జర్నలిస్టుల జాయింట్ యాక్షన్ కమిటీ అధ్యక్షులుగా అబ్బ కరుణాకర్ ముదిరాజ్ ఎన్నిక

నాగర్ కర్నూల్ ,బిజినాపల్లి : నాగర్ కర్నూల్ జిల్లా జర్నలిస్టుల జాయింట్ యాక్షన్ కమిటీఅధ్యక్షులుగా అబ్బ కరుణాకర్ ముదిరాజ్ ఎన్నికయ్యారు. ఈ సందర్భంగా పలువురు జర్నలిస్టు మిత్రులు ఆయనకు శుభాకాంక్షలు తెలిపారు. జర్నలిస్టుల సమస్యలను ప్రభుత్వ దృష్టికి తీసుకెళ్లడంతో పాటు, జర్నలిస్టుల హక్కులు, సంక్షేమం, భద్రత కోసం నిరంతరం కృషి చేయాలని ఆకాంక్షిస్తున్నట్లు తెలిపారు. ప్రజా సమస్యలను వెలుగులోకి తీసుకురావడంలో జర్నలిస్టుల పాత్ర ఎంతో కీలకమైనదని, అదే సమయంలో జర్నలిస్టుల సమస్యల పరిష్కారం కోసం ఐక్యంగా పోరాడా ల్సిన అవసరం ఉందని పేర్కొన్నారు. టీజేఏసీ నాగర్ కర్నూల్ జిల్లా అధ్యక్షుడిగా అబ్బ కరుణాకర్ ముదిరాజ్ గారి నాయకత్వంలో జర్నలిస్టుల ఐక్యత మరింత బలోపేతం కావాలని, జర్నలిస్టుల సంక్షేమం కోసం అనేక కార్యక్రమాలు చేపట్టాలని కోరుకుంటూ శుభాకాంక్షలు తెలియజేశారు.అనంతరం అబ్బ కరుణాకర్ ముదిరాజ్ మాట్లాడుతూ... జర్నలిస్టు సమస్యలను పరిష్కరించి న్యాయం చేస్తానని, తనపై నమ్మకంతో జిల్లా అధ్యక్ష పదవిని కట్టబెట్టిన రాష్ట్ర అధ్యక్షులు కర్ణాకర్ గారికి, రాష్ట్ర ప్రధాన కార్యదర్శి గారికి కృతజ్ఞతలు  తెలిపారు. ప్రతినిత్యం జర్నలిస్టు సమస్యలపై పోరాడుతూ, జర్నలిస్టులకు ప్రభుత్వం నుంచి రావాల్సిన హక్కులను సాధించే వరకు రాష్ట్ర ప్రభుత్వంపై పోరాటం చేస్తానని తెలిపారు.