హుస్నాబాద్ :  సిద్దిపేట జిల్లా హుస్నాబాద్ మండలం మహ్మదాపూర్ గ్రామంలో మిట్టపల్లి రాజబాబుకు ఇందిరమ్మ ఇల్లు ఇటీవల మంజూరయ్యింది.స్లాబ్ చుట్టూ పరదగోడ నిర్మిస్తుండగా ఇంటి పైన కూలీలు పనులు చేసుకుంటుండగా ప్రమాదవశాత్తు స్టీల్ సలకా 11 కెవి హై టెన్షన్ వైర్లకు తగలడంతో దాబా పైన పనిచేస్తున్న నలుగురికి కరెంట్ షాక్ తగిలి తీవ్ర గాయాలపాలయ్యారు. వెంటనే గ్రామస్తులు స్పందించి వారిని హుస్నాబాద్ లోని ప్రభుత్వ ఆసుపత్రికి 108 వాహనంలో తరలించారు. వెంటనే డాక్టర్లు స్పందించిన చికిత్స అందించారు. ఇందులో వారి పరిస్థితి విషమం ఉన్నట్లు తెలుస్తోంది.తీవ్ర గాయాలపాలైన వారికి వివరాలు సంతోష్ రాధా రజిత, సిఎచ్ రాజు ఉన్నారు. పరిస్థితి విషమించడంతో నలుగురిని వరంగల్ ఎంజీఎం ఆస్పత్రికి తరలించారు.

సిద్దిపేట జిల్లా హుస్నాబాద్ పట్టణంలోని సెయింట్ జోసెఫ్ పాఠశాలలో ఇంగ్లీష్ మీడియం పాఠశాలలో మంగళవారం రోజున మండల న్యాయ సేవల కమిటీ, హుస్నాబాద్ ఆధ్వర్యంలో పోక్సో చట్టం మరియు బాలల భద్రతపై న్యాయ అవగాహన కార్యక్రమాలు నిర్వహించారు.ఈ కార్యక్రమానికి అడిషనల్ ప్రిన్సిపల్ జూనియర్ సివిల్ జడ్జి,ఈ.ప్రమిద మాజీ ఏజీపీ న్యాయవాది కన్నోజు రామకృష్ణ,పాఠశాల కరస్పాండెంట్ ఫాదర్ విజయకుమార్ రెడ్డి, ప్రధానోపాధ్యాయులు  ఉపాధ్యాయులు  విద్యార్థులు పాల్గొన్నారు.ఈ సందర్భంగా  జడ్జి ఈ.ప్రమీద మాట్లాడుతూ పోక్సో చట్టం యొక్క ప్రాముఖ్యతను,ఈ చట్టం కింద నేరాలకు పాల్పడిన వారికి విధించబడే కఠినమైన శిక్షలను వివరించారు.బాలలపై జరిగే లైంగిక వేధింపులు,అనుచిత ప్రవర్తన వంటి చర్యలను ఎట్టి పరిస్థితుల్లోనూ ఉపేక్షించకూడదని,అలాంటి చర్యలకు పాల్పడే వ్యక్తులు సొంతవారైనా సరే వెంటనే సంబంధిత అధికారులకు ఫిర్యాదు చేయాలని సూచించారు. మంచి స్పర్శ (గుడ్ టచ్), చెడు స్పర్శ (బ్యాడ్ టచ్) మధ్య తేడాను ప్రతి బాలిక మరియు బాలుడు తెలుసుకోవడం ఎంతో అవసరమని వివరించారు.పోక్సో చట్టం బాలలను లైంగిక నేరాల నుంచి రక్షించడానికి రూపొందించబడిందని,ఈ చట్టం కింద నేరాలకు పాల్పడిన వారిపై కఠినమైన చట్టపరమైన చర్యలు తీసుకోబడతాయని తెలిపారు. బాలలపై ఎలాంటి లైంగిక వేధింపులు లేదా అనుచిత ప్రవర్తన జరిగినా వెంటనే తల్లిదండ్రులకు, నమ్మకమైన కుటుంబ సభ్యులకు లేదా సంబంధిత అధికారులకు తెలియజేయాలని సూచించారు.