చౌటకూర్: సంగారెడ్డి జిల్లా చౌటకూర్ మండలంలోని సుల్తాన్పూర్ జేఎన్టీయూహెచ్ యూనివర్సిటీ కాలేజ్ ఆఫ్ ఇంజినీరింగ్, సుల్తాన్పూర్లో శిక్షణ మరియు ఉపాధి కల్పన విభాగం, ఇన్స్టిట్యూషన్ ఇన్నోవేషన్ కౌన్సిల్ (ఐఐసీ) సంయుక్త ఆధ్వర్యంలో బుధవారం "రోబోటిక్స్ ఇన్ అకాడెమిక్స్" అంశంపై ఒకరోజు ప్రాక్టికల్ వర్క్షాప్ నిర్వహించారు. ఈ కార్యక్రమంలో విద్యార్థులకు రోబోటిక్స్కు సంబంధించిన ఆధునిక సాంకేతిక అంశాలపై నిపుణులు ప్రత్యక్ష శిక్షణ అందించారు.సోహమ్ అకాడమీ ఆఫ్ హ్యూమన్ ఎక్సలెన్స్కు చెందిన రోబోటిక్స్ శిక్షకులు రోబోటిక్స్ మౌలిక సూత్రాలు, సెన్సర్లు, యాక్చ్యుయేటర్లు, కంట్రోలర్లు, రోబోటిక్ వ్యవస్థల రూపకల్పన, ప్రోగ్రామింగ్ విధానాలు, అలాగే పరిశ్రమల్లో రోబోటిక్స్ వినియోగంపై ప్రత్యక్ష ప్రదర్శనలతో విద్యార్థులకు అవగాహన కల్పించారు. ఈ వర్క్షాప్లో బి.టెక్ ద్వితీయ సంవత్సరం ఈసీఈ, ఈఈఈ, మెకానికల్ ఇంజినీరింగ్ విభాగాలకు చెందిన విద్యార్థులు ఉత్సాహంగా పాల్గొన్నారు. రోబోట్ల నిర్మాణం, నిర్వహణ, ప్రోగ్రామింగ్ వంటి అంశాల్లో ప్రత్యక్ష అనుభవం పొందిన విద్యార్థులు ఆధునిక రోబోటిక్స్ సాంకేతికతపై విలువైన అవగాహన పెంపొందించుకున్నారు.ఈ కార్యక్రమంలో కళాశాల ప్రిన్సిపాల్ డా. ఎస్. విశ్వనాథ రాజు మాట్లాడుతూ, విద్యార్థులు ఆధునిక సాంకేతిక పరిజ్ఞానాన్ని నేర్చుకుని పరిశ్రమల అవసరాలకు అనుగుణంగా తమ నైపుణ్యాలను అభివృద్ధి చేసుకోవాలని సూచించారు.శిక్షణ మరియు ఉపాధి కల్పన అధికారి డా. ఎం. శైలజ మాట్లాడుతూ, ఇటువంటి శిక్షణా కార్యక్రమాలు విద్యార్థుల సాంకేతిక సామర్థ్యాలను పెంపొందించడంతో పాటు, ఉద్యోగ అవకాశాలను మెరుగుపరచడంలో కూడా కీలక పాత్ర పోషిస్తాయని తెలిపారు.సోహమ్ అకాడమీ ఆఫ్ హ్యూమన్ ఎక్సలెన్స్ ప్రతినిధులు మాట్లాడుతూ, వర్క్షాప్లో ప్రతిభ కనబరిచిన విద్యార్థులను ఎంపిక చేసి ప్రభుత్వ పాఠశాలల్లో నిర్వహించే రోబోటిక్స్ అవగాహన, శిక్షణ కార్యక్రమాల్లో వాలంటీర్లుగా పాల్గొనే అవకాశం కల్పిస్తామని తెలిపారు. దీనివల్ల విద్యార్థుల్లో నాయకత్వ లక్షణాలు, సామాజిక బాధ్యతతో పాటు సాంకేతిక నైపుణ్యాలు మరింత అభివృద్ధి చెందుతాయని పేర్కొన్నారు.
.jpeg)
