గంభీరావుపేటమండలంలోని లింగన్నపేట గ్రామంలో శ్రీ వెంకటేశ్వర స్వామి రథోత్సవం మంగళవారం అంగరంగ వైభవంగా తొమ్మిది రోజులు బ్రహ్మోత్సవాల్లో భాగంగా శ్రీ హరి హర దేవాలయం నుండి శ్రీ వెంకటేశ్వర స్వామిని రథం పైన పురవీధుల గుండా ఊరేగించారు. రథోత్సవం ముందు కోలాటాలు నిర్వహించారు. వివిధ జిల్లాల నుండి భక్తులు పెద్ద ఎత్తున పాల్గొని స్వామివారి రథోత్సవంలో పాల్గొని మహిళలు పెద్ద ఎత్తున మంగళ హారతులు, కట్న కానుకలు సమర్పించి, స్వామివారిని దర్శించుకుని తీర్థప్రసాద స్వీకరించారు. ప్రభుత్వ విప్ వేములవాడ ఎమ్మెల్యే ఆది శ్రీనివాస్ రథోత్సవం లో పాల్గొని స్వామివారినీ  దర్శించుకొని మొక్కులు సమర్పించుకున్నారు. ఆలయ కమిటీ చైర్మన్ పాపారావు, వేద పండితులు రాధాకృష్ణశర్మ ప్రభుత్వ విప్ వేములవాడ ఎమ్మెల్యే ఆది శ్రీనివాస్ ను శాలువా కప్పి ఘనంగా సన్మానించారు.భక్తులకు ఎలాంటి అసౌకర్యాలు కలగకుండా ఆలయ కమిటీ దగ్గరుండి ఏర్పాట్లు చేశారు. రథోత్సవంలో మార్కెట్ కమిటీ చైర్మన్ హమీద్, వైస్ చైర్మన్ మేడ భాస్కర్ తో పాటు పలువు నాయకులు పాల్గొన్నారు.

పోలీస్ అమరవీరుల సంస్మరణ వారోత్సవాల్లో భాగంగా రాజన్న సిరిసిల్ల జిల్లా పోలీస్ శాఖ ఆధ్వర్యంలో మంగళవారం వేములవాడలోని మహా లింగేశ్వర్ ఫంక్షన్ హాల్‌లో నిర్వహించిన మెగా రక్తదాన శిబిరానికి విశేష స్పందన లభించింది. ప్రభుత్వ విప్, వేములవాడ ఎమ్మెల్యే ఆది శ్రీనివాస్, జిల్లా ఎస్పీ మహేష్ బి. గితే కలిసి శిబిరాన్ని ప్రారంభించారు. పోలీస్ అధికారులు, సిబ్బంది, యువత, ప్రజాప్రతినిధులు, మీడియా ప్రతినిధులు సహా సుమారు 400 మంది స్వచ్ఛందంగా రక్తదానం చేసి మానవతా దృక్పథాన్ని చాటుకున్నారు. రక్తదానం.. మరొకరికి పునర్జన్మ ఈ సందర్భంగా ప్రభుత్వ విప్ ఆది శ్రీనివాస్ మాట్లాడుతూ, ఆపదలో ఉన్నవారికి రక్తదానం చేయడం ప్రాణదానంతో సమానమని అన్నారు. ప్రతి ఒక్కరూ స్వచ్ఛందంగా రక్తదానం చేసేందుకు ముందుకు రావాలని పిలుపునిచ్చారు. దేశ రక్షణ, అంతర్గత భద్రత, శాంతిభద్రతల పరిరక్షణ కోసం ప్రాణత్యాగం చేసిన పోలీస్ అమరవీరుల సేవలు సమాజానికి స్ఫూర్తిదాయకమని పేర్కొన్నారు.శాంతిభద్రతల పరిరక్షణతో పాటు సామాజిక సేవలోనూ పోలీస్ శాఖ కీలక పాత్ర పోషిస్తోందన్నారు. ఫ్రెండ్లీ పోలీసింగ్ ద్వారా ప్రజలకు భరోసా కల్పిస్తున్నామని, ప్రజలతో మమేకమై వారి సమస్యల పరిష్కారానికి కృషి చేస్తున్నామని తెలిపారు. అయితే ఫ్రెండ్లీ పోలీసింగ్ ప్రజల కోసమేనని, నేరాలకు పాల్పడేవారిపై చట్టప్రకారం కఠిన చర్యలు తీసుకుంటామని స్పష్టం చేశారు.'