అలాగే, న్యాయ సేవల సంస్థల ద్వారా అర్హులైన వారికి ఉచిత న్యాయ సహాయం అందుబాటులో ఉంటుందని తెలియజేశారు. బాలల హక్కులను కాపాడటానికి, వారికి సురక్షితమైన వాతావరణాన్ని కల్పించడానికి పోక్సో చట్టం ఎంతో ఉపయోగకరమైనదని వివరించారు. ఈ చట్టాన్ని బాలల రక్షణ కోసం సక్రమంగా వినియోగించుకోవాలని, దుర్వినియోగం చేయకూడదని సూచించారు.ఈ కార్యక్రమాల ద్వారా విద్యార్థులకు పోక్సో చట్టం, బాలల భద్రత, మంచి స్పర్శ–చెడు స్పర్శ మధ్య తేడా, లైంగిక వేధింపులపై ఫిర్యాదు చేసే విధానం మరియు ఉచిత న్యాయ సహాయం గురించి అవగాహన కల్పించబడిందని పాఠశాల కరస్పాండెంట్ విజయకుమార్ రెడ్డి తెలిపారు.

 సిద్దిపేట జిల్లా అక్కన్నపేట మండలం గౌరవెల్లి  కాంగ్రెస్ గ్రామ శాఖ ఎన్నికలు మండల అధ్యక్షుడు బుర్ర ప్రభాకర్, సర్పంచ్ పాండ్రాల దాము ఆధ్వర్యంలో  సోమవారం నిర్వహించారు. ఈ సందర్భంగా ఎన్నికల ప్రక్రియ నిర్వహించారు. ఇందులో అధిక ఓట్లు సంపాదించిన కుంచం కనకయ్య అధ్యక్షుడిగా ఎన్నికయ్యారు.వైస్ ప్రెసిడెంట్స్ గా బొడిగ బాలయ్య, గొల్లపెల్లి సదానందం, ప్రధాన కార్యదర్శిగా కొమ్ముల శ్రీనివాస్, కార్యదర్శిగా వేముల యాదగిరి కురుమ, ప్రచార కార్యదర్శిగా సూరంపల్లి శంకర్, ట్రెజరరీగా కొమ్ములు ఆనంద్, బీసీ సెల్ అధ్యక్షుడిగా గిరవేణి స్వామి, ఎస్సీ సెల్ అధ్యక్షుడిగా  కందుకూరి ఎల్లయ్య, ఎస్టీ సెల్ అధ్యక్షుడిగా భూక్య అనిల్, కిసాన్ సెల్ జంగపల్లి వెంకట మల్లు, సోషల్ మీడియా అధ్యక్షుడిగా మంద పరశురాం, మహిళా విభాగం అధ్యక్షుడిగా గడ్డం శ్రీలత, గౌరవ సలహాదారుడిగా జంగపల్లి రాజావీరు, గడ్డం రామచంద్రం ఎన్నికయ్యారు. ఈ సందర్భంగా వారు మాట్లాడుతూ రాబోవు రోజుల్లో కాంగ్రెస్ పార్టీని బలోపేతం చేయడానికి శాయశక్తుల కృషి చేస్తామని అన్నారు. మంత్రి పొన్నం ప్రభాకర్ సమక్షంలో  ప్రభుత్వం అందిస్తున్న ప్రతి అభివృద్ధి పనులను ప్రజలకు చేరవేస్తామని తెలియజేశారు. మా పై నమ్మకంతో ఈ పదవులు అప్పగించిన నాయకులకు కార్యకర్తలందరికీ ప్రత్యేక ధన్యవాదాలు తెలిపారు. ఈ కార్యక్రమంలో కాంగ్రెస్ సీనియర్ నాయకులు, తదితరులు, పాల్గొన్నారు.

