మూఢనమ్మకాలను విశ్వసించవద్దు.. అనారోగ్య సమస్యలకు వైద్యులను సంప్రదించాలి - జిల్లా ఎస్పీ అఖిల్ మహాజన్ ఆదిలాబాద్ బ్యూరో : ఆదివాసీ మారుమూల గ్రామాల ప్రజలకు వైద్య సదుపాయాలను చేరువ చేయాలనే లక్ష్యంతో పోలీస్ శాఖ ఆధ్వర్యంలో  ఆదిలాబాద్ జిల్లా సోనాల మండలం కేశవ్ గూడ వజ్జర్ గ్రామంలో ఉచిత వైద్య శిబిరాన్ని ఏర్పాటు చేశారు. ఆరుగురు నిపుణులైన వైద్య బృందం గ్రామ ప్రజలకు వైద్య పరీక్షలు నిర్వహించి వైద్య సేవలు అందించారు. సుమారు 100 మంది గ్రామ ప్రజలు ఈ శిబిరంలో పాల్గొని వైద్య సేవలను వినియోగించుకున్నారు.గ్రామానికి చేరుకున్న జిల్లా ఎస్పీ అఖిల్ మహాజన్ కు గ్రామ ప్రజలు ఆదివాసీ సంప్రదాయాలతో ఘనంగా స్వాగతం పలికారు. అనంతరం గ్రామంలోని హనుమాన్ విగ్రహానికి పూజలు నిర్వహించి వైద్య శిబిరాన్ని ప్రారంభించారు.ఈ సందర్భంగా గ్రామ ప్రజలు ఎస్పీ దృష్టికి తీసుకువచ్చిన బోరు సమస్య, పాఠశాల భవన సమస్య, యువతకు డ్రైవింగ్ లైసెన్సుల ఏర్పాటు చేస్తానని, రక్తహీనత సమస్యల పై అవగాహన కల్పించారు. సంబంధిత సమస్యల పరిష్కారానికి చర్యలు తీసుకొని త్వరలోనే వాటిని పూర్తి చేసేందుకు కృషి చేస్తానని తెలిపారు. గ్రామ యువతలో క్రీడా నైపుణ్యాలను ప్రోత్సహించేందుకు త్వరలో మండల స్థాయి క్రీడా పోటీలను నిర్వహిస్తామని వెల్లడించారు.మారుమూల గ్రామాల ప్రజలకు అవసరమైన వైద్య సదుపాయాలను చేరువ చేయడం, ఆరోగ్యంపై అవగాహన కల్పించడం పోలీస్ శాఖ లక్ష్యమని ఎస్పీ తెలిపారు. అనారోగ్య సమస్యలు తలెత్తినప్పుడు ప్రభుత్వ లేదా ప్రైవేట్ వైద్యులను సంప్రదించాలని, బాబాలు, మంత్రాలు, తంత్రాలను నమ్మకుండా మూఢనమ్మకాలకు దూరంగా ఉండాలని సూచించారు. ముఖ్యంగా రక్తహీనత వంటి ఆరోగ్య సమస్యలపై అవగాహన కలిగి, అవసరమైన వైద్య పరీక్షలు చేయించుకోవాలని తెలిపారు. అనవసరంగా పెయిన్ కిల్లర్ ట్యాబ్లెట్లను వాడవద్దని వాటి వల్ల కిడ్నీ సమస్యలు వచ్చే ఆస్కారం ఉంటుందని తెలిపారు. తల్లిదండ్రులు పిల్లల చదువుపై ప్రత్యేక శ్రద్ధ చూపించాలని, విద్యార్థులు లక్ష్యంతో చదువుకుని ఉన్నత స్థాయికి ఎదగాలని ఎస్పీ సూచించారు. యువత చెడు అలవాట్లకు దూరంగా ఉంటూ విద్య, ఉపాధి, నైపుణ్యాభివృద్ధికి ప్రాధాన్యత ఇవ్వాలని తెలిపారు. గంజాయి సాగు, వినియోగం, రవాణా చట్టరీత్యా నేరమని, ఇలాంటి కార్యకలాపాలకు పాల్పడితే చట్టపరమైన చర్యలు తప్పవని హెచ్చరించారు. గంజాయి సాగుకు దూరంగా ఉండాలని, అసాంఘిక కార్యకలాపాలకు పాల్పడకుండా సమాజ అభివృద్ధిలో భాగస్వాములు కావాలని పిలుపునిచ్చారు.రోడ్డు భద్రతా నియమాలను ప్రతి ఒక్కరూ తప్పనిసరిగా పాటించాలని, ద్విచక్ర వాహనదారులు హెల్మెట్ ధరించాలని, వాహనాలు నడిపేటప్పుడు అప్రమత్తంగా ఉండాలని సూచించారు. ప్రజలకు పోలీస్ శాఖ ఎల్లప్పుడూ అండగా ఉంటుందని, గ్రామాల్లో సమస్యల పరిష్కారానికి ప్రజలు పోలీసులతో సమన్వయంతో ముందుకు రావాలని తెలిపారు.ఈ కార్యక్రమంలో ఆదిలాబాద్ డీఎస్పీ ఎల్. జీవన్ రెడ్డి, బోథ్ సీఐ డి. గురుస్వామి, ఎస్ఐ వి. పురుషోత్తం, గ్రామ సర్పంచ్ కిషన్ పవర్, పటేల్ లాల్షా, ప్రభుత్వ వైద్యులు డా. మిథిలేశ్, డా. రాకేష్, డా. షోయబ్బుదిన్, నర్సింగ్ అధికారి శ్రీధర్, ఎల్.వి. ప్రసాద్ ఆసుపత్రి వైద్యులు, ప్రైవేట్ వైద్యులు, వైద్య సిబ్బంది, గ్రామ ప్రజలు తదితరులు పాల్గొన్నారు.

