నాగర్‌కర్నూల్‌లో ఘనంగా ‘హర్ ఘర్ తిరంగా’ భారీ ర్యాలీ

నాగర్‌కర్నూల్, స్వాతంత్ర్య దినోత్సవ వేడుకల్లో భాగంగా ‘హర్ ఘర్ తిరంగా’ పిలుపుతో నాగర్‌కర్నూల్ జిల్లా కేంద్రంలో త్రివర్ణ పతాకాలతో భారీ ‘తిరంగా ర్యాలీ’ కన్నులపండువగా సాగింది. దేశభక్తి భావనను చాటిచెబుతూ భారతీయ జనతా పార్టీ ఆధ్వర్యంలో ఈ ర్యాలీని అత్యంత ఉత్సాహపూరిత వాతావరణంలో నిర్వహించారు. ఈ కార్యక్రమంలో *బీజేపీ రాష్ట్ర నాయకులు పోతుగంటి భరత్ ప్రసాద్, నరేందర్ గౌడ్, ప్రమోద్ కుమార్ తో పాటు ఇతర ముఖ్య నాయకులు, కార్యకర్తలు, వేలాది మంది విద్యార్థులు పాల్గొన్నారు.చేతిలో త్రివర్ణ పతాకాలు పట్టుకుని, ‘భారత్ మాతాకీ జై’, ‘వందేమాతరం’ నినాదాలతో నాగర్‌కర్నూల్ పట్టణ పుర వీధులు మార్మోగాయి. ఈ ర్యాలీ జిల్లా కేంద్రంలోని ముఖ్య కూడళ్ల గుండా సాగుతూ ప్రజల్లో దేశభక్తి స్ఫూర్తిని రగిలించింది. దేశాన్ని ఐకమత్యంగా ఉంచే శక్తి త్రివర్ణ పతాకానిది: పోతుగంటి.భరత్ ప్రసాద్ ఈ సందర్భంగా భరత్ ప్రసాద్ మాట్లాడుతూ... "భారతీయ స్వాతంత్ర్య సమరయోధుల త్యాగాలను స్మరించుకోవడానికి, యువతలో దేశభక్తిని పెంపొందించడానికి తిరంగా ర్యాలీలు ఎంతగానో దోహదపడతాయి. ప్రతీ ఒక్కరూ తమ నివాసాలపై జాతీయ జెండాను ఎగురవేసి, దేశ సమగ్రత మరియు ఐక్యతను చాటాలి" అని పిలుపునిచ్చారు. నరేందర్ గౌడ్, ప్రమోద్ కుమార్ మాట్లాడుతూ... దేశ ప్రగతి కోసం మరియు జాతీయ భావనను విస్తృతం చేసేందుకు ఇలాంటి కార్యక్రమాలు నిరంతరం కొనసాగుతాయని తెలిపారు. ఈ ర్యాలీలో స్థానిక ప్రజాప్రతినిధులు, పార్టీ వర్కింగ్ కమిటీ సభ్యులు, యువజన మోర్చా నాయకులు, కార్యకర్తలు మరియు పట్టణ ప్రజలు, భారీ సంఖ్యలో విద్యార్థులు పెద్ద ఎత్తున పాల్గొని కార్యక్రమాన్ని దిగ్విజయం చేశారు.