సుజాతనగర్ :భద్రాద్రి కొత్తగూడెం జిల్లా సుజాతనగర్ మండలం డేగలమడుగు గ్రామ పరిధిలోని మంజీత్ కాటన్ మిల్‌లో కాటన్ కార్పొరేషన్ ఆఫ్ ఇండియా (సీసీఐ) ఆధ్వర్యంలో ఏర్పాటు చేసిన పత్తి కొనుగోలు కేంద్రాన్ని శుక్రవారం ఘనంగా ప్రారంభించారు. కొత్తగూడెం వ్యవసాయ మార్కెట్ కమిటీ చైర్మన్ బానోతు లాల్ సింగ్ ముఖ్య అతిథిగా హాజరై కొనుగోలు కేంద్రాన్ని ప్రారంభించారు. పత్తి రైతులకు మద్దతు ధర అందించడంతో పాటు, రైతులు పండించిన పత్తిని ప్రభుత్వ నిబంధనల ప్రకారం కొనుగోలు చేసేందుకు సీసీఐ ఆధ్వర్యంలో ఈ కేంద్రాన్ని ఏర్పాటు చేశారు. పత్తి విక్రయించే రైతులు నాణ్యతా ప్రమాణాలను పాటిస్తూ, అవసరమైన పత్రాలతో కొనుగోలు కేంద్రానికి రావాలని ఈ సందర్భంగా సూచించారు. రైతులకు ఎలాంటి ఇబ్బందులు కలగకుండా కొనుగోళ్లు సజావుగా జరిగేలా సంబంధిత అధికారులు సమన్వయంతో పనిచేయాలని పేర్కొన్నారు. ఈ కార్యక్రమంలో కొత్తగూడెం మున్సిపల్ కార్పొరేషన్ మేయర్ మూడు గణేష్, 21వ డివిజన్ కార్పొరేటర్ చింతలపూడి శ్రావణి, టీపీసీసీ జనరల్ సెక్రటరీ నాగ సీతారాములు, పీఏసీఎస్ కొత్తగూడెం చైర్మన్ మండే వీర హనుమాన్ రావు, జిల్లా మార్కెటింగ్ అధికారి ఎం.ఏ. అలీం, సీసీఐ బయ్యర్ సింహాద్రి నాయుడు, సీపీఐ మండల కార్యదర్శి భూక్య బద్రు , వ్యవసాయ మార్కెట్ కమిటీ సభ్యులు అజ్మీర్ ఆమ్రు, మాలోత్ అశోక్ బాబు, సపావత్ రవి, వాడే లక్ష్మీ, జోగా రామయ్య, తేజావత్ రవికుమార్, వ్యవసాయ మార్కెట్ కమిటీ కార్యదర్శి ఎం.డి. హిమాయత్ హుస్సేన్, మార్కెట్ కమిటీ సిబ్బంది, రైతులు తదితరులు పాల్గొన్నారు. పత్తి కొనుగోలు కేంద్రం ప్రారంభంతో పరిసర ప్రాంతాల రైతులకు పత్తి విక్రయాల్లో మరింత సౌలభ్యం కలగనుంది. రైతులు ప్రభుత్వ కొనుగోలు విధానాలను సద్వినియోగం చేసుకొని, తమ పంటకు గిట్టుబాటు ధర పొందేలా చర్యలు తీసుకోవాలని ఈ సందర్భంగా సూచించారు.

