ఆషాఢ మాసం బుగ్గ దేవాలయంలో భక్తిశ్రద్ధలతో వేడుకలు

బెల్లంపల్లి (మంచిర్యాల జిల్లా) : ఆషాఢ మాసం సందర్భంగా బెల్లంపల్లి మండలం కన్నాల గ్రామ పంచాయతీ పరిధిలోని శ్రీ రాజ రాజేశ్వర బుగ్గ దేవాలయంలో గంగమ్మ తల్లికి మహిళా భక్తులు ప్రత్యేక పూజలు నిర్వహించారు. ఆలయంలో సంప్రదాయబద్ధంగా పూజలు చేసి, అమ్మవారి ఆశీస్సులు కోరుకున్నారు. ఈ కార్యక్రమంలో బుగ్గ రాజేశ్వరస్వామి అన్నదాన ట్రస్ట్ చైర్‌పర్సన్ మసాడి శ్రీదేవి–శ్రీరాములు, కొలజ్యోతి అరుణ్‌కుమార్, గుగ్గిళ్ల సునీత–రాజబాబు పాల్గొని ప్రత్యేక పూజలు చేశారు. అనంతరం భక్తులకు ప్రసాదం పంపిణీ చేశారు. ఈ వేడుకల్లో అధిక సంఖ్యలో మహిళా భక్తులు పాల్గొని గంగమ్మ తల్లికి మొక్కులు చెల్లించి భక్తిశ్రద్ధలు చాటుకున్నారు.

About The Author

Vision Andhra Telugu Daily

నిజాయితీ, నిష్పాక్షికత, విశ్వసనీయత అనే మూడు విలువలను ఆధారంగా చేసుకుని పనిచేస్తున్న వార్తా సంస్థ. సమాజంలో జరుగుతున్న ప్రతి ముఖ్యమైన పరిణామాన్ని వేగంగా, ఖచ్చితంగా, బాధ్యతాయుతంగా పాఠకులకు అందించడం మా ప్రధాన లక్ష్యం.