ఉత్తమ విద్యార్థులకు శ్రీరామ్ గ్రూప్ చేయూత.

సంగారెడ్డి డెస్క్,: పేదరికాన్ని జయించి విద్యలో ప్రతిభ కనబరిచిన జిల్లా  పరిషత్తు హై స్కూల్ మల్కాపూర్,కొండాపూర్  మండలంకు చెందిన విద్యార్థిని ఎ.వర్షిత కి శ్రీరామ్ లైఫ్ ఇన్సూరెన్స్ రూ.5 లక్షల నగదు ప్రోత్సాహకాన్ని అందించింది. ఇటీవల నిర్వహించిన తెలంగాణ రాష్ట్ర స్థాయి 10 వ తరగతి పరీక్షలో 594 మార్కులు సాధించి విశేష ప్రతిభ కనబరిచింది.  ఆమెతో పాటు మరో విద్యార్థిని కె. మౌనిక కూడా 592 మార్కులు సాధించగా రూ.3 లక్షల ప్రోత్సాహకాన్ని  శ్రీరామ్ లైఫ్ ఇన్సూరెన్స్ ప్రకటించింది.హైదరాబాద్‌లో నిర్వహించిన ప్రత్యేక కార్యక్రమంలో శ్రీరామ్ లైఫ్ ఇన్సూరెన్స్ తరఫున ఈ నగదు ప్రోత్సాహకాలను గవర్నర్ శివ ప్రతాప్ శుక్ల  అందజేశారు.  ఆర్థిక ఇబ్బందులను అధిగమించి కష్టపడి చదివి విజయం సాధించిన విద్యార్థులను శ్రీరామ్ లైఫ్ ఇన్సూరెన్స్ ప్రతినిధులు అభినందనలు తెలిపారు. ఈసందర్భంగా గవర్నర్ మాట్లాడుతూ విద్యార్థులు ఉన్నత లక్ష్యాలతో మరింత కృషి చేసి సమాజానికి ఆదర్శంగా నిలవాలని ఆకాంక్షించారు. ఈకార్యక్రమంలో శ్రీరామ్ లైఫ్ ఇన్సూరెన్స్ మేనేజింగ్ డైరెక్టర్ క్యాషి,శ్రీరామ్ ఫైనాన్స్ ఎండి  ప్రవీణ్ ,శ్రీరామ్ లైఫ్ ఇన్సూరెన్స్ ఇండియా మార్కెటింగ్ మేనేజర్  వరుణ్ కిషోర్,శ్రీరామ్ లైఫ్ తెలంగాణ రాష్ట్ర ఎగ్జిక్యూటివ్ డైరెక్టర్  శ్రీనివాస రెడ్డి,హైదరాబాద్ జోనల్ మేనేజర్ నరేందర్, సంగారెడ్డి డివిజన్ ఏజీఎం విజయ్,బ్రాంచ్ మేనేజర్ ప్రవీణ్,స్థానిక మల్కాపూర్ పాఠశాల హెడ్మాస్టర్  యాదగిరి,ఉపసర్పంచ్  ప్రవీణ్ పాల్గొన్నారు.