దసరా పండుగ సందర్భంగా కొత్తగూడెంలో భారత ప్రధాని నరేంద్ర మోదీ ప్రతిమను రావణాసురుడితో పోలుస్తూ దహనం చేశారనే ఆరోపణలపై ఎన్ ఎస్ యు ఐ  భద్రాద్రి కొత్తగూడెం జిల్లా అధ్యక్షుడు అజ్మీరా సురేష్ నాయక్‌తో పాటు సంబంధిత వ్యక్తులపై చట్టపరమైన చర్యలు తీసుకోవాలని బీజేపీ నాయకులు డిమాండ్ చేశారు. ఈ మేరకు టేకులపల్లి మండల అధ్యక్షుడు తేజావత్ శంబు నాయక్, జిల్లా కార్యదర్శి బోడా పుణ్య నాయక్ ఆధ్వర్యంలో టేకులపల్లి మండల పోలీస్ స్టేషన్ ఎస్ హెచ్ ఓ కు ఫిర్యాదు అందజేశారు. ఈ సందర్భంగా బీజేపీ నాయకులు మాట్లాడుతూ, దేశ ప్రధాని నరేంద్ర మోదీని రావణాసురుడితో పోలుస్తూ ప్రతిమను దహనం చేయడం కోట్లాది మంది హిందువుల మనోభావాలను కించపరిచే చర్యగా తాము భావిస్తున్నామని తెలిపారు. ప్రజాస్వామ్యంలో నిరసన తెలిపే హక్కు ఉన్నప్పటికీ, ప్రజల మనోభావాలను దెబ్బతీసే చర్యలపై చట్టప్రకారం విచారణ జరిపి బాధ్యులపై చర్యలు తీసుకోవాలని కోరారు.రాజకీయ ప్రయోజనాల కోసం ఇలాంటి నిరసన కార్యక్రమాలు చేపట్టడం సరికాదని వారు అభిప్రాయపడ్డారు. ఈ ఘటనపై సమగ్ర విచారణ జరిపి, బాధ్యులుగా తేలిన వారిపై చట్టప్రకారం చర్యలు తీసుకోవాలని, ఫిర్యాదును పరిగణనలోకి తీసుకుని కేసు నమోదు చేయాలని పోలీసులను కోరారు.ఈ కార్యక్రమంలో జిల్లా కార్యదర్శి బోడా పుణ్య నాయక్, గిరిజన మోర్చా జిల్లా నాయకులు రవి రాథోడ్, జిల్లా కౌన్సిల్ మెంబర్ తరావత్ బాలాజీ నాయక్, జిల్లా మహిళా మోర్చా ఉపాధ్యక్షురాలు బోడా గంగానాయక్, బీజేపీ మండల ప్రధాన కార్యదర్శి బోడా నవీన్ నాయక్, మండల సీనియర్ నాయకులు చిక్కా వెంకటేశ్వర్లు తదితరులు పాల్గొన్నారు.

చర్ల,  (భద్రాద్రి కొత్తగూడెం జిల్లా): చర్ల మండల సరిహద్దు రాష్ట్రమైన ఛత్తీస్‌గఢ్ రాష్ట్రంలోని బీజాపూర్ జిల్లాలో ఏర్పాటు చేసిన ప్రభుత్వ పునరావాస కేంద్రంలో ఓ విషాదకర సంఘటన చోటుచేసుకుంది, పునరావాస పొంది, అక్కడ ఉపాధి శిక్షణ తీసుకుంటున్న ఒక మాజీ మావోయిస్ట్ ఉరివేసుకుని ఆత్మహత్య చేసుకున్నట్లు అధికారులు తెలిపారుమృతుడి వివరాలు ఈ ఘటనలో ప్రాణాలు కోల్పోయిన మాజీ మావోయిస్టును నరసూ బొడ్డు అలియాస్ నైతీ (26)గా గుర్తించారు, ఈయన బీజాపూర్ జిల్లా గంగలూరు పోలీస్ స్టేషన్ పరిధిలోని కమ్కానార్ గ్రామానికి చెందిన లక్ష్మయ్య బొడ్డు కుమారుడు, ప్రభుత్వ పునరావాస విధానంలో భాగంగా ఈ ఏడాది జూలై 23 నుండి ఆయన బీజాపూర్‌లోని పునరావాస కేంద్రంలో ఉంటూ వ్యవసాయం, మత్స్య