- శాశ్వత పరిష్కారం చూపే వరకు ఉద్యమం కొనసాగిస్తామని స్పష్టం,మేడ్చల్ మల్కాజ్గిరి జిల్లా : మల్కాజ్గిరి మున్సిపల్ కార్పొరేషన్ ఘట్కేసర్ సర్కిల్ పోచారం డివిజన్ అనోజిగూడ డంపింగ్ యార్డును పూర్తిగా తరలించి ప్రజలకు శాశ్వత పరిష్కారం చూపాలనే డిమాండ్‌తో రావుల శ్రీకాంత్ ఆధ్వర్యంలో బీజేపీ నాయకులు ధర్నా కార్యక్రమం నిర్వహించి నిరసన వ్యక్తం చేశారు. ఈ కార్యక్రమంలో బీజేపీ రాష్ట్ర కార్యవర్గ సభ్యులు, మేడ్చల్ నియోజకవర్గ బీజేపీ ఇన్‌చార్జి, మాజీ ఎంపీపీ ఏనుగు సుదర్శన్ రెడ్డి ,జిల్లా ఉపాధ్యక్షులు గొంగళ్ల బాలేష్, తో పాల్గొని డంపింగ్ యార్డు తరలింపు డిమాండ్‌కు మద్దతు తెలిపారు. ఈ సందర్భంగా ఏనుగు సుదర్శన్ రెడ్డి, మాట్లాడుతూ, అనోజిగూడ డంపింగ్ యార్డు సమస్యకు శాశ్వత పరిష్కారం చూపాల్సిన బాధ్యత అధికారులపై ఉందని స్పష్టం చేశారు. డంపింగ్ యార్డును పూర్తిగా తరలించే వరకు తమ పోరాటం ఆగదని తేల్చిచెప్పారు. ప్రజల సమస్యలను దృష్టిలో ఉంచుకుని అధికారులు తక్షణమే చర్యలు చేపట్టాలని డిమాండ్ చేశారు. రెండు నెలల్లో తరలిస్తామని అధికారుల హామీ : డంపింగ్ యార్డు తరలింపు అంశంపై స్పందించిన అధికారులు, రెండు నెలల్లో డంపింగ్ యార్డును పూర్తిగా తరలించేందుకు చర్యలు చేపడతామని హామీ ఇచ్చినట్లు నాయకులు వెల్లడించారు. ఈ హామీని అధికారులు ఆచరణలో పెట్టి, నిర్ణీత గడువులోగా తరలింపు ప్రక్రియను పూర్తి చేయాలని వారు కోరారు. శాశ్వత పరిష్కారం వచ్చే వరకు ఉద్యమం : డంపింగ్ యార్డు తరలింపు విషయంలో కేవలం హామీలకే పరిమితం కాకుండా, క్షేత్రస్థాయిలో స్పష్టమైన చర్యలు తీసుకోవాలని బీజేపీ నాయకులు పేర్కొన్నారు. ప్రజలకు శాశ్వత పరిష్కారం లభించే వరకు ప్రజల పక్షాన పోరాటాన్ని కొనసాగిస్తామని స్పష్టం చేశారు. అనోజిగూడ డంపింగ్ యార్డు తరలింపు విషయంలో అధికారులు ఇచ్చిన హామీ మేరకు చర్యలు తీసుకుంటారా? నిర్ణీత రెండు నెలల్లో తరలింపు ప్రక్రియ పూర్తవుతుందా? అన్నది వేచి చూడాల్సి ఉంది. ఈ కార్యక్రమంలో మేడ్చల్ రూరల్ జిల్లా కార్యవర్గ సభ్యులు అజయ్ యాదవ్, జిల్లా బీజేవైఎం ప్రధాన కార్యదర్శి శివనాయక్, ఎమ్మార్పీఎస్ జిల్లా అధ్యక్షులు ప్రణయ్, సీనియర్ నాయకులు వీరారెడ్డి, సత్యనారాయణ రెడ్డి, జిహెచ్ఎంసి బీసీ సంఘం ఉపాధ్యక్షులు అఖిలభారత రజక సంఘం ప్రధాన కార్యదర్శి కొమ్మరాజు సతీష్, జోగు అఖిల్, పరశురాం, డంపింగ్ యార్డ్ బాధితులు,యువకులు తదితరులు పెద్ద ఎత్తున పాల్గొన్నారు.