క్రీడా ప్రతిభకు ప్రోత్సాహం అందిస్తూ విద్యార్థుల్లో దాగి ఉన్న నైపుణ్యాలను వెలికితీసే దిశగా ఆల్ఫోర్స్ విద్యాసంస్థలు అందిస్తున్న ప్రోత్సాహం మరోసారి సత్ఫలితాలను సాధించింది. ఈ సందర్బంగా సిద్దిపేట జిల్లా హుస్నాబాద్ ఆల్ఫోర్స్ హైస్కూల్ చెందిన 8వ తరగతి విద్యార్థులు ఓ.విగ్నేష్ మరియు విష్ణు వర్ధన్ క్రీడా రంగంలో ప్రతిభను చాటుతూ సిద్ధిపేట జిల్లా స్థాయి ఎస్ జిఎఫ్  పోటీల్లో అత్యుత్తమ ప్రతిభ కనబరిచి రాష్ట్రస్థాయి పోటీలకు ఎంపికయ్యారు.400 మీటర్ల పరుగుపందెంలో విగ్నేష్ ఓ. రజత పతకం సాధించగా, 100 మీటర్ల హర్డిల్స్ రేసులో విష్ణు వర్ధన్ కాంస్య పతకం సాధించి ఆల్ఫోర్స్ హుస్నాబాద్ పాఠశాలకు గర్వకారణంగా నిలిచారు.విద్యార్థుల ఈ విజయంపై ఆల్ఫోర్స్ విద్యాసంస్థల గౌరవనీయ చైర్మన్ డాక్టర్ వి. నరేందర్ రెడ్డి  హర్షం వ్యక్తం చేస్తూ,విద్యతో పాటు క్రీడలు కూడా విద్యార్థుల సమగ్ర వ్యక్తిత్వ వికాసంలో కీలక పాత్ర పోషిస్తాయని పేర్కొన్నారు. విద్యార్థులలోని ప్రతిభను గుర్తించి, వారికి సరైన వేదిక, మార్గదర్శకత్వం, ప్రోత్సాహం అందించడమే ఆల్ఫోర్స్ విద్యాసంస్థల లక్ష్యమని తెలిపారు.ప్రతిభకు పట్టుదల తోడైతే విజయానికి హద్దులు ఉండవు అనే స్ఫూర్తిదాయక దృక్పథంతో ఆల్ఫోర్స్ సంస్థ విద్యార్థులను విద్యా, క్రీడా, సాంస్కృతిక రంగాల్లో రాణించేలా నిరంతరం ప్రోత్సహిస్తోందని పాఠశాల యాజమాన్యం తెలిపింది.విగ్నేష్, విష్ణు వర్ధన్‌ల విజయాన్ని అభినందిస్తూ పాఠశాల ప్రిన్సిపాల్, ఉపాధ్యాయ బృందం, క్రీడా విభాగం హర్షం వ్యక్తం చేశారు. రాష్ట్రస్థాయి పోటీల్లోనూ విద్యార్థులు అత్యుత్తమ ప్రతిభ కనబరిచి ఆల్ఫోర్స్ హుస్నాబాద్ ఖ్యాతిని మరింత ఇనుమడింపజేయాలని ఆకాంక్షించారు.విద్యార్థుల కృషి,ఉపాధ్యాయుల మార్గదర్శకత్వం, తల్లిదండ్రుల సహకారం చైర్మన్ డాక్టర్ వి. నరేందర్ రెడ్డి నిరంతర ప్రోత్సాహం కలగలిసి ఈ విజయాన్ని సాధించాయని పాఠశాల వర్గాలు పేర్కొన్నాయి.ఆల్ఫోర్స్ హైస్కూల్ విద్యార్థులు హుస్నాబాద్ విద్యలో నాణ్యత.. క్రీడల్లో ప్రతిభ.. ప్రతి అడుగులో విజయమే లక్ష్యంలో ముందున్నారు.

