చౌటకూర్‌లో సీఎం రిలీఫ్ ఫండ్ చెక్కుల పంపిణీ

చౌటకూర్, : చౌటకూర్ మండల కేంద్రంలో సీఎం రిలీఫ్ ఫండ్ చెక్కుల పంపిణీ కార్యక్రమాన్ని గురువారం నిర్వహించారు. ఈ కార్యక్రమానికి స్థానిక కాంగ్రెస్ నాయకులు, ప్రజాప్రతినిధులు, పార్టీ కార్యకర్తలు హాజరై లబ్ధిదారులకు సీఎం రిలీఫ్ ఫండ్ చెక్కులను అందజేశారు.ఆర్థిక ఇబ్బందులతో వైద్య చికిత్సలు చేయించుకున్న పేద, మధ్యతరగతి కుటుంబాలకు సీఎం రిలీఫ్ ఫండ్ ద్వారా ప్రభుత్వం ఆర్థిక సహాయం అందిస్తుంది. ఈ నేపథ్యంలో చౌటకూర్ మండలానికి సంబంధించిన లబ్ధిదారులకు మంజూరైన సీఎంఆర్‌ఎఫ్ చెక్కులను కార్యక్రమంలో పంపిణీ చేశారు. చెక్కులు అందుకున్న లబ్ధిదారులు ప్రభుత్వ సహాయానికి కృతజ్ఞతలు తెలిపారు.ఈ సందర్భంగా నాయకులు మాట్లాడుతూ, ఆర్థికంగా ఇబ్బందులు ఎదుర్కొంటున్న కుటుంబాలకు సీఎం రిలీఫ్ ఫండ్ ఎంతో ఉపయోగకరంగా ఉంటుందని పేర్కొన్నారు. ముఖ్యంగా అనారోగ్యంతో వైద్య చికిత్సలు చేయించుకునే సమయంలో ఆర్థిక భారం తగ్గించేందుకు ఈ పథకం ద్వారా అందుతున్న సహాయం దోహదపడుతుందని తెలిపారు. అర్హులైన ప్రతి ఒక్కరూ ప్రభుత్వ సంక్షేమ పథకాలను సద్వినియోగం చేసుకోవాలని సూచించారు.ఈ కార్యక్రమంలో మాజీ ఎంపీపీ సుభాష్ రెడ్డి, చౌటకూర్ కాంగ్రెస్ మండల పార్టీ అధ్యక్షుడు గణేష్ ముదిరాజ్, సర్పంచులు పార్కుల రామ్ రెడ్డి, నందికంటి రామచంద్ర రెడ్డి, గొల్ల మల్లేశం, కాంగ్రెస్ పార్టీ గ్రామ అధ్యక్షుడు వర్కల రమేష్, మాజీ ఉపసర్పంచ్ రాము గౌడ్, ఆత్మ కమిటీ డైరెక్టర్ మల్లారెడ్డి, వార్డు సభ్యుడు జైపాల్ రెడ్డితో పాటు కాంగ్రెస్ పార్టీ నాయకులు, కార్యకర్తలు తదితరులు పాల్గొన్నారు.