రోస్టర్ విధానాన్ని సవరించాలి 

గంభీరావుపేట : చలో ఉస్మానియా యూనివర్సిటీ  హైదరాబాద్ లో 4 వ తేదీన జరిగే సభను విజయవంతం చేయాలని పిలుపునిచ్చారు. శనివారం గంభీరావుపేట మండల కేంద్రంలో జాతీయ మాలల ఐక్యవేదిక ఉమ్మడి కరీంనగర్ జిల్లా అధ్యక్షులు దోసల చంద్రం ఆధ్వర్యంలో అంబేద్కర్ విగ్రహానికి పూలమాలలు వేసి నివాళులర్పించిన అనంతరం  దోసల  చంద్రం మాట్లాడుతూ జీవో నెంబర్ 99 నీ వెంటనే సవరించాలి అని 20 లోపు రెండు రోస్టర్ పాయింట్లను సరిచేసి మాలలకు న్యాయం చేయాలని రాష్ట్ర ప్రభుత్వానికి విన్నవించడం జరుగుతుంది అని అన్నారు. విద్యా ఉద్యోగ అవకాశాలలో జరుగుతున్న అన్యాయాన్ని అరికట్టాలని రోస్టర్ విధానాన్ని సమీక్షించి సవరించాలని   రాజ్యాంగం కల్పించిన రిజర్వేషన్ ఉద్దేశం అణగారిన వర్గాలకు విద్య, ఉద్యోగ రంగాల్లో సమాన అవకాశాలు కల్పించడమేనని, అయితే ప్రస్తుత రోస్టర్ విధానం కారణంగా మాలలకు రావాల్సిన అవకాశాలు తగ్గిపోతున్నాయని ఆరోపించారు. ఒక తరం విద్యార్థులు, నిరుద్యోగులు అవకాశాలు కోల్పోయే విధంగా రోస్టర్ విధానం ఉండకూడదని పేర్కొన్నారు.గత 30 ఏళ్లుగా వర్గీకరణకు వ్యతిరేకంగా మాలలు ప్రజాస్వామ్య పద్ధతిలో పోరాటాలు చేస్తున్నారని, దళితుల ఐక్యత కోసం ఎన్నో ఉద్యమాలు నిర్వహించామని తెలిపారు. రాష్ట్రంలోని మంత్రులు, ఎమ్మెల్యేలు, ప్రజాప్రతినిధులకు అనేకసార్లు వినతిపత్రాలు అందజేసినా సమస్య పరిష్కారం కాలేదని అన్నారు.   ఎస్సీ వర్గీకరణ, ప్రస్తుత రోస్టర్ విధానం వల్ల మాల ఉద్యోగులు, విద్యార్థులకు తీవ్ర నష్టం జరుగుతోందని‌ దోసల చంద్రం  అన్నారు  మాలలకు జరుగుతున్న అన్యాయాన్ని అరికట్టి, విద్య, ఉద్యోగ రంగాల్లో సమాన అవకాశాలు కల్పించేలా రోస్టర్ విధానాన్ని సవరించాలని  ప్రభుత్వం ఈ సమస్యపై స్పష్టమైన నిర్ణయం తీసుకోవాలని,  తెలియజేయడం జరిగింది ఈ కార్యక్రమంలో మండల అధ్యక్షులు లక్కం బాబు జిల్లా నాయకులు పిట్ల రఘు రాగులమహేందర్ లక్కం నాంపల్లి  నాందేడ్ మనోజ్ కుమార్ ఎడ్ల రాజు కాడారి  సందీప్ బంటు కిషన్ బండ నిశాంత్ తదితరులు పాల్గొన్నారు.