మల్యాల బిసి హాస్టల్ విద్యార్థుల మృతిపై బిఎస్పి దిగ్భ్రాంతి

బాధ్యులపై చర్యలు తీసుకోవాలి: బిఎస్పి పార్లమెంట్ ఇంచార్జ్ చిర్ర శంకర్

మల్యాల : జగిత్యాల జిల్లా మల్యాల మండల బిసి హాస్టల్‌లో ఇద్దరు విద్యార్థులు మృతి చెందడంపై బిఎస్పి పార్లమెంట్ ఇంచార్జ్ చిర్ర శంకర్ తీవ్ర సంతాపం తెలిపారు. మంగళవారం పార్టీ నాయకులతో కలిసి ఆయన హాస్టల్‌ను సందర్శించి, మృతికి గల కారణాలను అడిగి తెలుసుకున్నారు. ఈ సందర్భంగా చిర్ర శంకర్ మాట్లాడుతూ... ఘటనకు బాధ్యులైన వారిపై కఠిన చర్యలు తీసుకోవాలని డిమాండ్ చేశారు. బాధిత కుటుంబాలకు బిఎస్పి తరఫున సానుభూతి తెలిపారు. చనిపోయిన విద్యార్థుల కుటుంబాలకు ₹25 లక్షల ఎక్స్‌గ్రేషియా ఇవ్వాలి. కుటుంబంలో ఒకరికి ప్రభుత్వ ఉద్యోగం కల్పించాలి. 5 ఎకరాల భూమి, డబుల్ బెడ్‌రూమ్ ఇల్లు మంజూరు చేయాలి. ఈ కార్యక్రమంలో బిఎస్పి సీనియర్ నాయకులు తాళ్ల తిరుపతి, మునుగురి అజయ్, ముప్పారపు రవీందర్, జాలిగాపు చందు తదితరులు పాల్గొన్నారు.

About The Author

Vision Andhra Telugu Daily

నిజాయితీ, నిష్పాక్షికత, విశ్వసనీయత అనే మూడు విలువలను ఆధారంగా చేసుకుని పనిచేస్తున్న వార్తా సంస్థ. సమాజంలో జరుగుతున్న ప్రతి ముఖ్యమైన పరిణామాన్ని వేగంగా, ఖచ్చితంగా, బాధ్యతాయుతంగా పాఠకులకు అందించడం మా ప్రధాన లక్ష్యం.