గణేష్ ఉత్సవాలకు ఈఎల్వీ ఫౌండేషన్ ఉదారత

నల్గొండ / మర్రిగూడ: వినాయక నవరాత్రి ఉత్సవాలను పురస్కరించుకుని మర్రిగూడ మండలం చెర్లగూడం గ్రామంలో ఏర్పాటు చేసిన గణేష్ విగ్రహ ఉత్సవ నిర్వాహకులకు ఈఎల్వీ ఫౌండేషన్ అండగా నిలిచింది. ఫౌండేషన్ అధినేత  ఇరుగదిండ్ల భాస్కర్ ఉత్సవాల నిర్వహణకు ఆర్థిక సాయం అందించి, నిర్వాహకులకు పూర్తి ఆసరాగా నిలిచారు.ఈ సందర్భంగా మండల పరిధిలోని పలు గ్రామాల్లో యువత అత్యంతీ భక్తిశ్రద్ధలతో ఏర్పాటు చేసిన వినాయక మండపాలను ఇరుగదిండ్ల భాస్కర్ తన బృందంతో కలిసి సందర్శించారు. ఈ పర్యటనలో భాగంగా ఆయా మండపాల్లో ప్రత్యేక పూజలు నిర్వహించి, తొలిపూజలందుకున్న గణనాథుని ఆశీస్సులు తీసుకున్నారు.ఈ సందర్భంగా భాస్కర్ మాట్లాడుతూ నేటి యువత చెడు మార్గాల వైపు వెళ్లకుండా, దైవభక్తితో పాటు సాంస్కృతిక కార్యక్రమాల వైపు ఆకర్షితులు కావడం అభినందనీయమన్నారు. గణేష్ ఉత్సవాలు కేవలం పూజలకే పరిమితం కాకుండా, గ్రామాల్లో ఐక్యతను పెంపొందించడానికి వేదిక కావాలని ఆకాంక్షించారు. ఉత్సవాలు ప్రశాంత వాతావరణంలో, ఎలాంటి అవాంఛనీయ సంఘటనలకు తావులేకుండా సంతోషంగా జరుపుకోవాలని సూచించారు. గ్రామీణ ప్రాంతాల్లో సంప్రదాయాలను కాపాడే యువతకు, పండుగల నిర్వహణకు తన వంతు సహకారం ఎల్లప్పుడూ ఉంటుందని హామీనిచ్చారు.ఈ కార్యక్రమంలో ఈఎల్వీ ఫౌండేషన్ సభ్యులు, స్థానిక యువకులు, గణేష్ ఉత్సవ కమిటీ ప్రతినిధులు తదితరులు పాల్గొన్నారు.