హై సెక్యూరిటీ రిజిస్ట్రేషన్ ప్లేట్ తప్పనిసరి

గజ్వేల్ /సిద్దిపేట : ప్రభుత్వం ఆమోదించిన హై సెక్యూరిటీ రిజిస్ట్రేషన్ ప్లేట్లు (హెచ్.ఎస్.ఆర్.పి.) మాత్రమే చట్టబద్ధమైనవని, నకిలీ, మార్పులు చేసిన, స్టిక్కర్ ఆధారిత, డూప్లికేట్ లేదా అస్పష్టంగా కనిపించే నెంబర్ ప్లేట్లను వాహనాలపై అమర్చడం చట్టవిరుద్ధమని గజ్వేల్ ట్రాఫిక్ ఇన్స్పెక్టర్ సత్యనారాయణ తెలిపారు. గజ్వేల్ పట్టణంలో గజ్వేల్ ట్రాఫిక్ సత్యనారాయణ మాట్లాడుతూ ప్రభుత్వం ఆమోదించిన హై సెక్యూరిటీ రిజిస్ట్రేషన్ ప్లేట్లను ఉపయోగించడం ద్వారా వాహనాల అసలు గుర్తింపును దాచడం, ట్రాఫిక్ నిబంధనలను ఉల్లంఘించడం, నేర కార్యకలాపాలకు సహకరించే అవకాశం ఉన్నందున ఇటువంటి ఉల్లంఘనలను సిద్దిపేట పోలీసులు అత్యంత తీవ్రంగా పరిగణిస్తున్నారని పేర్కొన్నారు. నకిలీ లేదా అనధికారిక నంబర్ ప్లేట్లతో సంచరించే వాహనాలపై క్రిమినల్ కేసులు నమోదు చేయడంతో పాటు, అవసరమైతే వాహనాలను స్వాధీనం చేసుకుని అమల్లో ఉన్న చట్టాల ప్రకారం కఠిన చర్యలు తీసుకుంటామని హెచ్చరించారు. అన్ని వాహన యజమానులు తమ వాహనాలకు ప్రభుత్వం ఆమోదించిన హెచ్.ఎస్.ఆర్.పి. నెంబర్ ప్లేట్ మాత్రమే అమర్చుకున్నట్లు వెంటనే ధృవీకరించుకోవాలని సూచించారు. చట్టబద్ధమైన రిజిస్ట్రేషన్ నిబంధనలను పాటిస్తూ, ట్రాఫిక్ నియమాలను గౌరవించి పోలీసులకు సహకరించాలని గజ్వేల్ ట్రాఫిక్ ఇన్స్పెక్టర్ సత్యనారాయణ విజ్ఞప్తి చేశారు.