మేడ్చల్ మల్కాజ్గిరి జిల్లా : తెలంగాణ రక్షణ సేన పార్టీ అధినేత కల్వకుంట్ల కవితమ్మ,  పార్టీ పెట్టక ముందు నుండి బిసి బిడ్డలకు ముందుండి వారి హక్కుల కోసం  బహుజన పాలన కోసం పోరాడుతుంది. తెలంగాణ రక్షణ సేన పార్టీ.. హైదరాబాద్, రంగారెడ్డి, మహబూబ్ నగర్ పట్టభద్రుల ఎమ్మెల్సీ అభ్యర్థిగా ఆకాష్ కొల్లూరు ని ప్రకటించడం జరిగింది. విద్యావంతుడు, పట్టుదలగల యువకుడు, నేషనల్ ఛానల్ జర్నలిస్టుగా కొనసాగి.. ప్రజలకు చేరువగా తన వంతు సామాజిక బాధ్యత తీసుకొని  ప్రజలకు సేవ చేయాలని దృఢ సంకల్పంతో రాజకీయంగా ప్రజాక్షేత్రంలో అడుగు పెట్టడం జరిగింది. ఎన్ని పార్టీలు పాలించిన ఒక కుమ్మరి (బిసి కులానికి) న్యాయం జరగలేదు. కానీ కవితమ్మ  కుమ్మరి (బిసి కులానికి) చెందిన అభ్యర్థిని ప్రకటించడం కవితమ్మ , బిసి బిడ్డలకు అవకాశం ఇచ్చి మాట నిలబెట్టుకున్నారు.  విద్యావంతులారా ఆలోచించండి. ప్రశ్నించే వ్యక్తికి పట్టం కడదాం.. అర్హులైన ప్రతి ఒక్కరూ ఆకాష్ కొల్లూరు కి ఓటు వేసి పట్టభద్రుల ఎమ్మెల్సీగా గెలిపించుకోవాలని కోరారు.

మేడ్చల్ మల్కాజ్గిరి జిల్లా  : కూకట్ పల్లి నియోజకవర్గం లోని హౌసింగ్ బోర్డ్ లో విశిష్ట హాస్పిటల్ లో గత ఏడు నెలలుగా పని చేసిన వేతనం కోసం మహిళా కార్మికులు ఎంతో ఇబ్బందులు పడ్డారు విశిష్ట హాస్పటల్ యజమాన్యం నిర్లక్ష్యం వహిస్తూ మహిళా కార్మికులకు రావాల్సిన పెండింగ్ లో ఉన్న వేతనం నాలుగు 4,లక్షల 19000/- వేల రూపాయలు ఇవ్వాల్సి ఉండగా అవి ఇవ్వకపోవడంతో ఎవరైతే మనకు కార్మికుల పట్ల న్యాయం జరుగుతుందని తెలుసుకొని తోటి కార్మిక మిత్రుల ద్వారా బిఆర్ టియు రాష్ట్ర కార్మిక నాయకుడు శ్రమశక్తి అవార్డు గ్రహీత రవి గురించి తెలుసుకొని, అతని కార్యాలయం వద్దకు వెళ్లి ఆ మహిళ కార్మికులకు జరిగిన అన్యాయం గురించి వివరించారు.వెంటనే స్పందించిన రవి విశిష్ట హాస్పటల్ యజమాన్యం తో మాట్లాడి మహిళా కార్మికులు మొత్తం ఒక్కొక్కరికి రావాల్సిన వేతనం, జితేంద్ర ప్రసాద్ 60,000, వీరస్వామి 90,000, సాకేత్ 13000, శ్రావ్య 17000, సమత 15000, మనుష 8000, సుకన్య 40,000, నాగరాణి 55000, రేవతి 16000, జ్యోతి 18000, భాగ్యలక్ష్మి 17000, ఝాన్సీ 70,000, వేల రూపాయలు మొత్తం 4 లక్షల19000/- వేల రూపాయలు మొత్తం 12 మంది మహిళ కార్మికులకు చెక్కు రూపంలో అందజేయడం జరిగింది. మహిళా కార్మికులు మాట్లాడుతూ కార్మికుల కష్టజీతం ఇప్పించడంతో సహాయం చేసిన కార్మిక నాయకుడు రవికి ప్రత్యేక కృతజ్ఞతలు తెలియజేశారు. ఈ కార్యక్రమంలో సంతోష్ గౌడ్, జగన్, సుదర్శన్, కిరణ్ తదితరులు పాల్గొన్నారు

