శాంతి భద్రతల పరిరక్షణకే కార్డెన్ సెర్చ్. 

తాండూరు (వికారాబాద్ జిల్లా) శాంతి భద్రతల పరిరక్షణకే కార్డెన్ సెర్చ్ నిర్వహించడం జరిగిందని తాండూరు డిఎస్పి నర్సింగ్ యాదయ్య పేర్కొన్నారు. జిల్లా ఎస్పీ స్నేహ మెహ్రా ఐపీఎస్ ఆదేశాల మేరకు డిఎస్పీ నేతృత్వంలో తాండూరు పట్టణ సీఐ బి పరమేశ్వర్ గౌడ్ ఆధ్వర్యంలో శనివారం ఉదయం నాలుగు గంటలకు నుండి పట్టణంలోని మాణిక్ నగర్ కాలనీలో గార్డెన్ సెర్చ్ అకస్మిక తనిఖీలు నిర్వహించారు ఈ సందర్భంగా డిఎస్పి నర్సింగ్ యాదయ్య మాట్లాడుతూ కార్డెన్ సెర్చ్ ఆకస్మిక తనిఖీల్లో భాగంగా కాలనీని పూర్తిగా తమ అదుపులోకి తీసుకొని, ప్రతి ఇంటా సోదాలు చేసి, సరైన పత్రాలు లేని వాహనాలు మరియు అనుమానాస్పద వ్యక్తులను గుర్తించినట్లు తెలిపారు. నేరాల నియంత్రణ మరియు అసాంఘిక కార్యకలాపాల అణచివేత, సరైన నంబర్ ప్లేట్లు, ధ్రువపత్రాలు లేని వాహనాల గుర్తింపు మరియు సీజింగ్ ఇలాంటి కార్యక్రమాలు ఈ కార్డెన్ సెర్చ్ లో భాగమన్నారు. ప్రజలలో భద్రతా భావన్ని పెంపొందించడం, అనుమానితులను విచారించడం ఇందులో భాగమన్నారు. ఈ తనిఖీలలో 68 టూవీలర్లు,3 ఆటోలు , 54 మద్యం బాటిల్లు , ఒక గుట్కా ప్యాకెట్ స్వాధీనం చేసుకోవడం జరిగిందన్నారు. గంజాయి, మట్కా, అక్రమ మద్యం, పిడిఎస్ బియ్యం అక్రమ రవాణా వంటి చెడ్డ వ్యతిరేక కార్యకలాపాలను సహించబోమని హెచ్చరించారు. కాలనీ ప్రజలు సీసీ కెమెరాలు ఏర్పాటు చేసుకోవాలని సూచించారు. ఈ తనిఖీలలో తాండూరు సబ్ డివిజన్ పరిధి యాలాల పెద్దముల్, బషీరాబాద్, తాండూర్ రూరల్ సీఐ ప్రవీణ్ కుమార్, పోలీస్ స్టేషన్ల ఎస్సైలు, పోలీసు సిబ్బంది పాల్గొన్నారు.