గౌరవెల్లి - గండిపల్లి ప్రాజెక్టు లో ఇల్లు కోల్పోయిన వారు, రహదారి విస్తరణలో ఇళ్లు కోల్పోయిన అర్హులైన నిర్వాసితులకు, ఇండస్ట్రియల్ పార్క్ కి భూములు ఇచ్చి ఇల్లు అర్హత ఉన్న వారికి కూడా ఇందిరమ్మ ఇళ్లు  ఉమ్మడి కరీంనగర్ జిల్లా హుస్నాబాద్ నియోజకవర్గంలో పూర్తిగా ఇళ్లు లేని నిరుపేదలకు, గుడిసెల్లో నివసిస్తున్న వారికి ఇందిరమ్మ ఇళ్ల కేటాయింపులో మొదటి ప్రాధాన్యత ఇస్తున్నట్లు రాష్ట్ర రవాణా మరియు బీసీ సంక్షేమ శాఖ మంత్రి, హుస్నాబాద్ ఎమ్మెల్యే పొన్నం ప్రభాకర్  తెలిపారు. నియోజకవర్గంలో ఇందిరమ్మ ఇళ్ల కోసం అర్హుల నుంచి డిమాండ్ ఎక్కువగా ఉన్న నేపథ్యంలో,అత్యంత దయనీయ పరిస్థితుల్లో నివసిస్తున్న వారికి ముందుగా న్యాయం చేయాలనే ఉద్దేశంతో ప్రభుత్వం ప్రాధాన్యతా క్రమంలో ఇళ్లను కేటాయిస్తోందని పేర్కొన్నారు.అదేవిధంగా గౌరవెల్లి - గండిపల్లి ప్రాజెక్టు నిర్మాణం కారణంగా ఇళ్లు కోల్పోయి, ఇప్పటివరకు ఎలాంటి ఇల్లు పొందని నిర్వాసితుల్లో భూమి ఉండి, ప్రభుత్వ నిబంధనల ప్రకారం అర్హత కలిగిన వారికి కూడా ఇందిరమ్మ ఇళ్లు మంజూరు చేయాలని నిర్ణయించినట్లు మంత్రి వెల్లడించారు.కొత్తపల్లి నుంచి హుస్నాబాద్ వరకు నిర్మిస్తున్న నాలుగు వరుసల రహదారి విస్తరణలో భాగంగా చిగురుమామిడి, సుందరగిరి తదితర ప్రాంతాల్లో ఇళ్లు కోల్పోయిన అర్హులైన కుటుంబాలకు కూడా ఇందిరమ్మ ఇళ్లు కేటాయించేలా చర్యలు తీసుకుంటామని తెలిపారు.అలాగే హుస్నాబాద్ పట్టణంలోని మల్లెచెట్టు చౌరస్తా నుంచి జనగామ మార్గంలో అక్కన్నపేట మీదుగా రహదారి విస్తరణ తదితర కారణాలతో ఇళ్లు కోల్పోయిన అర్హులైన వారికి సైతం ఇందిరమ్మ ఇళ్లు మంజూరు చేస్తామని మంత్రి పొన్నం ప్రభాకర్ స్పష్టం చేశారు.హుస్నాబాద్ చౌటపల్లి వద్ద ఇండస్ట్రియల్ పార్క్ కోసం  భూములు ఇచ్చిన వారికి అర్హత ఉండి ఇల్లు లేని వారికి కూడా ఇందిరమ్మ ఇల్లు కేటాయించేల చర్యలు తీసుకుంటామని మంత్రి పొన్నం ప్రభాకర్ తెలిపారు.   నిరుపేదలకు సొంతింటి కల నెరవేర్చడమే లక్ష్యం   ఇళ్లు లేని నిరుపేదలకు, గుడిసెల్లో జీవనం సాగిస్తున్న కుటుంబాలకు, వివిధ అభివృద్ధి ప్రాజెక్టులు, రహదారి విస్తరణ కారణంగా నివాసాలను కోల్పోయిన అర్హులైన నిర్వాసితులకు న్యాయం చేయాలన్నదే తమ లక్ష్యమని మంత్రి పేర్కొన్నారు.అర్హుల సంఖ్య ఎక్కువగా ఉన్నప్పటికీ, అత్యంత అవసరంలో ఉన్న కుటుంబాలకు మొదటి ప్రాధాన్యతనిస్తూ, ప్రభుత్వ నిబంధనలకు అనుగుణంగా అర్హులైన ప్రతి ఒక్కరికీ న్యాయం జరిగేలా కృషి చేస్తామని మంత్రి పొన్నం ప్రభాకర్ తెలిపారు.

