బెల్లంపల్లి మంచిర్యాల జిల్లా : కాసిపేట మండలం తాటిగూడ గ్రామపంచాయతీ పరిధిలో ఘన వ్యర్థాల నిర్వహణ–2026 నిబంధనలపై బుధవారం అవగాహన కార్యక్రమం నిర్వహించారు. పంచాయతీ సిబ్బంది ఇంటింటికీ తిరిగి చెత్తను నాలుగు రకాలుగా వేరు చేసే విధానంపై ప్రజలకు అవగాహన కల్పించారు. తడి చెత్త, పొడి చెత్త, శానిటరీ వ్యర్థాలు, గృహ సంబంధిత ప్రమాదకర వ్యర్థాలను వేర్వేరుగా అందించాలని సూచించారు. తడి చెత్తతో ఇంటివద్దే కంపోస్టు తయారు చేసుకోవచ్చని తెలిపారు. చెత్తను ఎక్కడపడితే అక్కడ వేయకుండా పంచాయతీ సిబ్బందికి సహకరించాలని సర్పంచ్ మడావి వెంకటేష్ కోరారు. పరిశుభ్రమైన గ్రామ నిర్మాణంలో ప్రతి ఒక్కరూ భాగస్వాములు కావాలని పిలుపునిచ్చారు. కార్యక్రమంలో పంచాయతీ కార్యదర్శి అన్నపూర్ణ, వార్డు సభ్యులు గుండవెణి రాజశేఖర్, సిడం శ్రీనివాస్, పారిశుధ్య సిబ్బంది, గ్రామస్థులు పాల్గొన్నారు.
.jpeg)
.jpeg)
.jpeg)