పరిశ్రమ వంటి అంశాలలో శిక్షణ పొందుతున్నారుసంఘటన వివరాలుపోలీసుల కథనం ప్రకారం బుధవారం ఉదయం పునరావాస కేంద్రంలోని ప్రాంగణంలో నరసూ బొడ్డు అనుమానాస్పద రీతిలో ఉరివేసుకుని కనిపించాడు, ఈ వార్త తెలిసిన వెంటనే బీజాపూర్ పోలీస్ స్టేషన్ సిబ్బందితో పాటు ఫోరెన్సిక్ సైన్స్ లాబొరేటరీ (ఎఫ్ ఎస్ ఎల్) బృందం హుటాహుటిన సంఘటనా స్థలానికి చేరుకుని పరిస్థితిని సమీక్షించాయి  పోలీసులు మరియు కుటుంబ సభ్యుల స్పందనఈ ఘటనపై బీజాపూర్ పోలీస్ స్టేషన్‌లో  మర్గ్ (అనుమానాస్పద మృతి) కింద కేసు నమోదు చేసినట్లు పోలీసులు తెలిపారు, మృతికి గల అసలు కారణాలను తెలుసుకోవడానికి సమగ్ర దర్యాప్తు కొనసాగుతోందని, మేజిస్ట్రియల్ విచారణ కూడా ఆదేశించబడినట్లు బీజాపూర్ ఎస్పీ ఉమేష్ గుప్తా వెల్లడించారు, మరోవైపు మృతుని కుటుంబంలో కొద్ది రోజుల్లోనే పండగ వాతావరణంలో ఇంటికి రావాల్సి ఉండగా ఈ ఘటన జరగడం పట్ల కుటుంబ సభ్యులు తీవ్ర ఆవేదన వ్యక్తం చేశారు, మృతుని సోదరుడు సతీష్ మాట్లాడుతూ మంగళవారం రాత్రి కూడా తనతో ఫోన్లో మాట్లాడాడని  కుటుంబ సభ్యుల యోగా, క్షేమాలు,వివరాలు అడిగి ఉదయం మళ్లీ ఫోన్ చేస్తానని చెప్పిన వ్యక్తి ఇలా బలవన్మరణానికి పాల్పడతాడంటే నమ్మలేకపోతున్నామని, దీని వెనుక ఉన్న నిజాలు తేలాలని కోరారు,ప్రభుత్వ ప్రధాన స్రవంతిలో కలిసి జీవించడానికి శిక్షణ పొందుతున్న క్రమంలో మాజీ మావోయిస్ట్ బలవన్మరణానికి పాల్పడటం స్థానికంగా కలకలం రేపింది, పోలీసులు అన్ని కోణాల్లోనూ దర్యాప్తు ముమ్మరం చేశారు.

కొత్తగూడెం: దేశ ప్రజల ప్రాణాలను కాపాడుతూ, సమాజంలో శాంతిభద్రతల పరిరక్షణ కోసం విధి నిర్వహణలో ప్రాణత్యాగం చేసిన వీర పోలీసు అమరవీరులకు జనసేన పార్టీ రాష్ట్ర ఆర్గనైజింగ్ సెక్రటరీ, వరంగల్ -నల్గొండ - ఖమ్మం ఎమ్మెల్సీ అభ్యర్థి డాక్టర్ గడల శ్రీనివాసరావు ఘన నివాళులర్పించారు. పోలీసు అమరవీరుల దినోత్సవాన్ని పురస్కరించుకుని ఆయన మాట్లాడుతూ.. ప్రజల భద్రతే లక్ష్యంగా, విధి నిర్వహణలో ప్రాణాలను సైతం లెక్కచేయకుండా అమరులైన పోలీసుల సేవలు, త్యాగాలను దేశ ప్రజలు ఎన్నటికీ మరువలేరన్నారు. పోలీసు అధికారి విధులకు వెళ్లినప్పుడు తిరిగి వస్తాడని ఎదురుచూసే తల్లి, క్షేమంగా ఇంటికి చేరుకుంటాడని ఆశించే భార్య, నాన్న రాక కోసం ఎదురుచూసే పిల్లలు ఉంటారని పేర్కొన్నారు. విధి నిర్వహణలో ప్రాణాలు కోల్పోయినప్పుడు ఆ కుటుంబాల్లో తీరని విషాదం, చెరిగిపోని