చెకుముకి టాలెంట్‌ టెస్ట్‌ వాల్‌ పోస్టర్‌ ఆవిష్కరణ, మేడ్చల్ మల్కాజ్గిరి జిల్లా : విద్యార్థుల్లో సృజనాత్మకతను వెలికితీయడంతోపాటు, వారిలో విజ్ఞానాన్ని పెంపొందించేందుకు జన విజ్ఞాన వేదిక ఆధ్వర్యంలో నిర్వహిస్తున్న చెకుముకి టాలెంట్‌ టెస్టులు దోహదపడతాయని మేడ్చల్‌ మల్కాజిగిరి జిల్లా విద్యాశాఖ అధికారి రేణుకాదేవి అన్నారు. జన విజ్ఞాన వేదిక ఆధ్వర్యంలో నిర్వహించనున్న చెకుముకి టాలెంట్‌ టెస్ట్‌ వాల్‌ పోస్టర్‌ను సోమవారం కలెక్టరేట్ కార్యాలయంలోని విద్యాశాఖ చాంబర్లో ఆమె ఆవిష్కరించారు. ఈ సందర్భంగా విద్యాశాఖ అధికారి మాట్లాడుతూ, విద్యార్థులు పాఠ్యాంశాలతోపాటు సమకాలీన అంశాలపై అవగాహన పెంచుకోవాలని సూచించారు. ఇలాంటి కార్యక్రమాలు విద్యార్థుల్లో చదువుపై ఆసక్తిని పెంచడంతోపాటు, వారి ప్రతిభను ప్రదర్శించేందుకు చక్కని వేదికగా నిలుస్తాయని పేర్కొన్నారు. శాస్త్రీయ దృక్పథం అలవర్చుకోవాలి : ఈ సందర్భంగా జన విజ్ఞాన వేదిక రాష్ట్ర ఉపాధ్యక్షుడు ఎం.శ్రీనివాస్ మాట్లాడుతూ.. విద్యార్థుల్లో శాస్త్రీయ ఆలోచనా విధానాన్ని పెంపొందించడంతోపాటు, వారిలో దాగి ఉన్న ప్రతిభను వెలికితీసేందుకు చెకుముకి టాలెంట్‌ టెస్టులు దోహదపడతాయని అన్నారు. విద్యార్థులు మూఢనమ్మకాలకు దూరంగా ఉంటూ, ప్రతి అంశాన్ని శాస్త్రీయ దృక్పథంతో పరిశీలించాలని సూచించారు. విద్యార్థుల్లో ప్రశ్నించే తత్వాన్ని, పరిశీలనా శక్తిని పెంపొందించేందుకు జన విజ్ఞాన వేదిక ఆధ్వర్యంలో ఇలాంటి కార్యక్రమాలు నిర్వహిస్తున్నట్లు తెలిపారు.. ఈ టాలెంట్‌ టెస్టులను నవంబర్‌ 12న పాఠశాల స్థాయిలో, నవంబర్‌ 21న మండల స్థాయిలో, నవంబర్‌ 28న జిల్లా స్థాయిలో నిర్వహించనున్నట్లు తెలిపారు. అనంతరం డిసెంబర్‌ 11, 12, 13 తేదీల్లో రాష్ట్రస్థాయి పోటీలు నిర్వహించనున్నట్లు వెల్లడించారు. విద్యార్థులు ఈ అవకాశాన్ని సద్వినియోగం చేసుకొని ప్రతిభను చాటుకోవాలని కోరారు. ఈ కార్యక్రమంలో మేడ్చల్ జిల్లా ఎడి, జన విజ్ఞాన వేదిక మేడ్చల్ జిల్లా ప్రధాన కార్యదర్శి టి.శ్రీనివాస్, కోశాధికారి జెన్నీ, కీసర మండలం ప్రధాన కార్యదర్శి, రిటైర్డ్ హెడ్ మాస్టర్ శేషగిరిరావు, సీనియర్ రిపోర్టర్ వెంకటేశ్వరరావు, తదితరులు పాల్గొన్నారు.

