సిద్ధిపేట : మర్కుక్ : మర్కుక్ మండల కేంద్రంలో కాంగ్రెస్ పార్టీ నాయకుల ఆధ్వర్యంలో బుధవారం నాడు ధర్నా నిర్వహించారు.ఢిల్లీలో విద్యార్థులపై పోలీసులు జరిపిన లాఠీ ఛార్జ్ ను,నీట్ పరీక్ష పేపర్ లీక్ వ్యవహారాన్ని ఖండిస్తూ ఈ నిరసన కార్యక్రమం చేపట్టారు.ధర్నాలో పాల్గొన్న కాంగ్రెస్ నాయకులు మాట్లాడుతూ తమ సమస్యల పరిష్కారం కోసం శాంతియుతంగా నిరసన తెలుపుతున్న విద్యార్థులపై పోలీసులు లాఠీ ఛార్జ్ చేయడం సిగ్గుచేటని విమర్శించారు.ప్రజాస్వామ్యంలో నిరసన తెలిపే హక్కును కూడా ప్రభుత్వం కాలరాస్తోందని ఆరోపించారు.ఇక నీట్ పరీక్ష పేపర్ లీక్ ఘటనతో దేశవ్యాప్తంగా లక్షలాది మంది విద్యార్థుల కలలు కన్నీళ్లుగా నిలిచాయని ఆవేదన వ్యక్తం చేశారు.ఈ అంశంపై కేంద్ర ప్రభుత్వం వెంటనే స్పందించి సీబీఐతో విచారణ జరిపించి బాధ్యులను కఠినంగా శిక్షించాలని వారు డిమాండ్ చేశారు.విద్యార్థుల భవిష్యత్ తో చెలగాటమాడుతున్న ప్రభుత్వ తీరును ప్రజలకు తెలియజెప్పేందుకే ఈ ధర్నా చేపట్టినట్లు నాయకులు తెలిపారు.ప్రభుత్వం వెంటనే దిగివచ్చి విద్యార్థులకు న్యాయం చేయకుంటే ఆందోళనలను మరింత ఉధృతం చేస్తామని హెచ్చరించారు.ఈ కార్యక్రమంలో కాంగ్రెస్ పార్టీ మండల అధ్యక్షులు నర్సింలు,కాంగ్రెస్ పార్టీ సీనియర్ నాయకులు తిర్మల్ రెడ్డి,మార్కుక్ గ్రామ అధ్యక్షులు జితేందర్ రెడ్డి, ఇప్పలగూడెం సర్పంచ్ నాగిరెడ్డి,పాతూరు మాజీ సర్పంచ్ నర్సింలు,నాయకులు శ్రీశైలం యాదవ్,శ్యామ్ ప్రసాద్,బిక్షపతి,మండల కార్యకర్తలు,విద్యార్థులు,యువకులు పాల్గొన్నారు.
.jpeg)
.jpg)