సిద్దిపేట జిల్లా హుస్నాబాద్ మండలంలోని వివిధ గ్రామాలకు చెందిన 28 మంది లబ్ధిదారులకు  కళ్యాణలక్ష్మి చెక్కులను కాంగ్రెస్ పార్టీ మండల అధ్యక్షుడు వెన్న రాజు ఆధ్వర్యంలో తహసీల్దార్ లక్ష్మారెడ్డి పంపిణీ చేశారు.ఈ సందర్బంగా వెన్నె రాజు మాట్లాడుతూ మంత్రి పొన్నం ప్రభాకర్‌ సహకారంతో అర్హులకు ప్రభుత్వ సంక్షేమ పథకాలు అందేలా కృషి చేస్తున్నట్లు తెలిపారు.పేద కుటుంబాల్లో ఆడబిడ్డల వివాహాలకు ఆర్థిక భారం తగ్గించడమే కళ్యాణలక్ష్మి పథకం లక్ష్యమన్నారు.అర్హులైన ప్రతి ఒక్కరూ ప్రభుత్వ సంక్షేమ పథకాలను సద్వినియోగం చేసుకోవాలని సూచించారు.ఈ కార్యక్రమంలో తహసీల్దార్‌ లక్ష్మారెడ్డి, సర్పంచుల ఫోరం అధ్యక్షుడు పోలు సంపత్‌, వివిధ గ్రామాల సర్పంచులు, లబ్ధిదారులు పాల్గొన్నారు.

రోడ్డు ప్రమాదంలో గాయపడి ప్రభుత్వ ఆస్పత్రిలో చికిత్స పొందుతున్న సిద్దిపేట జిల్లా హుస్నాబాద్ మున్సిపాలిటీ 16వ వార్డు కౌన్సిలర్ వైద్యం కిరణ్ ప్రసాద్‌ను రాష్ట్ర రవాణా, బీసీ సంక్షేమ శాఖ మంత్రి పొన్నం ప్రభాకర్ పరామర్శించారు.ఈ సందర్భంగా వైద్యం కిరణ్ ప్రసాద్ ఆరోగ్య పరిస్థితిని వైద్యులను అడిగి తెలుసుకున్నారు. ఆయన త్వరగా కోలుకుని సంపూర్ణ ఆరోగ్యంతో తిరిగి రావాలని మంత్రి పొన్నం ప్రభాకర్ ఆకాంక్షించారు. హుస్నాబాద్‌లో ఇటీవల మృతి చెందిన అయిత కైలాసం కుటుంబాన్ని పరామర్శించిన మంత్రి పొన్నం ప్రభాకర్ హుస్నాబాద్‌లో ఇటీవల మృతి చెందిన అయిత కైలాసం చిత్రపటానికి రాష్ట్ర మంత్రి పొన్నం ప్రభాకర్ నివాళులర్పించారు. వారి నివాసానికి వెళ్లి కుటుంబ సభ్యులను పరామర్శించి, తన ప్రగాఢ సానుభూతిని తెలియజేశారు.ఈ సందర్భంగా అయిత కైలాసం కుటుంబ సభ్యులకు మంత్రి పొన్నం ప్రభాకర్ ధైర్యం చెప్పారు. వారి కుటుంబానికి అన్ని విధాలా అండగా ఉంటామని హామీ ఇచ్చారు.