అరైవ్ అలైవ్' కార్యక్రమం ద్వారా రోడ్డు భద్రతపై అవగాహన కల్పించడంతో పాటు, మత్తు పదార్థాల దుష్ప్రభావాలపై యువతలో చైతన్యం తీసుకొస్తున్నట్లు తెలిపారు. ఇతరులకు సేవ చేసే మనస్తత్వాన్ని ప్రతి ఒక్కరూ అలవర్చుకోవాలని, రక్తదానం వంటి సేవా కార్యక్రమాల్లో యువత భాగస్వాములు కావాలని కోరారు. రక్తదానం ఎంతో విలువైన సామాజిక సేవ: ఎస్పీ జిల్లా ఎస్పీ మహేష్ బి. గితే మాట్లాడుతూ, పోలీస్ అమరవీరుల త్యాగాలను స్మరించుకుంటూ అక్టోబర్ 21 నుంచి సంస్మరణ కార్యక్రమాలు నిర్వహిస్తున్నట్లు తెలిపారు. ఇందులో భాగంగానే వేములవాడలో రక్తదాన శిబిరాన్ని ఏర్పాటు చేసినట్లు పేర్కొన్నారు. అత్యవసర పరిస్థితుల్లో రక్తం అందక ఎవరి ప్రాణాలూ ప్రమాదంలో పడకుండా స్వచ్ఛంద రక్తదాతలు ముందుకు రావాలని సూచించారు. ఆరోగ్యవంతులైన ప్రతి ఒక్కరూ రక్తదానంపై అవగాహన పెంపొందించుకుని, ఆపదలో ఉన్నవారికి ప్రాణదాతలుగా నిలవాలని పిలుపునిచ్చారు.కార్యక్రమంలో డీఎస్పీలు శ్రీనివాసులు, నాగేంద్రచారి, వెంకటేశ్వర్లు, మున్సిపల్ చైర్మన్ రాజు, వైస్ చైర్మన్ శేఖర్, సీఐలు వీరప్రసాద్, శ్రీనివాస్, రవీందర్, రవి, నాగేశ్వరరావు, ఆర్‌ఐలు సురేష్, రమేష్, రెడ్‌క్రాస్ సొసైటీ చైర్మన్ గూడూరి రవీందర్, వేణు కుమార్, పాతురి సంజీవరెడ్డి, శ్రీధర్, డాక్టర్ సంతోష్, ఎస్‌ఐలు, పోలీస్ సిబ్బంది, యువత, ప్రజాప్రతినిధులు, మీడియా ప్రతినిధులు పాల్గొన్నారు.

వేములవాడ, రాజన్న సిరిసిల్ల జిల్లా : పోలీస్ అమరవీరుల సంస్మరణ వారోత్సవాల్లో భాగంగా రాజన్న సిరిసిల్ల జిల్లా వేములవాడలో జిల్లా పోలీస్ శాఖ ఆధ్వర్యంలో రక్తదాన శిబిరాన్ని నిర్వహించారు. జిల్లా ఎస్పీ మహేష్ బి. గితే ఆధ్వర్యంలో నిర్వహించిన ఈ కార్యక్రమానికి ప్రభుత్వ విప్, వేములవాడ ఎమ్మెల్యే ఆది శ్రీనివాస్ ముఖ్య అతిథిగా హాజరయ్యారు. ఈ సందర్భంగా పోలీస్ సిబ్బంది, మీడియా ప్రతినిధులు, పట్టణ ప్రజలు పెద్ద సంఖ్యలో పాల్గొని రక్తదానం చేశారు. ఆపదలో ఉన్నవారి ప్రాణాలను కాపాడేందుకు రక్తదానం ఎంతగానో దోహదపడుతుందని, ప్రతి ఒక్కరూ సామాజిక బాధ్యతగా రక్తదానానికి ముందుకు రావాలని కార్యక్రమ నిర్వాహకులు పిలుపునిచ్చారు. పోలీస్ అమరవీరుల త్యాగాలను స్మరించుకుంటూ, సేవాభావంతో నిర్వహించిన ఈ కార్యక్రమం సమాజంలో రక్తదానంపై అవగాహన పెంపొందించేందుకు దోహదపడింది.

