దళితులపై దాడులను అరికట్టాలి

హుస్నాబాద్  :నల్లగొండ జిల్లాలో దళిత మహిళలపై దాడి చేసిన వారిపై వెంటనే ఎస్సీ, ఎస్టీ అట్రాసిటీ కేసులు నమోదు చేయాలని , ఇబ్రహీంపట్నం ఎమ్మెల్యే మహిళా విద్యార్థినిని అవమానించిన ఘటనపై కూడా చర్యలు తీసుకోవాలని హుస్నాబాద్‌ అంబేద్కర్‌ చౌరస్తాలో దళిత సంఘాల ఆధ్వర్యంలో తెలంగాణ రాష్ట్ర దళిత సంఘాల అధ్యక్షుడు బత్తుల చంద్రమౌళి డిమాండ్ చేశారు.ఈ సందర్బంగా మాట్లాడుతూ  దళితులపై జరుగుతున్న దాడులు, అత్యాచారాలపై అసెంబ్లీలో ప్రత్యేక తీర్మానం చేయాలని ముఖ్యమంత్రి రేవంత్‌రెడ్డిని కోరారు. అట్రాసిటీ కేసులపై డీజీపీ ప్రత్యేక చొరవ చూపాలని, జిల్లాలు, నియోజకవర్గాల్లో ఎస్సీ, ఎస్టీ విజిలెన్స్‌ అండ్‌ మానిటరింగ్‌ కమిటీలను వెంటనే ఏర్పాటు చేయాలని ప్రభుత్వాన్ని డిమాండ్ చేశారు.ఈ కార్యక్రమంలో మాజీ సర్పంచుల ఫోరం రాష్ట్ర అధ్యక్షుడు అంతర్పుల వెంకటస్వామి, రాష్ట్ర వైస్‌ చైర్మన్‌ కొమ్ముల సంపత్, సిద్దిపేట జిల్లా దళిత సంఘాల జేఏసీ కన్వీనర్‌ బోనగిరి రవి, హుస్నాబాద్‌ పట్టణ ప్రధాన కార్యదర్శి గడిపే బాలు, దళిత సంఘాల నాయకులు కోహెడ రాజు, అందాసి రాజయ్య, కాదాస్‌ నగేష్, డప్పు రాజలింగం, గడిపే అంతయ్య, మట్టెల ఎల్లయ్య, అంతే వనకర్, ఎనగందుల బాబు, మండల నాయకుడు ఠాగూర్‌ శంకర్‌ తదితరులు పాల్గొన్నారు.