బాన్సువాడ : విద్యార్థులపై ఉపాధ్యాయులు ప్రత్యేక శ్రద్ధ వహించాలని మంగళవారం డిఆర్పి అయ్యల సంతోష్ తెలిపారు. బాన్సువాడ మండల పరిధి లోని బోర్లం జెడ్ పి హెచ్ ఎస్ కాంప్లెక్స్ లో ఎస్ జి టి ఉపాధ్యాయుల సమావేశం లో డి ఆర్ పి అయ్యాల సంతోష్ మాట్లాడుతూ. మిడ్ లైన్ టెస్ట్ వరకు విద్యార్థులు రావలసిన సామర్థ్యాలు విద్యార్థుల్లో వచ్చే విధంగా సన్నద్ధం చేయాలని విద్యార్థులు నవంబర్ నెల లో హాజరు శాతం ఎక్కువ ఉండే విధంగా చూడాలని, విద్యార్థుల లో తెలుగు ఆంగ్లం గణితం అంశాలలో తగిన సామర్థ్యాలు వచ్చే విధంగా ఉపాధ్యాయుల కృషి చేయాలని, ఎఫ్ ఎల్ ఎన్ లో భాగంగా కామారెడ్డి జిల్లాను ప్రథమ స్థానంలో ఉంచే విధంగా ఉపాధ్యాయుల కృషి చేయాలని, 2, 5వ తరగతి విద్యార్థుల పై ప్రత్యేక శ్రద్ద వహించాలని అన్నారు.ఈ కార్యక్రమం లో ఆర్.పి లు ప్రవీణ్ కుమార్, మహేందర్, సాయిరాం, సి ఆర్ పి జ్యోతి తదితరులు పాల్గొన్నారు

 ప్రజల కు మెరుగైన వైద్యం అందుతుందా లేదా అని స్వయం గా ఆరా తీసిన ఎమ్మెల్యే......  బాన్సువాడ : వర్ని మండల కేంద్రంలోని 30 పడగల ఆసుపత్రిని మంగళవారం సందర్శించిన బాన్సువాడ శాసనసభ్యులు పోచారం. బాన్సువాడ నియోజవర్గం లోని వర్ని 30 పడకల ప్రభుత్వ ఆసుపత్రి ని సందర్శించి వైద్య సేవల పై ఆరా తీసిన పోచారం శ్రీనివాసరెడ్డి. వర్ని మండల కేంద్రం లోని 30 పడకల ప్రభుత్వ ఆసుపత్రి ని తెలంగాణ రాష్ట్ర ప్రభుత్వ వ్యవసాయ సలహాదారులు, బాన్సువాడ నియోజకవర్గ శాసనసభ్యులు పోచారం శ్రీనివాసరెడ్డి. సందర్శించారు. ఈ సందర్భం గా ఆసుపత్రి లో చికిత్స పొందుతున్న రోగుల  ను స్వయంగా కలిసి వారికి అందుతున్న వైద్య సేవలు, వైద్య సదుపాయాల గురించి అడిగి తెలుసుకున్నారు. రోగుల కు మెరుగైన వైద్యం అందు తుందా లేదా అనే విషయంపై వైద్యుల ను ఆరా తీశారు. అనంతరం డీసీహెచ్‌ఓ శ్రీనివాస్ ప్రసాద్ తో మాట్లాడి ఆసుపత్రిలో అందుబాటులో ఉన్న వైద్య సిబ్బంది వివరాలు, అవసరమైన వైద్య సిబ్బంది నియామకం, ఆసుపత్రికి రావాల్సిన వైద్య పరికరాలు, ఇతర మౌలిక సదుపాయాల గురించి చర్చించారు. ప్రభుత్వ ఆసుపత్రులకు వచ్చే పేద, మధ్యతరగతి ప్రజలకు మెరుగైన వైద్య సేవలు అందేలా చూడాలని, రోగులకు ఎలాంటి ఇబ్బందులు కలగకుండా అవసరమైన చర్యలు తీసుకోవాలని ఈ సందర్భంగా వైద్య అధికారుల కు పలు సూచనలు చేశారు.