గంభీరావుపేట మండల వ్యవసాయ మార్కెట్ కమిటీ పాలకవర్గాన్ని  ప్రభుత్వం సోమవారం ఉత్తర్వులు జారీ చేసింది. మార్కెట్ కమిటీ  చైర్మన్ మహ్మద్ హమీద్, వైస్ ఛైర్మ న్ మేడ భాస్కర్, డైరెక్టర్లుగా గ్యాద శ్రీజ, బిచ్చాల సతీష్, భూక్య మురళి, ఎర్ర వేణుగోపాల్, పెద్దవేని రాజ మల్లయ్య, పుల్లూరి సంతోష్, రఘువీరప్రసాద్, గాడిచెర్ల శ్రీనివాస్, అల్లెపు రాము, లక్కిరెడ్డి మధుసూదన్ రెడ్డి, నాగపురి రమేష్ గౌడ్ లను నియమించారు. ఇట్టి నియమానికి సహకరించిన ప్రభుత్వ విప్ వేములవాడ ఎమ్మెల్యే శ్రీనివాస్, నియోజకవర్గ ఇన్చార్జ్ కేకే మహేందర్ రెడ్డి మరియు కాంగ్రెస్ పార్టీ అధిష్టానానికి పాలకవర్గ సభ్యులు కృతజ్ఞతలు తెలిపారు. నియామకమైన పాలకవర్గానికి కాంగ్రెస్ పార్టీ నాయకులు పలువురు గ్రామస్తులు శుభాకాంక్షలు తెలిపారు.

తెలంగాణ ఫోక్ ఇండస్ట్రీ ఆధ్వర్యంలో ఉమ్మడి మహబూబ్‌నగర్ జిల్లా కవులు, కళాకారులు, రచయితల సమావేశం ఆదివారం బిజినపల్లి మండల కేంద్రంలోని ఆర్‌.ఆర్‌. ఫంక్షన్‌ హాల్‌లో ఘనంగా నిర్వహించారు. ఈ సభలో జానపద కళాకారుల సంక్షేమం, కళలకు గుర్తింపు, ఉపాధి అవకాశాలు, ఆరోగ్య కార్డులు, ప్రమాద బీమా వంటి అంశాలపై ప్రముఖంగా చర్చించారు. కళాకారుల సంక్షేమమే లక్ష్యంసభను ఉద్దేశించి పలువురు ప్రముఖులు మాట్లాడుతూ జానపద కళాకారుల అభ్యున్నతికి తెలంగాణ ఫోక్ ఇండస్ట్రీ కృషి చేయాలని పిలుపునిచ్చారు. కళాకారుల ప్రతిభకు తగిన గుర్తింపు లభించడంతో పాటు వారి కుటుంబాలకు ఆర్థిక భరోసా కల్పించేందుకు సంఘం కృషి చేయాలని అన్నారు. కళాకారులందరూ ఐక్యంగా ఉంటూ సంఘాన్ని బలోపేతం చేసుకోవాలని సూచించారు. సభ్యత్వంతో సంక్షేమ సదుపాయాలుతెలంగాణ ఫోక్ ఇండస్ట్రీలో శాశ్వత సభ్యత్వానికి రూ.5,000, సాధారణ సభ్యత్వానికి రూ.3,000గా నిర్ణయించినట్లు సమావేశంలో వివరించారు. సభ్యత్వం పొందిన కళాకారులకు గుర్తింపు కార్డులు, ఆరోగ్య కార్డులు, ప్రమాద బీమా వంటి సదుపాయాలు అందేలా కృషి చేయనున్నట్లు తెలిపారు. నవంబర్ 3న సిరిసిల్లలో నిర్వహించనున్న తెలంగాణ ఫోక్ ఇండస్ట్రీ ఆవిర్భావ సభలో కళాకారులు పెద్ద సంఖ్యలో పాల్గొనాలని పిలుపునిచ్చారు.ఈ సమావేశంలో కోదాడ శీను, గజ్వేల్ వేణు, ఎద్దుల జంగిరెడ్డి, సంతోష్, జయప్రకాష్, పిట్టలదొర భాస్కర్, డప్పు స్వామి, రవిశంకర్, ఎల్లారెడ్డి, పాము నాగులు, కంచరపల్లి రాజు, బండారి కురుమయ్య, శంకర శ్రీనివాసులు, కొడిదల శ్రవణ్ కుమార్, డి. కృష్ణయ్య, డప్పు లక్ష్మణ్, డప్పు నరసింహ, ఎగిరే బాలు, డాన్సర్ ప్రభాకర్, డప్పు రవి, కాశీదాస్, బోనాస్ రాజు, డప్పు మహేష్ తదితర ఉమ్మడి మహబూబ్‌నగర్ జిల్లా కవులు, కళాకారులు, రచయితలు పాల్గొన్నారు. పు కార్డులు, ఆరోగ్య కార్డులు, ప్రమాద బీమాపై కీలక చర్చ