ప్రజాభవన్‌లో టీపీసీసీ అధ్యక్షులు  మహేష్ కుమార్ గౌడ్,రాష్ట్ర ప్రభుత్వ ముఖ్య సలహాదారు పొద్దుటూరి సుదర్శన్ రెడ్డి లను  కలిసిన ఆదిలాబాద్, నిర్మల్ జిల్లా కాంగ్రెస్ నాయకులు ఆదిలాబాద్ జిల్లా కాంగ్రెస్ కమిటీ అధ్యక్షులు డా. నరేష్ జాదవ్,  మాజీ ఎంపీ శ్రీ సోయం బాబూరావు , మాజీ మంత్రి అల్లోల ఇంద్రకరణ్ రెడ్డి , బోథ్ నియోజకవర్గ కాంగ్రెస్ పార్టీ ఇన్‌చార్జి శ్రీ ఆడే గజేందర్, జిల్లా గ్రంథాలయ సంస్థ చైర్మన్ మల్లెపూల నరసయ్య , ఆదిలాబాద్ మార్కెట్ కమిటీ చైర్మన్  శ్రీకాంత్ రెడ్డి  కాంగ్రెస్ పార్టీ ముఖ్య నాయకులు ఈరోజు హైదరాబాద్‌లోని ప్రజాభవన్‌లో టీపీసీసీ అధ్యక్షులు మహేష్ కుమార్ గౌడ్ , రాష్ట్ర ప్రభుత్వ ముఖ్య సలహాదారు  పొద్దుటూరి సుదర్శన్ రెడ్డి తో సమీక్ష సమావేశం లో పాల్గొన్నారు ఈ సందర్భంగా ఇరువురు ప్రముఖులను శాలువాలతో సత్కరించారు .ఈ భేటీలో ఆదిలాబాద్ జిల్లాలో కాంగ్రెస్ పార్టీని క్షేత్రస్థాయిలో మరింత బలోపేతం చేయడం, పార్టీ శ్రేణులను సమన్వయంతో ముందుకు నడిపించడం, రాబోయే రోజుల్లో పార్టీ సంస్థాగత నిర్మాణాన్ని పటిష్టం చేయడం వంటి పలు కీలక అంశాలపై నాయకులు చర్చించారు. అదేవిధంగా త్వరలో ప్రకటించనున్న నామినేటెడ్ పదవుల నియామకాల విషయంలో పార్టీ కోసం కష్టపడి పనిచేస్తున్న అర్హులైన నాయకులు, కార్యకర్తలకు సముచిత ప్రాధాన్యత కల్పించడం గురించి చర్చించడం జరిగింది తమ అభిప్రాయాలను వెల్లడించారు.ఈ సమావేశంలో ఆదిలాబాద్ జిల్లా అభివృద్ధికి సంబంధించిన పలు ముఖ్యమైన అంశాలను కూడా నాయకులు ప్రస్తావించారు. జిల్లాలో మౌలిక సదుపాయాల అభివృద్ధి, ప్రజలకు మెరుగైన ప్రభుత్వ సేవలు అందించడం, స్థానికంగా నెలకొన్న సమస్యల పరిష్కారం, అభివృద్ధి కార్యక్రమాల వేగవంతం తదితర అంశాలపై చర్చిస్తూ, జిల్లాకు అవసరమైన నిధులు మంజూరు చేయడానికి తగిన సహకారం అందించాలని రాష్ట్ర ప్రభుత్వ ముఖ్య సలహాదారు  పొద్దుటూరి సుదర్శన్ రెడ్డి ని కోరినట్లు తెలిపారు.ఈ సందర్భంగా డీసీసీ అధ్యక్షులు డా. నరేష్ జాదవ్ మాట్లాడుతూ, “ఆదిలాబాద్ జిల్లాలో కాంగ్రెస్ పార్టీని మరింత బలోపేతం చేయడం, ప్రజలకు ఇచ్చిన హామీలను అమలు చేస్తూ ప్రభుత్వ సంక్షేమ పథకాలు అర్హులైన ప్రతి ఒక్కరికీ అందేలా కృషి చేయడం మా ప్రధాన లక్ష్యం. పార్టీ కోసం నిరంతరం శ్రమిస్తున్న నాయకులు, కార్యకర్తలకు తగిన గుర్తింపు లభించేలా పార్టీ పెద్దల దృష్టికి తీసుకెళ్తున్నాం. రాబోయే నామినేటెడ్ పదవుల నియామకాలలో అర్హులైన వారికి అవకాశాలు కల్పించే అంశంపై చర్చించాం” అని పేర్కొన్నారు.అలాగే, ఆదిలాబాద్ జిల్లా అభివృద్ధికి సంబంధించి మాట్లాడుతూ, “జిల్లాలోని ప్రజల అవసరాలను దృష్టిలో ఉంచుకొని అభివృద్ధి కార్యక్రమాలకు మరిన్ని నిధులు తీసుకురావడానికి కృషి చేస్తున్నాం. రహదారులు, మౌలిక సదుపాయాలు, ప్రజా సంక్షేమం తదితర రంగాల్లో జిల్లా అభివృద్ధి చెందేలా ప్రభుత్వ పెద్దల సహకారంతో ముందుకు సాగుతాం. కాంగ్రెస్ పార్టీ ప్రజా ప్రభుత్వం ద్వారా జిల్లాకు మరిన్ని అభివృద్ధి కార్యక్రమాలు తీసుకురావడమే మా లక్ష్యం” అని డా. నరేష్ జాదవ్  తెలిపారు. ఆదిలాబాద్ జిల్లాలో పార్టీని గ్రామస్థాయి నుంచి జిల్లా స్థాయి వరకు మరింత పటిష్టం చేస్తామని, పార్టీ కార్యకర్తలకు అండగా ఉంటూ ప్రజా సమస్యల పరిష్కారానికి నిరంతరం కృషి చేస్తామని ఆయన స్పష్టం చేశారు.ఈ కార్యక్రమంలో తదితర కాంగ్రెస్ పార్టీ నాయకులు పాల్గొన్నారు

సాంకేతిక ఆధారాలతో గుజరాత్‌లో నిందితుడిని గుర్తించి అరెస్ట్ చేసిన బేల పోలీసులు అమ్మాయిల వలపు  సేవల పేరుతో నకిలీ లింకులు పంపుతూ దేశవ్యాప్తంగా సైబర్ మోసాలు దేశవ్యాప్తంగా 220 ఫిర్యాదులు, తెలంగాణ లో 20 ఫిర్యాదులు. మోసపోయిన డబ్బులలో కోర్టు ద్వారా బాధితులకి తిరిగి 2 లక్షల రూపాయలు అందజేత. మూడు మొబైల్ ఫోన్స్, లాప్టాప్, ఐపాడ్ స్వాధీనం. సైబర్ నేరాల పట్ల అప్రమత్తంగా ఉండాలి – జిల్లా ఎస్పీ అఖిల్ మహాజన్  ఆదిలాబాద్ జిల్లా బేల పోలీస్ స్టేషన్ పరిధిలోని సాంగిడి గ్రామానికి చెందిన ఒక బాధితుడిని వాట్సాప్ ద్వారా నకిలీ లింక్ పంపించి, అతని బ్యాంకు ఖాతాలు, క్రెడిట్ కార్డుల నుంచి మొత్తం రూ.4,20,210 కాజేసిన అంతర్రాష్ట్ర సైబర్ నేరగాడిని సాంకేతిక ఆధారాలతో గుర్తించి అరెస్ట్ చేసినట్లు జిల్లా ఎస్పీ అఖిల్ మహాజన్ వెల్లడించారు.