ప్రధాన రహదారిపై  బైఠాయింపు  అచ్చంపేట (నాగర్కర్నూల్ జిల్లా)  : నాగర్ కర్నూలు జిల్లా అచ్చంపేట పట్టణంలోని లింగాల రోడ్డు యందు ఉన్న భవాని హాస్పిటల్ లో వైద్యుల నిర్లక్ష్యం వల్ల వైద్యం వికటించి బాలింతరాలు మృతి చెందినట్లు బంధువులు ఆరోపిస్తూ ఆందోళనకు దిగారు బల్మూర్ మండలంలోని పోలిశెట్టి పల్లి గ్రామానికి చెందిన పద్మ గర్భిణీ స్త్రీ పురిటి నొప్పులతో డెలివరీ కోసం భవాని హాస్పిటల్కు రావడం జరిగింది ఆదివారం గర్భిణి స్త్రీ డెలివరీ అనంతరం పసిబిడ్డకు జన్మించిన తల్లి పరిస్థితి బాగా లేకపోవడంతో భవాని హాస్పిటల్  వైద్యులు మెరుగైన వైద్యం కోసం హైదరాబాద్ హాస్పిటల్కు పేపర్ చేశారు అక్కడ పద్మ చికిత్స పొందుతూ మృతి చెందడంతో బంధువులు ఆందోళనకు దిగారు భవాని హాస్పిటల్ వైద్యులు నిర్లక్ష్యం వల్లనే బాలింతరాలు పద్మ మృతి చెందిందని మంగళవారం అచ్చంపేట పట్టణంలో భవాని హాస్పిటల్ ముందు ఆందోళనకు దిగారు అనంతరం లింగాల చౌరస్తాలో బంధువులు పెద్ద ఎత్తున బైఠాయించి బాధ్యత కుటుంబానికి న్యాయం చేయాలని పలువురు డిమాండ్ చేశారు కొంతసేపు తీవ్ర ఆందోళన పరిస్థితి నెలకొంది పోలీసులు ఆస్పిటల్ వద్ద ఆందోళన చేస్తున్న సంఘటన వద్దకు వచ్చి ఎలాంటి అవాంచనీయ సంఘటనలు జరగకుండా పోలీసులు గట్టి చర్యలు తీసుకున్నారు

తెలకపల్లి (నాగర్‌కర్నూల్) : నాగర్‌కర్నూల్ జిల్లా తెలకపల్లి మండలం పర్వతాపూర్‌లో విషాదం చోటుచేసుకుంది. కుటుంబ కలహాలతో మనస్తాపానికి గురైన శేఖర్ (28) మృతి చెందాడు. ఏడేళ్ల క్రితం రాకొండకు చెందిన వరలక్ష్మితో ప్రేమ వివాహం జరిగింది. ఈరోజు మధ్యాహ్నం 2 గంటలకు తెలకపల్లికి వెళ్తున్నానని ఇంటి నుంచి వెళ్లిన శేఖర్ చాలాసేపైనా తిరిగి రాకపోవడంతో కుటుంబ సభ్యులు గాలింపు చేపట్టగా, శివారు వెంచర్‌లో విగతజీవిగా కనిపించాడు. భార్య ఫిర్యాదు మేరకు పోలీసులు కేసు నమోదు చేసి దర్యాప్తు చేపట్టారు.