హుస్నాబాద్ విజన్:ఉమ్మడి కరీంనగర్ జిల్లా హుస్నాబాద్ నియోజకవర్గంలో గ్రామీణ ప్రాంతాల్లో జరిగే శుభకార్యాలు, ఇతర సామూహిక కార్యక్రమాల్లో సింగిల్ యూజ్ ప్లాస్టిక్ వస్తువుల వాడకాన్ని తగ్గించేందుకు ‘స్టీల్ బ్యాంక్’ ఏర్పాటు చేయాలనే రాష్ట్ర రవాణా, బీసీ సంక్షేమ శాఖ మంత్రి, హుస్నాబాద్ ఎమ్మెల్యే  పొన్నం ప్రభాకర్  చొరవను కేంద్ర పర్యావరణ, అటవీ, వాతావరణ మార్పుల శాఖ మంత్రి భూపేందర్ యాదవ్ ప్రస్తావించారు.ఈ మేరకు  కేంద్ర మంత్రి భూపేందర్ యాదవ్ లేఖ రాశారు. గ్రామాల్లో జరిగే శుభకార్యాలు, ఇతర వేడుకల్లో వినియోగించుకునేందుకు స్టెయిన్‌లెస్ స్టీల్ పాత్రల పూర్తి సెట్లతో ‘స్టీల్ బ్యాంక్’ ఏర్పాటు చేయాలనే ఆలోచన ప్లాస్టిక్ వినియోగాన్ని, ప్లాస్టిక్ వ్యర్థాలను క్షేత్రస్థాయిలో తగ్గించేందుకు దోహదపడుతుందని లేఖలో పేర్కొన్నారు.ప్లాస్టిక్ కాలుష్యాన్ని నియంత్రించేందుకు కేంద్ర ప్రభుత్వం పలు చర్యలు చేపడుతోందని కేంద్ర మంత్రి వివరించారు. అధిక కాలుష్యానికి కారణమయ్యే,తక్కువ ఉపయోగం కలిగిన గుర్తించిన సింగిల్ యూజ్ ప్లాస్టిక్ వస్తువులపై నిషేధం, ప్లాస్టిక్ ప్యాకేజింగ్‌పై ఉత్పత్తిదారుల విస్తరించిన బాధ్యత (EPR) అమలు, వస్తువులను తిరిగి వినియోగించడం, పర్యావరణహిత ప్రత్యామ్నాయాలను ప్రోత్సహించడం వంటి చర్యలు ఇందులో భాగమని తెలిపారు.ప్లాస్టిక్‌కు పర్యావరణహిత ప్రత్యామ్నాయాలను ప్రోత్సహించేందుకు కేంద్ర పర్యావరణ, అటవీ, వాతావరణ మార్పుల మంత్రిత్వ శాఖ తయారు చేసిన ‘సింగిల్ యూజ్ ప్లాస్టిక్ వస్తువులకు ప్రత్యామ్నాయాల తయారీదారులు, విక్రేతల సంకలనం’ (Compendium of Manufacturers/Sellers of Eco-alternatives)ను 2025 ప్రపంచ పర్యావరణ దినోత్సవం సందర్భంగా విడుదల చేసినట్లు పేర్కొన్నారు. ఈ సంకలనం కేంద్ర కాలుష్య నియంత్రణ మండలి వెబ్‌సైట్‌లో అందుబాటులో ఉందని తెలిపారు.