- ఉమ్మడి కడప జిల్లాలో వైసీపీ, టీడీపీ వర్గాల మధ్య ఘర్షణ..  - వైసీపీ కార్యాలయంతో పాటు 10 కార్లకు నిప్పు పెట్టిన దుండగులు..  కడప : ఆంధ్రప్రదేశ్ మున్సిపల్ ఎన్నికల నామినేషన్ల దశ నుంచి ఫలితాల వరకు మొత్తం ప్రక్రియ ప్రశాంతంగా, అంతరాయం లేకుండా సాగేందుకు అన్ని శాఖలు సమన్వయంతో పనిచేయాలని ఎన్నికల సంఘం...

 తెలంగాణ రాష్ట్రంలోనే వందల కోట్ల రూపాయల మోసం..!  దేశవ్యాప్తంగా సుమారు 10 వేల మంది బాధితులు..!   కుట్రను చేధించిన ఆదిలాబాద్ పోలీసులు.. ప్రధాన నిందితుని అరెస్ట్..!    వివరాలు  వెల్లడించిన ఎస్పీ అఖిల్ మహాజన్..   ఆదిలాబాద్ : యూనిక్ మర్చంటైల్ ఇండియా లిమిటెడ్, యూనిక్ ఎస్‌ఎంసీఎస్ సంస్థల పేరుతో చిట్ ఫండ్స్, పెట్టుబడి పథకాల ద్వారా అధిక లాభాలు వస్తాయని ప్రజలను నమ్మించి భారీగా డబ్బులు సేకరించి మోసాలకు పాల్పడిన కేసులో ప్రధాన నిందితుడిని పోలీసులు అరెస్ట్ చేశారు. ఈ వ్యవహారంలో తెలంగాణ రాష్ట్రవ్యాప్తంగా వందల కోట్ల రూపాయల మోసం జరిగినట్లు, దేశవ్యాప్తంగా సుమారు 10 వేల మంది బాధితులు ఉన్నట్లు ప్రాథమికంగా అంచనా వేసినట్లు జిల్లా ఎస్పీ అఖిల్ మహాజన్ ఐపీఎస్ తెలిపారు. స్థానిక పోలీస్ ఏఆర్ హెడ్‌క్వార్టర్స్‌లో ఏర్పాటు చేసిన విలేకరుల సమావేశంలో ఎస్పీ కేసు వివరాలను వెల్లడించారు. మోసం చేసిన తీరు నిందితులు యూనిక్ సంస్థల పేరుతో వివిధ పెట్టుబడి పథకాలను ప్రవేశపెట్టి, ఏజెంట్ల ద్వారా ప్రజలను ఆకర్షించినట్లు విచారణలో వెల్లడైంది.  వార్షిక చెల్లింపులు, నెలవారీ కిస్తీలు, ఫిక్స్‌డ్ డిపాజిట్లు తదితర పథకాల ద్వారా డబ్బులు సేకరించారు. పెట్టుబడి పెట్టిన మొత్తానికి అదనపు ప్రయోజనాలు కలిపి తిరిగి చెల్లిస్తామని, అవసరమైతే మంచి ప్రాంతాల్లో ప్లాట్లు కేటాయిస్తామని నమ్మించారు. గడువు పూర్తయినప్పటికీ పెట్టుబడి మొత్తాలు, మెచ్యూరిటీ డబ్బులు తిరిగి చెల్లించకుండా కాలయాపన చేయడంతో బాధితులు పోలీసులను ఆశ్రయించారు. ఈ వ్యవహారంపై ఆదిలాబాద్ వన్‌టౌన్, టూటౌన్, మావల, ఆదిలాబాద్ రూరల్, తలమడుగు పోలీస్ స్టేషన్ల పరిధిలో కేసులు నమోదయ్యాయి. ప్రాథమిక విచారణ ప్రకారం తెలంగాణ రాష్ట్రవ్యాప్తంగా ఈ సంస్థలకు సంబంధించి 14 కేసులు నమోదైనట్లు గుర్తించారు.   మెదక్, నిజామాబాద్, కరీంనగర్, సిరిసిల్ల జిల్లాల్లోనూ కేసులు నమోదైనట్లు సమాచారం ఉందని, ఈ వివరాలపై సంబంధిత రికార్డులను పరిశీలిస్తున్నట్లు పోలీసులు తెలిపారు. ఆస్తుల కొనుగోలుకు మోసం చేసిన సొమ్ము వినియోగంప్రజల నుంచి సేకరించిన డబ్బులతో నిందితుడు వివిధ ప్రాంతాల్లో హోటళ్లు, భూములు, ప్లాట్లు కొనుగోలు చేసినట్లు విచారణలో వెల్లడైంది. బెంగళూరు, పశ్చిమ బెంగాల్, జైపూర్, మహారాష్ట్ర తదితర ప్రాంతాల్లో హోటళ్లు కొనుగోలు చేసినట్లు ప్రాథమికంగా గుర్తించారు.