బాన్సువాడ : బాన్సువాడ నియోజకవర్గం కరువు ప్రకటించాలని మంగళవారం సిపిఐ నేత దుబాస్ రాములు ప్రభుత్వాన్ని డిమాండ్ చేశారు. బాన్సువాడ పట్టణంలోని సిపిఐ కార్యాలయం ప్రక్కన ఉన్న నాయి బ్రాహ్మణ ఫంక్షన్ హాల్ లో సిపిఐ అనుబంధ కార్మిక సంఘాల సభ్యుల తో సమావేశం నిర్వహించడం జరిగింది. ఈ సందర్భం గా సిపిఐ పార్టీ బాన్సువాడ నియోజకవర్గ ఇన్చార్జ్ జిల్లా సహాయ కార్యదర్శి దుబాస్ రాములు మాట్లాడుతూ. రాష్ట్రంలో ఎల్ నినో వలన కరువు తీవ్రంగా ఉంటుందని కాబట్టి రాష్ట్ర ప్రభుత్వం స్పందించి బాన్సువాడ నియోజకవర్గ ప్రాంతాన్ని కరువు ప్రాంతంగా ప్రకటించి కేంద్రానికి నివేదిక అందించి ప్రజలను ఆదుకోవాలని ఆయన డిమాండ్ చేశారు. ఉపాధి హామీ పథకాన్ని బాన్సువాడ మున్సిపాలిటీలో వర్తింపజేసి గ్రామాల లో ఉపాధి పనులు కల్పించాలని ఆయన డిమాండ్ చేశారు. ఈ సమావేశం లో సిపిఐ నాయకులు చెన్నం గారి సురేష్ , తోట శ్రీనివాస్, సాయిలు, ఖాదర్, లక్ష్మి తదితరులు పాల్గొన్నారు.

బాన్సువాడ  ఢిల్లీలో ‘ఓట్ బచావో – దేశ్ బచావో’ ర్యాలీ కి ఆదివారం హాజరైన కాంగ్రెస్ పార్టీ నాయకులు, మాజీ డీసీసీబీ చైర్మన్ పోచారం భాస్కర్ రెడ్డి. ఢిల్లీ లోని చారిత్రాత్మక రామ్‌లీలా మైదానం లో కాంగ్రెస్ పార్టీ నేతృత్వం లోని ‘ఇండియా’ కూటమి ఆధ్వర్యం లో నిర్వహించిన ‘ఓట్ బచావో – దేశ్ బచావో’ భారీ బహిరంగ సభ లో ఏఐసీసీ అధ్యక్షులు మల్లికార్జున ఖర్గే, లోక్‌సభ ప్రతిపక్ష నాయకులు రాహుల్ గాంధీ, శ్రీమతి ప్రియాంక గాంధీ తో పాల్గొన్న తెలంగాణ రాష్ట్ర ముఖ్యమంత్రి ఏనుముల రేవంత్ రెడ్డి, టిపిసిసి అధ్యక్షులు శ్రీ బొమ్మ మహేష్ కుమార్ గౌడ్, రాష్ట్ర మంత్రులు, ఇతర రాష్ట్ర, జాతీయ నాయకులు పాల్గొన్న సభ లో బాన్సువాడ నియోజకవర్గం నుంచి కాంగ్రెస్ పార్టీ రాష్ట్ర నాయకులు, మాజీ డీసీసీబీ చైర్మన్ పోచారం భాస్కర్ రెడ్డి బాన్సువాడ నుండి సుమారు 50 మంది కాంగ్రెస్ పార్టీ నాయకులు, కార్యకర్తల తో కలిసి హాజరయ్యారు. ఓటర్ల జాబితాల ప్రత్యేక సమగ్ర సవరణ ( సార్) ప్రక్రియ లో అక్రమాలు జరిగాయంటూ ఆరోపిస్తూ, ఎన్నికల వ్యవస్థ పారదర్శకత ను కాపాడాలని, ప్రధాన ఎన్నికల కమిషనర్ రాజీనామా చేయాలని డిమాండ్ చేస్తూ ఈ నిరసన కార్యక్రమాన్ని నిర్వహించారు. ఈ సందర్భంగా దేశవ్యాప్తంగా ప్రజాస్వామ్య విలువలు, ఓటు హక్కు పరిరక్షణ, ఎన్నికల ప్రక్రియలో పారదర్శకత కోసం నిర్వహించిన ఈ కార్యక్రమం లో బాన్సువాడ నియోజకవర్గ కాంగ్రెస్ నాయకులు, కార్యకర్తల తో పాటు ఇండియా కూటమికి చెందిన వివిధ పార్టీల జాతీయ నాయకులు, ప్రజాప్రతినిధులు, కార్మిక సంఘాలు, విద్యార్థి సంఘాల ప్రతినిధులు పాల్గొన్నారు.