కేంద్ర, రాష్ట్ర ప్రభుత్వాలు, స్థానిక సంస్థలతో పాటు సమాజంలోని అన్ని వర్గాలు సమన్వయంతో కృషి చేస్తే ఒక్కసారి వినియోగించే ప్లాస్టిక్ వల్ల కలిగే కాలుష్యాన్ని సమర్థవంతంగా, స్థిరమైన పద్ధతుల్లో నియంత్రించవచ్చని కేంద్ర మంత్రి తన లేఖలో అభిప్రాయపడ్డారు.గ్రామీణ స్థాయిలో పర్యావరణ పరిరక్షణకు ‘స్టీల్ బ్యాంక్’ ఒక ఉపయోగకరమైన ఆలోచనగా నిలుస్తుంది. శుభకార్యాల్లో స్టీల్ పాత్రలను తిరిగి వినియోగించడం ద్వారా ప్లాస్టిక్ వ్యర్థాలను తగ్గించాలనే లక్ష్యంతో మంత్రి పొన్నం ప్రభాకర్ గారు చేపట్టిన ఈ చొరవ పర్యావరణహిత జీవన విధానాల ప్రోత్సాహానికి దోహదపడనుంది.

గంభీరావుపేట :గ్రామ పంచాయతీ కార్మికులను పర్మినెంట్ చేయాలి. రెండవ పి ఆర్ సి లో చేర్చాలి. కనీస వేతనం 30,000/- లుగా నిర్ణయించాలి. అని గంభీరావుపేట మండల పారిశుద్ధ కార్మికులు శుక్రవారం ఎంపీ ఓ శ్రీనివాస్ కు వినతి పత్రం సమర్పించారు. ఈ సందర్భంగా పారిశుద్ధ కార్మికులు మాట్లాడుతూ, మల్టీపర్పస్ విధానం రద్దు చేయాలి అని డిమాండ్ చేస్తూ తెలంగాణ గ్రామ పంచాయతీ ఎంప్లాయిస్ & వర్కర్స్ యూనియన్ రాష్ట్ర కమిటీ 2026 అక్టోబర్ 26న చలో హైదరాబాద్ కి పిలుపు ఇచ్చారు. ఈ పిలుపులో భాగస్వామ్యం కావడానికి అనుమతి ఇవ్వాలని.తెలంగాణ రాష్ట్ర వ్యాప్తంగా 56,000 వేలమంది కార్మికులు పని చేస్తున్నారు. కార్మికులకు ఎలాంటి రక్షణ పరికరాలు అందించడం లేదు. నిత్యం మురికి కాలువలలో పని చేస్తున్న కార్మికులకు ఎలాంటి వైద్య సేవలు అందడం లేదు.కాంగ్రెస్ పార్టీ అధికారం చేపట్టగానే గ్రామపంచాయతీ కార్మికుల వేతనాలు పెంచి పర్మినెంట్ చేస్తామని హామీ ఇవ్వడం జరిగింది. మల్టీపర్సస్ విధానం రద్దు చేసి పాత కేటగిరీలు కొనసాగించాలని, కనీస వేతనం 30,000/- చెల్లించాలని, హెల్త్ కార్డులు అందించాలని తదితర డిమాండ్లతో 2026 అక్టోబర్ 26 న చలో హైదరాబాద్ కార్యక్రమంలో పాల్గొంటున్నాం అని తెలిపారు. కావున తమరు అనుమతించాలని కోరుచున్నాం. అక్కల అంజా గౌడ్, బరిగల బిక్షపతి, నాందేడ్ రవి, శనిగరపు నరసింహులు, బుదయ్య, మొలుగూరి ఎల్లవ్వ, ఈరిగి నవీన్, గ్యార కృష్ణ, బరిగెల సాయిలు తో పాటు తదితరులు పాల్గొన్నారు.