సోమవారం పోలీసు హెడ్ క్వార్టర్స్‌లో ఏర్పాటు చేసిన మీడియా సమావేశంలో జిల్లా ఎస్పీ కేసు వివరాలను వెల్లడించారు.ఈ సందర్భంగా జిల్లా ఎస్పీ మాట్లాడుతూ...ఆదిలాబాద్ జిల్లా బేల పోలీస్ స్టేషన్ పరిధిలోని సాంగిడి గ్రామానికి చెందిన ఒక వ్యక్తి వాట్సాప్‌కు గుర్తుతెలియని నంబర్ నుంచి royalescort.com అనే లింక్ వచ్చింది. ఆ లింక్‌ను ఓపెన్ చేయగా ఫోన్‌పే ద్వారా రూ.2,200 చెల్లించాలనే విధంగా స్క్రీన్ కనిపించడంతో, అది నిజమని నమ్మిన బాధితుడు డబ్బులు చెల్లించాడు. అనంతరం అతని అనుమతి లేకుండానే అతని క్రెడిట్ కార్డులకు సంబంధించిన ఖాతాల నుంచి మొత్తం 16 లావాదేవీల ద్వారా రూ.4,20,210 డెబిట్ అయ్యాయి.సైబర్ క్రైమ్ ఫిర్యాదు నమోదైన వెంటనే జిల్లా పోలీస్ శాఖ కార్యచరణ ప్రారంభించి రెండు లక్షల రూపాయలను ఖాతాలలో నిర్బంధించి తిరిగి బాధితునికి అందజేసి ప్రక్రియను పూర్తి చేసినట్లు తెలిపారు.దీనిపై బాధితుడు ఫిర్యాదు చేయడంతో బేల పోలీస్ స్టేషన్‌లో కేసు నమోదు చేసి, సాంకేతిక ఆధారాలు, మొబైల్ నంబర్లు, ఆన్‌లైన్ లావాదేవీల వివరాల ఆధారంగా దర్యాప్తు చేపట్టారు. ఈ క్రమంలో రాజస్థాన్ రాష్ట్రానికి చెందిన దినేష్ పటేల్ (23) అనే నిందితుడిని గుర్తించి గుజరాత్‌లో అదుపులోకి తీసుకున్నారు. నిందితునిపై దేశవ్యాప్తంగా 220 ఫిర్యాదులు నమోదు అయినట్లు తెలంగాణలో 20 ఫిర్యాదులు నమోదు అయినట్లు తెలిపారు. నిందితుడి వివరాలు: దినేష్ పటేల్ (23), s/o గంగారం పటేల్, పటేల్ మొహల్లా, దగర్ గ్రామం, ఉదయ్‌పూర్ జిల్లా, రాజస్థాన్ రాష్ట్రం.నిందితుడు మోసాలకు పాల్పడిన విధానం:నిందితుడు ఇతరుల గుర్తింపు పత్రాలను ఉపయోగించి సిమ్ కార్డులు సేకరించి, నకిలీ కాల్ గర్ల్ లేదా అమ్మాయిల వలపు సేవలు సర్వీసుల వెబ్‌సైట్ లింకులను ఇన్‌స్టాగ్రామ్ ద్వారా ప్రచారం చేసేవాడు. ఆ లింకులను నమ్మి సంప్రదించిన బాధితులతో టెలిగ్రామ్, వాట్సాప్ ద్వారా మాట్లాడి, వివిధ రకాల సేవలు అందిస్తామని నమ్మించేవాడు.బాధితులు పంపిన డబ్బులను మ్యూల్ బ్యాంకు ఖాతాల ద్వారా మళ్లించడం, క్రెడిట్ కార్డుల ద్వారా డబ్బులు చెల్లించిన సందర్భాల్లో అమెజాన్, ఫ్లిప్‌కార్ట్ వంటి ఆన్‌లైన్ వేదికల నుంచి గిఫ్ట్ కార్డులు కొనుగోలు చేసి వాటి ద్వారా వస్తువులు పొందడం చేసేవాడు. అయితే బాధితులకు ఎలాంటి సేవలు అందించకుండా మోసాలకు పాల్పడేవాడు.ఈ విధంగా దేశంలోని వివిధ ప్రాంతాలకు చెందిన పలువురిని మోసం చేసినట్లు విచారణలో వెల్లడైంది. హైదరాబాద్‌లోని ఉస్మానియా యూనివర్సిటీ, వనస్థలిపురం, నార్సింగి పోలీస్ స్టేషన్ల పరిధుల్లోనూ ఇలాంటి మోసాలకు పాల్పడినట్లు విచారణలో వెల్లడైంది.నిందితుడి నుంచి సైబర్ నేరాలకు ఉపయోగించిన మూడు మొబైల్ ఫోన్లు, ఒక మినీ ఐప్యాడ్, ఒక హెచ్‌పీ ల్యాప్‌టాప్‌ను పోలీసులు స్వాధీనం చేసుకున్నారు. వీటిని బాధితుల నుంచి కాజేసిన డబ్బులతో కొనుగోలు చేసినట్లు నిందితుడు తెలిపాడు. స్వాధీనం చేసుకున్న పరికరాల ఆధారంగా మరిన్ని సైబర్ నేరాలకు సంబంధించిన వివరాలను పరిశీలిస్తున్నారు.ప్రజలకు జిల్లా ఎస్పీ సూచనలు:* గుర్తుతెలియని వ్యక్తులు పంపే వాట్సాప్, ఇన్‌స్టాగ్రామ్ లింకులను ఓపెన్ చేయవద్దు.* ఎస్కార్ట్ సర్వీసులు,కాల్ గర్ల్స్, అమ్మాయిల వలపు సేవలు అంటూ ఆన్‌లైన్ సేవల పేరుతో ముందస్తు చెల్లింపులు కోరేవారిని నమ్మవద్దు.* బ్యాంకు ఖాతాలు, క్రెడిట్ కార్డులు, డెబిట్ కార్డుల వివరాలు, ఓటీపీలు ఎవరికీ తెలియజేయవద్దు.* అనుమానాస్పద లావాదేవీలు జరిగిన వెంటనే బ్యాంకును సంప్రదించి, సైబర్ ఆర్థిక మోసాల హెల్ప్‌లైన్ నంబర్ 1930కు ఫిర్యాదు చేయాలి. అలాగే www.cybercrime.gov.in వెబ్‌సైట్‌లో ఫిర్యాదు నమోదు చేయాలి.సైబర్ నేరగాళ్లు ఉపయోగించే కొత్త పద్ధతుల పట్ల ప్రజలు అప్రమత్తంగా ఉండాలని, అత్యాశకు గురికాకుండా ఆన్‌లైన్ లావాదేవీలు నిర్వహించాలని జిల్లా ఎస్పీ సూచించారు. సాంకేతిక పరిజ్ఞానాన్ని ఉపయోగించి సైబర్ నేరాల నియంత్రణకు జిల్లా పోలీస్ శాఖ నిరంతరం కృషి చేస్తుందని తెలిపారు.ఈ మీడియా సమావేశంలో ఆదిలాబాద్ డీఎస్పీ ఎల్. జీవన్ రెడ్డి, జైనథ్ సీఐ జి. శ్రావణ్ కుమార్, బేల ఎస్ఐ మధుకృష్ణ, సైబర్ క్రైమ్ ఆర్ఎస్ఐ గోపికృష్ణ, పోలీస్ సిబ్బంది తదితరులు పాల్గొన్నారు.

