సిద్దిపేట జిల్లా : సిద్దిపేట మున్సిపల్ పరిధిలోని సాయి విద్యానగర్ కాలనీ గణేష్ మండపం వద్ద మహిళలు భక్తిశ్రద్ధలతో ఘనంగా కుంకుమార్చన పూజా కార్యక్రమాలు నిర్వహించారు. కాలనీలోని మహిళలంతా ఏకమై విఘ్నేశ్వరుడి సన్నిధిలో ప్రత్యేక పూజలు చేపట్టారు. ఈ సందర్భంగా మహిళలు మాట్లాడుతూ లంబోదరుని కరుణాకటాక్షాలతో ప్రజలందరికీ ఆయురారోగ్యాలు, అష్టైశ్వర్యాలు కలగాలని, అందరి జీవితాల్లో సుఖసంతోషాలు వెల్లివిరియాలని గణపతిని ప్రార్థించినట్లు తెలిపారు. స్వామివారికి మంగళహారతులు పట్టి, నైవేద్యంగా రకరకాల పిండివంటలు, తీపి పదార్థాలు సమర్పించి తమ మొక్కులు తీర్చుకున్నారు. ఈ కార్యక్రమంలో దేవులపల్లి ఐశ్వర్య, పిట్ల సరోజన, శ్రీవాణి, భారతి, రమ్య, కళ్యాణి, అర్చిత, ఉష, జ్యోతి, శైలజ, కాలనీ మహిళలు పాల్గొన్నారు.
.jpeg)
.jpeg)