ఎన్ఎస్ఎస్ నిధులను ఇతర అవసరాలకు వినియోగించడంపై అభ్యంతరం నాగర్‌కర్నూల్ : ఎన్ఎస్ఎస్ నిధులను కళాశాల యాజమాన్యం దుర్వినియోగం చేసిందన్న అంశంలో పాలమూరు విశ్వవిద్యాలయం జిల్లా కేంద్రంలోని విశ్వ వికాస్ డిగ్రీ కళాశాల యాజమాన్యానికి నోటీసులు జారీ చేసింది. కళాశాల నిర్వహిస్తున్న ఎన్ఎస్ఎస్ యూనిట్ బ్యాంకు ఖాతా ద్వారా సిబ్బంది జీతాలు, పరీక్ష ఫీజులు, విద్యార్థుల ఫీజుల రీయింబర్స్‌మెంట్, యాజమాన్య నిధుల బదిలీలు, దోస్త్ అడ్మిషన్లకు సంబంధించిన లావాదేవీలు నిర్వహిస్తున్నట్లు నోటీసులో పేర్కొంది. నిబంధనలను అతిక్రమిస్తూ దోస్త్ అడ్మిషన్లకు సంబంధించిన లావాదేవీలు నిర్వహిస్తున్నట్లు నోటీసులో పేర్కొంది. ఎన్ఎస్ఎస్ లక్ష్యాలకు విరుద్ధంగా ఖాతాను వినియోగించడం నిబంధనలకు వ్యతిరేకమని స్పష్టం చేసింది. ఈ నేపథ్యంలో ఎన్ఎస్ఎస్ యూనిట్ బ్యాంకు ఖాతాను తక్షణమే మూసివేయాలని ఆదేశించినట్లు నోటీసులో పేర్కొన్నారు. ఆదేశాలను పాటించక, ఉల్లంఘించినా సంబంధిత నిబంధనల ప్రకారం కఠిన చర్యలు తీసుకుంటామని హెచ్చరించింది.ఈ నెల 27న పాలమూరు విశ్వవిద్యాలయం ఎన్ఎస్ఎస్ ప్రోగ్రామ్ కోఆర్డినేటర్ జారీ చేసిన నోటీసులో ఈ విషయాలను పేర్కొంటూ తక్షణ అమలుకు ఆదేశించారు. ఇది ఇలా ఉండగా కళాశాల యాజమాన్యం భారీగా అవకతవకలకు పాల్పడినట్లు విమర్శలు వ్యక్తమవుతున్నాయి.

కల్వకుర్తి : పట్టణంలోని ఇందిరానగర్‌కు చెందిన జర్నలిస్టు, డాన్స్ మాస్టర్ ఏదుల శేఖర్ ఇటీవల రోడ్డు ప్రమాదంలో గాయపడి శస్త్రచికిత్స చేయించుకున్నారు. ప్రస్తుతం ఇంటి వద్ద విశ్రాంతి తీసుకుంటున్న శేఖర్‌ను టీయూడబ్ల్యూజే (ఐజేయూ) జాతీయ కౌన్సిల్ సభ్యులు పరామర్శించారు. జాతీయ కౌన్సిల్ సభ్యులు గోలి సుదర్శన్ రెడ్డి, కృష్ణయ్య, దుబ్బ నాగేష్, కస్తూరి శ్రీనివాస్, రాంచందర్, జహీర్ తదితరులు శేఖర్ నివాసానికి వెళ్లి ఆయన ఆరోగ్య పరిస్థితిని అడిగి తెలుసుకున్నారు. వైద్య ఖర్చుల నిమిత్తం రూ.5 వేల ఆర్థిక సాయాన్ని అందజేశారు. ఈ సందర్భంగా శేఖర్ ధైర్యంగా ఉండాలని, త్వరగా కోలుకుని సాధారణ జీవితంలోకి తిరిగి రావాలని ఆకాంక్షించారు. కష్టకాలంలో జర్నలిస్టులకు అండగా ఉంటామని భరోసా ఇచ్చారు. ఈ కార్యక్రమంలో రాజన్న, నరేష్ గౌడ్, సల్లు, హబీబ్ తదితరులు పాల్గొన్నారు.