యువతకు హెల్మెట్ల పంపిణీ.. మండల స్థాయి క్రికెట్ పోటీల విజేతలకు బహుమతులు రోడ్డు భద్రతా నియమాలు పాటించాలి. ఆదివాసీలు చదువు మీద దృష్టి సారించాలి, ఉన్నత విద్యలు అభ్యసించాలి గంజాయి సాగు, విక్రయాలు, వినియోగానికి దూరంగా ఉండాలి - జిల్లా ఎస్పీ అఖిల్ మహాజన్  ఆదిలాబాద్ జిల్లా తాంసి మండలం గిరిగామ గ్రామంలో ఆదిలాబాద్ జిల్లా పోలీసుల ఆధ్వర్యంలో నిర్వహించిన ‘పోలీసులు మీకోసం’ కార్యక్రమంలో జిల్లా ఎస్పీ అఖిల్ మహాజన్ పాల్గొన్నారు. గ్రామానికి విచ్చేసిన ఎస్పీకి గ్రామస్థులు డప్పు వాయిద్యాలు, గుస్సాడి నృత్యంతో ఘన స్వాగతం పలికారు. అనంతరం 86వ కొమురం భీమ్ వర్ధంతి సందర్భంగా ఆయన విగ్రహానికి పూలమాల వేసి నివాళులర్పించి కార్యక్రమాన్ని ప్రారంభించారు. ఆదివాసీ ప్రజల ఆరోగ్య పరిరక్షణ కోసం ఆరుగురు నిపుణులైన వైద్య సిబ్బందితో ఉచిత వైద్య శిబిరాన్ని నిర్వహించారు. రోడ్డు ప్రమాదాల నివారణలో భాగంగా 10 హెల్మెట్లను పంపిణీ చేశారు.యువతలో క్రీడాస్ఫూర్తిని పెంపొందించేందుకు నిర్వహించిన మండల స్థాయి క్రికెట్ పోటీల విజేతలకు నగదు బహుమతులు, ట్రోఫీలను అందజేశారు. మొదటి బహుమతి గోట్కూరి గ్రామ జట్టుకు రూ.3,500 నగదు, ట్రోఫీ, రెండో బహుమతి తాంసి గ్రామ జట్టుకు రూ.2,000 నగదు, ట్రోఫీ, మూడో బహుమతి కప్పర్ల గ్రామ జట్టుకు రూ.1,500 నగదు, ట్రోఫీ అందజేశారు.ఈ సందర్భంగా కప్పర్ల  గ్రామంలో ఏర్పాటు చేసిన 13 సీసీటీవీ కెమెరాలను, పొన్నారి గ్రామంలో 5 సీసీటీవీ కెమెరాలను, గొట్కూరి గ్రామంలో 4 సీసీటీవీ కెమెరాలను ప్రారంభించారు.ఈ సందర్భంగా జిల్లా ఎస్పీ అఖిల్ మహాజన్  మాట్లాడుతూ.. ప్రతి ఒక్కరూ రోడ్డు భద్రతా నియమాలను తప్పనిసరిగా పాటించాలని, ద్విచక్ర వాహనదారులు హెల్మెట్ ధరించాలని సూచించారు. రోడ్డు ప్రమాదాల నుంచి ప్రాణాలను కాపాడుకోవడంలో ప్రతి ఒక్కరూ బాధ్యతగా వ్యవహరించాలని తెలిపారు. గంజాయి వంటి మాదకద్రవ్యాలు యువత జీవితాలను నాశనం చేస్తాయని, యువతతో పాటు ప్రజలందరూ వాటికి దూరంగా ఉండాలని సూచించారు. గంజాయి సాగు చేసినా, విక్రయించినా, వినియోగించినా చట్టపరమైన చర్యలు తప్పవని హెచ్చరించారు. గంజాయి సాగు చేసే వారికి ప్రభుత్వ పథకాలు వర్తించకుండా సంబంధిత అధికారులకు సిఫారసు చేయడం జరుగుతుందని తెలిపారు. విద్యార్థులు ఉన్నత లక్ష్యాలను నిర్దేశించుకొని చదువులో రాణించాలని, తల్లిదండ్రులు తమ పిల్లలను ఉన్నత విద్య అభ్యసించేలా ప్రోత్సహించాలని సూచించారు. విద్యతోనే జీవితంలో మంచి భవిష్యత్తును నిర్మించుకోవచ్చని, ముఖ్యంగా ఆదివాసీ యువత విద్యకు ప్రాధాన్యతనిస్తూ అభివృద్ధి వైపు అడుగులు వేయాలని తెలిపారు. గ్రామాల్లో సీసీటీవీ కెమెరాల ఏర్పాటు నేరాల నియంత్రణకు, నేరస్తులను గుర్తించడానికి ఎంతగానో ఉపయోగపడుతుందని పేర్కొన్నారు. ప్రజలు పోలీసులకు సహకరిస్తూ గ్రామాల అభివృద్ధి, శాంతిభద్రతల పరిరక్షణలో భాగస్వాములు కావాలని సూచించారు. సరిహద్దు ప్రాంతం గుండా దేశి దారు అక్రమ రవాణా జరగకుండ, ఆరోగ్యానికి హాని చేసే దేశి దారు సేవించకుండా ఉండాలని తెలిపారు.ఆదివాసీలో ఎలాంటి వైద్య అవసరాల కైనా నకిలీ బాబాలను మంత్రాలను తంత్రాలను నమ్మవద్దని, నిష్ణాతులైన ప్రభుత్వ ప్రైవేటు డాక్టర్ల వద్ద చికిత్స చేసుకోవాలని తెలిపారు. చేయకండి కంటి పరీక్షలలో భాగంగా ఉచితంగా పది కంటి అద్దాలు అంద చేయడం జరిగింది.ఈ కార్యక్రమంలో ఆదిలాబాద్ డీఎస్పీ ఎల్. జీవన్ రెడ్డి, రూరల్ సీఐ రహీం పాషా, ఎస్ఐ ఎస్. జీవన్ రెడ్డి, గ్రామ సర్పంచ్ దారుట్ల మీరాబాయి, పరిసర గ్రామాల సర్పంచులు, గ్రామస్థులు, వైద్యులు నవీన్ రెడ్డి, రోజా రాణి, రవికాంత్, శ్వేత, ఆనంద్ తదితరులు పాల్గొన్నారు.

గిరిజన హక్కుల పరిరక్షణ కోసం నిరంకుశ పాలనకు, దోపిడీకి, అన్యాయానికి ఎదురుండి  పోరాడిన ఆదివాసీ వీరుడు కొమురం భీమ్‌ అని ఆదిలాబాద్ మున్సిపల్ చైర్‌పర్సన్ బండారి అనూష సతీష్ అన్నారు.ఆదివాసీలు విద్య, వ్యాపార, వైద్య మరియు రాజకీయ రంగాల్లో అభివృద్ధి సాధించి, అన్ని రంగాల్లో ముందుకు సాగాలని ఆకాంక్షించారు. అప్పుడే ఆయన ఆశయాలు నెరవేరుతాయని తెలియజేయడం జరిగింది.కొమురం భీమ్ వర్ధంతి సందర్భంగా ఆయన త్యాగాలను స్మరించుకుంటూ ఘనంగా నివాళులర్పించారు. ఈ సందర్భంగా ఆమె మాట్లాడుతూ.. “జల్‌ – జంగల్‌ – జమీన్‌” అనే నినాదంతో ఆదివాసీలకు నీరు, అడవి, భూమిపై హక్కులు ఉండాలని నినదించిన కొమురం భీమ్‌ పోరాటం చరిత్రలో చిరస్థాయిగా నిలిచిపోతుందని పేర్కొన్నారు. గిరిజనుల ఆత్మగౌరవం, స్వేచ్ఛ, హక్కుల పరిరక్షణ కోసం ఆయన చేసిన పోరాటం భావితరాలకు స్ఫూర్తిదాయకమని అన్నారు. తన జీవితాన్నే గిరిజన సమాజ హక్కుల కోసం అంకితం చేసిన కొమురం భీమ్‌ త్యాగం ప్రతి ఒక్కరిలో సామాజిక న్యాయం పట్ల నిబద్ధతను పెంపొందిస్తుందని తెలిపారు. ఆదివాసీ సంస్కృతి, సంప్రదాయాలు, జీవన విధానాలను గౌరవిస్తూ వారి హక్కులను కాపాడుకోవడం సమాజంలోని ప్రతి ఒక్కరి బాధ్యత అని పేర్కొన్నారు. కొమురం భీమ్‌ ఆశయాలను స్మరించుకోవడం అంటే ఆయనకు నివాళులర్పించడం మాత్రమే కాకుండా, గిరిజనుల అభివృద్ధి, ఆత్మగౌరవం, సమాన హక్కుల సాధనకు కృషి చేయడమని బండారి అనూష సతీష్ అన్నారు. ఆదివాసీ వీరుడు కొమురం భీమ్‌ చూపిన పోరాట మార్గం, ఆయన త్యాగనిరతి, జల్‌ – జంగల్‌ – జమీన్‌ నినాదం తరతరాలకు స్ఫూర్తిగా నిలవాలని ఆకాంక్షిస్తూ ఆ మహనీయునికి ఘన నివాళులు అర్పిస్తున్నామని మున్సిపల్ చైర్‌పర్సన్ బండారి అనూష సతీష్ పేర్కొన్నారు.