మేడ్చల్ మల్కాజిగిరి జిల్లా  : బీజేపీ ప్రభుత్వం ఎన్నికల కమిషన్‌ను అడ్డుపెట్టుకుని ప్రజల ఓటు హక్కులను కాలరాస్తూ, ప్రజాస్వామ్య వ్యవస్థను బలహీనపరిచే చర్యలకు పాల్పడుతోందని నిరసిస్తూ, అగ్రనేత  రాహుల్ గాంధీ సాగిస్తున్న ప్రజాస్వామ్య పరిరక్షణ పోరాటానికి మద్దతుగా నవంబర్ 1న ఢిల్లీలోని రాంలీలా మైదానంలో కాంగ్రెస్ పార్టీ పంటలనైనా జిల్లా కలెక్టర్ ఐ ఎన్ డి ఐ ఏ కూటమి ఆధ్వర్యంలో భారీ నిరసన ర్యాలీ నిర్వహించనున్నారు.ఈ మహా ర్యాలీలో పాల్గొనేందుకు తెలంగాణ ప్రదేశ్ కాంగ్రెస్ కమిటీ ఉపాధ్యక్షులు, తెలంగాణ ప్రభుత్వ కమ్మ కార్పొరేషన్ లిమిటెడ్ చైర్మన్, కూకట్‌పల్లి నియోజకవర్గ కాంగ్రెస్ పార్టీ ఇన్‌చార్జి బండి రమేష్  ఆధ్వర్యంలో కూకట్‌పల్లి నియోజకవర్గం నుంచి ప్రత్యేక బస్సుల్లో పెద్ద సంఖ్యలో కాంగ్రెస్ పార్టీ నాయకులు, మహిళా నాయకురాళ్లు, కార్యకర్తలు ఢిల్లీకి బయలుదేరారు. ఈ సందర్భంగా కూకట్‌పల్లి నియోజకవర్గ కాంగ్రెస్ పార్టీ కార్యాలయం నుంచి ఢిల్లీకి బయలుదేరిన ప్రత్యేక బస్సులకు బండి రమేష్ స్వయంగా జెండా ఊపి లాంఛనంగా ప్రారంభించారు. ఈ సందర్భంగా పార్టీ నాయకులు, కార్యకర్తలకు శుభాకాంక్షలు తెలియజేస్తూ వారిని ఘనంగా సాగనంపారు. ఈ సందర్భంగా బండి రమేష్ మాట్లాడుతూ, ప్రజాస్వామ్యంలో ఓటు హక్కు అత్యంత విలువైనదని, ప్రతి పౌరుడి ఓటు హక్కును కాపాడుకోవడం మనందరి బాధ్యత అని అన్నారు. ఎన్నికల ప్రక్రియలో పారదర్శకత ఉండాలని, ఓటర్ల హక్కులకు భంగం కలగకుండా చూడాలని డిమాండ్ చేశారు. ప్రజాస్వామ్య పరిరక్షణ కోసం రాహుల్ గాంధీ  చేస్తున్న పోరాటానికి ప్రతి కాంగ్రెస్ కార్యకర్త అండగా నిలవాలని పిలుపునిచ్చారు. రాజ్యాంగ పరిరక్షణ కోసం కాంగ్రెస్ పార్టీ నిరంతరం పోరాడుతుందని స్పష్టం చేశారు.

మేడ్చల్ జిల్లా కీసర తహసీల్దార్ కార్యాలయంలో ACB సోదాలు. రూ 2.50 లక్షల లంచం తీసుకుంటూ ACB అధికారులకు పట్టుబడ్డ కీసర డిప్యూటీ తహసీల్దార్ సందీప్ రెడ్డి

