​కోమటిపల్లి అడవిలో కూలిన వృక్షాలు

​మంగపేట,  :ములుగు జిల్లా మంగపేట మండలం పరిధిలోని కోమటిపల్లి అడవుల్లో ఇటీవల సంభవించిన ప్రకృతి వైపరీత్యం కారణంగా భారీ మహావృక్షాలు నేలకూలిన సంఘటన కలకలం రేపింది. దెబ్బతిన్న అటవీ ప్రాంతాన్ని ములుగు జిల్లా బీఆర్ఎస్ పార్టీ అధ్యక్షుడు కాకులమర్రి లక్ష్మణ్ బాబు బుధవారం నేరుగా సందర్శించి పరిశీలించారు.ఈ సందర్భంగా ఆయన అటవీ ప్రాంతంలో విస్తృతంగా పర్యటించి, చెట్లు ఏ రీతిలో దెబ్బతిన్నాయనే విషయాలను క్షేత్రస్థాయిలో అడిగి తెలుసుకున్నారు. గతంలో మేడారం అడవుల్లో సంభవించిన ఘటన తరహాలోనే, ఇక్కడ కూడా బలమైన ఈదురుగాలులు లేదా సుడిగాలి ధాటికి ఈ భారీ నష్టం వాటిల్లినట్లు స్థానికులు, అధికారులు ఆయనకు వివరించారు.అనంతరం లక్ష్మణ్ బాబు మాట్లాడుతూ — ప్రకృతి వైపరీత్యాల వల్ల అడవులు దెబ్బతినడం తీవ్ర ఆందోళనకరమని, దీనివల్ల పర్యావరణ సమతుల్యత దెబ్బతినడంతో పాటు వన్యప్రాణులకు తీవ్ర నష్టం వాటిల్లుతుందని ఆవేదన వ్యక్తం చేశారు. అటవీ శాఖ అధికారులు తక్షణమే స్పందించి, నేలకూలిన చెట్లను తొలగించి, ఆ ప్రాంతంలో ప్రత్యేక అటవీ పునరుద్ధరణ  చర్యలు చేపట్టాలి. పర్యావరణాన్ని పరిరక్షించడంతో పాటు భవిష్యత్తులో ఇటువంటి నష్టాలు పునరావృతం కాకుండా ప్రభుత్వం తగిన రక్షణ చర్యలు తీసుకోవాలి.ఈ క్షేత్రస్థాయి పరిశీలన కార్యక్రమంలో పార్టీ నాయకులు తాటి కృష్ణ, కాకులమర్రి ప్రదీప్ రావు, తుమ్మ మల్లారెడ్డి, బాడిషా నాగ రమేష్, కూనూరు అశోక్ గౌడ్, చిట్టి మల్ల సమ్మయ్య, సిద్ధంశెట్టి లక్ష్మణరావు, ఎస్.కె. కుర్బాన్ అలీ, యలవర్తి శ్రీనివాసరావు, తాడూరి రఘు, కర్ర రవీందర్, ఎండి. అయూబ్, జాడి భోజారావు, సంకోజు ప్రశాంత్, మూగల రమేష్, రావుల రమణ సంతోష్, గండపల్లి నర్సయ్య, మునగాల నరేష్, మునిగల సాంబులు, పుల్ల సోయం ఈశ్వరయ్య, వంశీ, మునగాల మహేష్, జాడి కృష్ణలతో పాటు స్థానిక బీఆర్ఎస్ పార్టీ నాయకులు, కార్యకర్తలు పాల్గొన్నారు.