గిరిజన హక్కుల పరిరక్షణ కోసం నిరంకుశ పాలనకు, దోపిడీకి, అన్యాయానికి ఎదురుండి  పోరాడిన ఆదివాసీ వీరుడు కొమురం భీమ్‌ అని ఆదిలాబాద్ మున్సిపల్ చైర్‌పర్సన్ బండారి అనూష సతీష్ అన్నారు.ఆదివాసీలు విద్య, వ్యాపార, వైద్య మరియు రాజకీయ రంగాల్లో అభివృద్ధి సాధించి, అన్ని రంగాల్లో ముందుకు సాగాలని ఆకాంక్షించారు. అప్పుడే ఆయన ఆశయాలు నెరవేరుతాయని తెలియజేయడం జరిగింది.కొమురం భీమ్ వర్ధంతి సందర్భంగా ఆయన త్యాగాలను స్మరించుకుంటూ ఘనంగా నివాళులర్పించారు. ఈ సందర్భంగా ఆమె మాట్లాడుతూ.. “జల్‌ – జంగల్‌ – జమీన్‌” అనే నినాదంతో ఆదివాసీలకు నీరు, అడవి, భూమిపై హక్కులు ఉండాలని నినదించిన కొమురం భీమ్‌ పోరాటం చరిత్రలో చిరస్థాయిగా నిలిచిపోతుందని పేర్కొన్నారు. గిరిజనుల ఆత్మగౌరవం, స్వేచ్ఛ, హక్కుల పరిరక్షణ కోసం ఆయన చేసిన పోరాటం భావితరాలకు స్ఫూర్తిదాయకమని అన్నారు. తన జీవితాన్నే గిరిజన సమాజ హక్కుల కోసం అంకితం చేసిన కొమురం భీమ్‌ త్యాగం ప్రతి ఒక్కరిలో సామాజిక న్యాయం పట్ల నిబద్ధతను పెంపొందిస్తుందని తెలిపారు. ఆదివాసీ సంస్కృతి, సంప్రదాయాలు, జీవన విధానాలను గౌరవిస్తూ వారి హక్కులను కాపాడుకోవడం సమాజంలోని ప్రతి ఒక్కరి బాధ్యత అని పేర్కొన్నారు. కొమురం భీమ్‌ ఆశయాలను స్మరించుకోవడం అంటే ఆయనకు నివాళులర్పించడం మాత్రమే కాకుండా, గిరిజనుల అభివృద్ధి, ఆత్మగౌరవం, సమాన హక్కుల సాధనకు కృషి చేయడమని బండారి అనూష సతీష్ అన్నారు. ఆదివాసీ వీరుడు కొమురం భీమ్‌ చూపిన పోరాట మార్గం, ఆయన త్యాగనిరతి, జల్‌ – జంగల్‌ – జమీన్‌ నినాదం తరతరాలకు స్ఫూర్తిగా నిలవాలని ఆకాంక్షిస్తూ ఆ మహనీయునికి ఘన నివాళులు అర్పిస్తున్నామని మున్సిపల్ చైర్‌పర్సన్ బండారి అనూష సతీష్ పేర్కొన్నారు.

ఆదిలాబాద్ జిల్లా అభివృద్ధి, ఇక్కడి ప్రజల సంక్షేమం, ఆదిలాబాద్ నియోజకవర్గ ప్రజల సమస్యల పరిష్కారం గురించి నిజంగా ఆలోచించే వ్యక్తి అయితే, గతంలోనే ప్రజల మధ్య ఉంటూ వారి సమస్యలపై నిరంతరం పోరాడి ఉండేవారని జిల్లా కాంగ్రెస్ కమిటీ అధ్యక్షుడు *డా. నరేష్ జాదవ్  * పేర్కొన్నారు. ప్రజల సమస్యలపై క్షేత్రస్థాయిలో పనిచేయకపోవడంతో ఆనాడే కాంగ్రెస్ పార్టీ సస్పెండ్ చేసిందని, కాంగ్రెస్ పార్టీతో ప్రస్తుతం సంబంధం లేని వ్యక్తిగా ఉంటూ పార్టీ నాయకత్వాన్ని విమర్శించడం విడ్డూరంగా ఉందని ఆయన అన్నారు.భార్గవ్ దేశ్ పాండే గతంలో కాంగ్రెస్ పార్టీతో అనుబంధం కలిగి ఉన్న సమయంలో, ఆయన చేసిన పార్టీ కార్యక్రమాలను గుర్తించి 2014లో ఆదిలాబాద్ నియోజకవర్గం నుంచి కాంగ్రెస్ పార్టీ అభ్యర్థిగా అవకాశం కల్పించడంతో పాటు, జిల్లా కాంగ్రెస్ అధ్యక్ష బాధ్యతలు కూడా అప్పగించడం జరిగింది. అయితే, పార్టీ ఆశయాలకు, క్రమశిక్షణకు అనుగుణంగా నిరంతరం పనిచేయాల్సిన సమయంలో పార్టీ పట్ల స్థిరమైన నిబద్ధతను చూపకాపోవడంతో ఆనాడే కాంగ్రెస్ పార్టీ నుండి భార్గవ్ దేస్పండేను సస్పెండ్ చేసిందని, నరేష్ జాదవ్* తెలిపారు.. కాంగ్రెస్ పార్టీతో ఆయనకు ఉన్న గత అనుబంధాన్ని ప్రస్తావిస్తూ, నేడు అదే పార్టీ సిద్ధాంతాల గురించి, అగ్రనాయకుడు రాహుల్ గాంధీ గురించి విమర్శలు చేయడం ఎంతవరకు సమంజసమని ప్రశ్నించారు.ముఖ్యమంత్రి రేవంత్ రెడ్డి ప్రభుత్వం ప్రజలకు ఇచ్చిన హామీలను అమలు చేస్తూ సంక్షేమ పాలన అందిస్తోంది. కాంగ్రెస్ పార్టీ అధికారంలోకి వచ్చిన తర్వాత మహిళలకు ఆర్టీసీ బస్సుల్లో ఉచిత ప్రయాణ సౌకర్యం, అర్హులైన కుటుంబాలకు రేషన్ కార్డులు, సన్నబియ్యం పంపిణీ, రూ.500కే గ్యాస్ సిలిండర్, అర్హత కలిగిన గృహాలకు ఉచిత విద్యుత్, మహిళా సాధికారత కోసం మహిళా శక్తి కార్యక్రమాలు వంటి అనేక సంక్షేమ పథకాల ద్వారా ప్రజలకు ప్రయోజనం చేకూరుతోంది. రైతుల సంక్షేమానికి, వారి పంటలకు గిట్టుబాటు ధరతో పాటు పంటల కొనుగోళ్లలో తగిన మద్దతు కల్పించేందుకు ప్రభుత్వం చర్యలు తీసుకుంటోంది.