నాగర్ కర్నూల్ : పితృవియోగంతో బాధలో ఉన్న మాజీ ఎమ్మెల్యే బీరం హర్షవర్ధన్ రెడ్డిని కాంగ్రెస్ ఎమ్మెల్సీ కూచకుళ్ల దామోదర్ రెడ్డి గురువారం పరామర్శించారు. కొల్లాపూర్ నియోజకవర్గం సింగోటంలోని బీరం హర్షవర్ధన్ రెడ్డి నివాసానికి వెళ్లిన ఎమ్మెల్సీ, దివంగత బీరం లక్ష్మారెడ్డి చిత్రపటానికి పూలమాల వేసి నివాళులర్పించారు. అనంతరం బీరం హర్షవర్ధన్ రెడ్డి కుటుంబ సభ్యులను పరామర్శించి ప్రగాఢ సానుభూతి తెలిపారు. బీరం లక్ష్మారెడ్డి మృతి పట్ల సంతాపం వ్యక్తం చేస్తూ కుటుంబ సభ్యులకు ధైర్యం చెప్పారు. ఈ పరామర్శ కార్యక్రమంలో బీఆర్ఎస్ పార్టీ నాయకులు, ఇతర ప్రముఖులు పాల్గొన్నారు.
.jpeg)
