దౌల్తాబాద్,సిద్దిపేట: మండల పరిధిలోని సూరంపల్లి, దొమ్మాట, ముబారస్పూర్ గ్రామాల్లో కాంగ్రెస్ పార్టీ గ్రామ కమిటీల నియామక కార్యక్రమాన్ని నిర్వహించారు. గ్రామస్థాయిలో పార్టీని మరింత బలోపేతం చేయడంతో పాటు, ప్రజలకు పార్టీ శ్రేణులు అందుబాటులో ఉండేలా పనిచేయాలని నాయకులు సూచించారు. గ్రామాల్లో ప్రజా సమస్యలను గుర్తించి వాటి పరిష్కారానికి కృషి చేయాలని, ప్రభుత్వ సంక్షేమ పథకాలను ప్రజలకు వివరించి అర్హులైన వారికి వాటి ప్రయోజనాలు అందేలా సహకరించాలని పిలుపునిచ్చారు. ఈ సందర్భంగా నూతనంగా నియమితులైన గ్రామ కమిటీ సభ్యులు పార్టీ సిద్ధాంతాలకు అనుగుణంగా సమన్వయంతో పనిచేస్తూ కాంగ్రెస్ను గ్రామస్థాయిలో మరింత బలోపేతం చేస్తామని తెలిపారు. కార్యకర్తలు, నాయకులు కలిసికట్టుగా పనిచేసి పార్టీ కార్యక్రమాలను ప్రజల్లోకి తీసుకెళ్లాలని నాయకులు సూచించారు. ఈ కార్యక్రమంలో మండల అధ్యక్షుడు జనగామ మల్లారెడ్డి, జిల్లా ఉపాధ్యక్షుడు పడాల రాములు, మార్కెట్ కమిటీ వైస్ చైర్మన్ మద్దెల స్వామి, జిల్లా ప్రధాన కార్యదర్శి గణేష్ పంచమి, మండల ఉపాధ్యక్షుడు డాకోల్ల ఆంజనేయులు గౌడ్, ఎస్సీ సెల్ అధ్యక్షుడు బొర్రోళ్ల స్వామి,మార్కెట్ కమిటీ డైరెక్టర్ పడాల మల్లేశం, కాశీం, నాయకులు తలారి యేసు,ఇమ్రాన్,శ్రీనివాస్ గౌడ్ తదితరులు పాల్గొన్నారు.
.jpeg)