ముఖ్యమంత్రి రేవంత్ రెడ్డి  పీసీసీ అధ్యక్షుడిగా ఉన్న సమయంలో ప్రజలకు ఇచ్చిన హామీలను ముఖ్యమంత్రిగా బాధ్యతలు చేపట్టిన తర్వాత అమలు చేసేందుకు కృషి చేస్తున్నారు. ప్రజల ఆకాంక్షలకు అనుగుణంగా పాలన అందిస్తూ, సంక్షేమ పథకాల ద్వారా అర్హులైన ప్రతి కుటుంబాలకు నెలకు 5 నుండి 10 వేల రూపాయలు నెలకు ఆర్థిక ప్రయోజనాలు చేకూర్చే దిశగా తెలంగాణ కాంగ్రెస్ ప్రభుత్వం పనిచేస్తోంది.ఇలాంటి ప్రజా సంక్షేమ పాలనను పక్కనపెట్టి, ముఖ్యమంత్రి పై, కాంగ్రెస్ పార్టీపై నిరాధారమైన విమర్శలు చేయడం తగదని డా. నరేష్ జాదవ్ స్పష్టం చేశారు. కాంగ్రెస్ పార్టీ అనేది కేవలం ఒక రాజకీయ పార్టీ మాత్రమే కాదని, అది ప్రజాస్వామ్య విలువలు, సామాజిక న్యాయం, సమానత్వం, పేదల సంక్షేమం కోసం పోరాడే ప్రజా ఉద్యమమని ఆయన పేర్కొన్నారు.కాంగ్రెస్ పార్టీ నాయకత్వాన్ని విమర్శించే ముందు పార్టీ కోసం చేసిన సేవలను, ప్రజల కోసం చేసిన కృషిని ఆత్మపరిశీలన చేసుకోవాలనీ. వ్యక్తిగత రాజకీయ ప్రయోజనాల కోసం కాంగ్రెస్ పార్టీ ప్రతిష్ఠను దెబ్బతీసే ప్రయత్నాలను జిల్లా కాంగ్రెస్ కమిటీ సహించబోదని ఆయన హెచ్చరించారు. భవిష్యత్తులోనూ కాంగ్రెస్ పార్టీని, ముఖ్యమంత్రి రేవంత్ రెడ్డి గారిని లక్ష్యంగా చేసుకుని అసత్యమైన, అవమానకరమైన వ్యాఖ్యలు చేస్తే కాంగ్రెస్ పార్టీ నాయకులు, కార్యకర్తలు ప్రజాస్వామ్య పద్ధతుల్లో తగిన రీతిలో స్పందిస్తారని తెలిపారు.కాంగ్రెస్ పార్టీ నాయకత్వంపై విమర్శలు చేయడం కంటే, ఆదిలాబాద్ జిల్లా అభివృద్ధికి, నిరుద్యోగ యువత సమస్యల పరిష్కారానికి, రైతుల సంక్షేమానికి, పేద ప్రజల అభ్యున్నతికి కృషి చేయాలని భార్గవ్ దేశ్ పాండేకు డా. నరేష్ జాదవ్ హితవు పలికారు.చివరిగా, కాంగ్రెస్ పార్టీ సిద్ధాంతాలకు, నాయకత్వానికి, ప్రజా సంక్షేమ లక్ష్యాలకు ఆదిలాబాద్ జిల్లా కాంగ్రెస్ కమిటీ ఎల్లప్పుడూ కట్టుబడి ఉంటుందని స్పష్టం చేశారు.

ఆదిలాబాద్ రిమ్స్ ఆసుపత్రిలో వరుసగా చోటుచేసుకుంటున్న మరణాల ఘటనలు తీవ్ర ఆందోళన కలిగిస్తున్నాయని,నెల రోజుల క్రితం పసిపిల్లల మృతి ఘటన ప్రజలను కలచివేయగా, ఆ ఘటన మరువకముందే బాలింతతో పాటు ఇద్దరు కవల శిశువులు మృతి చెందిన ఘటన వెలుగులోకి రావడం హృదయవిదారకంమని అన్నారు . ఒకే కుటుంబంలో మూడు ప్రాణాలు కోల్పోవడం ఆ కుటుంబానికి తీరని లోటు కాగా, ఈ ఘటన ప్రభుత్వ వైద్య సేవలు, ఆసుపత్రి పర్యవేక్షణపై అనేక ప్రశ్నలను లేవనెత్తుతోందని అనుమానం వ్యక్తం చేసారు మృతులు వెనుకబడిన ఆదివాసీ సమాజానికి చెందినవారు కావడం  బాధాకరమన్నారు. సమాజంలో ఆర్థికంగా, సామాజికంగా వెనుకబడిన వర్గాలకు నాణ్యమైన వైద్యం అందించడం ప్రభుత్వ బాధ్యత. ముఖ్యంగా గర్భిణులు, బాలింతలు, నవజాత శిశువులకు అత్యవసర వైద్య సేవలు సకాలంలో అందేలా పటిష్టమైన వ్యవస్థ ఉండాలి. పేద, ఆదివాసీ కుటుంబాలు వైద్య సేవల విషయంలో నిర్లక్ష్యానికి గురికాకుండా ప్రభుత్వం ప్రత్యేక శ్రద్ధ చూపాలని కోరారు. ఈ ఘటనలో వైద్యుల నిర్లక్ష్యం జరిగిందా? అత్యవసర వైద్య సేవలు సకాలంలో అందాయా? తల్లి, శిశువుల ఆరోగ్య పరిస్థితిని తగిన విధంగా పర్యవేక్షించారా? అనే అంశాలు ప్రభుత్వంపై ఉందన్నారు.రిమ్స్ డైరెక్టర్, సంబంధిత అధికారులు తమ పర్యవేక్షణ బాధ్యతలను సమర్థవంతంగా నిర్వహించలన్నారు. ప్రభుత్వ ఆసుపత్రుల్లో తల్లి-శిశు సంరక్షణకు అవసరమైన వైద్యులు, సిబ్బంది, పరికరాలు, అత్యవసర చికిత్సా సదుపాయాలు అందుబాటులో ఉన్నాయా? అనే అంశాలపై ప్రభుత్వం సమీక్ష నిర్వహించాలని డిమాండ్ చేసారు బాలింతతో పాటు ఇద్దరు కవల శిశువుల మృతి ఘటన పై విచారణ జరపాలనీ డిమాండ్ చేశారు.