గంభీరావుపేట మండల పరిషత్ కార్యాలయంలో మండల ప్రత్యేక అధికారి హనుమంతు నాయక్ అధ్యక్షతన శనివారం మండల స్థాయి సర్పంచుల సమావేశం నిర్వహించారు. ఈ సందర్భంగా పలువురు మాట్లాడుతూ,  గ్రామాల వారీగా చేపట్టాల్సిన అభివృద్ధి పనులను సర్పంచులు వే గవంతంగా పూర్తి చేయాలని కోరారు. మండలంలోని ప్రతి గ్రామంలో మంచినీటిని వృధా చేయకుండా పొదుపుగా వాడుకోవాలని రానున్న జూలై నెల వరకు మనకు నీటి ఎద్దడి ఉండదని కానీ పొదుపుగా వాడుకోవాలని మన మండలంలో వర్షపాతం తక్కువగా నమోదయిందని ఎగువన కురిసిన వర్షాలకు మండలంలోని మానేరు డ్యాం మరియు చెరువులు నిండుకుండలా ఉన్నాయని అన్నారు. వరి కోతలైనాక ధాన్యాన్ని కల్లాల్లోనే ఆరబెట్టి కొనుగోలు సెంటర్కు తీసుకురావాలని కోరారు. పర్మిషన్ లేకుండా ఎవరు బోర్లు వేసుకో రాదని ఎవరైనా వేసినచో తమ దృష్టికి వస్తే కేసులు నమోదు చేస్తామని తెలిపారు.సమావేశంలో పలువురు సర్పంచులు తమ గ్రామాల్లో విద్యుత్ తీగలు ప్రమాదకరంగా వేలాడుతున్నాయని అధికారుల దృష్టికి తీసు కువచ్చి, వాటి నివారణకు తక్షణ చర్యలు చేపట్టాలని కోరారు. అలాగే ఎల్ నినో ప్రభావంతో రానున్న కాలంలో వర్షాభావం, నీటి కొరత ఏర్పడే అవకాశాలున్న నేపథ్యంలో ప్రతి నీటి బొట్టును ఆదా చేయాలని, నీ టి సంరక్షణపై ప్రత్యేక దృష్టి సారించాలని అభిప్రాయపడ్డారు. మిషన్ భగీరథ ద్వారా ప్రతి గ్రామానికి తాగునీరు నిరంతరాయంగా అందేలా అధికారులు సమన్వయంతో పనిచేయాలని సర్పంచులు విజ్ఞప్తి చేశా రు. ఈ సమావేశంలో ఎంపీడీవో రాజేందర్, తహసిల్దార్ మారుతి రెడ్డి, ప్రాథమిక సహకార సంఘం చైర్మన్ వేషాల వెంకటి,ఎంపీఓ శ్రీనివాస్, ఏపీవో అరుణ, హౌసింగ్ ఏఈ భవ్యతో పాటు పీఆర్, ఆర్డ బ్ల్యూఎస్, గ్రిడ్, సెస్ శాఖల అధికారులు వేణు, భరత్, ప్రేమ్ సాగర్, ఆనంద్ కుమార్, మండలంలోని వివిధ గ్రామాల సర్పంచులు, సర్పంచ్ల ఫోరం మండల అధ్యక్షుడు నాగపురి బాలరాజు గౌడ్, మల్లు గారి పద్మ నరస గౌడ్, ఉమా రెడ్డి విమల శంకర్ రెడ్డి, కమ్మరి గంగ సాయవ్వ రాజారం, చంద్రశేఖర్ రెడ్డి, పంచా యతీ కార్యదర్శులు, మండల పరిషత్ సిబ్బంది పాల్గొన్నారు.

