బిచ్కుంద,: బడుగు, బలహీన వర్గాలను అవమానించేలా వ్యాఖ్యలు చేశారంటూ ఆరోపిస్తూ ఫత్లాపూర్ గ్రామంలో నిరసన కార్యక్రమం నిర్వహించారు. ఈ సందర్భంగా తాతా మధుసూదన్, ఎన్. నవీన్ కుమార్ రెడ్డితో పాటు మాజీ ముఖ్యమంత్రి కె. చంద్రశేఖర్ రావు, మాజీ మంత్రి కె. తారక రామారావు దిష్టిబొమ్మలను నిరసనకారులు దహనం చేశారు. ఈ సందర్భంగా నిరసనకారులు మాట్లాడుతూ బడుగు, బలహీన వర్గాల మనోభావాలను దెబ్బతీసే విధంగా వ్యాఖ్యలు చేయడం సరికాదన్నారు. ఈ వ్యాఖ్యలకు బాధ్యత వహిస్తూ సంబంధిత నాయకులు వెంటనే రాజీనామా చేయాలని, బహిరంగంగా క్షమాపణ చెప్పాలని డిమాండ్ చేశారు. సామాజిక న్యాయం, సమానత్వాన్ని కాపాడేలా రాజకీయ నాయకులు బాధ్యతాయుతంగా వ్యవహరించాలని వారు కోరారు. భవిష్యత్తులో ఇలాంటి వ్యాఖ్యలు పునరావృతం కాకుండా చర్యలు తీసుకోవాలని డిమాండ్ చేశారు. ఈ కార్యక్రమంలో గ్రామ సర్పంచ్ పద్మిని మారుతి, ఉపసర్పంచ్ రాజ్కుమార్, మాల సంఘ నాయకులు జి. రవీందర్, ఎం. గంగాధర్, ఎన్. కిరణ్ తదితరులతో పాటు పెద్ద సంఖ్యలో గ్రామస్థులు, నాయకులు, కార్యకర్తలు పాల్గొన్నారు.
.jpeg)
.jpeg)