నిందితునిపై గతంలో సైతం దొంగతనం కేసులు నమోదు..తలమడుగు ఎస్‌హెచ్‌ఓ డి. రాధిక ఆదిలాబాద్ తలమడుగు మండలం దేవాపూర్ గ్రామంలో ఇంట్లో చోరీకి పాల్పడిన నిందితుడు మాకల రాజు 35 తలమడుగు మండలం దేవాపూర్ ను త లమడుగు పోలీసులు అరెస్ట్ చేసి, చోరీ సొత్తును స్వాధీనం చేసుకున్నట్లు తలమడుగు ఎస్ఐ డి రాధిక తెలియజేశారు.వివరాలలోఈ నెల 21 న రాత్రి దేవాపూర్ గ్రామంలో శారదాదేవి విగ్రహ నిమజ్జన ఊరేగింపు జరుగుతున్న సమయంలో గ్రామానికి చెందిన అంగ రాజు తన భార్య, పిల్లలతో కలిసి ఊరేగింపుకు వెళ్లాడు. తిరిగి అర్ధరాత్రి ఇంటికి వచ్చి చూడగా బీరువా తాళం పగులగొట్టి ఉండటాన్ని గమనించాడు. పరిశీలించగా మూడు తులాల వెండి పట్టీలు, రూ.15,000 నగదు కనిపించకపోవడంతో పోలీసులకు ఫిర్యాదు చేశాడు. ఈ మేరకు తలమడుగు పోలీస్ స్టేషన్‌లో కేసు నమోదు చేసి దర్యాప్తు చేపట్టారు.దర్యాప్తులో భాగంగా ఈ నెల 24న ఉదయం కజ్జర్ల ఎక్స్‌రోడ్డు సమీపంలో పోలీసులు పెట్రోలింగ్ నిర్వహిస్తుండగా, పోలీసులను చూసి పారిపోవడానికి ప్రయత్నించిన వ్యక్తిని పట్టుకుని విచారించారు. అతడు ఆదిలాబాద్‌లోని కేఆర్‌కే కాలనీకి చెందిన మాకల రాజు (35), ప్రస్తుతం దేవాపూర్‌లో ఉంటున్నట్లు గుర్తించారు. విచారణలో చోరీకి పాల్పడినట్లు వెల్లడైంది.నిందితుడి వద్ద నుంచి మూడు తులాల వెండి పట్టీలు, రూ.10,130 నగదు, హోండా యాక్టివా ద్విచక్ర వాహనం, రెడ్‌మీ సెల్‌ఫోన్ స్వాధీనం చేసుకున్నారు. చోరీ చేసిన నగదులో కొంత ఖర్చు చేసినట్లు విచారణలో వెల్లడైంది.ఈ సందర్భంగా తలమడుగు ఎస్‌హెచ్‌ఓ డి. రాధిక మాట్లాడుతూ, గ్రామాల్లో ప్రజలు ఇళ్లకు తాళాలు వేసి బయటకు వెళ్లే సమయంలో అప్రమత్తంగా ఉండాలని, అనుమానాస్పద వ్యక్తులు కనిపిస్తే వెంటనే పోలీసులకు సమాచారం అందించాలని సూచించారు. నేరాల నియంత్రణకు పోలీసులకు ప్రజలు సహకరించాలని కోరారు.

వన్యప్రాణుల కేసుల్లో నిందితులకు న్యాయస్థానంలో శిక్షలు పడేలా పకడ్బందీ దర్యాప్తు చేపట్టాలి. పోలీసు, అటవీ శాఖ అధికారులకు ఒకరోజు శిక్షణ కార్యక్రమం నిర్వహణ. ఆదిలాబాద్వ న్యప్రాణుల సంరక్షణ, పర్యావరణ పరిరక్షణ కేవలం ఒక శాఖ బాధ్యత మాత్రమే కాదని, పోలీసు, అటవీ శాఖల అధికారులు సమన్వయంతో పనిచేసినప్పుడే అక్రమ కార్యకలాపాలను పూర్తిస్థాయిలో అరికట్టడం సాధ్యమవుతుందని జిల్లా ఎస్పీ అఖిల్ మహాజన్ అన్నారు. వన్యప్రాణుల వేటగాళ్లపై చట్టపరమైన చర్యలు తీసుకోవడం, వన్యప్రాణులను సంహరించిన కేసుల్లో సమర్థవంతంగా దర్యాప్తు నిర్వహించడం, నిందితులకు న్యాయస్థానంలో శిక్షలు పడేలా అనుసరించాల్సిన విధానాలపై పోలీసు, అటవీ శాఖ అధికారులకు ఒకరోజు శిక్షణ కార్యక్రమం నిర్వహించారు. ఈ కార్యక్రమంలో పాల్గొన్న జిల్లా ఎస్పీ శిక్షణ అధికారులను ఉద్దేశించి మాట్లాడారు. అడవుల్లో పులులు, ఇతర వన్యప్రాణులను వేటాడటం, అక్రమంగా కలప తరలించడం, పొలాల్లో అక్రమంగా విద్యుత్ వైర్లు ఏర్పాటు చేసి వన్యప్రాణుల ప్రాణాలకు ముప్పు కలిగించడం, మారుమూల ప్రాంతాల్లో గంజాయి సాగు చేయడం వంటి అక్రమ కార్యకలాపాలను సమర్థవంతంగా అడ్డుకోవాలని ఎస్పీ సూచించారు. ఇలాంటి కార్యకలాపాలకు సంబంధించిన సమాచారం అటవీ శాఖ అధికారులకు తెలిసిన వెంటనే జిల్లా పోలీసు అధికారులకు తెలియజేసి, సమన్వయంతో చర్యలు చేపట్టాలని తెలిపారు.వన్యప్రాణుల సంరక్షణకు సంబంధించి నమోదయ్యే కేసుల్లో నిందితులకు శిక్షలు పడటం అత్యంత కీలకమని, అందుకు అనుగుణంగా దర్యాప్తు అధికారులు సాక్ష్యాధారాలను పకడ్బందీగా సేకరించాలని సూచించారు. కేసుల దర్యాప్తు నుంచి న్యాయస్థానంలో విచారణ పూర్తయ్యే వరకు కోర్టు డ్యూటీ అధికారులు, దర్యాప్తు అధికారులు సమన్వయంతో వ్యవహరించాలని, చట్టపరమైన అంశాలపై పూర్తి అవగాహన కలిగి ఉండాలని పేర్కొన్నారు. ప్రజల ఆస్తులు, ప్రాణాల రక్షణతో పాటు పర్యావరణం, వన్యప్రాణుల సంరక్షణకు కూడా పోలీసు శాఖ ప్రాధాన్యత ఇవ్వాలని తెలిపారు. రెండు శాఖల అధికారులు పరస్పర సమాచార మార్పిడి, సమన్వయంతో పనిచేస్తూ అక్రమ కార్యకలాపాలపై నిరంతరం నిఘా ఉంచాలని సూచించారు. యూనిఫామ్ గౌరవ ప్రతిష్టలకు భంగం కలిగించేలా వ్యవహరించే వారిపై కఠిన చర్యలు తీసుకోవాలని స్పష్టం చేశారు.ఈ కార్యక్రమంలో ఆదిలాబాద్ ఇన్‌చార్జి డీఎఫ్‌ఓ సుశాంత్ సుఖదేవ్ ఐఎఫ్‌ఎస్, శిక్షణలో ఉన్న ఐఎఫ్‌ఎస్ అధికారులు, ఎఫ్‌ఆర్‌ఓలు, డిప్యూటీ ఎఫ్‌ఆర్‌ఓలు, రేంజ్ అధికారులు, కోర్టు డ్యూటీ అధికారులు, దర్యాప్తు అధికారులు, రైటర్లు, ఇతర పోలీసు, అటవీ శాఖ సిబ్బంది పాల్గొన్నారు. వీసీ ద్వారా కూడా పలువురు అధికారులు, సిబ్బంది శిక్షణలో పాల్గొన్నారు.