హైదరాబాద్ పరిసర ప్రాంతాల్లో భూములు, ప్లాట్లు కొనుగోలు చేసినట్లు, ముఖ్యంగా మియాపూర్ ప్రాంతంలో సుమారు 400 ప్లాట్లు కొనుగోలు చేసినట్లు విచారణలో వెల్లడైంది. అలాగే బీబీనగర్‌లోని ఎయిమ్స్ పరిసర ప్రాంతాల్లో సుమారు 200 ఎకరాల భూములు కొనుగోలు చేసినట్లు సమాచారం ఉందని పోలీసులు తెలిపారు. ఈ ఆస్తుల కొనుగోలుకు ఉపయోగించిన నిధుల మూలాలు, ఆర్థిక లావాదేవీలపై దర్యాప్తు కొనసాగుతోంది. ఆదిలాబాద్ జిల్లా పరిధిలో సుమారు 2,000 మంది సభ్యులతో రూ.7 కోట్ల నుంచి రూ.8 కోట్ల వరకు లావాదేవీలు జరిగినట్లు నిందితుడి విచారణలో వెల్లడైనట్లు పోలీసులు తెలిపారు. జిల్లాలో బాధితులు కోల్పోయిన మొత్తం, ఇతర ఆర్థిక వివరాలను మరింతగా పరిశీలిస్తున్నారు.ప్రధాన నిందితుడి అరెస్ట్తలమడుగు పోలీస్ స్టేషన్‌లో నమోదైన కేసులో విశ్వసనీయ సమాచారం మేరకు  13న రాత్రి ఆదిలాబాద్ కలెక్టరేట్ చౌక్ వద్ద ప్రధాన నిందితుడు రాజ్ కుమార్ రాయ్‌ను పోలీసులు అదుపులోకి తీసుకున్నారు. అనంతరం తలమడుగు పోలీస్ స్టేషన్‌కు తరలించి చట్టప్రకారం అరెస్ట్ చేశారు. నిందితుల వివరాలు : A-1: రాజ్ కుమార్ రాయ్ @ రాజ్ కుమార్ కైలాష్ రాయ్ (69)యూనిక్ మర్చంటైల్ ఇండియా లిమిటెడ్ సంస్థ మేనేజింగ్ డైరెక్టర్ / హోల్‌టైమ్ డైరెక్టర్. నివాసం: థల్తేజ్, అహ్మదాబాద్, గుజరాత్ రాష్ట్రం.స్థితి:అరెస్ట్., A-2: చంద్రశేఖర్యూనిక్ ఎస్‌ఎంసీఎస్ సంస్థ జోనల్ మేనేజర్, హైదరాబాద్.స్థితి: పరారీలో ఉన్నాడు. గతంలోనూ మోసాలకు పాల్పడినట్లు సమాచారం.  నిందితుడు గతంలో మెడికల్ కంపెనీ ఏర్పాటు పేరుతో, హోటళ్లలో ఉద్యోగాలు ఇప్పిస్తామని, విదేశాల్లో ఉద్యోగాలు కల్పిస్తామని చెప్పి మోసాలకు పాల్పడినట్లు సమాచారం ఉన్నట్లు పోలీసులు తెలిపారు. ఈ వ్యవహారాలకు సంబంధించిన ఫిర్యాదులు, కేసులు, ఇతర వివరాలను పరిశీలిస్తూ నిందితుడి గత కార్యకలాపాలపైనా దర్యాప్తు చేస్తున్నారు.  బాధితులు ముందుకు రావాలి : యూనిక్ సంస్థల్లో పెట్టుబడులు పెట్టి మోసపోయిన బాధితులు ఎవరూ భయపడకుండా సంబంధిత పోలీస్ స్టేషన్లను సంప్రదించాలని జిల్లా ఎస్పీ అఖిల్ మహాజన్ ఐపీఎస్ సూచించారు. బాధితులు తమ వద్ద ఉన్న పెట్టుబడి రశీదులు, బ్యాంకు లావాదేవీల వివరాలు, ఒప్పంద పత్రాలు, ఇతర ఆధారాలను పోలీసులకు అందించాలని తెలిపారు.ఆకర్షణీయమైన పథకాలు, అధిక లాభాల హామీలను నమ్మి పెట్టుబడులు పెట్టే ముందు సంస్థ విశ్వసనీయతను పూర్తిగా పరిశీలించాలని ప్రజలకు సూచించారు. ఈ కేసులో బాధితుల వివరాలను సేకరించడంతో పాటు, నిందితులతో సంబంధం ఉన్న ఇతర వ్యక్తుల పాత్రపైనా దర్యాప్తు కొనసాగుతోందని ఎస్పీ తెలిపారు.ఈ సమావేశంలో ఆదిలాబాద్ డీఎస్పీ ఎల్. జీవన్ రెడ్డి, రూరల్ సీఐ రహీం పాషా, తలమడుగు ఎస్‌ఐ డి. రాధిక, ఇతర పోలీసు సిబ్బంది పాల్గొన్నారు.       

