కొత్తగూడెం గురు పౌర్ణమి సందర్భంగా రామవరం గ్రామంలోని శ్రీ పాంచజన్యం క్షేత్రంలో ఉన్న శ్రీ శిరిడి సాయిబాబా వారి మందిరంలో బుధవారం ప్రత్యేక పూజా కార్యక్రమాలు అత్యంత వైభవంగా నిర్వహించారు.శ్రీ శ్రీ శ్రీ శ్రీ శ్రీమాన్ సద్గురు సౌమిత్రి శ్రీధరాచార్యుల వారి ఆధ్వర్యంలో నిర్వహించిన వేడుకలు ఉదయం 5 గంటలకు కాగడ హారతితో ప్రారంభమయ్యాయి. అనంతరం పంచామృతాలతో అభిషేకం, ప్రత్యేక అలంకారం, అర్చన కార్యక్రమాలు భక్తిశ్రద్ధలతో నిర్వహించారు. అనంతరం శ్రీ దత్తాత్రేయ మాలా మంత్ర సహిత సహస్రనామ హోమం వేదపండితుల మంత్రోచ్ఛారణల మధ్య వైదికంగా నిర్వహించారు.మధ్యాహ్నం భక్తులకు అన్నదాన కార్యక్రమం నిర్వహించగా, పెద్ద సంఖ్యలో భక్తులు పాల్గొని అన్నప్రసాదాన్ని స్వీకరించారు. ఆలయ ప్రాంగణం అంతా ఆధ్యాత్మిక వాతావరణంతో కళకళలాడగా, గురుపూజలో పాల్గొన్న భక్తులు సద్గురువుల ఆశీర్వాదాలు పొందారు.ఈ సందర్భంగా నిర్వాహకులు గురు పౌర్ణమి మహోత్సవాలను విజయవంతం చేసిన భక్తులకు కృతజ్ఞతలు తెలియజేసి, సాయిబాబా వారి అనుగ్రహం అందరిపై ఉండాలని ఆకాంక్షించారు.
.jpeg)
