భద్రాద్రి కొత్తగూడెం : భద్రాద్రి కొత్తగూడెం జిల్లా జూలూరుపాడు మండలం వెంగన్నపాలెం గ్రామానికి చెందిన హరిణి (18) అనే యువతి అనుమానాస్పద రీతిలో మృతి చెందింది. తమ ఇంటి ఆవరణలోని బాత్రూమ్ వెనుక తన కుమార్తె మృతదేహం కనపడటం తో పక్కింటి వ్యక్తి ఈ దారుణానికి పాల్పడ్డాడని మృతురాలి తల్లి ఆరోపిస్తోంది. ఖమ్మంలోని ఓ ప్రైవేట్ కళాశాలలో హరిని నర్సింగ్ ఫస్ట్ ఇయర్ చదువుతున్నట్లు సమాచారం. హరని తండ్రి మరణించడంతో కూలి పనులు చేసి తన ఇద్దరు కూతుళ్లను తల్లి రాజేశ్వరి చదివిస్తోంది. సెలవుల నేపథ్యంలో ఇటీవలే హరిణి ఇంటికి వచ్చింది. కాగా హరని తల్లి అదే గ్రామంలోని చుట్టాల ఇంటికి వెళ్లి తిరిగి వచ్చేసరికి హరిణి కనిపించడంలేదని వెతికిన తల్లికి, ఒంటిపై గాయాలతో బాత్రూమ్ వెనుక హరిణి మృతదేహాన్ని స్థానికులు గుర్తించారు. దీంతో పోలీసులు ఘటనా స్థలానికి చేరుకుని కేసు నమోదు చేసి దర్యాప్తు చేస్తున్నారు.
.jpeg)