మల్యాల, అక్టోబర్ :విజయదశమి పర్వదినాన్ని పురస్కరించుకొని ప్రముఖ పుణ్యక్షేత్రం కొండగట్టు శ్రీ ఆంజనేయ స్వామి వారిని చొప్పదండి ఎమ్మెల్యే మేడిపల్లి సత్యం బుధవారం దర్శించుకుని ప్రత్యేక పూజలు నిర్వహించారు.​ఆలయానికి విచ్చేసిన ప్రజాప్రతినిధులకు ఆలయ అధికారులు (ఈవో), అర్చకులు, వేద పండితులు ఆలయ మర్యాదలతో పూర్ణకుంభంతో ఘన స్వాగతం పలికారు. అనంతరం స్వామివారి సన్నిధిలో ప్రత్యేక పూజలు, అభిషేకాలు నిర్వహించారు. ఈ సందర్భంగా వేద పండితులు వారికి వేదాశీర్వచనం అందించగా, ఆలయ అధికారులు స్వామివారి శేషవస్త్రం కప్పి, తీర్థప్రసాదాలను అందజేశారు.​ఈ సందర్భంగా ఎమ్మెల్యే మాట్లాడుతూ.. నియోజకవర్గ, రాష్ట్ర ప్రజలందరికీ విజయదశమి పండుగ శుభాకాంక్షలు తెలియజేశారు. స్వామివారి కృపాకటాక్షాలతో ప్రజలంతా సుఖసంతోషాలు, ఆయురారోగ్యాలతో వర్ధిల్లాలని వారు ఆకాంక్షించారు.​ఈ కార్యక్రమంలో మండల కాంగ్రెస్ పార్టీ అధ్యక్షులు బత్తిని శ్రీనివాస్ గౌడ్, కరీంనగర్ జిల్లా కాంగ్రెస్ యువజన సంఘం అధ్యక్షులు ముత్యం శంకర్ గౌడ్,   సర్వాపూర్ సర్పంచ్ జంగిల్ హనుమంతు, ఉప సర్పంచ్ కందరి ముత్యంరెడ్డి, గుడి పేట సర్పంచ్ శ్వేతా అంజిరెడ్డి, కాంగ్రెస్ పార్టీ నాయకులు మ్యాక లక్ష్మణ్, సొంత ప్రకాష్ రెడ్డి, ఆలయ సిబ్బంది తదితరులు పెద్ద సంఖ్యలో పాల్గొన్నారు.

గంభీరావుపేట : గంభీరావుపేట మండలంలో అక్రమంగా నిల్వ ఉంచిన గోవా మద్యాన్ని ఎక్సైజ్ అధికారులు  స్వాధీనం చేసుకుని, ఒక వ్యక్తిని అరెస్టు చేశారు.ఎల్లారెడ్డిపేట ఎక్సైజ్ ఇన్‌స్పెక్టర్ విజేందర్ అందించిన వివరాల ప్రకారం, డిసి ఆదేశాల మేరకు మరియు ఎసి పర్యవేక్షణలో, స్పెషల్ డ్రైవ్ యాక్షన్ ప్లాన్‌లో భాగంగా, గంభీరావుపేట మండలంలోని లక్ష్మీపూర్, గోరింటాకు, లింగన్నపేట, సముద్ర లింగాపూర్ మరియు గజసింగవరం గ్రామాలలో సోమవారం విస్తృతమైన సోదాలు నిర్వహించారు.ఈ తనిఖీల సందర్భంగా, గోరింటాల కు గ్రామానికి చెందిన కుమ్మరి నాగరాజు వద్ద ఎలాంటి అనుమతి పత్రాలు లేకుండా అక్రమంగా నిల్వ ఉంచిన 750 ఎంఎల్ సామర్థ్యం గల 15 బాటిళ్ల గోవా నాన్-డ్యూటీ పెయిడ్ లిక్కర్ (ఎన్‌డిపిఎల్)ను అధికారులు గుర్తించి స్వాధీనం చేసుకున్నారు. నిందితుడిపై కేసు నమోదు చేసి అరెస్టు చేసినట్లు ఎక్సైజ్ సిఐ తెలిపారు.ఈ దాడుల్లో ఎక్సైజ్ ఇన్‌స్పెక్టర్‌తో పాటు హెడ్ కానిస్టేబుల్ మోహిస్, కానిస్టేబుళ్లు సిద్ది రాములు, కరుణాకర్, కృషిధర్, వర్ష తదితరులు పాల్గొన్నారు.

