సిద్దిపేట జిల్లా/గజ్వేల్ : సిద్దిపేట జిల్లా గజ్వేల్ ప్రజ్ఞాపూర్ మున్సిపాలిటీ పరిధిలోని 14వ వార్డులో 'గరుడ యూత్' ఆధ్వర్యంలో ఏర్పాటు చేసిన బాలగణపతిని స్థానిక కౌన్సిలర్ గుంటుకు లక్ష్మి శ్రీనివాస్ దర్శించుకున్నారు. అక్కడ ఘనంగా జరుగుతున్న గణపతి నవరాత్రి ఉత్సవాల్లో పాల్గొని, గణనాథుడికి ప్రత్యేక పూజలు నిర్వహించారు. అనంతరం చిన్నారులకు భగవద్గీత పుస్తకాలను పంపిణీ చేశారు. ఈ సందర్భంగా కౌన్సిలర్ మాట్లాడుతూ చిన్నారులంతా కలసి ఎంతో భక్తిశ్రద్ధలతో బాలగణపతిని ప్రతిష్టించి, ఉత్సవాలను నిర్వహించడం ఎంతో అభినందనీయమని కొనియాడారు. విద్యార్థి దశ నుంచే పిల్లలు దైవభక్తితో పాటు క్రమశిక్షణ, మంచి విద్యాబుద్ధులను అలవర్చుకోవాలని ఆకాంక్షించారు. ఉత్తమ విద్య ద్వారానే జీవితంలో అనుకున్న ఉన్నత లక్ష్యాలను సాధించవచ్చని చిన్నారులకు సూచించారు. ప్రతి ఒక్కరూ సన్మార్గంలో పయనిస్తూ సమాజానికి ఆదర్శంగా ఎదిగేందు కు కృషి చేయాలని పిలుపునిచ్చారు. ఈ కార్యక్రమంలో గరుడ యూత్ సభ్యులు రామ్ చరణ్ చారి, సాయి చరణ్ చారి, రిషిత్ రెడ్డి, హరివర్షిత్ రెడ్డి, అశ్వంత్, శ్రీనిత్, నాగాచరణ్, అరవింద్, సిద్ధార్థ్ చారి, అభినందన్, రోహిత్ చంద్ర, శివ సాయి, సుచిత్, తదితరులు పాల్గొన్నారు.
.jpeg)
.jpeg)
.jpeg)