తెలంగాణ ఉద్యమకారుల సమస్యలు, హామీలను వెంటనే అమలు చేయాలహుస్నాబాద్ లో తెలంగాణ ఉద్యమకారులను అరెస్టు చేయడం శోచనీయమని సిద్దిపేట జిల్లా హుస్నాబాద్ కి చెందిన ఉద్యమకారులు తెలిపారు. ఈ సందర్బంగా మాట్లాడుతూ తెలంగాణ రాష్ట్ర సాధన కోసం ఎన్నో త్యాగాలు చేసి, స్వరాష్ట్ర కల సాకారం కావడానికి కీలక పాత్ర పోషించిన తెలంగాణ ఉద్యమకారులపై కేసులు నమోదు చేయడం, ముందస్తు అరెస్టులకు పాల్పడడం మంచి పద్ధతి కాదని తెలంగాణ ఉద్యమకారుల ఫోరం హుస్నాబాద్ నియోజకవర్గ కన్వీనర్ మాదాసు శ్రీనివాస్ తీవ్రంగా ఖండించారు..తెలంగాణ ఉద్యమకారుల ఫోరం మండల గంగం శ్రావణ్ కుమార్  మైనారిటీ విభాగం అధ్యక్షులు మొహమ్మద్ అంకుశవలి మరియు హుస్నాబాద్ పట్టణ అధ్యక్షులు ఐలేని సంజీవరెడ్డి లను ఈరోజు ఉదయం అరెస్టు చేయడం జరిగిందన్నారు.తెలంగాణ రాష్ట్ర సాధన కోసం ఉద్యమకారులు ఎన్నో కష్టనష్టాలను ఎదుర్కొని, లాఠీ దెబ్బలు తిని, కేసులను ఎదుర్కొని, తమ జీవితాలను సైతం పణంగా పెట్టారని వారు గుర్తుచేశారు. అలాంటి ఉద్యమకారుల త్యాగాలను గుర్తించి, వారికి ఇచ్చిన హామీలను అమలు చేయాల్సిన ప్రభుత్వం,ముఖ్యమంత్రి రేవంత్ రెడ్డి ప్రభుత్వం తెలంగాణ ఉద్యమకారులకు ఇచ్చిన హామీలను అమలు చేయకుండా నిర్లక్ష్యం చేయడం ఎంతవరకు సమంజసమని వారు ప్రశ్నించారు. తమ న్యాయమైన డిమాండ్ల సాధన కోసం నిరసన తెలిపే  ఆత్మగౌరవాన్ని అవమానించడమేనని అన్నారు.అరెస్టులతో, కేసులతో తెలంగాణ ఉద్యమాన్ని ఆపలేరు. ఉద్యమకారుల గొంతును అణచివేయాలని చూస్తే ఉద్యమం మరింత బలపడుతుందని హెచ్చరించారు. ప్రభుత్వం ఇప్పటికైనా స్పందించి ఉద్యమకారులపై ఒత్తిడి తీసుకురావడం మానుకోవాలని, వారి సమస్యలను పరిష్కరించి, ఇచ్చిన హామీలను తక్షణమే అమలు చేయాలని డిమాండ్ చేశారు. తెలంగాణ ఉద్యమకారుల గుర్తింపు ప్రక్రియను వేగవంతం చేయాలని, పెండింగ్‌లో ఉన్న సమస్యల పరిష్కారానికి స్పష్టమైన కార్యాచరణ ప్రకటించాలని కోరారు. ఉద్యమకారులను గౌరవించడం అంటే తెలంగాణ రాష్ట్ర సాధన కోసం వారు చేసిన త్యాగాలను గౌరవించడమేనని స్పష్టం చేశారు.ప్రభుత్వం తమ డిమాండ్లను పట్టించుకోకపోతే తెలంగాణ ఉద్యమకారుల హక్కుల సాధన కోసం ప్రజాస్వామ్య పద్ధతుల్లో పోరాటాన్ని మరింత ఉధృతం చేస్తామని వారు హెచ్చరించారు.