వేములవాడ: రైతులకు సాగునీరు అందించడంలో, పంటలను కాపాడేందుకు నాణ్యమైన విద్యుత్ సరఫరా చేయడంలో కాంగ్రెస్ ప్రభుత్వం విఫలమైందని బీఆర్ఎస్ వేములవాడ నియోజకవర్గ ఇన్‌చార్జి చల్మెడ లక్ష్మీ నరసింహారావు విమర్శించారు. విద్యుత్ కోతలను నిరసిస్తూ వేములవాడ-చెక్కపల్లి రహదారిలోని సబ్‌స్టేషన్ వద్ద బీఆర్ఎస్ నాయకులు ధర్నా నిర్వహించారు. ఈ సందర్భంగా చల్మెడ మాట్లాడుతూ, రుద్రంగి, కోనరావుపేట తదితర మండలాల్లో విద్యుత్ కోతలతో రైతులు సాగునీరు అందించలేక ఇబ్బందులు పడుతున్నారని తెలిపారు. పంటలు చేతికొచ్చే సమయంలో కరెంటు కోతలు విధిస్తే తీవ్రంగా నష్టపోతారని ఆవేదన వ్యక్తం చేశారు. ఎల్‌నినో ప్రభావం తెలిసినా ముందస్తు ప్రణాళిక లేకుండా రైతులను ఇబ్బందులకు గురిచేయడం సిగ్గుచేటని మండిపడ్డారు.కాళేశ్వరం జలాలను సమర్థంగా వినియోగించుకుని సాగునీరు అందించడంలో ప్రభుత్వం నిర్లక్ష్యం వహిస్తోందని ఆరోపించారు. విద్యుత్ ఉత్పత్తి, బొగ్గు నిల్వలు, సరఫరాపై ప్రభుత్వం స్పష్టత ఇవ్వాలని డిమాండ్ చేశారు.సొంత ఊరిలో రైతుల పంటలు ఎండిపోతున్నా ఎమ్మెల్యే ఆది శ్రీనివాస్ ఎందుకు స్పందించడం లేదని చల్మెడ ప్రశ్నించారు. రైతులకు బోనస్ ప్రకటించడం కంటే ముందుగా పంటలు చేతికొచ్చేలా సాగునీరు, విద్యుత్ అందించాలని సూచించారు.రైతులకు 24 గంటల నాణ్యమైన ఉచిత విద్యుత్ అందించి, కోతలను తక్షణమే నిలిపివేయాలని బీఆర్ఎస్ నాయకులు డిమాండ్ చేశారు. సమస్యలు పరిష్కరించకపోతే రైతుల పక్షాన ఉద్యమాన్ని మరింత ఉధృతం చేస్తామని చల్మెడ హెచ్చరించారు.