ఆదిలాబాద్ : జిల్లాలో ప్రతిపాదిత విమానాశ్రయ విస్తరణకు అవసరమైన భూసేకరణ ప్రక్రియను ఎలాంటి జాప్యానికి తావులేకుండా పారదర్శకంగా, వేగవంతంగా పూర్తి చేయాలని జిల్లా కలెక్టర్‌ రాజర్షి షా అధికారులను ఆదేశించారు. భూసేకరణకు సంబంధించిన పెండింగ్‌ అంశాలను త్వరితగతిన పరిష్కరించి, క్షేత్రస్థాయిలో పనులు నిర్దేశిత ప్రణాళిక ప్రకారం ముందుకు సాగేలా చర్యలు చేపట్టాలని సూచించారు.శుక్రవారం కలెక్టరేట్‌ సమావేశ మందిరంలో ఇండియన్‌ ఎయిర్‌ఫోర్స్‌ (ఐ ఎ ఎఫ్) పర్యవేక్షక బృందంతో కలిసి ఎయిర్‌పోర్ట్‌ భూసేకరణ పనుల పురోగతిపై కలెక్టర్‌ ఉన్నతస్థాయి సమీక్ష నిర్వహించారు. విమానాశ్రయ విస్తరణకు అవసరమైన భూమి వివరాలు, ఇప్పటివరకు చేపట్టిన సర్వే, భూసేకరణ పురోగతి, క్షేత్రస్థాయిలో ఎదురవుతున్న సమస్యలు తదితర అంశాలపై అధికారులతో చర్చించారు.ఈ సందర్భంగా కలెక్టర్‌ మాట్లాడుతూ, విమానాశ్రయ అభివృద్ధిలో భూసేకరణ ప్రక్రియ అత్యంత కీలకమైనదని పేర్కొన్నారు. సంబంధిత శాఖల అధికారులు పరస్పర సమన్వయంతో పనిచేస్తూ భూసేకరణకు సంబంధించిన అన్ని అంశాలను నిర్ణీత కాలవ్యవధిలో పరిష్కరించాలని ఆదేశించారు. క్షేత్రస్థాయిలో నిర్వహిస్తున్న భూ సర్వే పనులను పకడ్బందీగా చేపట్టాలని, సర్వే సమయంలో ఎలాంటి సాంకేతిక సమస్యలు తలెత్తకుండా ముందస్తు చర్యలు తీసుకోవాలని సూచించారు. అవసరమైన వివరాలను సంబంధిత శాఖల అధికారులు సమన్వయంతో సేకరించి, ప్రక్రియను నిరంతరం పర్యవేక్షించాలని ఆదేశించారు.విమానాశ్రయ విస్తరణ కోసం భూములు కోల్పోతున్న నిర్వాసితుల సంక్షేమానికి ప్రభుత్వం అధిక ప్రాధాన్యం ఇస్తోందని కలెక్టర్‌ తెలిపారు. నిబంధనల ప్రకారం అర్హత కలిగిన ప్రతి భూ నిర్వాసితుడికి అందాల్సిన పరిహారం, పునరావాస ప్రయోజనాలు సత్వరమే అందేలా అధికారులు చర్యలు తీసుకోవాలని ఆదేశించారు. భూసేకరణ ప్రక్రియలో పారదర్శకత పాటించాలని, భూములకు సంబంధించిన రికార్డులు, హక్కులు, ఇతర వివరాలను నిశితంగా పరిశీలించి అర్హులైన వారికి ఎలాంటి ఇబ్బందులు కలగకుండా చర్యలు చేపట్టాలని సూచించారు.భూసేకరణకు సంబంధించి ఇప్పటివరకు చేపట్టిన సర్వే, భూముల వివరాల సేకరణ, క్షేత్రస్థాయిలో జరుగుతున్న పనులు, పరిష్కరించాల్సిన అంశాలపై జిల్లా స్థాయి అధికారులు, రెవెన్యూ సిబ్బంది కలెక్టర్‌కు వివరించారు. భూసేకరణ ప్రక్రియను వేగవంతం చేసేందుకు చేపడుతున్న చర్యలను తెలియజేశారు.ఈ సమావేశంలో స్థానిక సంస్థల అదనపు కలెక్టర్‌ రాజేశ్వర్‌, ఎయిర్‌ఫోర్స్‌ పర్యవేక్షక బృందం సభ్యులు కెప్టెన్‌ రాకేష్‌, ఎస్‌.ఆర్‌. సింగ్‌, ఆర్డీవో జగదీశ్వర్‌రావు, ల్యాండ్‌ సర్వే ఆర్‌ఏడీ ప్రభాకర్‌, మున్సిపల్‌ కమిషనర్‌ జగదీష్‌ గౌడ్‌, సంబంధిత శాఖల అధికారులు, రెవెన్యూ సిబ్బంది తదితరులు పాల్గొన్నారు.

ఆదిలాబాద్ :తెలంగాణ సంస్కృతీ సాంప్ర‌దాయాల‌కు బతుక‌మ్మ వేడుక‌లు అద్దం ప‌డ‌తాయ‌ని ఆదిలాబాద్ కాంగ్రెస్ పార్టీ అసెంబ్లీ నియోజకవర్గ ఇంచార్జి కంది శ్రీనివాస రెడ్డి  ఆయ‌న సతీమణి కంది మౌన శ్రీనివాస రెడ్డి అన్నారు.  జిల్లాలో బ‌తుక‌మ్మ సంబ‌రాల‌ను పురస్క‌రించుకొని జైన‌థ్ మండ‌ల కేంద్రంలో ప‌లు చోట్ల నిర్వ‌హించిన బ‌తుక‌మ్మ వేడుక‌ల‌కు హాజ‌ర‌య్యారు. స్థానికులు పార్టీ శ్రేణులు వారికి ఘ‌నంగా స్వాగ‌తం ప‌లికారు. అనంత‌రం స్థానిక మ‌హిళ‌లు యువ‌తులు పిల్ల‌ల‌తో క‌లిసి బ‌తుక‌మ్మల చుట్టూ  ఉత్సాహంగా నృత్యాలు చేసారు.పూల‌ను ప్ర‌కృతిని ఆరాధించ‌డం తెలంగాణ గొప్ప సాంప్రదాయ‌మ‌ని అన్నారు. ప్ర‌తీ సంవ‌త్సరం ఇలాగే సంబ‌రాల‌ను వైభ‌వంగా నిర్వ‌హించుకోవాల‌ని పిలుపునిచ్చారు. ఈకార్య‌క్ర‌మంలో నాయ‌కులు రంగినేని శాంత‌న్ రావు,కొండ గంగాధ‌ర్ , ద‌ర్శ‌నాల అశోక్, విఠ‌ల్ రెడ్డి , త‌మ్మ‌ల చందు, కేతిరెడ్డి సురేంద‌ర్ రెడ్డి, మ‌హ‌మూద్ ,క్యాతం శివ‌ప్ర‌సాద్ రెడ్డి,  జైన‌థ్ మండ‌ల నాయ‌కులు కార్య‌క‌ర్త‌లు త‌దిత‌రులు పాల్గొన్నారు.