బిజినపల్లి(నాగర్ కర్నూల్) : నాగర్‌కర్నూల్ జిల్లా బిజినపల్లి మండలం పాలెం గ్రామంలోని ప్రసిద్ధ శ్రీ అలివేలు మంగ సమేత శ్రీ వెంకటేశ్వర స్వామి దేవస్థానానికి సంబంధించిన భూములకు సోమవారం మండల సర్వేయర్, రెవెన్యూ సిబ్బంది ఆధ్వర్యంలో డిజిటల్ సర్వే నిర్వహించారు.ఎంతో ప్రాముఖ్యత కలిగిన ఈ దేవస్థాన భూములకు సంబంధించి ఎటువంటి ఆక్రమణలు జరగకుండా, భూముల రక్షణ కోసం ప్రభుత్వం ప్రతిష్టాత్మకంగా ఈ డిజిటల్ సర్వేను చేపట్టింది. అత్యాధునిక డిజిటల్ పరికరాలు, GPS టెక్నాలజీ ద్వారా ఆలయానికి చెందిన ప్రతి ఎకరా భూమిని క్షుణ్ణంగా కొలతలు వేసి, వాటి సరిహద్దులను స్పష్టంగా నిర్ణయించారు. ఈ సర్వే ద్వారా దేవస్థాన భూములకు సంబంధించిన పూర్తి రికార్డులను ఆన్‌లైన్‌లో నమోదు చేయనున్నారు. తద్వారా భవిష్యత్తులో ఎటువంటి వివాదాలకు తావు లేకుండా ఆలయ భూములకు రక్షణ కల్పించనున్నారు. ఈ కార్యక్రమంలో కాంగ్రెస్ నాయకులు గోవిందు రామకృష్ణ, కొంకలి యాదగిరి, కుర్మయ్య, నాగయ్య, దశరథం, శంకర్, బీరయ్య, రాము తదితరులు పాల్గొని సర్వే ప్రక్రియను పరిశీలించారు. ఆలయ భూముల పరిరక్షణకు తమ వంతు సహకారం అందిస్తామని వారు తెలిపారు.

నాగర్‌కర్నూల్ : వయస్సు అనేది విజయానికి అడ్డంకి కాదని నిరూపిస్తూ 55 ఏళ్ల వయస్సులో గిన్నిస్ ప్రపంచ రికార్డు సాధించిన తేప్ప శ్రీనివాస్‌కు రాష్ట్ర మంత్రి వాకిటి శ్రీహరి నుంచి అరుదైన గౌరవం లభించింది. నాగర్‌కర్నూల్ జిల్లా తైక్వాండో అసోసియేషన్ అధ్యక్షుడిగా కొనసాగుతున్న శ్రీనివాస్‌ను హైదరాబాద్‌లోని మంత్రుల నివాస సముదాయంలో మంత్రి ఘనంగా సత్కరించారు. ఈ సందర్భంగా గిన్నిస్ ప్రపంచ రికార్డు ప్రశంసా పత్రం, పతకాన్ని అందజేసి అభినందించారు. గచ్చిబౌలి ఇండోర్ స్టేడియంలో నిర్వహించిన తైక్వాండో పోటీల్లో అత్యుత్తమ ప్రతిభ కనబరిచి శ్రీనివాస్ ఈ ఘనత సాధించారు. గత 35 ఏళ్లుగా మార్షల్ ఆర్ట్స్‌లో నిరంతర సాధన చేస్తూ తన ప్రతిభను మెరుగుపరుచుకుంటున్నారు. క్రీడలతో పాటు సామాజిక సేవలోనూ తనదైన ముద్ర వేస్తున్నారు. గత 16 ఏళ్లుగా లయన్స్ క్లబ్‌తో పాటు పలు సేవా సంస్థల ద్వారా వివిధ సేవా కార్యక్రమాల్లో పాల్గొంటున్నారు. ఈ సందర్భంగా మంత్రి వాకిటి శ్రీహరి మాట్లాడుతూ క్రీడాకారులను ప్రోత్సహించేందుకు ప్రభుత్వం ప్రాధాన్యత ఇస్తోందని తెలిపారు. యువత క్రీడలపై ఆసక్తి పెంచుకొని తమ ప్రతిభను నిరూపించుకోవాలని సూచించారు. ఆరోగ్యకరమైన జీవనానికి ప్రతిరోజూ కనీసం గంటపాటు వ్యాయామం చేయాలని పిలుపునిచ్చారు. తేప్ప శ్రీనివాస్ సాధించిన గిన్నిస్ ప్రపంచ రికార్డు నాగర్‌కర్నూల్ జిల్లాకు గర్వకారణమని తైక్వాండో అసోసియేషన్ సభ్యులు, క్రీడాకారులు, విద్యార్థులు హర్షం వ్యక్తం చేస్తూ ఆయనకు అభినందనలు తెలిపారు.