గంభీరావుపేట :గంభీరావుపేట ఎస్ఐ శ్రీకాంత్ థర్డ్ డిగ్రీ చేసినట్లు వచ్చిన ఆరోపణల నేపథ్యంలో ఎస్ఐ శ్రీకాంత్ ను ఏఆర్ హెడ్ క్వార్టర్స్ కి అటాచ్ చేయడం జరిగిందని, ఈవిషయానికి సంబంధించి విచారణ నిమిత్తం వేములవాడ డీఎస్పీ ని విచారణ అధికారిగా నియమించామని జిల్లా ఎస్పీ మహేష్ బి.గితె ఒక ప్రకటనలో తెలిపారు. గంభీరావుపేట ఎస్.ఐ శ్రీకాంత్ ని లక్ష్యంగా చేసుకొని అసత్య ప్రచారాలు చేస్తూ ఎక్దం పత్రికలో వరుస కథనాలు వచ్చిన నేపథ్యంలో పోతురి శేఖర్, రాతిపల్లి సంపత్ లపై గంభీరావుపేట పోలీస్ స్టేషన్ లో కేసు నమోదు చేయడంజరిగింది.అనంతరం వారిని  అరెస్టు చేసి మంగళవారం రోజున పోలీస్ స్టేషన్ లో థర్డ్ డిగ్రీ ప్రయోగించి రిమాండ్ కి తరలించారని,  ఎస్‌ఐ సిహెచ్. శ్రీకాంత్‌ పై వచ్చిన ఆరోపణల నేపథ్యంలో విచారణ అధికారిగా వేములవాడ డిఎస్పీ శ్రీనివాసులు ను నియమించడం జరిగిందని, జిల్లా ఎస్పీ మహేష్ బి గీతే తెలిపారు.ఈనేపథ్యంలో ఎస్‌ఐ ను తక్షణమే ఏఆర్ హెడ్‌క్వార్టర్స్‌కు అటాచ్ చేయడంజరిగిందని,విచారణ అధికారి సమర్పించే తుది నివేదిక ఆధారంగా తదుపరి చర్యలు తీసుకుంటామని, విచారణలో ఏ అధికారి తప్పు చేసినట్లు తేలినా శాఖాపరమైన చర్యలు తప్పవని జిల్లా ఎస్పీ  స్పష్టం చేశారు.

వేములవాడ :వేములవాడలో ఘనంగా సద్దుల బతుకమ్మ సంబరాలుఊరేగింపులో పాల్గొన్న ప్రభుత్వ విప్ ఆది శ్రీనివాస్, మున్సిపల్ చైర్‌పర్సన్ పుల్కం రాజువేములవాడ: పట్టణంలో సద్దుల బతుకమ్మ సందర్భంగా మున్సిపల్ కార్యాలయం నుంచి మూలవాగు బతుకమ్మ ఘాట్‌ వరకు దుర్గామాతను ఊరేగింపుగా తీసుకెళ్లారు. ఈ కార్యక్రమంలో వేములవాడ ఎమ్మెల్యే, ప్రభుత్వ విప్ ఆది శ్రీనివాస్, మున్సిపల్ చైర్‌పర్సన్ పుల్కం రాజు, పట్టణ కౌన్సిలర్లు పాల్గొన్నారు. బీజేపీ నాయకులు ప్రతాప రామకృష్ణ, కుమ్మరి శంకర్ తదితరులు కార్యక్రమంలో పాల్గొన్నారు

మెట్‌పల్లి డివిజన్ :విజయదశమి పండుగను పురస్కరించుకొని మెట్‌పల్లి పట్టణంలోని 14వ వార్డు కౌన్సిలర్ ధోనీకేల శిరీష, బీజేపీ మెట్‌పల్లి పట్టణ అధ్యక్షుడు నవీన్ దంపతులు తమ వార్డులో విధులు నిర్వహిస్తున్న మున్సిపల్ పారిశుద్ధ్య కార్మికులకు నూతన వస్త్రాలను అందజేశారు. పండుగ వేళ కార్మికులను గౌరవిస్తూ వారికి వస్త్రాలు పంపిణీ చేయడం పట్ల పలువురు హర్షం వ్యక్తం చేశారు.