జ్ఞాపకాలు, జీవితాంతం వెంటాడే వేదన మిగులుతాయని ఆవేదన వ్యక్తం చేశారు. తమ కుటుంబాల ప్రేమానురాగాలను పక్కనపెట్టి, ప్రజల భద్రతను కర్తవ్యంగా భావించి దేశం కోసం ప్రాణాలు అర్పించిన పోలీసు అమరవీరుల త్యాగం వెలకట్టలేనిదన్నారు. వారి సేవలు ఒక్క రోజుకే పరిమితం కావని, దేశం ఉన్నంతకాలం వారి ధైర్యసాహసాలు, సేవా స్ఫూర్తి ప్రజల హృదయాల్లో చిరస్థాయిగా నిలిచిపోతాయని అన్నారు. దేశ రక్షణ కోసం ప్రాణాలర్పించిన ప్రతి వీర పోలీసు అమరవీరుడికి హృదయపూర్వక అశ్రునివాళులు అర్పిస్తున్నామని, వారి కుటుంబాలకు ప్రగాఢ సానుభూతి తెలియజేస్తున్నామని పేర్కొన్నారు. అమరవీరుల త్యాగాలకు యావత్ సమాజం ఎల్లప్పుడూ రుణపడి ఉంటుందని, వారు భౌతికంగా మన మధ్య లేకపోయినా ప్రజల హృదయాల్లో చిరస్థానాన్ని సంపాదించుకున్నారని డాక్టర్ గడల శ్రీనివాసరావు అన్నారు. వీర పోలీసు అమరవీరుల త్యాగం మరువలేనిదని, వారి ధైర్యసాహసాలు భావితరాలకు స్ఫూర్తిదాయకమని ఆయన కొనియాడారు.

కొత్తగూడెం బ్యూరో, చెడుపై మంచి సాధించిన విజయానికి ప్రతీకగా నిలిచే విజయదశమి పర్వదినం ప్రజల జీవితాల్లో సుఖసంతోషాలు, శాంతి, సమృద్ధిని నింపాలని జనసేన పార్టీ రాష్ట్ర ఆర్గనైజింగ్ సెక్రటరీ, వరంగల్ -ఖమ్మం -నల్గొండ పట్టభద్రుల ఎమ్మెల్సీ అభ్యర్థి డాక్టర్ గడల శ్రీనివాసరావు ఆకాంక్షించారు. దసరా పండుగను పురస్కరించుకుని ప్రజలకు ఆయన హృదయపూర్వక శుభాకాంక్షలు తెలిపారు. దసరా పండుగ ధర్మానికి, సత్యానికి, న్యాయానికి ప్రతీక అని పేర్కొంటూ, ప్రతి ఒక్కరూ చెడును విడనాడి మంచి మార్గంలో నడవాలని పిలుపునిచ్చారు. పండుగలు సమాజంలో ఐక్యతను పెంపొందించడంతో పాటు పరస్పర ప్రేమాభిమానాలను చాటుతాయని తెలిపారు. ప్రజలంతా సంతోషంగా పండుగను జరుపుకోవాలని ఆకాంక్షించారు. తెలంగాణ ప్రజలతో పాటు జనసేన పార్టీ నాయకులు, కార్యకర్తలు, అభిమానులు ఆయురారోగ్యాలతో, ఆనందంగా ఉండాలని కోరుకుంటూ విజయదశమి శుభాకాంక్షలు

కొత్తగూడెం : తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ పండుగ ముగింపు సందర్భంగా రామవరంలో బతుకమ్మ నిమజ్జనాలు ప్రారంభమయ్యాయి. పూలతో అందంగా పేర్చిన బతుకమ్మలతో మహిళలు, యువతులు నిమజ్జన ప్రాంతాలకు తరలివస్తుండటంతో పండుగ వాతావరణం నెలకొంది. బతుకమ్మ పాటలు, ఆటపాటలతో పరిసర ప్రాంతాలు సందడిగా మారాయి. నిమజ్జన కార్యక్రమం ప్రశాంతంగా, సజావుగా జరిగేలా మున్సిపల్ కార్పొరేషన్ అధికారులు అవసరమైన ఏర్పాట్లు చేపట్టగా, ఎలాంటి అవాంఛనీయ సంఘటనలు చోటుచేసుకోకుండా టూటౌన్ సీఐ ఆధ్వర్యంలో పోలీసులు పటిష్ట బందోబస్తు ఏర్పాటు చేశారు.