భిక్కనూరు : భిక్కనూరు మండల కేంద్రంలో భారత ఉక్కు మనిషి, స్వాతంత్ర్య సమరయోధుడు సర్దార్ వల్లభాయ్ పటేల్ జయంతి, మాజీ ప్రధాని ఇందిరాగాంధీ వర్ధంతి వేడుకలను కాంగ్రెస్ నాయకులు ప్రజాప్రతినిధులు ఘనంగా నిర్వహించారు. ఈ సందర్భంగా సర్దార్ వల్లభాయ్ పటేల్, ఇందిరాగాంధీ చిత్రపటాలకు పూలమాలలు వేసి ఘనంగా నివాళులర్పించారు. దేశ ఐక్యత సమగ్రత కోసం సర్దార్ వల్లభాయ్ పటేల్ చేసిన సేవలను, దేశ అభివృద్ధి కోసం ఇందిరాగాంధీ అందించిన సేవలను నాయకులు స్మరించుకున్నారు.ఈ కార్యక్రమంలో భిక్కనూరు సర్పంచ్ బల్యాల రేఖ సుదర్శన్, ఉప సర్పంచ్ మోహన్ రెడ్డి, బ్లాక్ కాంగ్రెస్ అధ్యక్షుడు సుదర్శన్, మండల కాంగ్రెస్ పార్టీ అధ్యక్షుడు నరేందర్ రెడ్డి, జిల్లా గ్రంథాలయ సంస్థ చైర్మన్ మద్ది చంద్రకాంత్ రెడ్డి, కాంగ్రెస్ నాయకులు శ్రీరాం వెంకటేష్, వేణు, లింబాద్రి, గంగల భూమయ్యతో పాటు భిక్కనూరు గ్రామపంచాయతీ పాలకవర్గ సభ్యులు, పలువురు కాంగ్రెస్ నాయకులు పెద్ద సంఖ్యలో పాల్గొన్నారు.

 భిక్కనూర్ :  విద్యార్థుల్లో పోలీస్ వ్యవస్థపై అవగాహన పెంపొందించడంతో పాటు పోలీసుల విధులు బాధ్యతలను ప్రత్యక్షంగా తెలియజేసేందుకు బిక్కనూరు పోలీస్ స్టేషన్‌లో పాఠశాల విద్యార్థులకు ఓపెన్ హౌస్ కార్యక్రమం ఎస్సై అనిల్ నిర్వహించారు. ఈ సందర్భంగా పోలీస్ స్టేషన్ పనితీరు నేరాల నియంత్రణ, శాంతిభద్రతల పరిరక్షణలో పోలీసుల పాత్ర, ప్రజలకు అందించే సేవల గురించి విద్యార్థులకు వివరించారు. పోలీస్ స్టేషన్‌లోని వివిధ రికార్డులు సాంకేతిక పరికరాలు, పెట్రోలింగ్ వాహనాలు, పోలీస్ శాఖకు సంబంధించిన ఇతర సామగ్రిని విద్యార్థులకు ప్రత్యక్షంగా చూపించి వాటి వినియోగం గురించి అవగాహన కల్పించారు.ఈ కార్యక్రమం ద్వారా విద్యార్థులు పోలీస్ శాఖ పనితీరును దగ్గరగా తెలుసుకునే అవకాశం లభించింది. సమాజంలో శాంతిభద్రతల పరిరక్షణకు పోలీసులు చేపట్టే చర్యలు, వారి విధులు, బాధ్యతలపై అవగాహన పొందారు. ఈ సందర్భంగా విద్యార్థులు ఎలాంటి భయాందోళనలు లేకుండా సమస్యలు ఎదురైనప్పుడు పోలీసులను సంప్రదించాలని చట్టాలను గౌరవించాలని క్రమశిక్షణతో విద్యను అభ్యసిస్తూ ఉన్నత లక్ష్యాలను సాధించాలని సూచించారు.చిన్ననాటి నుంచే విద్యార్థులకు పోలీస్ వ్యవస్థపై అవగాహన కల్పించి, పోలీస్ శాఖపై సానుకూల దృక్పథాన్ని పెంపొందించడమే ఓపెన్ హౌస్ కార్యక్రమం ప్రధాన ఉద్దేశమని నిర్వాహకులు పేర్కొన్నారు.

