రాజన్న సిరిసిల్ల' ఎల్లారెడ్డిపేట: స్వచ్ఛత హి సేవ–2026 కార్యక్రమంలో భాగంగా ఎల్లారెడ్డిపేట మండల కేంద్రంలోని వినాయక నిమజ్జన స్థలమైన గిద్ద చెరువులో గురువారం శుభ్రత కార్యక్రమాన్ని నిర్వహించారు. వినాయక నిమజ్జనం అనంతరం చెరువు పరిసరాల్లో పేరుకుపోయిన ప్లాస్టిక్ పూలు, ఇతర ప్లాస్టిక్ వ్యర్థాలను గ్రామపంచాయతీ సిబ్బంది వేర్వేరుగా సేకరించి, కంపోస్టింగ్కు తరలించారు. ఈ కార్యక్రమంలో ఎల్లారెడ్డిపేట మేజర్ గ్రామపంచాయతీ సర్పంచ్ ఎలగందుల నరసింహులు, ఉప సర్పంచ్ బంధారపు బాల్ రెడ్డి, ఈఓ కృష్ణ, వార్డు సభ్యులు అంగూరి ప్రవీణ్ కుమార్, అంతర్పుల గోపాల్తో పాటు గ్రామపంచాయతీ సిబ్బంది పాల్గొన్నారు. ఈ సందర్భంగా గ్రామ పరిసరాలను పరిశుభ్రంగా ఉంచడంతో పాటు ప్లాస్టిక్ వ్యర్థాలను వేర్వేరుగా సేకరించి, సరైన విధంగా నిర్వహించాలని సూచించారు. స్వచ్ఛతను ప్రతి ఒక్కరూ తమ బాధ్యతగా భావించి, పరిసరాల పరిశుభ్రతకు సహకరించాలని కోరారు.
.jpeg)