నిమజ్జనానికి మున్సిపల్ అధికారుల ప్రత్యేక ఏర్పాట్లుబతుకమ్మ నిమజ్జనానికి వచ్చే మహిళలు, భక్తులకు ఎలాంటి ఇబ్బందులు కలగకుండా మున్సిపల్ కార్పొరేషన్ అధికారులు ముందస్తు ఏర్పాట్లు చేశారు. నిమజ్జన కార్యక్రమం సజావుగా సాగేందుకు అవసరమైన సౌకర్యాల కల్పనపై దృష్టి సారించారు. పండుగకు పెద్ద సంఖ్యలో ప్రజలు తరలివచ్చే అవకాశం ఉండటంతో ప్రజలకు అసౌకర్యం కలగకుండా తగిన చర్యలు చేపట్టారు. నిమజ్జన ప్రాంతంలో పారిశుధ్యం, పరిసరాల పరిశుభ్రతతో పాటు ప్రజలకు అవసరమైన సదుపాయాల కల్పనకు ప్రాధాన్యత ఇచ్చారు.టూటౌన్ సీఐ ఆధ్వర్యంలో పటిష్ట పోలీసు బందోబస్తుబతుకమ్మ నిమజ్జన కార్యక్రమంలో ఎలాంటి అవాంఛనీయ సంఘటనలు జరగకుండా టూటౌన్ సీఐ ఆధ్వర్యంలో పోలీసులు పటిష్ట బందోబస్తు ఏర్పాటు చేశారు. ప్రజలు ప్రశాంత వాతావరణంలో పండుగను జరుపుకునేలా భద్రతా చర్యలు చేపట్టారు. నిమజ్జనానికి వచ్చే మహిళలు, చిన్నారులు, కుటుంబ సభ్యులకు ఎలాంటి ఇబ్బందులు కలగకుండా పోలీసు సిబ్బంది అప్రమత్తంగా వ్యవహరిస్తున్నారు. ప్రజల రద్దీని దృష్టిలో ఉంచుకొని శాంతిభద్రతల పరిరక్షణకు ప్రాధాన్యతనిస్తూ నిమజ్జన కార్యక్రమాన్ని పర్యవేక్షిస్తున్నారు.సంప్రదాయాలకు ప్రతీకగా బతుకమ్మ వేడుకలుతెలంగాణ ఆడపడుచుల ఆత్మీయతకు, ప్రకృతితో ముడిపడిన అనుబంధానికి ప్రతీకగా నిలిచే బతుకమ్మ పండుగను రామవరంలో మహిళలు ఉత్సాహంగా జరుపుకున్నారు. తంగేడు, గునుగు, బంతి, చామంతి తదితర పూలతో అందంగా పేర్చిన బతుకమ్మలను తీసుకొచ్చి సంప్రదాయబద్ధంగా పూజలు నిర్వహించారు. బతుకమ్మ పాటలు పాడుతూ, ఆటపాటలతో సందడి చేస్తూ నిమజ్జనానికి తరలివెళ్తున్నారు. పండుగ ముగింపు వేళ గౌరమ్మకు వీడ్కోలు పలుకుతూ భక్తిశ్రద్ధలను చాటుకుంటున్నారు.ప్రజల సహకారంతో ప్రశాంతంగా నిమజ్జనాలుమున్సిపల్ కార్పొరేషన్ అధికారుల ఏర్పాట్లు, పోలీసుల భద్రతా చర్యలతో బతుకమ్మ నిమజ్జన కార్యక్రమం సజావుగా సాగేందుకు చర్యలు చేపట్టారు. ప్రజలు పోలీసులకు, మున్సిపల్ సిబ్బందికి సహకరిస్తూ క్రమశిక్షణతో నిమజ్జన కార్యక్రమంలో పాల్గొనాలని అధికారులు సూచిస్తున్నారు. తెలంగాణ సంస్కృతి వైభవాన్ని చాటిచెప్పే బతుకమ్మ పండుగను ఆనందోత్సాహాలతో, ప్రశాంత వాతావరణంలో ముగించేందుకు సంబంధిత శాఖలు సమన్వయంతో వ్యవహరిస్తున్నాయి.