 బాన్సువాడ :  ఎల్ ని నో ప్రభావం రైతులకు ప్రత్యేక కరువు సహాయం అందించాలని శనివారం కామారెడ్డి జిల్లా కలెక్టర్ కు బాన్సువాడ రైతులు ప్రజాప్రతినిధులు వినతిపత్రం సమర్పించారు.ఎల్‌నినో ప్రభావం తో రానున్న రోజుల్లో వర్షాభావ పరిస్థితులు తీవ్రరూపం దాల్చే అవకాశం ఉన్న నేపథ్యం లో బాన్సువాడ నియోజకవర్గ రైతులను ఆదుకునేందుకు ప్రభుత్వం ప్రత్యేక చర్యలు చేపట్టాలని బాన్సువాడ నియోజకవర్గ రైతుల ప్రతినిధులు కోరారు. వర్షాభావ పరిస్థితులు, భూగర్భ జలాలు తగ్గి పోవడం, సాగునీటి కొరత, పంటల దిగుబడులు తగ్గే ప్రమాదం, పశువులకు మేత తాగునీటి సమస్యల ను దృష్టి లో ఉంచుకొని ముందస్తు కరువు నివారణ చర్యలు చేపట్టాలని కోరుతూ కామారెడ్డి జిల్లా కలెక్టర్‌ కు వినతిపత్రం సమర్పించారు. ప్రస్తుతం వాతావరణ మార్పులు, ఎల్‌నినో ప్రభావం కారణంగా వర్షపాతం తగ్గే అవకాశాలు ఉండటం తో రైతులు ఆందోళన చెందుతున్నారని పేర్కొన్నారు. ఇప్పటికే అనేక ప్రాంతాల్లో భూగర్భ జలాలు తగ్గిపోవడం, బోర్లు, బావుల్లో నీటి లభ్యత తగ్గడం వంటి సమస్యలు కనిపిస్తున్నాయని తెలిపారు. సాగునీటి కొరత ఏర్పడితే రైతులు సాగు చేసిన పంటలు ఎండిపోయి తీవ్రంగా నష్టపోయే ప్రమాదం ఉందని ఆవేదన వ్యక్తం చేశారు.బాన్సువాడ నియోజకవర్గం లోని బాన్సువాడ, వర్ని, రుద్రూర్, చందూర్, కోటగిరి, నసురుల్లాబాద్, బీర్కూర్ తదితర మండలాల్లో రైతుల పరిస్థితిని ప్రత్యేకం గా పరిశీలించి కరువు నివారణ చర్యలు చేపట్టాలని కోరారు. వర్షాధార పంటల పై ఆధారపడిన రైతులకు ప్రత్యామ్నాయ పంటల సాగు పై వ్యవసాయ శాఖ ద్వారా అవగాహన కల్పించాలని సూచించారు. వినతిపత్రంలో ప్రధానంగా చేసిన డిమాండ్లు..... బాన్సువాడ నియోజకవర్గం లోని కరువు ప్రభావిత ప్రాంతాలను గుర్తించి ప్రత్యేక కరువు నివారణ చర్యలు చేపట్టాలి అని సూచించారు. ఎల్‌నినో ప్రభావం పై రైతులకు ముందస్తు సమాచారం అందించి, వాతావరణ పరిస్థితులకు అనుగుణంగా పంటల సాగుపై అవగాహన కల్పించాలి. సాగునీటి లభ్యత, భూగర్భ జలాల పరిస్థితిపై సమగ్ర సర్వే నిర్వహించి వాస్తవ పరిస్థితుల ను వెల్లడించాలి. తక్కువ నీటి తో పండించే ప్రత్యామ్నాయ పంటల సాగును ప్రోత్సహించి రైతుల కు అవసరమైన శిక్షణ ఇవ్వాలి. బోర్లు, బావులు, చెరువుల్లో