ఇస్నాపూర్‌లో ఘోర రోడ్డు ప్రమాదం

పుల్కల్‌కు చెందిన యువకుడు దుర్మరణం

చౌటకూర్ : సంగారెడ్డి జిల్లా ఇస్నాపూర్ వద్ద జరిగిన రోడ్డు ప్రమాదంలో పుల్కల్ మండలానికి చెందిన ఓ యువకుడు దుర్మరణం పాలయ్యాడు.స్థానికులు తెలిపిన వివరాల ప్రకారం.. పుల్కల్ మండలం హాన్మ్యానాయక్ తండాకు చెందిన గోరం లక్ష్మణ్ కుమారుడు గోరం ప్రశాంత్ (32) ద్విచక్ర వాహనంపై పటాన్‌చెరు వైపు వెళ్తున్నాడు.ఈ క్రమంలో ఇస్నా పూర్ సమీపంలోకి రాగానే అతడు ప్రయాణిస్తున్న బైక్‌ను ఓ ప్రైవేట్ బస్సు బలంగా ఢీకొట్టింది.ఈ ప్రమాదంలో తీవ్ర గాయాలపాలైన ప్రశాంత్ అక్కడికక్కడే ప్రాణాలు కోల్పోయాడు. చేతికందిన కొడుకు రోడ్డు ప్రమాదంలో మృతి చెందడంతో హాన్మ్యానాయక్ తండాలో తీవ్ర విషాదఛాయలు అలుముకున్నాయి.కుటుంబ సభ్యులు కన్నీరుమున్నీ రవుతున్నారు.

About The Author

Vision Andhra Telugu Daily

నిజాయితీ, నిష్పాక్షికత, విశ్వసనీయత అనే మూడు విలువలను ఆధారంగా చేసుకుని పనిచేస్తున్న వార్తా సంస్థ. సమాజంలో జరుగుతున్న ప్రతి ముఖ్యమైన పరిణామాన్ని వేగంగా, ఖచ్చితంగా, బాధ్యతాయుతంగా పాఠకులకు అందించడం మా ప్రధాన లక్ష్యం.