​హర్ ఘర్ తిరంగా యాత్రను విజయవంతం చేయాలి: బిజెపి నాయకులు

​మల్యాల, :భారతదేశ స్వతంత్ర దినోత్సవ వేడుకలను పురస్కరించుకొని నిర్వహిస్తున్న "హర్ ఘర్ తిరంగా" యాత్రను మల్యాల మండలంలో అత్యంత వైభవంగా, విజయవంతం చేయాలని బిజెపి నాయకులు పిలుపునిచ్చారు. శుక్రవారం మల్యాల మండల కేంద్రంలో బిజెపి మండల అధ్యక్షుడు గాజుల మల్లేశం అధ్యక్షతన ముఖ్య కార్యకర్తల సమావేశం నిర్వహించారు. ​ఈ సమావేశానికి ముఖ్య అతిథిగా హాజరైన ఎస్సీ మోర్చా కరీంనగర్ జిల్లా అధ్యక్షుడు బత్తుల లక్ష్మీనారాయణ మాట్లాడుతూ... ప్రజల్లో జాతీయ భావాన్ని, దేశభక్తిని పెంపొందించేందుకు ఉద్దేశించిన 'హర్ ఘర్ తిరంగా' కార్యక్రమాన్ని మండలంలో ప్రతిష్టాత్మకంగా తీసుకెళ్లాలన్నారు. మండలంలోని ప్రతి ఇంటిపైనా మువ్వన్నెల జాతీయ జెండా ఎగిరేలా బిజెపి శ్రేణులు, ప్రజలు కృషి చేయాలని కోరారు. ​కార్యక్రమాల వివరాలు: ​ఆగస్టు 9, 10 తేదీలలో: మండల పరిధిలోని ప్రతి ఇంటికీ జాతీయ జెండాలను పంపిణీ చేయనున్నారు. ​ఆగస్టు 12వ తేదీన: మల్యాలలో భారీ ఎత్తున "తిరంగా యాత్ర" నిర్వహించనున్నారు. ఈ యాత్రలో ప్రజలు, యువకులు, నాయకులు పెద్ద సంఖ్యలో పాల్గొని జయప్రదం చేయాలని విజ్ఞప్తి చేశారు. ​పాల్గొన్న నాయకులు: ఈ సమావేశంలో బిజెపి నాయకులు బొబ్బిలి వెంకటస్వామి యాదవ్, సర్పంచులు సంకుర్తి తిరుపతి, గడ్డం నడిపల్లేశం, బొట్ల ప్రసాద్, మాజీ ఎంపీటీసీ రాచర్ల రమేష్, ప్రధాన కార్యదర్శి పొన్నం సాయికుమార్, డాక్టర్ మరి మహేష్ రెడ్డి, ఉపసర్పంచి కొక్కెర మల్లేశం యాదవ్, వివిధ బూత్ అధ్యక్షులు, శక్తి కేంద్ర ఇన్చార్జులు మరియు పార్టీ కార్యకర్తలు పాల్గొన్నారు.