నీటి లభ్యతను అంచనా వేసి పంటల సాగుకు ముందస్తు ప్రణాళిక రూపొందించాలి. రైతుల కు విత్తనాలు, ఎరువులు, సూక్ష్మ సేద్యం వంటి వ్యవసాయ అవసరాల పై తగిన అవగాహన తో పాటు ప్రభుత్వ సహకారం అందించాలి. గ్రామ స్థాయి లో వర్షాభావ పరిస్థితుల పై రైతుల కు ముందు గానే సమాచారం అందించే వ్యవస్థను ఏర్పాటు చేయాలి. పంటల బీమా, ప్రభుత్వ సహాయ పథకాలపై రైతులకు పూర్తి సమాచారం అందించి అర్హుల కు ప్రయోజనం చేకూర్చాలి అని తెలిపారు. ప్రతి మండలం లో వ్యవసాయ శాఖ అధికారుల తో ప్రత్యేక బృందాల ను ఏర్పాటు చేసి రైతులకు అందుబాటులో ఉండేలా చర్యలు తీసుకోవాలి.పంటలు దెబ్బతిన్న రైతులకు నష్టపరిహారం అందించేలా ముందస్తు కార్యాచరణ రూపొందించాలి అని పేర్కొన్నారు. రైతుల ప్రయోజనాలే లక్ష్యం.. రైతులు పంటలు సాగు చేసిన తర్వాత వర్షాభావ పరిస్థితులు ఎదురైతే తీవ్రంగా నష్టపోయే ప్రమాదం ఉందని, అలాంటి పరిస్థితులు తలెత్తకముందే ప్రభుత్వం అప్రమత్తం కావాలని ప్రతినిధులు కోరారు. రైతులు అప్పుల ఊబిలో కూరుకుపో కుండా, వ్యవసాయ రంగాన్ని కాపాడేందు కు ప్రత్యేక కార్యాచరణ తో పాటు అవసరమై న నిధులు కేటాయించాల ని విజ్ఞప్తి చేశారు. బాన్సువాడ నియోజకవర్గ రైతుల సమస్యల ను దృష్టి లో ఉంచుకొని జిల్లా కలెక్టర్ ప్రత్యేక చొరవ తీసుకుని సంబంధిత శాఖల అధికారుల తో సమీక్ష నిర్వహించి తక్షణ చర్యలు చేపట్టాలని వారు కోరారు.

బాన్సువాడ : ప్రభుత్వ పాఠశాలలో శనివారం నేరచట్టాల పై విద్యార్థులకు అవగాహన కల్పించారు. కేజీబీవీ కొత్తబాది పాఠశాలలో సురక్షిత్ బచ్చన్ అభియాన్ లో భాగంగా నిర్వహించిన అవగాహన సదస్సు మండల న్యాయ సేవ అధికార సంస్థ బాన్సువాడ ఆధ్వర్యం లో నిర్వహించారు. ఈ సందర్బం గా కోర్ట్ సూపరిండెంట్ సాయి బాబు మాట్లాడుతూ. బాలల హక్కులు, పోక్సో చట్టం, బాల్య వివాహ చట్టం, గుడ్ టచ్ బాడ్ టచ్, సైబర్ నేరాలు, భద్రత పై విద్యార్థుల కు అవగాహన కలిగించారు. ఆపద లో ఉన్న బాలలు చైల్డ్ హెల్ప్ లైన్ నెంబర్ 1098 ను సంప్రదించాల ని సూచించారు. ఈ కార్యక్రమం లో పాఠశాల ఎస్ ఓ విజయలక్ష్మి, పారా లీగల్ వాలంటర్ ,అయ్యల సంతోష్, కోర్టు సిబ్బంది గబ్బర్ సింగ్, నర్సింగ్, లక్ష్మణ్, ఫారుక్ తదితరులు పాల్గొన్నారు.

