విద్యానగర్ వాసి చిలుక సాయి కృపకు డాక్టరేట్

కరీంనగర్: జిల్లా అక్బర్ పేట వాసి ప్రస్తుతం హైదరాబాదులో నివాసం ఉంటున్న విద్యానగర్‌కు చెందిన చిలుక మాదవి, రమేష్ దంపతుల కుమార్తె చిలుక సాయి కృపకు డాక్టరేట్ లభించింది. విద్యానగర్‌కు చెందిన సాయి కృప పదో తరగతి విద్యను కరీంనగర్‌లోని సెయింట్ జాన్ హైస్కూల్‌లో, ఇంటర్మీడియట్‌ను ఆల్‌ఫోర్స్ జూనియర్ కళాశాల లో పూర్తి చేశారు. అనంతరం బీటెక్, ఎంటెక్ విద్యను జేఎన్‌టీయూలో అభ్యసించి, హైదరాబాద్‌లోని ఉస్మానియా విశ్వవిద్యాలయంలో పీహెచ్‌డీ పూర్తి చేశారు. ప్రొఫెసర్ శేఖర్ రావు సతీష్ కుమార్ పర్యవేక్షణలో చేసిన పరిశోధనకు గాను సాయి కృపకు డాక్టరేట్ లభించింది. మంగళవారం గవర్నర్ శివ ప్రతాప్ శుక్ల చేతుల మీదుగా ఆమె డాక్టరేట్ పట్టా అందుకున్నారు. ఈ సందర్భంగా తల్లిదండ్రులు, కుటుంబ సభ్యులు, బంధుమిత్రులు, విద్యావేత్తలు సాయి కృపను అభినందించారు.

About The Author

Vision Andhra Telugu Daily

నిజాయితీ, నిష్పాక్షికత, విశ్వసనీయత అనే మూడు విలువలను ఆధారంగా చేసుకుని పనిచేస్తున్న వార్తా సంస్థ. సమాజంలో జరుగుతున్న ప్రతి ముఖ్యమైన పరిణామాన్ని వేగంగా, ఖచ్చితంగా, బాధ్యతాయుతంగా పాఠకులకు అందించడం మా ప్రధాన లక్ష్యం.