రాజన్న సిరిసిల్ల జిల్లా, శాంతిభద్రతల పరిరక్షణలో ప్రాణాలను సైతం త్యాగం చేసిన పోలీస్ అమరవీరుల త్యాగాలు ప్రతి ఒక్కరికీ స్ఫూర్తిదాయకమని జిల్లా ఎస్పీ మహేష్ బి. గితే పేర్కొన్నారు. పోలీస్ అమరవీరుల సంస్మరణ దినం సందర్భంగా చందుర్తి మండలం లింగంపేట గ్రామ శివారులోని అమరవీరుల స్తూపం వద్ద మంగళవారం నిర్వహించిన కార్యక్రమంలో ఆయన పాల్గొని అమరులకు పుష్పాంజలి ఘటించి నివాళులర్పించారు.ఈ సందర్భంగా సాయుధ పోలీసులు శోక్ శస్త్ర్ నిర్వహించగా, పోలీస్ అధికారులు, సిబ్బంది, అమరవీరుల కుటుంబ సభ్యులు రెండు నిమిషాలు మౌనం పాటించారు. గత ఏడాది నుంచి ఇప్పటివరకు విధి నిర్వహణలో ప్రాణాలు కోల్పోయిన 154 మంది పోలీస్ అమరవీరుల పేర్లను చదివి వినిపించారు.అమరుల త్యాగాలతోనే మెరుగైన భద్రతఈ సందర్భంగా ఎస్పీ మాట్లాడుతూ.. విధి నిర్వహణలో ఎన్నో సవాళ్లను ఎదుర్కొంటూ ప్రజల రక్షణ కోసం ప్రాణత్యాగం చేసిన పోలీసుల సేవలు చిరస్మరణీయమని అన్నారు. అమరవీరులు ప్రజల గుండెల్లో ఎప్పటికీ నిలిచిపోతారని పేర్కొన్నారు. జిల్లాలో అంతర్గత భద్రత విధుల్లో ఎనిమిది మందికి పైగా పోలీసులు ప్రాణాలు కోల్పోయారని, వారి త్యాగాల ఫలితంగా ప్రస్తుతం పరిస్థితులు గతంతో పోలిస్తే మెరుగుపడ్డాయని తెలిపారు.అమరవీరుల త్యాగాలను స్మరించుకోవడం ప్రతి ఒక్కరి బాధ్యతని, వారి స్ఫూర్తితో పోలీస్ శాఖ ప్రజల భద్రత, శాంతిభద్రతల పరిరక్షణకు నిరంతరం కృషి చేస్తోందని వివరించారు.అక్టోబర్ 21నే ఎందుకు?1959 అక్టోబర్ 21న లడఖ్‌లోని హాట్ స్ప్రింగ్స్ ప్రాంతంలో చైనా సైనికుల దాడిలో ప్రాణాలు కోల్పోయిన పోలీసు సిబ్బంది త్యాగాలకు గుర్తుగా ప్రతి ఏడాది అక్టోబర్ 21న పోలీస్ అమరవీరుల సంస్మరణ దినాన్ని నిర్వహిస్తున్నట్లు ఎస్పీ తెలిపారు.అమరవీరుల కుటుంబాలకు భరోసాకార్యక్రమానికి హాజరైన అమరవీరుల కుటుంబ సభ్యులతో ఎస్పీ ప్రత్యేకంగా మాట్లాడి వారి కుటుంబ పరిస్థితులు, సమస్యలను అడిగి తెలుసుకున్నారు. వారు తెలిపిన సమస్యలను సాధ్యమైనంత త్వరగా పరిష్కరించేందుకు కృషి చేస్తామని హామీ ఇచ్చారు. అనంతరం కుటుంబ సభ్యులకు జ్ఞాపికలను అందజేశారు.అక్టోబర్ 31 వరకు ప్రత్యేక కార్యక్రమాలుపోలీస్ అమరవీరుల సేవలు, త్యాగాలను ప్రజలకు గుర్తుచేసేలా అక్టోబర్ 31 వరకు పోలీస్ శాఖ ఆధ్వర్యంలో రక్తదాన శిబిరాలు, సైకిల్ ర్యాలీ, క్యాండిల్ ర్యాలీ, రన్, ఓపెన్ హౌస్, వ్యాసరచన పోటీలు, ఫొటో, వీడియో పోటీలు నిర్వహించనున్నట్లు ఎస్పీ వెల్లడించారు.ఈ కార్యక్రమంలో డీఎస్పీలు నాగేంద్రచారి, శ్రీనివాస్, వెంకటేశ్వర్లు, సీఐలు, ఆర్‌ఐలు, ఎస్‌ఐలు, ఆర్‌ఎస్‌ఐలు, పోలీస్ సిబ్బంది, అమరవీరుల కుటుంబ సభ్యులు పాల్గొన్నారు.