న్యూఢిల్లీ, అక్టోబర్ 13: దేశంలో ప్రజాస్వామ్యాన్ని, రాజ్యాంగ వ్యవస్థలను పరిరక్షించాల్సిన కేంద్ర ఎన్నికల సంఘం తన స్వతంత్ర ప్రతిపత్తిని కోల్పోయి అధికార బీజేపీకి అనుకూలంగా వ్యవహరిస్తోందని తెలంగాణ శక్తి, గనుల శాఖ మంత్రి గడ్డం వివేక్ వెంకటస్వామి ఆరోపించారు. ఎన్నికల సంఘం పనితీరు ప్రజాస్వామ్య స్ఫూర్తికి విరుద్ధంగా ఉందని విమర్శించారు. ఓటర్ల జాబితాల నుంచి కోట్లాది మంది పేర్ల తొలగింపుపై వస్తున్న ఆరోపణలకు ఎన్నికల సంఘం సమాధానం చెప్పాలని, కేంద్ర ప్రధాన ఎన్నికల కమిషనర్ జ్ఞానేశ్ కుమార్ తన పదవికి రాజీనామా చేయాలని డిమాండ్ చేశారు. దేశ రాజధాని ఢిల్లీలో కాంగ్రెస్ పార్టీ, ఇండియా కూటమి ఆధ్వర్యంలో కన్నాట్ ప్లేస్ నుంచి సుప్రీంకోర్టు వరకు చేపట్టిన ‘డెమోక్రసీ మార్చ్‌’లో మంత్రి వివేక్ వెంకటస్వామి పాల్గొన్నారు. ముఖ్యమంత్రి ఎ. రేవంత్ రెడ్డి, టీపీసీసీ అధ్యక్షుడు మహేశ్ కుమార్ గౌడ్, పలువురు మంత్రులు, కాంగ్రెస్ నాయకులతో కలిసి నిరసనలో పాల్గొన్నారు. బారకంబా రోడ్డు వద్దపోలీసులు బారికేడ్లు ఏర్పాటు చేసి నిరసనకారులను అడ్డుకోవడంతో మంత్రి మీడియాతో మాట్లాడారు. ఓట్ల చౌర్యంపై సమాధానం చెప్పాలి దేశంలో ఓట్ల చౌర్యం జరుగుతోందని కాంగ్రెస్ అగ్రనేత రాహుల్ గాంధీ గత రెండేళ్లుగా ఆధారాలతో ప్రశ్నిస్తున్నారని వివేక్ వెంకటస్వామి తెలిపారు. బెంగళూరులో ఒకే అపార్ట్‌మెంట్ చిరునామాతో బోగస్ ఓటర్ల నమోదైనట్లు గతంలో రాహుల్ గాంధీ ఆధారాలతో వెల్లడించారని గుర్తుచేశారు. ప్రస్తుతం దేశవ్యాప్తంగా సుమారు 13 కోట్ల మంది ఓటర్ల పేర్ల తొలగింపునకు సంబంధించి ఆందోళనలు వ్యక్తమవుతున్నాయని పేర్కొన్నారు. ఈ అంశంపై ఎన్నికల సంఘం పారదర్శకంగా వ్యవహరించి ప్రజలకు స్పష్టత ఇవ్వాలని డిమాండ్ చేశారు. భారత రాజ్యాంగం పౌరులకు కల్పించిన ఓటు హక్కు ప్రజాస్వామ్యానికి పునాది అని, ఆ హక్కును పరిరక్షించేందుకు ప్రతి ఒక్కరూ ముందుకు రావాలని పిలుపునిచ్చారు. ఓటర్ల జాబితాల ప్రక్షాళన పేరుతో అర్హులైన పౌరుల ఓటు హక్కుకు భంగం కలగకుండా ఎన్నికల సంఘం చర్యలు తీసుకోవాలని కోరారు. ఈసీ నిష్పాక్షికతపై అనుమానాలు ఎన్నికల సంఘం రాజ్యాంగబద్ధమైన స్వతంత్ర సంస్థగా వ్యవహరించాల్సి ఉండగా, ప్రస్తుత పరిస్థితులు దాని నిష్పాక్షికతపై అనుమానాలు కలిగిస్తున్నాయని మంత్రి విమర్శించారు. ప్రధానమంత్రి నరేంద్ర మోదీ, కేంద్ర హోంమంత్రి అమిత్ షా నేతృత్వంలోని కేంద్ర ప్రభుత్వం రాజ్యాంగ సంస్థల పనితీరుపై ప్రభావం