విద్యారంగంలో పెద్దపల్లి జిల్లా టాప్.....

ఓదెల : పెద్దపల్లి జిల్లా ఓదెల మండలంలోని ఆదర్శ పాఠశాలలో సోమవారం ప్రభుత్వ పాఠశాలల్లో అల్పాహార కార్యక్రమాన్ని ప్రారంభించడానికి వచ్చిన ప్రభుత్వ విప్,పెద్దపల్లి శాసనసభ్యులు చింతకుంట విజయ రమణారావు కు మండల విద్యాధికారి రమేష్,ఆదర్శ పాఠశాల ప్రిన్సిపల్ శిరీష,పాఠశాల విద్యార్థిని విద్యార్థులు ఘనంగా స్వాగతం పలికారు.హరేరామ కృష్ణ ఫౌండేషన్ ఆధ్వర్యంలో రాష్ట్ర ప్రభుత్వ విప్, పెద్దపల్లి శాసనసభ్యులు చింతకుంట విజయ రమణారావు అల్పాహారాన్ని ప్రారంభించి విద్యార్థులతో కలిసి అల్పాహారం చేశారు.అనంతరం ప్రభుత్వ జూనియర్ కళాశాలను సందర్శించి కళాశాల అధ్యాపకులతో చర్చించి కళాశాల అభివృద్ధికి తోడ్పడుతున్నారు.ఈ సందర్భంగా ప్రభుత్వ విప్ పెద్దపల్లి శాసనసభ్యులు విజయ రమణారావు మాట్లాడుతూ తెలంగాణ రాష్ట్ర ప్రభుత్వం ప్రవేశపెట్టిన అల్పాహారం కార్యక్రమాన్ని విద్యార్థులు సద్వినియోగం చేసుకోవాలన్నారు.గత ప్రభుత్వ హయాంలో పదేళ్లలో విద్యార్థులకు డైట్ ఛార్జీలు పెంచకపోవడంతో విద్యార్థులు తీవ్ర ఇబ్బందులకు గురయ్యారన్నారు. ప్రజా ప్రభుత్వంలో ప్రీ-ప్రైమరీ నుంచి ఇంటర్మీడియట్ వరకు విద్యార్థులందరికీ అల్పాహారం వర్తిస్తుందన్నారు.గత ప్రభుత్వం విద్యా వ్యవస్థను నిర్వీర్యం చేసిందని,ప్రజా ప్రభుత్వం రెండున్నర సంవత్సరాల్లో పెద్దపల్లి నియోజకవర్గంలో 65 కోట్ల రూపాయల తో పలు ప్రభుత్వ పాఠశాలల్లో ప్రహరీ,నూతన తరగతి గదులు,మరుగుదొడ్లు,తదితర అభివృద్ధి పనులు పూర్తి చేశామన్నారు.200 కోట్ల రూపాయలతో ఇంటిగ్రేటెడ్ పాఠశాల నిర్మాణ పనులు జరుగుతున్నాయన్నారు.  మిగిలి ఉన్న పనులను సంవత్సర కాలంలో పూర్తి చేస్తామన్నారు.విద్యారంగంలో పెద్దపల్లి జిల్లా రాష్ట్రంలోనే అగ్రగామిగా నిలవడం గర్వకారణం అన్నారు.ప్రభుత్వం కల్పిస్తున్న సౌకర్యాలను విద్యార్థులు సద్వినియోగం చేసుకోవాలని గ్రామానికి,మండలానికి,జిల్లాకు, రాష్ట్రానికి,తల్లిదండ్రులకు మంచి పేరు తీసుకురావాలని ఉన్నత విద్యావంతులుగా ఎదగాలని కోరారు.ఈ కార్యక్రమంలో మండల విద్యాధికారి రమేష్,స్థానిక సర్పంచ్ సతీష్, ఉపాధ్యాయులు, సింగిల్ విండో చైర్మన్ ఆళ్ళ సుమన్ రెడ్డి,డైరెక్టర్లు,పలు గ్రామాల సర్పంచులు,ప్రజాప్రతినిధులు,మాజీ ప్రజాప్రతినిధులు,కాంగ్రెస్ నాయకులు, కార్యకర్తలు,విద్యార్థులు తదితరులు పాల్గొన్నారు.