నాగర్ కర్నూల్ జిల్లా, (ఫోటో జర్నలిస్ట్ మల్లేష్ బాబు) నవంబర్ 2,ప్రస్తుత సమయంలో రాబోయే పట్టభద్రుల ఎమ్మెల్సీ ఎన్నికల దృష్ట్యా  గ్రామాల్లో కాంగ్రెస్ పార్టీ సర్పంచులు ప్రజాప్రతినిధులు పట్ట భద్రులందరినీ ఓటు నమోదు చేయించాలని మండల కాంగ్రెస్ అధ్యక్షుడు బండ పర్వతాలు పిలుపి చ్చారు,  సోమవారం తెలకపల్లి మండల కేంద్రంలో నిర్వహించిన విలేకరుల సమావేశంలో కాంగ్రెస్ అధ్యక్షుడు పర్వతాలు మాట్లాడారు, డిగ్రీలు చదివిన యువతీ యువకులు తప్పనిసరిగా ఓటు నమోదు చేసుకొని వచ్చే సంవత్సరం మార్చి నెలలో నిర్వహించే ఎమ్మెల్సీ ఎన్నికల్లో ఉత్సాహంగా పాల్గొని ఓటు వేయాలని కోరారు, అదేవిధంగా కాంగ్రెస్ పార్టీ  అభివృద్ధికి ఎన్నో సంక్షేమ కార్యక్రమాలు అమలు చేస్తుందని తెలిపారు, విద్యుత్ సమస్యతో ఇబ్బందులు తలెత్తకుండా రైతులను దృష్టిలో పెట్టుకొని ఎమ్మెల్యే కూచుకుల్ల రాజేష్ రెడ్డి పెద్దపల్లిలో విద్యుత్ ఉపకేంద్రాన్ని మంజూరు చేశారని పర్వతాలు తెలిపారు , పర్వతాపూర్ గ్రామంలో కూడా విద్యుత్ ఉప కేంద్రాన్ని మంజూరు చేయాలని ఎమ్మెల్యేను కోరినట్టు చెప్పారు సర్పంచులు కొమ్ము చంద్రశేఖర్ స్వామి ఉప సర్పంచ్ బాల గౌడ్, రవీందర్ రెడ్డి రాములు శివ తదితరులు పాల్గొన్నారు.

అచ్చంపేట ( నాగర్ కర్నూల్ జిల్లా)  :  హైదరాబాద్‌–శ్రీశైలం జాతీయ రహదారి 765 ప్రధాన రోడ్డుపై ఆదివారం రాత్రి ఘోర రోడ్డు ప్రమాదం జరిగింది ఈ సంఘటనలో ఇద్దరు యువకులు అక్కడికక్కడే మృతి చెందారు అచ్చంపేట మండలంలో చెన్నారం–హాజీపూర్ గ్రామాల మధ్య  ఈ ఘోర రోడ్డు ప్రమాదం చోటుచేసుకుంది. బైక్‌పై వెళ్తున్న ఇద్దరు యువకులను టావేరా వాహనం ఢీకొట్టడంతో వారు అక్కడికక్కడే మృతిచెందారు.    ప్రమాదంలో మృతిచెందిన వారిని బిజినేపల్లి మండలం వెలుగొండకు చెందిన వంశీ, భూత్పూర్ మండలం, చేగుంటకు చెందిన మహేష్‌గా గుర్తించారు. వీరిద్దరూ ఉప్పునుంతల మండలం, రాయిచెడు గ్రామంలో భవన నిర్మాణ మేస్త్రీలుగా పనిచేస్తున్నారు. పనులు ముగించుకుని తిరిగి వెళ్తుండగా ఈ దుర్ఘటన జరిగినట్లు స్థానికులు తెలిపారు ఈ ప్రమాద.  సమాచారం అందుకున్న అచ్చంపేట ఎస్సై నరేష్ పోలీసు సిబ్బందితో ఘటనా స్థలానికి చేరుకుని పరిశీలించారు. ప్రమాదంలో బైక్ పూర్తిగా ధ్వంసం కాగా, టీఎస్08 క్యూ 1667 నంబరు గల టావేరా వాహనం ముందు భాగం దెబ్బతింది. మృతదేహాలను అచ్చంపేట ప్రభుత్వ ఆసుపత్రికి తరలించారు. ప్రమాదానికి గల కారణాలపై పోలీసులు దర్యాప్తు చేపట్టారు.