ఈ సందర్భంగా కౌన్సిలర్ దంపతులు మాట్లాడుతూ పారిశుద్ధ్య కార్మికులను గౌరవించుకోవడం ప్రతి ఒక్కరి బాధ్యత అని అన్నారు. పట్టణాన్ని నిరంతరం పరిశుభ్రంగా ఉంచడంలో పారిశుద్ధ్య కార్మికుల పాత్ర ఎంతో కీలకమని, ఎండా, వానా అనే తేడా లేకుండా వారు అందిస్తున్న సేవలు అభినందనీయమని పేర్కొన్నారు. ప్రజారోగ్య పరిరక్షణలో పారిశుద్ధ్య కార్మికుల కృషి ఎంతో గొప్పదని, వారి సేవలను గుర్తించి ప్రోత్సహించడం సమాజంలోని ప్రతి ఒక్కరి బాధ్యత అని తెలిపారు. పండుగలను అందరితో కలిసి సంతోషంగా జరుపుకోవాలనే ఉద్దేశంతో కార్మికులకు నూతన వస్త్రాలు అందించినట్లు పేర్కొన్నారు.ఈ కార్యక్రమంలో వార్డులో పారిశుద్ధ్య విధులు నిర్వహిస్తున్న గంగారం, లక్ష్మి, నిజాముద్దీన్, రమేష్ తదితర కార్మికులకు నూతన వస్త్రాలను అందజేశారు

 గంభీరావుపేట : గంభీరావుపేట పోలీస్ స్టేషన్ పరిధిలో రిపోర్ట్  అయిన   కేసు  విషయంలో పోలీసుల ఇన్విస్టిగేషన్ కు సహకరించకుండా అడిగిన సమాచారం ఇవ్వకుండ గంభీరావుపేట ఎస్సై పైన ఇతర పోలీసుల పైన అసత్య ప్రచారం చేస్తూ వ్యక్తిగతంగా కించపరుస్తూ వరుస కథనాలు రాస్తూ  పోలీస్ ఇన్విస్టిగేషన్  ను తప్పుదారి పట్టించేటట్టు చేసిన ఏగ్ధం   న్యూస్ పత్రిక ఎడిటర్ మరియు నిర్వహకులైన పోతూరి శేఖర్  తండ్రి స్వామి  నూకల మర్రి  ప్రస్తుతం   కరీంనగర్   మరియు రాతిపల్లి సంపత్ తండ్రి ఆశన్న మంచిర్యాల  ప్రస్తుతం కరీంనగర్ లపై  కేసు నమోదు చేసి  మంగళవారం  కరీంనగర్ లో అరెస్ట్ చేసి రిమాండ్ నిమిత్తం కోర్టుకు తరలించనైనది ఈ సందర్భంగా వార్తలు  రాసేటప్పుడు పూర్వాపరాలు తెలుసుకోకుండా వ్యక్తిగత మరియు    అసత్య ప్రసారాలు రాసిన మరియు సోషల్ మీడియాలో అసత్య  ప్రచారం చేసిన చట్టరీత్యా  కఠిన  చర్యలు తీసుకోబడును బడతాయని, ఎల్లారెడ్డిపేట సీఐ ఓ వెంకటేష్, ఎస్సై సిహెచ్. వెంకటేష్ లు తెలిపారు.

మూడో విడత ప్రక్రియపై స్పష్టత కరవు..  కరీంనగర్ జిల్లాలో జర్నలిస్టుల ఆవేదన..  కమిటీ సమావేశం కోసం ఎదురుచూపులు

 రైతులకు అండగా భారత రాష్ట్ర సమితి పార్టీ..  రాబోయే రోజుల్లో కేసీఆర్ నాయకత్వంలో సిద్దాపూర్ రిజర్వాయర్ పూర్తిచేసి రైతులను ఆదుకోవడం జరుగుతుందని అన్నారు..  సిద్దాపూర్, చింతల్ పేట్ గ్రామంలో సుమారు 200 ఎకరాలు వరి పంట ఎండిపోవడంతో ఆవేదనకు గురయ్యారు..