్ర లేని ఆలయాలు తెర మీదకు పుట్టుక వచ్చి " లేనిది ఉన్నట్లు కల్పితాలతో భక్తుల్ని అయో మయానికి గురి చేసే వాళ్లు ఎక్కువ అవుతారని, ఇందులో భాగంగానే ఇటీవల కాలంలో ఏమాత్రం చరిత్ర లేని ఆలయాల్లో అలంకరణ పేరుతో ఆఖర్షిస్తూ భక్తులు ఇచ్చే కాను కలతో " ప్రవేట్ బ్యాంకులు"గ మారి పోతున్నాయని అయన ఆవేదన వ్యక్తం చేస్తూనే ఒక సామెత ను వివరిస్తూ " ఓ భక్తురాలు ఇంట్లో ఉండే ఇంటి దైవాన్ని ఇంట్లోనే పెట్టుకొని దైవం కనపడటం లేదని ఊరూ ఊర తిరిగిందట " ఓ గొర్రె మందలో ఒక గొర్రె పరు గెత్తుకుంటూ వెళ్లి గోతిలో పడగానే గోర్లు వెనుక ముందు ఏది ఆలోచన చేయకుండా మిగతా గోర్లు కూడా గోతిలో పడి పోతున్నాయని అశోక్ గౌడ్ ఆవేదన వ్యక్తం చేసారు.హైoదవ సాంప్రదాయం ప్రకారం  హిందూ మహిళా మణులు ఏదైనా ఆలయానికి వెళ్లే టప్పుడు నుదిటిన "టికిలి" బొట్టు కాకుండా కుంకుమ బొట్టు తో పాటు తల వెంట్రుకలు విరబూసి ఉంచకుండా " జడ కొప్పు " వేసుకొని హిందూ సాంప్ర దాయం ప్రకారం వస్త్రాలు దరిoచి వెళ్లాలాలని,ఎట్టి పరిస్థుతుల్లో " మోడరన్ వస్త్రాలు " ధరించ రాదనీ భక్తులకు విజ్ఞప్తి చేసారు.ప్రత్యేక  పూజాల సందర్బంగా ఆలయ సేవకులైన బ్రహ్మ రౌతు నర్సింగ్ రావు మాట్లాడుతూ ఉమ్మడి తెలుగు రాష్ట్రంలో బాల్కొండలో వెలసిన శ్రీ నిమిషంబ దేవి ఆలయం అక్టోబర్ 2026 నాటికీ (967) సంవత్స రాలుగా నిత్య నైవేద్య పూజలు నేటికీ కొనసాగడం విశేషంగా ఉందని  పైగా భారత దేశంలోనే 4 వ ఆలయంగా ప్రసిద్ధి చెందినదని,ఆలయ అభివృద్ధి పనుల కోసం కేవలం ఒళ్ళు వంచి " స్వశక్తి" తో సంపాదించిన డబ్బులనే ఆలయానికి విరాళాల రూపంలో తీసు కుంటున్నా మని, అంతేకానీ ప్రజల్ని దోచుకునే వారిలో చట్ట వ్యతిరేక కార్యకలాపాలు చేసె వారి నుండి పైగా ప్రజల్ని, "తిమ్మిని బమ్మి - బమ్మిని తిమ్మి " చేసె రాజకీయ నాయకుల నుండి,విరాళాలు స్వీకరించడం లేదని నర్సింగ్ రావు స్పష్టం చేసారు. ప్రతేక పూజాల అనంతరం వివిధ జిల్లాల నుండి హాజరైన భక్తులు అమ్మవారికి ఓడిబియ్యాలతో పాటు కొబ్బరి కాయలకు ఎర్రటి వస్త్రాన్ని చుట్టి అమ్మవారిని స్మరించు కొని తమ కొరికేలు తీర్చాలని కోరుతూ" ముడు పులు "కట్టుకున్నారు.అనంతరం టోకెన్ నేం (82) నిజామాబాదు జిల్లా కేంద్రానికి చెందిన వశిష్ఠ మహాముని గోత్రం బి.దేవేందర్, వసుధ,బి. శ్రీవరుణ్, సాయి కీర్తి,బి. తరుణ్ బి.ప్రాసన్న కుటుంబం వారిచే అన్నదానం చేసారు. అనంతరం ఆలయ అభివృద్ధి పనులకు చేయూతనిస్తున్న బి.దేవేందర్,బి.వెంకటే శ్వరరావు, బి. వెంకట గిరి, బి.కళావతి ప్రముఖులకు ఆలయ తరపున సన్మానించడం జరిగింది.ఈ కార్యక్రమంలో ఆలయానికి చెందిన అమ్మవారి సేవకులు బి గంగాధర్ డాక్టర్ పవన్ కుమార్,బి. సత్యనారా యణ సుత్రావే సంతోష్ కుమార్ బి వెంకటేశ్వర రావు,బి.శ్రీనివాస్ తదితరులు పాల్గొన్నారు.