ఆప్యాయతకు దూరమై, ఆదరించే వారు లేక ఒంటరి జీవితాన్ని గడుపుతున్న అనాథ వృద్ధులకు అండగా నిలవడమే లక్ష్యంగా బాలవికాస ఆధ్వర్యంలో బాలక్క సహకారంతో సిద్దిపేట జిల్లా హుస్నాబాద్ పట్టణంలో అనాథ వృద్ధుల ఆదరణ దినోత్సవాన్ని నిర్వహించారు.ఈ సందర్భంగా సుమారు 40 మంది అనాథ వృద్ధులకు నిత్యావసర సరుకులు, దుస్తులు,బియ్యం,పెద్ద డబ్బాలు, పండ్లు పంపిణీ చేశారు. అంతేకాకుండా వృద్ధుల కోసం ప్రత్యేకంగా భోజన ఏర్పాట్లు చేసి మానవత్వాన్ని చాటుకున్నారు.ఈ కార్యక్రమానికి ముఖ్య అతిథులుగా బాలవికాస వాటర్ ప్లాంట్ల ఫెడరేషన్ అధ్యక్షులు కేడం లింగమూర్తి, మున్సిపల్ చైర్‌పర్సన్ దండి లక్ష్మి, వైస్ చైర్‌పర్సన్ చిత్తారి పద్మ, కౌన్సిలర్లు వాల సుప్రజ, పిల్లి తిరుపతి హాజరయ్యారు. అలాగే దాతలు,రిటైర్డ్ ఉపాధ్యాయురాలు సంధ్యావలి, సత్యం పాల్గొని వృద్ధులకు అవసరమైన సహాయ సామగ్రి పంపిణీలో భాగస్వాములయ్యారు.వృద్ధులకు ఉచిత వైద్య పరీక్షలు.. మందుల పంపిణీవృద్ధాప్యంలో అనేక ఆరోగ్య సమస్యలతో ఇబ్బందులు ఎదుర్కొనే వృద్ధులు, దివ్యాంగుల ఆరోగ్య పరిరక్షణకు కూడా నిర్వాహకులు ప్రత్యేక ప్రాధాన్యతనిచ్చారు. సమతా నర్సింగ్ హోమ్ వైద్య సిబ్బంది వృద్ధులకు, దివ్యాంగులకు వైద్య పరీక్షలు నిర్వహించి, అవసరమైన మందులను ఉచితంగా పంపిణీ చేశారు. ఆర్థిక ఇబ్బందులతో వైద్య సేవలు పొందలేని వారికి ఈ కార్యక్రమం ఎంతో ఉపయోగకరంగా నిలిచింది.మానవత్వమే నిజమైన సేవకుటుంబ ఆదరణకు దూరంగా జీవిస్తున్న వృద్ధులకు అవసరమైన వస్తువులు అందించడంతోపాటు, వారితో ఆప్యాయంగా గడపడం, వారి ఆరోగ్యం పట్ల శ్రద్ధ చూపడం ఈ కార్యక్రమానికి ప్రత్యేకతగా నిలిచింది. వృద్ధుల పట్ల సమాజానికి బాధ్యత ఉందని చాటిచెప్పేలా నిర్వహించిన ఈ కార్యక్రమం పలువురి ప్రశంసలు అందుకుంది.ఆపదలో ఉన్నవారికి అండగా నిలవడం, నిరాదరణకు గురైన వృద్ధులకు భరోసా కల్పించడం ప్రతి ఒక్కరి సామాజిక బాధ్యత అనే సందేశాన్ని ఈ కార్యక్రమం చాటిచెప్పింది.ఆదరణకు నోచుకోని వృద్ధులకు ఆపన్నహస్తం బాలవికాస ఆధ్వర్యంలో నిర్వహించారు.