కామారెడ్డి బ్యూరో : సర్దార్ వల్లభభాయ్ పటేల్ జయంతి సందర్భంగా కామారెడ్డి జిల్లా పోలీస్ కార్యాలయంలో ఘనంగా జాతీయ ఐక్యత దినోత్సవ వేడుకలు నిర్వహించారు.దేశ ఐక్యత, సమగ్రత, అంతర్గత భద్రత పరిరక్షణ ప్రతి పౌరుడి బాధ్యత అని జిల్లా ఎస్పీ  యం. రాజేష్ చంద్ర అన్నారు.భారతదేశ తొలి ఉప ప్రధానమంత్రి, ఉక్కు మనిషి సర్దార్ వల్లభభాయ్ పటేల్ జయంతిని పురస్కరించుకొని శనివారం కామారెడ్డి జిల్లా పోలీస్ కార్యాలయంలో జాతీయ ఐక్యత దినోత్సవ వేడుకలను ఘనంగా నిర్వహించారు.ఈ సందర్భంగా జిల్లా ఎస్పీ యం. రాజేష్ చంద్ర, సర్దార్ వల్లభభాయ్ పటేల్ చిత్రపటానికి పూలమాల వేసి ఘనంగా నివాళులర్పించారు. అనంతరం పోలీస్ అధికారులు, సిబ్బందితో కలిసి జాతీయ ఐక్యత ప్రతిజ్ఞ చేశారు.ఈ సందర్భంగా జిల్లా ఎస్పీ  మాట్లాడుతూ.. సర్దార్ వల్లభభాయ్ పటేల్ భారత స్వాతంత్ర్య ఉద్యమంలో కీలక పాత్ర పోషించడమే కాకుండా, స్వాతంత్ర్యం అనంతరం దేశంలోని అనేక సంస్థానాలను ఏకం చేసి సమైక్య, బలమైన భారతదేశ నిర్మాణానికి విశేష కృషి చేసిన మహనీయుడని కొనియాడారు. ఆయన దృఢ సంకల్పం, నాయకత్వ లక్షణాలు, దేశం పట్ల అచంచలమైన నిబద్ధత నేటి తరానికి ఆదర్శప్రాయమని పేర్కొన్నారు. భిన్నత్వంలో ఏకత్వాన్ని కాపాడుతూ జాతీయ సమైక్యతను బలోపేతం చేయడంలో ఆయన చేసిన సేవలు చిరస్మరణీయమని అన్నారు.దేశ ఐక్యత, సమగ్రత, సార్వభౌమత్వం, అంతర్గత భద్రతను కాపాడటం ప్రతి పౌరుడి బాధ్యత అని స్పష్టం చేశారు. కుల, మత, ప్రాంత, భాషా భేదాలకు అతీతంగా ప్రతి ఒక్కరూ సోదరభావంతో మెలుగుతూ దేశ అభివృద్ధి, శాంతిభద్రతలు, సామాజిక సామరస్యానికి తమ వంతు సహకారం అందించాలని పిలుపునిచ్చారు.పోలీస్ శాఖలో పనిచేసే ప్రతి ఒక్కరూ ప్రజల భద్రతతో పాటు దేశ అంతర్గత భద్రత పరిరక్షణలో నిరంతరం అప్రమత్తంగా ఉండాలని, విధి నిర్వహణలో అంకితభావం, క్రమశిక్షణ, నిబద్ధతతో పనిచేయాలని సూచించారు. సర్దార్ వల్లభభాయ్ పటేల్ ఆశయాలు, ఆదర్శాలను స్ఫూర్తిగా తీసుకొని జాతీయ సమైక్యతను మరింత బలోపేతం చేసేందుకు ప్రతి ఒక్కరూ కృషి చేయాలని అన్నారు.ఈ కార్యక్రమంలో అదనపు ఎస్పీ కే. నరసింహారెడ్డి, స్పెషల్ బ్రాంచ్ ఇన్‌స్పెక్టర్ మధుసూదన్, సీఐలు, ఎస్‌ఐలు, ఆర్‌ఎస్‌ఐలు, ఇతర పోలీస్ అధికారులు, సిబ్బంది, డీపీఓ సిబ్బంది తదితరులు పాల్గొన్నారు.

కామారెడ్డి బ్యూరో :  కామారెడ్డి జిల్లా రాజంపేట మండలం లో భారతదేశ ఉక్కు మనిషి, తొలి ఉప ప్రధాని సర్దార్ వల్లభభాయ్ పటేల్ జయంతిని పురస్కరించుకుని రాష్ట్రీయ ఏక్తా దివస్ (జాతీయ ఐక్యతా దినోత్సవం) సందర్భంగా ప్రత్యేక కార్యక్రమం నిర్వహించారు. ఈ కార్యక్రమంలో తాసిల్దార్ జానకి ఆధ్వర్యంలో సర్దార్ వల్లభభాయ్ పటేల్ చిత్రపటానికి పూలమాల వేసి ఘనంగా నివాళులర్పించారు. దేశ సమగ్రత, ఐక్యత, సమైక్యత కోసం సర్దార్ వల్లభభాయ్ పటేల్ చేసిన సేవలను ఈ సందర్భంగా గుర్తు చేసుకుని ప్రతిజ్ఞ చేశారు. ఈ కార్యక్రమంలో డిప్యూటీ తాసిల్దార్ శృతి సిబ్బంది తదితరులు పాల్గొన్నారు.

కామారెడ్డి బ్యూరో  : అక్రమ సంబంధాలతో కట్టుకున్న భర్తని, ఇతరులతో కలిసి భార్య చంపడం భార్యాభర్తల బంధుత్వం మంటగలుస్తుంది, కామారెడ్డి జిల్లాలో జరిగిన ఘటనపై డి.ఎస్.పి విట్టల్ రెడ్డి వివరాలు తెలిపారు.అక్రమ సంబంధాల నేపథ్యంలో భార్యతో పాటు మరో ఇద్దరు కలిసి భర్తను హత్య.. ముగ్గురు నిందితుల అరెస్ట్, రిమాండ్‌కు తరలించినట్లు ఆయన తెలిపారు. ఆయన తెలిపిన వివరాల ప్రకారం  మద్యం సేవించేందుకు తీసుకెళ్లి నైలాన్ తాడుతో గొంతు బిగించి హత్య చేశారని,సాంకేతిక ఆధారాలతో కేసును బాన్స్వాడ పోలీసులు వేధించారు.  - వివరాలు వెల్లడించిన బాన్సువాడ డిఎస్పి విట్టల్ రెడ్డి తేదీ 23.10.2026 రాత్రి హన్మాజీపేట్ గ్రామ శివారులోని పచ్చేరు చెరువు వద్ద చాకలి @ గుమ్మడి కాశిరాం (26) హత్యకు గురయ్యాడు. ఈ ఘటనపై మృతుడి తండ్రి చాకలి భూమయ్య ఇచ్చిన ఫిర్యాదు మేరకు బాన్సువాడ పోలీస్ స్టేషన్‌లో Cr.No.437/2026 U/s 194 BNSS కింద కేసు నమోదు చేసి దర్యాప్తు ప్రారంభించారు.దర్యాప్తులో సేకరించిన ఆధారాలు, పోస్టుమార్టం ప్రాథమిక వైద్య నివేదిక ఆధారంగా ఇది హత్యగా నిర్ధారణ కావడంతో కేసును హత్య కేసుగా మార్చి దర్యాప్తు కొనసాగించారు.జిల్లా ఎస్పీ యం. రాజేష్ చంద్ర, ఆదేశాల మేరకు బాన్సువాడ డీఎస్పీ పి. విఠల్ రెడ్డి పర్యవేక్షణలో ప్రత్యేక పోలీసు బృందాన్ని ఏర్పాటు చేసి దర్యాప్తు చేపట్టారు. స్థానిక సమాచారం, సాంకేతిక పరిజ్ఞానం, సీసీ కెమెరాల దృశ్యాలు తదితర ఆధారాలను విశ్లేషిస్తూ పోలీసులు కేసును ఛేదించారు.తేదీ 30.10.2026న అందిన విశ్వసనీయ సమాచారం మేరకు హన్మాజీపేట్ గ్రామంలో ముగ్గురు నిందితులను అదుపులోకి తీసుకుని విచారించగా నేరానికి సంబంధించిన కీలక విషయాలు వెల్లడయ్యాయి.- కేసు వివరాల్లోకి వెళితే...దర్యాప్తులో వెల్లడైన వివరాల ప్రకారం, A3 గుమ్మడి సవితకు A1 చింతకింది రాము, A2 పసుపుల సంతోష్‌లతో ఉన్న అక్రమ సంబంధాల నేపథ్యంలో తన భర్త కాశిరాంను హత్య చేయాలని పథకం రూపొందించినట్లు విచారణలో వెల్లడైంది.ఈ పథకం ప్రకారం 23.10.2026 రాత్రి కాశిరాంను మద్యం సేవించేందుకు తీసుకెళ్లారు. అతను మద్యం మత్తులో ఉన్న సమయంలో A1 రాము నైలాన్ తాడుతో అతని మెడకు బిగించి హత్య చేయగా, A2 సంతోష్ అతను తప్పించుకోకుండా చేతులను గట్టిగా పట్టుకుని సహకరించినట్లు దర్యాప్తులో వెల్లడైంది.