మహాత్మా గాంధీ జయంతి సందర్భంగా ఘన నివాళులు

హనుమకొండ న్యూస్ : జాతిపిత మహాత్మా గాంధీ జయంతిని పురస్కరించుకుని హనుమకొండ బాలసముద్రంలోని భారత రాష్ట్ర సమితి (బీఆర్‌ఎస్) పార్టీ హనుమకొండ జిల్లా కార్యాలయంలో గాంధీ జయంతి వేడుకలను ఘనంగా నిర్వహించారు.ఈ సందర్భంగా మాజీ ప్రభుత్వ చీఫ్ విప్, మాజీ శాసనసభ్యులు దాస్యం వినయ్ భాస్కర్ గారు మహాత్మా గాంధీ చిత్రపటానికి పూలమాల వేసి ఘనంగా నివాళులర్పించారు. అనంతరం గాంధీజీ దేశానికి అందించిన సేవలను, స్వాతంత్ర్య సమరంలో ఆయన పోషించిన కీలక పాత్రను స్మరించుకున్నారు.సత్యం, అహింస, శాంతి, సహనం వంటి గాంధీజీ ఆశయాలు నేటి సమాజానికి కూడా ఎంతో ప్రేరణనిస్తాయని దాస్యం వినయ్ భాస్కర్ గారు పేర్కొన్నారు. మహాత్మా గాంధీ చూపిన అహింసా మార్గం, ప్రజాస్వామ్య విలువలు, సామాజిక సమానత్వం వంటి సూత్రాలను ప్రతి ఒక్కరూ ఆచరించాల్సిన అవసరం ఉందన్నారు. దేశ స్వాతంత్ర్యం కోసం గాంధీజీ చేసిన పోరాటం, ఆయన త్యాగాలు, ప్రజలను ఏకతాటిపైకి తీసుకువచ్చిన నాయకత్వం భారత చరిత్రలో చిరస్థాయిగా నిలిచిపోతాయని తెలిపారు. గాంధీజీ ఆశయాలను ముందుకు తీసుకెళ్లడమే ఆయనకు అందించే నిజమైన నివాళి అని అన్నారు. ఈ కార్యక్రమంలో బీఆర్‌ఎస్ పార్టీ నాయకులు తదితరులు పాల్గొని మహాత్మా గాంధీకి ఘనంగా నివాళులర్పించారు.