గౌరవెల్లి,గండిపల్లి ప్రాజెక్టులను త్వరితగతిన పూర్తి చేయాలని,ఎంసిపిఐసి సిద్దిపేట జిల్లా కార్యదర్శి ఎడబోయిన శ్రీనివాస్ రెడ్డి ప్రభుత్వాన్ని కోరారు. ఈ సందర్బంగా సిద్దిపేట జిల్లా అక్కన్నపేటలో నిర్వహించిన మీడియా సమావేశంలో ఆయన మాట్లాడారు.మూడు మండలాలను కరీంనగర్ జిల్లాలో కలపాలని, హుస్నాబాద్, కోహెడ, అక్కన్నపేట మండలాలను కరీంనగర్ జిల్లాలో కలపాలని శ్రీనివాస్ రెడ్డి రాష్ట్ర ప్రభుత్వాన్ని కోరారు. గతంలో పీసీసీ అధ్యక్షుడి హోదాలో హుస్నాబాద్‌కు పాదయాత్రగా వచ్చిన ప్రస్తుత ముఖ్యమంత్రి రేవంత్‌రెడ్డి ఈ మేరకు హామీ ఇచ్చారని గుర్తుచేశారు.హామీ ఇచ్చి మూడేళ్లు గడుస్తున్నప్పటికీ నిర్ణయం అమలులోకి రాలేదని పేర్కొన్నారు. సంబంధిత మండలాలను కరీంనగర్ జిల్లాలో కలిపే ప్రక్రియను ప్రభుత్వం త్వరితగతిన పూర్తి చేయాలని ఎడబోయిన శ్రీనివాస్ రెడ్డిడిమాండ్ చేశారు. గౌరవెల్లి, గండిపల్లి ప్రాజెక్టులను పూర్తి చేయాలి   హుస్నాబాద్ విజన్ ఆంధ్ర అక్టోబర్ 24÷ హుస్నాబాద్ ప్రాంత రైతుల సాగునీటి అవసరాలను తీర్చడంతో పాటు ప్రజలకు తాగునీరు అందించేందుకు గౌరవెల్లి,గండిపల్లి ప్రాజెక్టులను త్వరితగతిన పూర్తి చేయాలని రాష్ట్ర ప్రభుత్వాన్ని కోరారు. 2007లో దివంగత ముఖ్యమంత్రి వైఎస్ రాజశేఖరరెడ్డి హయాంలో ఈ ప్రాజెక్టుల పనులు ప్రారంభమయ్యాయని తెలిపారు. గండిపల్లి ప్రాజెక్టు పనులు సుమారు 40 శాతం మాత్రమే పూర్తయ్యాయని పేర్కొంటూ, మిగిలిన పనుల పురోగతిపై ప్రభుత్వం దృష్టి సారించాలని అన్నారు.ప్రాజెక్టులను పూర్తి చేస్తామని ప్రకటనలు చేయడంతో పాటు, అవసరమైన నిధులను కేటాయించి పనులను వేగవంతం చేయాలని సూచించారు. హుస్నాబాద్ ప్రాంతంలో తాగు, సాగునీటి సమస్యల పరిష్కారానికి సీపీఐ ఆధ్వర్యంలో ప్రజా ఉద్యమాలు చేపడతామని తెలిపారు ప్రజా సమస్యలపై పోరాటం రాష్ట్రంలో ప్రజా పాలన, ప్రభుత్వ విధానాలను పరిశీలిస్తున్నామని ఎడబోయిన శ్రీనివాస్ రెడ్డి అన్నారు. ప్రజలు ఎదుర్కొంటున్న సమస్యల పరిష్కారానికి ఎం సి పి ఐ సి త్వరలో కార్యాచరణ రూపొందించి పోరాటాలు చేపడుతుందని వెల్లడించారు.

రాష్ట్రంలో ఎల్ నినో ప్రభావంతో కరువు పరిస్థితులు నెలకొంటాయని కరెంటు,నీరు పొదుపుగా వాడాలని అధికారంలో ఉన్న రేవంత్ రెడ్డి ప్రభుత్వం చెప్పడం జరుగుతుంది. రైతులు ప్రత్యామ్నాయ పంటలు వేయాలంటే కోతుల వల్ల తీవ్ర నష్టం జరిగే పరిస్థితులు ఉంటాయని బీఎస్పీ నియోజకవర్గ ఇన్చార్జి పచ్చిమట్ల రవీంద్ర గౌడ్ తెలిపారు. ఈ సందర్బంగా మాట్లాడుతూ రాష్ట్ర ప్రభుత్వానికి కోతుల పట్ల సమగ్ర ప్రణాళిక లేక రైతులు వరి పంట తప్ప వేరే పంటల వైపు మొగ్గు చూపలేకపోతున్నారని,ఇట్టి విషయంలో మంత్రి పొన్నం ప్రభాకర్ గౌడ్ ని హుస్నాబాద్ నియోజకవర్గంలో కోతులు పట్టడానికి 10 కోట్ల నిధులు కేటాయించాలని కూడా గతంలో బీఎస్పీ పార్టీ పక్షాన మంత్రి దృష్టికి తీసుకు వెళ్లడం జరిగిందన్నారు.కానీ మూడు సంవత్సరాలైనా మూడు కోతులు పట్టిన పరిస్థితి కనబడట లేదు.ఎల్ నినో ప్రభావం రైతుల మీద ఉంటుంది కాబట్టి రైతులకు సంబంధించి పంట రుణాలు, గృహా రుణాలు, వారి పిల్లల విద్య రుణాలు, ఇంకా ఏమైనా రుణాలు ఉంటే ప్రభుత్వ మాఫీ చేయాలని బిఎస్పి పార్టీ పక్షాన డిమాండ్ చేశారు.క్రాప్ హాలిడే చేయాలంటున్న రేవంత్ రెడ్డి ప్రభుత్వం రైతులకు ప్రతి కుటుంబానికి 25 వేల రూపాయలు ఇచ్చి ఆదుకోవాలని కోరారు.ఈ సమావేశంలో రైతులు గంగుల రాజయ్య, కాశవేణి ఓదయ్య, దొంతరమైన ఎల్లయ్య తదితరులు పాల్గొన్నారు.

రామవరం ఎంపీటీసీ స్థానాన్ని ఈసారి ఎస్టీ జనరల్‌కు కేటాయించాలని బంజారా హక్కుల ఐక్యవేదిక సిద్దిపేట జిల్లా కన్వీనర్ తిరుపతి నాయక్ డిమాండ్ చేశారు. ఇంతవరకు రామవరం ఎంపీటీసీ స్థానం ఎస్టీలకు కేటాయించలేదని, దీంతో గిరిజనులకు రాజకీయ ప్రాతినిధ్యం దక్కలేదని ఆయన పేర్కొన్నారు.ఈసారి ఎంపీటీసీ స్థానాన్ని ఎస్టీ జనరల్‌కు కేటాయించి, గిరిజనులకు స్థానిక సంస్థల్లో ప్రాతినిధ్యం వహించే అవకాశం కల్పించాలని కోరారు. రిజర్వేషన్ల కేటాయింపులో ఎస్టీలకు న్యాయం జరిగేలా సంబంధిత అధికారులు చర్యలు తీసుకోవాలని పాల్త్యతిరుపతి నాయక్ విజ్ఞప్తి చేశారు.

కొమురవెల్లి,(సిద్దిపేట):కొమురవెల్లి శ్రీ మల్లికార్జున స్వామి వారి దేవస్థానంలో నిర్వహించినటువంటి శ్రీ దేవి త్రిరాత్రి మహోత్సవాలలో భాగంగా ఈరోజు ,ఉదయం క్షేత్రపాల భైరవార్చన శ్రీ స్వామివారికి రుద్రాభిషేకం నిర్వహించిన తర్వాత శ్రీ అమ్మవారిని అర్చకులు అందరూశాస్త్రీయంగా శ్రీ స్వామివారి పుష్కరిణి కోనేరు వద్దకు తీసుకువెళ్లి అక్కడ  అమ్మవారికి పంచామృతాభిషేకము సుగంధద్రవ్యాభిషేకం ప్రధాన కలశాభిషేకం, అర్చన నీరాజన,మంత్రపుష్పాదులు సమర్పించి అస్త్ర రాజార్చనం చేసి శ్రీదేవి మూర్తి సహితంగా త్రిశూల స్నానం ఆచరించారు అనంతరం వెండి కుంభంలో శ్రీ స్వామివారి పుష్కరిణీ జలాలను తీసుకుని వచ్చే స్వామివారి గర్భాలయంలో రుద్రాభిషేకం అష్టోత్తర శతనామార్చన, మహా మంగళ హారతి మంత్రపుష్ప సమర్పణ  సమర్పించారు. ఈ కార్యక్రమంలో ఆలయ సిబ్బంది,అర్చకులు పాల్గొన్నారు.