రాజన్న సిరిసిల్ల జిల్లా,శాంతిభద్రతల పరిరక్షణలో ప్రాణాలను సైతం త్యాగం చేసిన పోలీస్ అమరవీరుల త్యాగాలు ప్రతి ఒక్కరికీ స్ఫూర్తిదాయకమని జిల్లా ఎస్పీ మహేష్ బి. గితే పేర్కొన్నారు. పోలీస్ అమరవీరుల సంస్మరణ దినం సందర్భంగా చందుర్తి మండలం లింగంపేట గ్రామ శివారులోని అమరవీరుల స్తూపం వద్ద మంగళవారం నిర్వహించిన కార్యక్రమంలో ఆయన పాల్గొని అమరులకు పుష్పాంజలి ఘటించి నివాళులర్పించారు.ఈ సందర్భంగా సాయుధ పోలీసులు శోక్ శస్త్ర్ నిర్వహించగా, పోలీస్ అధికారులు, సిబ్బంది, అమరవీరుల కుటుంబ సభ్యులు రెండు నిమిషాలు మౌనం పాటించారు. గత ఏడాది నుంచి ఇప్పటివరకు విధి నిర్వహణలో ప్రాణాలు కోల్పోయిన 154 మంది పోలీస్ అమరవీరుల పేర్లను చదివి వినిపించారు.అమరుల త్యాగాలతోనే మెరుగైన భద్రతఈ సందర్భంగా ఎస్పీ మాట్లాడుతూ.. విధి నిర్వహణలో ఎన్నో సవాళ్లను ఎదుర్కొంటూ ప్రజల రక్షణ కోసం ప్రాణత్యాగం చేసిన పోలీసుల సేవలు చిరస్మరణీయమని అన్నారు. అమరవీరులు ప్రజల గుండెల్లో ఎప్పటికీ నిలిచిపోతారని పేర్కొన్నారు. జిల్లాలో అంతర్గత భద్రత విధుల్లో ఎనిమిది మందికి పైగా పోలీసులు ప్రాణాలు కోల్పోయారని, వారి త్యాగాల ఫలితంగా ప్రస్తుతం పరిస్థితులు గతంతో పోలిస్తే మెరుగుపడ్డాయని తెలిపారు.అమరవీరుల త్యాగాలను స్మరించుకోవడం ప్రతి ఒక్కరి బాధ్యతని, వారి స్ఫూర్తితో పోలీస్ శాఖ ప్రజల భద్రత, శాంతిభద్రతల పరిరక్షణకు నిరంతరం కృషి చేస్తోందని వివరించారు.అక్టోబర్ 21నే ఎందుకు?1959 అక్టోబర్ 21న లడఖ్‌లోని హాట్ స్ప్రింగ్స్ ప్రాంతంలో చైనా సైనికుల దాడిలో ప్రాణాలు కోల్పోయిన పోలీసు సిబ్బంది త్యాగాలకు గుర్తుగా ప్రతి ఏడాది అక్టోబర్ 21న పోలీస్ అమరవీరుల సంస్మరణ దినాన్ని నిర్వహిస్తున్నట్లు ఎస్పీ తెలిపారు.అమరవీరుల కుటుంబాలకు భరోసాకార్యక్రమానికి హాజరైన అమరవీరుల కుటుంబ సభ్యులతో ఎస్పీ ప్రత్యేకంగా మాట్లాడి వారి కుటుంబ పరిస్థితులు, సమస్యలను అడిగి తెలుసుకున్నారు. వారు తెలిపిన సమస్యలను సాధ్యమైనంత త్వరగా పరిష్కరించేందుకు కృషి చేస్తామని హామీ ఇచ్చారు.అనంతరం కుటుంబ సభ్యులకు జ్ఞాపికలను అందజేశారు.అక్టోబర్ 31 వరకు ప్రత్యేక కార్యక్రమాలుపోలీస్ అమరవీరుల సేవలు, త్యాగాలను ప్రజలకు గుర్తుచేసేలా అక్టోబర్ 31 వరకు పోలీస్ శాఖ ఆధ్వర్యంలో రక్తదాన శిబిరాలు, సైకిల్ ర్యాలీ, క్యాండిల్ ర్యాలీ, రన్, ఓపెన్ హౌస్, వ్యాసరచన పోటీలు, ఫొటో, వీడియో పోటీలు నిర్వహించనున్నట్లు ఎస్పీ వెల్లడించారు.ఈ కార్యక్రమంలో డీఎస్పీలు నాగేంద్రచారి, శ్రీనివాస్, వెంకటేశ్వర్లు, సీఐలు, ఆర్‌ఐలు, ఎస్‌ఐలు, ఆర్‌ఎస్‌ఐలు, పోలీస్ సిబ్బంది, అమరవీరుల కుటుంబ సభ్యులు పాల్గొన్నారు.