 బూర్గంపాడు మండలం : భద్రాద్రి కొత్తగూడెం జిల్లా బూర్గంపాడు మండలం మేజర్ గ్రామపంచాయతీ సారపాక రాజీవ్ నగర్ నందు నవరాత్రి బతుకమ్మ మహోత్సవం తెలంగాణ సంస్కృతి, సంప్రదాయా లు, ఆచార వ్యవహారాలకు ప్రతీకగా నిలిచే బతుకమ్మ పండుగ రాష్ట్ర ప్రజల జీవితాల్లో ప్రత్యేకమైన స్థానాన్ని సంపాదించుకుంది. ప్రకృతిని ఆరాధిస్తూ, పూలను పూజిస్తూ, మహిళలంతా ఒకచోట చేరి ఆనందోత్సా హాల మధ్య జరుపుకునే ఈ పండుగ తెలం గాణ ప్రత్యేకతను ప్రపంచానికి చాటిప్రకృతిని పూజించే అపురూప సంప్రదాయంతీరొక్క పూలతోబతుకమ్మల అందమైన పేర్పు • జానపద గీతాలు, ఆటపాటలతో మహిళలసందడి • తరతరాలకు తెలంగాణ సంస్కృతిని అందించే వేడుకచెబుతోంది. పల్లె నుంచి పట్టణం వరకు ఎక్కడ చూసినా రంగురంగుల పూలతో పే ర్చిన బతుకమ్మలు, వాటి చుట్టూ వలయం గా చేరిన మహిళలు, లయబద్ధంగా విని పించే జానపద గీతాలు పండుగ వాతావర ణాన్ని నింపుతాయి. ఆశ్వయుజ మాసం లో తొమ్మిది రోజులపాటు నిర్వహించే బ తుకమ్మ వేడుకలు మహిళల భక్తిశ్రద్ధలకు, సామూహిక ఐక్యతకు, ప్రకృతిపై వారికు న్న ప్రేమకు నిదర్శనంగా నిలుస్తాయి. మొదటి రోజు ఎంగిలిపూల బతుకమ్మతో ప్రా రంభమయ్యే ఈ వేడుకలు చివరి రోజు స ద్దుల బతుకమ్మతో ముగుస్తాయి. ప్రతి రో జుకు ప్రత్యేకమైన ఆచారాలు, పూజా విధా నాలు, నైవేద్యాలు ఉంటాయి. పూలతో పే ర్చే బతుకమ్మలో కేవలం అందం మాత్రమే కాకుండా ప్రకృతి  ప్రసాదించిన సంపదపై కృతజ్ఞత, కుటుంబాల సంక్షేమం పట్ల ఆ కాంక్ష, మహిళల మధ్య అనుబంధం  ఒకరికి ఒకరు శుభాకాంక్షలు తెలుపుకున్నారు ఈ కార్యక్రమంలో కమిటీ సభ్యులు శ్రీహరి కొండ త్రివేణి అనిత తులసి సంధ్య ప్రమీల పద్మ సునీత విజయ సహకరించిన వారు వాటి అశోక్ వార్డ్ నరసింహారావు మెంబర్ సోమల గుగులోత్ కిషోర్ సాయి దిలీప్ చారి సురేష్ తదితరులు పాల్గొన్నారు

చర్ల, (భద్రాద్రి కొత్తగూడెం జిల్లా):చర్ల మండల కేంద్రంలోని తాలిపేరు వాగు బ్రిడ్జి వద్ద బుధవారం తీవ్ర విషాదం చోటుచేసుకుంది, భవానీ మాల ధరించిన ఐదుగురు యువకులతో కలిసి స్నానానికై వెళ్లిన దగ్గుపల్లి వెంకటేష్  అనే సుమరు 23 సంవత్సరాల యువకుడు నీటిలో మునిగి గల్లంతయ్యాడు, ఈ సంఘటన స్థానికంగా కలకలం సృష్టించిందిస్థానికులు తెలిపిన వివరాల ప్రకారం  చర్లకు చెందిన ఐదుగురు యువకులు భవానీ మాల ధరించి, స్థానికంగా పవిత్ర స్నానాలు