కూరగాయల మార్కెట్ వద్ద ఆస్పిరేషనల్ టాయిలెట్ బ్లాక్ నిర్మాణానికి స్థల పరిశీలన
ములుగు : ములుగు మున్సిపాలిటీ పరిధిలోని కూరగాయల మార్కెట్ వద్ద ఆస్పిరేషనల్ టాయిలెట్ బ్లాక్ నిర్మాణానికి మున్సిపల్ కమిషనర్ స్థల పరిశీలన చేపట్టారు. కూరగాయల మార్కెట్కు ప్రతిరోజూ వచ్చే రైతులు, వ్యాపారులు, వినియోగదారులు, ప్రజలకు మెరుగైన పారిశుధ్య సౌకర్యాలు కల్పించాలనే లక్ష్యంతో ఈ నిర్మాణాన్ని ప్రతిపాదించారు. ఈ సందర్భంగా టాయిలెట్ బ్లాక్ నిర్మాణానికి అనువైన స్థలం, నీటి సరఫరా, డ్రైనేజీ వ్యవస్థ, ఇతర మౌలిక సదుపాయాలను కమిషనర్ క్షుణ్ణంగా పరిశీలించారు. నిర్మాణ పనులను త్వరితగతిన చేపట్టేందుకు అవసరమైన చర్యలు తీసుకోవాలని సంబంధిత అధికారులకు సూచించారు. మున్సిపాలిటీ అభివృద్ధి, ప్రజల సౌకర్యాల విషయంలో మున్సిపల్ కమిషనర్ చూపుతున్న చొరవ, పనితీరు అభినందనీయమని ప్రజాప్రతినిధులు, వ్యాపారులు కొనియాడారు. ప్రజల అవసరాలను ముందే గుర్తించి, క్షేత్రస్థాయిలో పరిశీలించి నిర్ణయాలు తీసుకుంటున్న తీరుకు ప్రశంసలు లభించాయి. అదే విధంగా మున్సిపల్ చైర్మన్, వైస్ చైర్మన్లు మున్సిపాలిటీలో పారిశుధ్యం, మౌలిక సదుపాయాల కల్పనకు ప్రత్యేక శ్రద్ధ చూపుతున్నారని, ప్రజల ఆరోగ్యం, సౌకర్యాలే ప్రధాన లక్ష్యంగా పనిచేస్తున్నారని అధికారులు, ప్రజలు ప్రశంసించారు. వారి సహకారం, మార్గదర్శకత్వంతో ములుగు పట్టణం రోజురోజుకూ అభివృద్ధి దిశగా పయనిస్తోందన్నారు. ఈ కార్యక్రమంలో మున్సిపల్ కమిషనర్తో పాటు మున్సిపల్ ఇంజనీర్, సంబంధిత అధికారులు, ప్రజాప్రతినిధులు పాల్గొన్నారు.
About The Author
నిజాయితీ, నిష్పాక్షికత, విశ్వసనీయత అనే మూడు విలువలను ఆధారంగా చేసుకుని పనిచేస్తున్న వార్తా సంస్థ. సమాజంలో జరుగుతున్న ప్రతి ముఖ్యమైన పరిణామాన్ని వేగంగా, ఖచ్చితంగా, బాధ్యతాయుతంగా పాఠకులకు అందించడం మా ప్రధాన లక్ష్యం.