అనంతరం మృతదేహాన్ని ఎవరికీ అనుమానం రాకుండా హన్మాజీపేట్ గ్రామ శివారులోని పచ్చేరు చెరువులో పడవేసి, నేరానికి ఉపయోగించిన వస్తువులు, ఇతర ఆధారాలను తొలగించి సాక్ష్యాలను మాయం చేసేందుకు ప్రయత్నించినట్లు విచారణలో వెల్లడైంది. ఈ హత్యకు సంబంధించిన కుట్రలో A3 సవిత కూడా కీలకంగా వ్యవహరించినట్లు పోలీసులు గుర్తించారు.- నిందితుల వివరాలు:1. A1. చింతకింది రాము S/o పోచయ్య, వయస్సు 26 సంవత్సరాలు, హన్మాజీపేట్ గ్రామం, బాన్సువాడ మండలం.2. A2. పసుపుల సంతోష్ S/o సాయిలు, వయస్సు 25 సంవత్సరాలు, హన్మాజీపేట్ గ్రామం, బాన్సువాడ మండలం.3. A3. గుమ్మడి సవిత W/o కాశిరాం, వయస్సు 25 సంవత్సరాలు, హన్మాజీపేట్ గ్రామం, బాన్సువాడ మండలం.నిందితులను విచారించిన అనంతరం నేరానికి సంబంధించిన మొబైల్ ఫోన్లు, ఇతర కీలక ఆధారాలను పోలీసులు స్వాధీనం చేసుకున్నారు.ముగ్గురు నిందితులను అరెస్ట్ చేసి న్యాయస్థానంలో హాజరుపరిచి రిమాండ్‌కు తరలించనున్నట్లు జిల్లా డిఎస్పి  తెలిపారు.ఈ కేసును ఛేదించడంలో చాకచక్యంగా వ్యవహరించి, కీలక ఆధారాలను సేకరించి నిందితులను పట్టుకోవడంలో విశేష కృషి చేసిన బాన్సువాడ పోలీస్ స్టేషన్ ఎస్‌హెచ్‌ఓ  టి. శ్రీధర్, క్రైమ్ టీమ్ హెడ్ కానిస్టేబుల్ సాయికుమార్, కానిస్టేబుళ్లు పృథ్వీకుమార్, పాండురంగ, సుదర్శన్ రావులను జిల్లా ఎస్పీ యం. రాజేష్ చంద్ర,  ప్రత్యేకంగా అభినందించారు.

బాన్సువాడ  :  ఏ ఐ టి యు సి 107వ ఆవిర్భావ దినోత్సవాన్ని పురస్కరించుకొని శనివారం బాన్సువాడ పట్టణం లో ప్రభుత్వ హాస్పిటల్ వద్ద ఏఐటీయూసీ జెండాను ఏఐటీయూసీ జిల్లా ఉపాధ్యక్షులు దుబాస్ రాములు జండా ఆవిష్కరణ చేశారు. ఈ సందర్భంగా ఆయన మాట్లాడుతూ. భారతదేశ తొలి కార్మిక సంఘం ఏఐటీయూసీ అని కార్మికుల హక్కుల కోసం పోరాడే యూనియన్ ఏఐటియుసి అని ఆయన తెలిపారు. ఏఐటీయూసీ పోరాటాల ఫలితంగా అనేక కార్మిక చట్టాలు అమలులోకి వచ్చాయని ఆయన పేర్కొన్నారు. ప్రస్తుతం కేంద్రంలో ఉన్న ఎన్డీఏ ప్రభుత్వం కార్మికులు సాధించుకున్న చట్టాలను హరించి వేస్తున్నారని ఆయన విమర్శించారు. ఔట్సోర్సింగ్ కాంట్రాక్ట్ విధానాన్ని రద్దు చేయాలని, కార్మికులకు కనీస వేతనం 26 వేల రూపాయలు చెల్లించాలని, పిఎఫ్ ఈఎస్ఐ సౌకర్యాలు కల్పించాలని, ఉద్యోగ భద్రత కల్పించాలని ఆయన డిమాండ్ చేశారు. కార్మికులకు పండగ జాతీయ సెలవులు మెటర్నిటీ సెలవులు ఇవ్వాలని ఆయన డిమాండ్ చేశారు. ఈ కార్యక్రమం లో రేణుక, సురేఖ, సంగీత, కళ్యాణి, అనురాధ, వినోద ఏఐటీయూసీ నాయకులు చెన్నం గారి సురేష్, తోట శ్రీనివాస్ , ప్రభాకర్, లింగరాజు, సాయిబాబా తదితరులు పాల్గొన్నారు.