నాగర్‌కర్నూల్ : బంగాళాఖాతంలో ఏర్పడిన మురాసు తుపాను ప్రభావంతో నాగర్‌కర్నూల్ జిల్లాకు భారత వాతావరణ శాఖ ఆరెంజ్ అలర్ట్ జారీ చేసినట్లు కలెక్టర్ హేమంత్ కేశవ్ పాటిల్ తెలిపారు. నవంబర్ 2 ఉదయం 8:30 నుంచి నవంబర్ 3 ఉదయం 8:30 వరకు జిల్లాలో భారీ నుంచి అతి భారీ వర్షాలు కురిసే అవకాశం ఉందని, నవంబర్ 3, 4 తేదీల్లో ఎల్లో అలర్ట్ జారీ చేశామని కలెక్టర్ తెలిపారు. నవంబర్ 2 రాత్రి నుంచి 3 తెల్లవారుజామున ఆంధ్రప్రదేశ్ తీరం (నెల్లూరు - ఒంగోలు మధ్య) వద్ద తుపాను తీరాన్ని దాటనుందని వెల్లడించారు. గంటకు 60-90 కి.మీ వేగంతో ఈదురుగాలులు వీచే అవకాశం ఉందని హెచ్చరించారు. కలెక్టర్ సూచనలు: అత్యవసరమైతే తప్ప ప్రజలు బయటకు రావద్దని, చెట్లు, విద్యుత్ స్తంభాల కింద నిలబడవద్దని, వాగులు, వంకలు దాటవద్దని, రైతులు, పశువుల విషయంలో జాగ్రత్తగా ఉండాలని సూచించారు. సహాయం కోసం హెల్ప్‌లైన్ 08540-230201 కు సంప్రదించాలని కోరారు

నాగర్‌కర్నూల్ :  ఇటీవల బైపాస్ ఆపరేషన్ చేయించుకున్న ఆంధ్రజ్యోతి జర్నలిస్టు సాజిద్‌ను జర్నలిస్టులు పరామర్శించారు. ఆయన ఆరోగ్య పరిస్థితిని అడిగి తెలుసుకుని త్వరగా కోలుకోవాలని ఆకాంక్షించారు. అనారోగ్య సమయంలో ధైర్యంగా ఉండాలని, ఆరోగ్యంపై ప్రత్యేక శ్రద్ధ తీసుకోవాలని సూచించారు. జర్నలిస్టులు సాజిద్‌కు మనోధైర్యం కల్పిస్తూ ఆప్యాయంగా మాట్లాడారు.సాజిద్ త్వరగా సంపూర్ణ ఆరోగ్యంతో కోలుకుని తిరిగి సాధారణ జీవితం కొనసాగించాలని ఆకాంక్షించారు.  