మేడ్చల్ మల్కాజిగిరి జిల్లా :చింతల బస్తీలో నల్ల పోచమ్మ ఆలయం  సందర్శించిన గిరివర్ధన్ రెడ్డి  గుర్తుతెలియని దుండగులు అమ్మవారి ఆలయ గేట్లను ధ్వంసం చేసి, అమ్మవారి మంగళసూత్రం  మెట్లను దొంగలించినటువంటి దొంగల్ని 24 గంటల లోపల అరెస్టు చేయాలని పోలీసులను డిమాండ్ చేశారు. ఇటీవల తెలంగాణలో 8 గుళ్ళల్లో దొంగతనాలు , గుడులు మీద దాడులను తీవ్రంగా ఖండిస్తున్నామని వారు హెచ్చరించారు. ప్రభుత్వ వైఫల్యమే దీనికి ప్రధాన కారణమని వారి మీద కఠిన చర్యలు తీసుకోకపోవడమే   వారు యధావిధిగా కొనసాగిస్తున్నారని మండిపడ్డారు. 24 గంటల లోపల పట్టుకోకపోతే తదుపరి కార్యాచరణ తెలియజేస్తామన్నారు.  ఈ కార్యక్రమంలో సదానంద  పద్మ ప్రసాద్, గరిగే శేఖర్ ముదిరాజ్, కాలనీవాసులు  తదితర ముఖ్య నాయకులు పాల్గొన్నారు.  

మేడ్చల్ : మల్కాజిగిరి జిల్లా  బండారి లేఔట్ డివిజన్ పరిధిలోని రాజీవ్ గృహకల్ప వద్ద భారత మాజీ రాష్ట్రపతి, భారతరత్న, మిస్సైల్ మ్యాన్ ఆఫ్ ఇండియా డాక్టర్ ఏపీజే అబ్దుల్ కలాం  విగ్రహావిష్కరణ కార్యక్రమాన్ని ఘనంగా నిర్వహించారు.ఈ కార్యక్రమానికి ముఖ్య అతిథిలుగా హాజరైన కుత్బుల్లాపూర్ నియోజకవర్గ కాంగ్రెస్ పార్టీ ఇంచార్జ్ కొలన్ హన్మంత్ రెడ్డి, డా. ఏపీజే అబ్దుల్ కలాం గారి విగ్రహాన్ని ఆవిష్కరించారు. ఈ సందర్భంగా కలాం  దేశానికి అందించిన సేవలను స్మరించుకుంటూ నివాళులర్పించారు. ఆయన జీవితం, ఆశయాలు యువతకు ఎల్లప్పుడూ స్ఫూర్తిదాయకమని పేర్కొన్నారు.ఈ కార్యక్రమంలో కాంగ్రెస్ పార్టీ సీనియర్ నాయకులు కొలన్ శ్రీనివాస్ రెడ్డి, బండారి లేఔట్ డివిజన్ అధ్యక్షులు వాసు వరగాని, ప్రగతి నగర్ డివిజన్ అధ్యక్షులు బొమ్ము వెంకటేశ్వర రెడ్డి (తాతిరెడ్డి), మాజీ కార్పొరేటర్ చిట్ల దివాకర్, కె. అమృతయ్య, కమిటీ నిర్వాహకులు మొయినుద్దీన్, రఫత్, రామచంద్ర నాయక్, సరిత లక్ష్మణ్, ప్రభాకర్ రెడ్డి, అబ్దుల్లా, నయాబ్, బాలరాజు, ప్రసాద్ గౌడ్, వెంకటేశ్వర్ గౌడ్, శ్యామ్ గౌడ్, బాలయ్య తదితరులు పాల్గొన్నారు.అలాగే కాంగ్రెస్ పార్టీ నాయకులు, కార్యకర్తలు, మహిళలు, స్థానిక ప్రజలు పెద్ద సంఖ్యలో పాల్గొని కార్యక్రమాన్ని విజయవంతం చేశారు.

 కీసర : కీసర తహసీల్దార్ కార్యాలయంలో ఏసీబీ అధికారులు దాడులు నిర్వహించారు. లంచం తీసుకుంటూ రెడ్ హ్యాండెడ్ గా పట్టుబడ్డ  డిప్యూటీ తహసీ ల్దార్ సందీప్ రెడ్డి. ఈ ఘటన నేపథ్యంలో  ఏసీబీ అధికారులు   రెవెన్యూ కార్యాలయంలో విస్తృతంగా తనిఖీలు నిర్వహిస్తున్నారు. మరిన్ని వివరాలు తెలియాల్సి ఉంది.