చూపుతోందని ఆరోపించారు. ప్రతిపక్ష నేతలను లక్ష్యంగా చేసుకునేందుకు కేంద్ర దర్యాప్తు సంస్థలను ఉపయోగిస్తున్నారనే ఆరోపణలతో పాటు, ఎన్నికల నిర్వహణలోనూ అధికార పార్టీకి అనుకూలంగా వ్యవహరిస్తున్నారనే విమర్శలు ప్రజల్లో ఆందోళన కలిగిస్తున్నాయని అన్నారు. ప్రజాస్వామ్య వ్యవస్థలపై ప్రజలకు విశ్వాసం కలగాలంటే ఎన్నికల సంఘం ప్రతి నిర్ణయంలో పారదర్శకత, నిష్పాక్షికత పాటించాలని సూచించారు. ఓటర్ల జాబితాలపై వ్యక్తమవుతున్న సందేహాలను నివృత్తి చేసి, అర్హులైన ఓటర్లందరికీ తమ ఓటు హక్కును వినియోగించుకునే అవకాశం కల్పించాలని డిమాండ్ చేశారు.2024 లోక్‌సభ ఎన్నికల్లో ఉత్తరప్రదేశ్‌లో బీజేపీకి ఎదురైన రాజకీయ ఎదురుదెబ్బ ప్రజల అభిప్రాయాన్ని ప్రతిబింబించిందని మంత్రి పేర్కొన్నారు. ప్రజాస్వామ్య వ్యవస్థలను బలోపేతం చేయడం, రాజ్యాంగం కల్పించిన హక్కులను కాపాడటం రాజకీయ పార్టీలన్నింటి బాధ్యత అని స్పష్టం చేశారు.బారికేడ్లతో అడ్డుకోవడం సరికాదు ప్రజలు శాంతియుతంగా సమావేశమై తమ నిరసనను వ్యక్తం చేసే హక్కును గౌరవించాలని వివేక్ వెంకటస్వామి అన్నారు. రాజ్యాంగంలోని ఆర్టికల్ 19 కల్పించిన హక్కుల స్ఫూర్తికి అనుగుణంగా ప్రజాస్వామ్యబద్ధమైన నిరసనలకు అవకాశం కల్పించాల్సిన బాధ్యత ప్రభుత్వాలపై ఉందన్నారు. ఢిల్లీలో నిరసనకారులను బారికేడ్లతో అడ్డుకోవడాన్ని తప్పుబట్టారు. ప్రజల సమస్యలపై గళమెత్తే ప్రతిపక్షాల గొంతు నొక్కేందుకు ప్రయత్నించడం ప్రజాస్వామ్యానికి మంచిది కాదని వ్యాఖ్యానించారు. ప్రజల ఓటుతోనే ప్రభుత్వాలు ఏర్పడాలని, ఎన్నికల ప్రక్రియపై ఎలాంటి అనుమానాలకు తావులేకుండా వ్యవస్థలు పనిచేయాలని అన్నారు. ఓటు హక్కు పరిరక్షణ కోసం కాంగ్రెస్ పార్టీ చేపడుతున్న పోరాటానికి ప్రజాస్వామ్యవాదులంతా మద్దతుగా నిలవాలని పిలుపునిచ్చారు. పోరాటం కొనసాగుతుందిరాహుల్ గాంధీ, ప్రియాంక గాంధీ నేతృత్వంలో కొనసాగుతున్న ప్రజాస్వామ్య పరిరక్షణ ఉద్యమానికి తెలంగాణ కాంగ్రెస్ సంపూర్ణ మద్దతు ప్రకటిస్తోందని మంత్రి తెలిపారు. ఓటు హక్కును కాపాడుకోవడం, ఎన్నికల సంఘం స్వతంత్రతను పరిరక్షించడం, రాజ్యాంగ వ్యవస్థలను బలోపేతం చేయడం లక్ష్యంగా కాంగ్రెస్‌తో పాటు ఇండియా కూటమి పార్టీలు ఐక్యంగా పోరాడుతున్నాయని  చెప్పారు.ఎన్ని అడ్డంకులు ఎదురైనా రాజ్యాంగ హక్కుల పరిరక్షణ కోసం తమ పోరాటం ఆగదని, ప్రజాస్వామ్య పరిరక్షణ లక్ష్యం నెరవేరే వరకు ఉద్యమాన్ని కొనసాగిస్తామని మంత్రి వివేక్ వెంకటస్వామి స్పష్టం చేశారు.