  నాగర్‌కర్నూల్ : నాగర్ కర్నూల్ పట్టణ సుందరీకరణ పేరుతో నిరుపేదల జీవనోపాధిని దెబ్బతీయడం సరికాదని బీఎస్పీ రాష్ట్ర ప్రధాన కార్యదర్శి పృథ్వీరాజ్ అన్నారు. నాగర్‌కర్నూల్ పట్టణంలోని కొల్లాపూర్ చౌరస్తాలో ఎస్పీ కార్యాలయం పక్క నుంచి చౌరస్తా వరకు దాదాపు 10 మంది నిరుపేదలు చిన్న చిన్న డబ్బాలు ఏర్పాటు చేసుకుని చిరు వ్యాపారాలు చేసుకుంటూ జీవనం సాగిస్తున్నారని, వారి ఉపాధిని తొలగించాలనే మున్సిపల్ అధికారుల నిర్ణయాన్ని వెంటనే ఉపసంహరించుకోవాలని డిమాండ్ చేస్తూ శనివారం బీఎస్పీ ఆధ్వర్యంలో మున్సిపల్ కమిషనర్ నాగిరెడ్డికి వినతిపత్రం సమర్పించారు.ఈ సందర్భంగా పృథ్వీరాజ్ మాట్లాడుతూ.. చిరు వ్యాపారులు రోజుకు రూ.200 నుంచి 300 సంపాదించుకుంటూ కుటుంబాలను పోషించుకుంటున్నారని, ప్రతిరోజూ రూ.50 నుంచి 100 వరకు తైబజార్ రుసుము కూడా చెల్లిస్తున్నారని తెలిపారు. గ్రామీణ ప్రాంతాల్లో ఉపాధి లేక పట్టణాలకు వలస వస్తున్న తరుణంలో, ఎల్‌నినో ప్రభావంతో వర్షాభావ పరిస్థితులు ఉన్నాయని ప్రభుత్వమే చెబుతున్న సమయంలో పేదలకు ఉన్న కొద్దిపాటి ఉపాధిని తొలగించడం ఎంతవరకు సమంజసమని ప్రశ్నించారు. ప్రభుత్వం కొత్తగా ఉపాధి కల్పించకపోయినా పర్వాలేదు కానీ, ఉన్న ఉపాధిని తొలగించడం తగదన్నారు. నవంబర్ 3లోగా డబ్బాలను తొలగించాలని గడువు విధించడం పేదల పట్ల నిర్లక్ష్య వైఖరికి నిదర్శనమని విమర్శించారు. పేదల ఉపాధికి భంగం కలగకుండా చర్యలు తీసుకోవాలని, ప్రత్యామ్నాయ ఏర్పాట్లు చేయకుండా జీవనోపాధిని తొలగించవద్దని డిమాండ్ చేశారు. సోమవారం నిర్వహించే ప్రజావాణిలో జిల్లా కలెక్టర్‌ను కలిసి పేదల సమస్యను వివరిస్తామని, అవసరమైతే పేదల తరపున నిరంతరం పోరాటం చేస్తామని హెచ్చరించారు. ఈ కార్యక్రమంలో బీఎస్పీ తాడూరు మండల అధ్యక్షులు జన్ను ఆంజనేయులు, పద్మ, లావణ్య, బాలిశ్వరమ్మ, గీత తదితరులు పాల్గొన్నారు.

నాగర్ కర్నూల్ జిల్లా, (ఫోటో జర్నలిస్ట్ మల్లేష్ బాబు) :  తెలకపల్లి లోఘనంగా సర్దార్ వల్లభాయ్ పటేల్ 151 వ జయంతిని నిర్వహించారు శనివారం జాతీయ ఐక్యతా దినోత్సవం జరుపుకున్నారు. మండల కేంద్రంలోని సిద్ధార్థ మోడల్ స్కూల్ లో సర్దార్ వల్లభాయ్ పటేల్ జయంతిని ఘనంగా నిర్వహించారు. ఈ సందర్భంగా ఆయన చిత్రపటానికి పూలమాలలు వేసి ఘన నివాళి అర్పించారు. ఈ సందర్భంగా పాఠశాల ప్రిన్సిపల్ శివ ప్రసాద్ మాట్లాడుతూ సర్దార్ వల్లభాయ్ పటేల్ భారతదేశ ఉక్కు మనిషి అని భారతదేశంలోని సంస్థానాలను ఏకం చేయడంలో ఆయన కీలక పాత్ర పోషించారు అని వారన్నారు సర్దార్ వల్లభాయ్ పటేల్ అడుగుజాడలో ప్రతి ఒక్కరు నడవవలసిన అవసరం ఉందని ఆయన అన్నారు. ఈ కార్యక్రమంలో ఉపాధ్యాయులు, విద్యార్థుల విద్యార్థులు పాల్గొన్నారు.