రాజన్న సిరిసిల్ల, : థర్డ్‌ డిగ్రీ ఆరోపణలపై డీఎస్పీ స్థాయి విచారణతుది నివేదిక ఆధారంగా తదుపరి చర్యలు: ఎస్పీ మహేష్‌ బి. గితేగంభీరావుపేట ఎస్‌ఐ శ్రీకాంత్‌పై వచ్చిన థర్డ్‌ డిగ్రీ ప్రయోగం ఆరోపణల నేపథ్యంలో జిల్లా పోలీస్‌ శాఖ చర్యలు చేపట్టింది. ఎస్‌ఐ శ్రీకాంత్‌ను తక్షణమే ఏఆర్‌ హెడ్‌క్వార్టర్స్‌కు అటాచ్‌ చేసినట్లు జిల్లా ఎస్పీ మహేష్‌ బి. గితే తెలిపారు. ఈ ఘటనపై విచారణకు వేములవాడ డీఎస్పీ ఏ. శ్రీనివాసులును విచారణ అధికారిగా నియమించినట్లు వెల్లడించారు.వివరాల్లోకి వెళ్తే.. ఎస్‌ఐ శ్రీకాంత్‌పై అసత్య ప్రచారాలు చేస్తున్నారనే ఆరోపణలతో 'ఎక్దం' పత్రికకు సంబంధించిన పోతురి శేఖర్‌, రాతిపల్లి సంపత్‌లపై గంభీరావుపేట పోలీస్‌ స్టేషన్‌లో కేసు నమోదు చేసి అరెస్టు చేశారు. అనంతరం అక్టోబర్‌ 13న పోలీస్‌ స్టేషన్‌లో వారిపై థర్డ్‌ డిగ్రీ ప్రయోగించి రిమాండ్‌కు తరలించారనే ఆరోపణలు ఎస్‌ఐపై వచ్చాయి.ఈ నేపథ్యంలో ఆరోపణలపై సమగ్ర విచారణ చేపట్టి, విచారణ అధికారి సమర్పించే తుది నివేదిక ఆధారంగా తదుపరి చర్యలు తీసుకుంటామని ఎస్పీ స్పష్టం చేశారు. విధుల్లో నిర్లక్ష్యం వహించినా, విచారణలో ఎవరైనా తప్పు చేసినట్లు తేలినా సంబంధిత అధికారులపై శాఖాపరమైన చర్యలు తప్పవని హెచ్చరించారు.

రాజన్న సిరిసిల్ల, :ఇద్దరి అరెస్ట్.. 38 మద్యం సీసాలు స్వాధీనంఅక్రమ విక్రయాలపై ఎక్సైజ్ అధికారుల ప్రత్యేక దాడులుఎల్లారెడ్డిపేట మండలంలో అక్రమ మద్యం విక్రయాలపై ఎక్సైజ్ అధికారులు దాడులు నిర్వహించి ఇద్దరిని అరెస్టు చేశారు. గొల్లపల్లి గ్రామంలో అక్రమంగా మద్యం విక్రయిస్తున్న ఆకుల స్వామి గౌడ్, కొండ శ్రీహరి గౌడ్‌లను అదుపులోకి తీసుకుని, వారి వద్ద నుంచి 180 ఎంఎల్ పరిమాణం గల 38 మద్యం సీసాలను స్వాధీనం చేసుకున్నారు. ఈ ఘటనపై రెండు కేసులు నమోదు చేసినట్లు ఎక్సైజ్ సీఐ విజయేందర్ రెండ్ల తెలిపారు.ఉన్నతాధికారుల ఆదేశాల మేరకు గొల్లపల్లి, బొప్పాపూర్, గుండారం, తిమ్మాపూర్, పోతిరెడ్డిపల్లి, హరిదాస్‌నగర్, అగ్రహారం గ్రామాల్లో ప్రత్యేక తనిఖీలు చేపట్టారు. ఈ దాడుల్లో హెడ్ కానిస్టేబుల్ మొహసిన్, కానిస్టేబుళ్లు మహేష్, కృష్ణాధర్, శ్రవణ్ పాల్గొన్నారు. అనుమతులు లేకుండా మద్యం విక్రయిస్తే కఠిన చర్యలు తీసుకుంటామని ఎక్సైజ్ అధికారులు హెచ్చరించారు.