 మేడ్చల్ (మల్కాజిగిరి జిల్లా ):దుర్గా నవరాత్రి ఉత్సవాల సందర్భంగా ఘనంగా ఎం న్ రెడ్డి నగర్ లో ప్రత్యేక పూజలు నిర్వహించి మొక్కులు తీర్చుకున్నారు. అలాగే అన్నదాన కార్యక్రమం నిర్వహించారు. ఈకార్యక్రమం లో  పాల్గొన్న కుంట సిద్ధిరాములు, మరియు బి ఆర్ ఎస్ పార్టీ నాయకులు ,పెద్దెత్తున కాలనీవాసులు, మహిళలు కాలని పెద్దలు, ప్రజలు భారీ సంఖ్యలో పాల్గొన్నారు.

మేడ్చల్ మల్కాజ్గిరి జిల్లా : ఈరోజు మేడ్చల్ జిల్లా ఫిషరీస్ చైర్మన్  మన్నె రాజు  సైబరాబాద్ మున్సిపల్ కమిషనర్ శ శ్రీజన,  మేడం ని కలిసి ఎస్.ఆర్. నాయక్ నగర్ కాలనీకి సంబంధించిన పలు అంశాలపై చర్చించడం జరిగింది.ఈ సందర్భంగా ఎస్.ఆర్. నాయక్ నగర్ సంపు స్థలాన్ని కాలనీ అభివృద్ధి పనుల కోసం వినియోగించుకునేందుకు సహకరించాలని మన్నె రాజు  కమిషనర్ మేడం ని కోరడం జరిగింది. దీనిపై స్పందించిన కమిషనర్ మేడం, ఈ విషయాన్ని ఉన్నతాధికారుల దృష్టికి తీసుకెళ్లి, వారితో చర్చించి తన వంతు సహకారం అందిస్తానని తెలియజేశారు. ఈ కార్యక్రమంలో ఎస్.ఆర్. నాయక్ నగర్ కాలనీ ప్రెసిడెంట్ బాబి, మాజీ ప్రెసిడెంట్ టక్ శ్రీన, కిషోర్, చంద్రకాంత,  కాలనీకి చెందిన పలువురు పాల్గొన్నారు.

మేడ్చల్ మల్లికాజిగిరి జిల్లా: మల్కాజిగిరి కార్పొరేషన్ పరిధిలోని నాగారం, ఎదులాబాద్ డివిజన్ల కాంగ్రెస్ పార్టీ పూర్తి స్థాయి కమిటీలను మేడ్చల్–మల్కాజిగిరి జిల్లా కాంగ్రెస్ పార్టీ అధ్యక్షుడు, మేడ్చల్ నియోజకవర్గం ఇంచార్జ్ తోటకూర వజ్రేష్ యాదవ్ బుధవారం ప్రకటించారు. పార్టీని క్షేత్రస్థాయిలో మరింత బలోపేతం చేయడం, ప్రజలకు అందుబాటులో ఉంటూ వారి సమస్యల పరిష్కారానికి కృషి చేయడం లక్ష్యంగా నూతన కమిటీలను ఏర్పాటు చేసినట్లు తెలిపారు.ఈ సందర్భంగా వజ్రేష్ యాదవ్ మాట్లాడుతూ, నూతనంగా నియమితులైన కమిటీ సభ్యులు పార్టీ సిద్ధాంతాలను ప్రజల్లోకి తీసుకెళ్లాలని, ప్రభుత్వ సంక్షేమ పథకాలను ప్రజలకు వివరించాలని సూచించారు. నాయకులు, కార్యకర్తలు సమన్వయంతో పనిచేస్తూ ప్రజల నమ్మకాన్ని మరింత పెంపొందించాలని పిలుపునిచ్చారు. రాబోయే ఎన్నికల్లో కాంగ్రెస్ పార్టీ విజయమే లక్ష్యంగా ప్రతి ఒక్కరూ కష్టపడి పనిచేయాలని, పార్టీ బలోపేతానికి సమష్టి కృషి చేయాలని ఆయన స్పష్టం చేశారు.ఈ కార్యక్రమంలో డీసీసీ ఉపాధ్యక్షుడు వేముల మహేష్ గౌడ్, ఎదులాబాద్ డివిజన్ అధ్యక్షుడు సామల అమర్, నాగారం డివిజన్ అధ్యక్షుడు భూమయ్య యాదవ్, నాగారం మున్సిపాలిటీ మాజీ అధ్యక్షుడు ముప్పు శ్రీనివాస్ రెడ్డి, నూతన కమిటీ సభ్యులు తదితరులు పాల్గొన్నారు.