   అలైన్‌మెంట్ ఖరారు కాకముందే భూసేకరణ ఎందుకు?  • శంషాబాద్ సమీపంలోని బహదూర్‌గూడలో 650 ఎకరాల భూమిపై వివాదం • అధికారిక ప్రతిపాదనలు పంపలేదని రైల్వే మంత్రి అశ్వినీ వైష్ణవ్ స్పష్టీకరణ హైదరాబాద్ : తెలంగాణలో ప్రతిపాదిత బుల్లెట్ ట్రైన్ ప్రాజెక్టు కోసం భూసేకరణ చేపట్టే అంశం రాజకీయంగా వివాదాస్పదంగా మారింది. హైదరాబాద్‌–బెంగళూరు, హైదరాబాద్‌–చెన్నై, హైదరాబాద్‌–పుణె హైస్పీడ్...

   ఢిల్లీ : సీఈసీ జ్ఞానేశ్ కుమార్ రాజీనామా చేయాలని కోరుతూ ఈ రోజు ఢిల్లీ జంతర్ మంతర్‌లో CJP తలపెట్టిన నిరసన కార్యక్రమానికి మద్దతు తెలిపిన యుట్యూబర్  ద్రువ్ రాఠీని పోలీసులు అరెస్ట్ చేశారు. గురుగ్రామ్‌లోని సెక్టార్ 56లో ఉన్న ద్రువ్ రాఠీ ఇంటి వద్దకు వెళ్లిన  50 మంది పోలీసుల బృందం అతన్ని అరెస్ట్...

 ఉత్తమ యాంటీ-నార్కోటిక్స్ టాస్క్‌ఫోర్స్ అవార్డు అందుకున్న డైరెక్టర్ సందీప్ శాండిల్యా 

   - 2013 ఘటనలో 29 మంది మృతి    చర్ల (భద్రాద్రి కొత్తగూడెం) : ఛత్తీస్‌గఢ్‌లోని బస్తర్‌లో 2013లో జరిగిన సంచలనాత్మక ఝీరం లోయ మావోయిస్టుల దాడి కేసుకు సంబంధించి, దోషులుగా తేలిన 10 మంది నిందితుల శిక్షపై నేడు (సెప్టెంబర్ 16న) జగదల్‌పూర్‌లోని ఎన్ఐఏ ప్రత్యేక కోర్టు తీర్పు వెలువరించనుంది, సెప్టెంబర్ 5న ఈ కేసులో...