వేములవాడ, : రాజన్న సిరిసిల్ల జిల్లా వేములవాడ రూరల్ తహసీల్దార్ కార్యాలయంపై అవినీతి నిరోధక శాఖ (ఏసీబీ) అధికారులు దాడులు నిర్వహిస్తున్నారు. ల్యాండ్ గిఫ్ట్ డీడీకి సంబంధించి డబ్బులు డిమాండ్ చేసినట్లు వచ్చిన ఆరోపణల నేపథ్యంలో తనిఖీలు చేపట్టినట్లు సమాచారం. ఏసీబీ డీఎస్పీ ఆధ్వర్యంలో కార్యాలయంలో సోదాలు కొనసాగుతున్నాయి

గంభీరావుపేట : గంభీరావుపేట మండల కేంద్రంలో సిరిసిల్ల నియోజకవర్గం ఇంచార్జ్ కేకే మహేందర్ రెడ్డి ఆదేశాల మేరకు సోమవారం కాంగ్రెస్ రాష్ట్ర నాయకులుపార్స్ హనుమాన్లు, కొమిరిశెట్టి తిరుపతి, మాజీ కాంగ్రెస్ మండల అధ్యక్షుడు హమీద్ ఆధ్వర్యంలో కాంగ్రెస్ నాయకులతో కలిసి బైకులతో భారీ బైక్ నిరసన కార్యక్రమం నిర్వహించి, ఎన్నికల వ్యవస్థలో పారదర్శకత, ప్రజాస్వామ్య విలువలు, ప్రతి అర్హత కలిగిన పౌరుడి ఓటు హక్కును కాపాడాలని డిమాండ్ చేశారు.ఈ సందర్భంగా పలువురు కాంగ్రెస్  నాయకులు మాట్లాడుతూ, “ఎన్నికల కమిషనర్ జ్ఞానేశ్ కుమార్‌పై చర్యలు తీసుకునే విషయంలో ప్రధాని నరేంద్ర మోడీ, కేంద్ర హోంమంత్రి అమిత్ షా ఎందుకు అభ్యంతరం వ్యక్తం చేస్తున్నారు? ఆయనను ఎందుకు రక్షిస్తున్నారో ప్రజలకు సమాధానం చెప్పాలి” అని ప్రశ్నించారు. ప్రజాస్వామ్య పరిరక్షణకు పాలకులు ఇకనైనా తమ వైఖరిని మార్చుకోవాలని, ప్రజల మనోభావాలను గౌరవించాలని ప్రార్థించారు. “ప్రజల ఓటు విషయంలో ఇకనైనా కేంద్ర ప్రభుత్వం, ఎన్నికల వ్యవస్థలు ప్రజల పక్షాన నిలబడాలి” అని కోరారు. ఒకరి ఓటు హక్కు ప్రశ్నార్థకమైతే, రేపు మరొకరి హక్కు కూడా ప్రమాదంలో పడే అవకాశం ఉంది. అందుకే ప్రజాస్వామ్యాన్ని, రాజ్యాంగాన్ని, ఓటు హక్కును కాపాడేందుకు కాంగ్రెస్ పార్టీ ప్రజల తరఫున నిరంతరం పోరాడుతుంది” అని తెలిపారు.కేంద్రంలోని బీజేపీ ప్రభుత్వం ఎన్నికల వ్యవస్థపై ప్రజలకు పూర్తి విశ్వాసం కలిగించేలా వ్యవహరించాలని, ఎన్నికల కమిషన్ పనితీరుపై తలెత్తుతున్న ప్రశ్నలకు సమాధానం చెప్పాలని డిమాండ్ చేశారు.ఈ భారీ బైక్ నిరసన కార్యక్రమంలో కాంగ్రెస్ పార్టీ నాయకులు, కార్యకర్తలు, పెద్ద సంఖ్యలో పాల్గొని కేంద్ర ప్రభుత్వ తీరుపై నిరసన వ్యక్తం చేశారు.