ఆచరించేందుకు తాలిపేరు వాగు బ్రిడ్జి వద్దకు వెళ్లారు, వారి వెంట గోల్లగట్ట ప్రాంతానికి చెందిన దగ్గుపల్లి వెంకటేష్ 23 సంవత్సరాల యువకుడు కూడా తోడుగా వెళ్లాడు, అందరూ కలిసి నదిలో స్నానం చేస్తున్న సమయాన అకస్మాత్తుగా వారితో పాటు వెళ్లిన వెంకటేష్ నీటిలో మునిగి గల్లంతయ్యాడుఎస్సై నర్సిరెడ్డి ఆధ్వర్యంలో గాలింపు చర్యలుసమాచారం అందుకున్న వెంటనే చర్ల ఎస్సై నర్సిరెడ్డి అప్రమత్తమయ్యారు, వెంటనే తన సిబ్బందితో కలిసి సంఘటనా స్థలానికి చేరుకున్నారు,  గల్లంతైన వ్యక్తిని రక్షించేందుకు తక్షణ చర్యలు చేపట్టారు, స్థానిక ఈతగాళ్లు, పడవల సహాయంతో తాలిపేరు వాగు నీటిలో ముమ్మరంగా గాలింపు చర్యలు చేపట్టి మృదేహాన్ని వ్యక్తిశారు,నదీ పరిసర ప్రాంతాల్లో భవానీ మాలధారులు, ప్రజలు అప్రమత్తంగా ఉండాలని, ప్రవాహ ఉధృతి ఎక్కువగా ఉండే ప్రాంతాలకు వెళ్లవద్దని పోలీసులు హెచ్చరిస్తున్నారు.

సిపిఐ జిల్లా సమితి సభ్యుడు కామ్రేడ్ నిమ్మల రాంబాబు పాల్వంచ  (కోతగుడెం) : భద్రాద్రి కొత్తగూడెం జిల్లా పాల్వంచ మండలం (మొండికట్ట) సత్యనారాయణపురం లో  కామ్రేడ్ కొంగర అప్పారావు అధ్యక్షతన జరిగిన సిపిఐ ముఖ్యుల సమావేశంలో,  సిపిఐ జిల్లా సమితి సభ్యుడు కామ్రేడ్ నిమ్మల రాంబాబు మాట్లాడుతూ...  ఈ సంవత్సరం ఎల్ నినో ప్రభావం వలన...

టూ టౌన్ సీఐ యాసిన్ కొత్తగూడెం బ్యూరో : దుర్గామాత విగ్రహాల ప్రతిష్ఠాపన, మండపాల ఏర్పాటు, ఊరేగింపులు నిర్వహించే నిర్వాహకులు పోలీసు శాఖకు ఆన్‌లైన్ ద్వారా ముందస్తు సమాచారం అందించాలని టూ టౌన్ సీఐ సూచించారు. దుర్గామాత ఉత్సవాలను ప్రశాంత వాతావరణంలో, ఎలాంటి అవాంఛనీయ సంఘటనలు జరగకుండా సజావుగా నిర్వహించేందుకు నిర్వాహకులు పోలీసు శాఖకు సహకరించాలని...

ప్రజాస్వామ్యంపై దాడిగా భావిస్తున్నాం.. బాధ్యులపై చర్యలు తీసుకోవాలి 15 వ డివిజన్ కార్పొరేటర్ ఆకునూరి సుప్రియ

కొత్తగూడెం బ్యూరో,:భద్రాద్రి కొత్తగూడెం జిల్లాలో ఐటీఐ పూర్తి చేసిన అభ్యర్థులకు అప్రెంటిషిప్‌ శిక్షణ, ఉపాధి అవకాశాలను కల్పించేందుకు ప్రధానమంత్రి జాతీయ అప్రెంటిషిప్‌ మేళా నిర్వహించనున్నట్లు ప్రభుత్వ ఐటీఐ కొత్తగూడెం ప్రిన్సిపాల్‌, భద్రాద్రి కొత్తగూడెం జిల్లా ప్రభుత్వ/ప్రైవేట్‌ ఐటీఐల నోడల్‌ అధికారి జి. రమేశ్‌ తెలిపారు. ఈ మేళాను అక్టోబర్‌ 12న ఉదయం 10 గంటలకు ప్రభుత్వ...