కోయిలకొండ మండలంలో సంచలనం సృష్టించిన సునీత హత్య కేసులో ఇద్దరు నిందితుల అరెస్ట్.. జైలుకు తరలింపు

‎కోయిలకొండ, : ‎ ‎కోయిలకొండ మండలంలోని చింతలతాండ గ్రామంలో గత నవంబర్ 2న మధ్యాహ్నం చోటుచేసుకున్న కాట్రావత్ సునీత (26, భర్త: బాలరామ్, కులం: ఎస్టీ-లంబాడా) హత్య కేసుకు సంబంధించి పోలీసులు దర్యాప్తు వేగవంతం చేశారు. ఈ కేసులో నిందితులుగా ఉన్న మాన్య నాయక్ (తండ్రి: మాణిక్య నాయక్), ఆయన మరుదలైన కాట్రావత్ పార్వతి (భర్త: పాండు నాయక్) ఇద్దరిని నేడు (మంగళవారం) మధ్యాహ్నం చింతలతాండ బస్ స్టాప్ వద్ద పోలీసులు అదుపులోకి తీసుకున్నారు.అదుపులోకి తీసుకున్న నిందితులను విచారించగా వారు తాము చేసిన నేరాన్ని అంగీకరించినట్లు పోలీసులు వెల్లడించారు. ఈ మేరకు వారిని అరెస్ట్ చేసి, జ్యుడీషియల్ రిమాండ్ నిమిత్తం మహబూబ్‌నగర్ గౌరవ జ్యుడీషియల్ ఫస్ట్ క్లాస్ మేజిస్ట్రేట్ (ఎక్సైజ్ & ప్రొబేషన్) జడ్జి ఎదుట హాజరుపరిచి రిమాండ్‌కు తరలించినట్లు అధికారులు తెలిపారు.ఈ కేసులో ఇంకా పరారీలో ఉన్న మిగతా ఇద్దరు నిందితులను కూడా త్వరలోనే పట్టుకుని అరెస్ట్ చేస్తామని మహబూబ్‌నగర్ రూరల్ సీఐ గాంధీ నాయక్ వెల్లడించారు.

About The Author

Vision Andhra Telugu Daily

నిజాయితీ, నిష్పాక్షికత, విశ్వసనీయత అనే మూడు విలువలను ఆధారంగా చేసుకుని పనిచేస్తున్న వార్తా సంస్థ. సమాజంలో జరుగుతున్న ప్రతి ముఖ్యమైన పరిణామాన్ని వేగంగా, ఖచ్చితంగా, బాధ్యతాయుతంగా పాఠకులకు అందించడం మా ప్రధాన లక్ష్యం.