వరంగల్ జిల్లా అభివృద్ధి, మౌలిక వసతుల విస్తరణ, పారిశ్రామిక ప్రగతి పై కేంద్ర ప్రభుత్వాన్ని ప్రశ్నించిన వరంగల్ ఎంపీ డాక్టర్ కడియం కావ్య.. వరంగల్ జిల్లా అభివృద్ధి, మౌలిక వసతుల విస్తరణ, పారిశ్రామిక ప్రగతికి సంబంధించి వరంగల్ ఎంపీ డా. కడియం కావ్య లోక్‌సభలో ప్రశ్నించారు. పీఎం గతిశక్తి, ఆస్పిరేషనల్ బ్లాక్స్ ప్రోగ్రామ్, ఇతర కేంద్ర...

నేపాల్ మేయర్లు, చైర్‌పర్సన్లు మరియు ప్రభుత్వ అధికారుల బృందానికి తెలంగాణా పట్టణాభివృద్ధి సంస్కరణ లో అధ్యయన పర్యటన భారత ప్రభుత్వ విదేశాంగ మంత్రిత్వ శాఖ (Ministry of External Affairs) ఆధ్వర్యంలో, నేషనల్ ఇన్‌స్టిట్యూట్ ఆఫ్ రూరల్ డెవలప్‌మెంట్ అండ్ పంచాయతీ రాజ్ (NIRDPR) నిర్వహిస్తున్న 10 రోజుల అంతర్జాతీయ శిక్షణ కార్యక్రమంలో భాగంగా నేపాల్‌కు...

కేంద్ర ప్ర‌భుత్వ ప‌థ‌కాల‌ను మ‌రింత‌గా ప్ర‌జ‌ల్లోకి తీసుకెళ్లాల్సిన అవ‌స‌రం ఉంద‌ని ప‌త్రికా స‌మాచార కార్యాల‌యం (పీఐబీ) అడిష‌న‌ల్ డైరెక్ట‌ర్ జ‌న‌ర‌ల్ శ్రీమ‌తి శృతి పాటిల్ పేర్కొన్నారు. గ‌త 12 ఏళ్ల‌లో కేంద్ర ప్ర‌భుత్వం సాధించిన విజ‌యాల‌పై గురువారం క‌వాడిగూడ‌లోని సీజీవో ట‌వ‌ర్స్‌లో పీఐబీ 'వార్త' వ‌ర్క్‌షాప్ నిర్వ‌హించింది. ఈ కార్య‌క్ర‌మానికి ఇంట‌ర్ మీడియా ప‌బ్లిసిటీ కోఆర్డినేష‌న్...

న్యూఢిల్లీ: తెలంగాణ రాష్ట్ర అభివృద్ధికి సంబంధించిన పలు కీలక అంశాలపై రాష్ట్ర శక్తి (కార్మిక, ఉపాధి, శిక్షణ & ఫ్యాక్టరీలు) మరియు గనుల శాఖ మంత్రి డా. జి. వివేక్ వెంకటస్వామి, పెద్దపల్లి ఎంపీ గడ్డం వంశీ కృష్ణతో కలిసి సోమవారం న్యూఢిల్లీలో పలువురు కేంద్ర మంత్రులను కలిసి వినతిపత్రాలు సమర్పించారు. మొదట...

ప్రశ్నపత్రాలు లీక్‌కు అడ్డుకట్ట వేయడానికి మంత్రివర్గ సమావేశంలో మరిన్ని కఠిన నిర్ణయాలు తీసుకొంటామని ప్రధానమంత్రి శ్రీ నరేంద్ర మోదీ ప్రకటించారు. నిన్న రాత్రి ఒక వీడియో సందేశంలో ఈ మేరకు  ప్రధాని తెలిపారు.సామాజిక మాధ్యమం ‘ఎక్స్’లో ఒక సందేశాన్ని ప్రధానమంత్రి పొందుపరుస్తూ:‘‘రేపటి మంత్రివర్గ సమావేశంలో.. ప్రశ్నపత్రాల లీక్ ఘటనలకు వ్యతిరేకంగా మరింత కఠిన...