మంగపేట: గత కొన్ని రోజులుగా మల్లూరు గ్రామంలో పల్లె ప్రకృతి వనం కంచె (ఫెన్సింగ్ వైర్) చోరీ వ్యవహారం తీవ్ర దుమారం రేపుతోంది. రాత్రికి రాత్రే గ్రామ సంపదను దోచేయాలని చూసిన దొంగల ఉదంతం, ఇప్పుడు స్థానిక రాజకీయాల్లో పెద్ద మలుపు తిరిగింది. పంచాయతీ కార్యదర్శి సమయానుకూలంగా స్పందించి పోలీసులకు ఫిర్యాదు చేయడంతో కథ అడ్డం తిరిగింది. కేసు నమోదు చేసి విచారణ ముమ్మరం చేస్తున్నారని తెలిసిన వెంటనే… దొంగల గుండెల్లో రైళ్లు పరిగెత్తాయి! కటకటాల వెనక్కి వెళ్లక తప్పదని భయపడి, రాత్రికి రాత్రే తాము ఎత్తుకెళ్లిన కంచె వైరును తిరిగి పల్లె ప్రకృతి వనంలోనే పడేసి పరారయ్యారు అని పంచాయతీ కార్యదర్శి తెలిపారు.
అధికార పార్టీ నాయకుడి ‘కాపాడే’ ప్రయత్నాలు?
కంచె వైరు దొరికినప్పటికీ, ఈ చోరీ వెనుక ఉన్న అసలు దొంగలు ఎవరు అనే దానిపై గ్రామస్తుల్లో తీవ్ర ఉత్కంఠ నెలకొంది. అయితే, ఇదే సమయంలో మరో సంచలన విషయం బయటకొచ్చింది!
గ్రామంలో జోరుగా సాగుతున్న ప్రచారం ప్రకారం:
మల్లూరు గ్రామానికి చెందిన అధికార పార్టీ ముఖ్య నాయకుడు ఒకరు ఆ దొంగలను కాపాడేందుకు వెనుక నుండి చక్రం తిప్పుతున్నట్లు వార్తలు వస్తున్నాయి. పోలీసుల విచారణను పక్కదోవ పట్టించి, కేసును నీరుగార్చేందుకు గట్టి ప్రయత్నాలు మొదలుపెట్టారనే ప్రచారం తీవ్ర చర్చనీయాంశంగా మారింది.
ప్రజల ఆగ్రహం… “బహిరంగంగా శిక్ష పడాల్సిందే!
సామాను తిరిగి లభ్యమైనంత మాత్రాన దొంగలను వదిలేస్తే ఎలా అని స్థానికులు ఆగ్రహం వ్యక్తం చేస్తున్నారు.మళ్లీ దొంగతనాలు చేయరా?: ఇప్పుడు గనక అధికారులను ఒత్తిడికి గురిచేసి దొంగలను వదిలేస్తే, రేపు గ్రామంలో ఇంకా ఎన్ని దొంగతనాలకు పాల్పడతారని ప్రజలు భయాందోళన చెందుతున్నారు.చట్టం అందరికీ ఒకటే: రాజకీయ బలం చూసుకొని తప్పు చేసిన వారిని కాపాడాలని చూడటం సరికాదని, అధికారులు ఎలాంటి ఒత్తిళ్లకు తలొగ్గకూడదని స్థానికులు డిమాండ్ చేస్తున్నారు.బహిరంగ శిక్ష పడాలి: ఆ చోరీకి పాల్పడిన అసలు సూత్రధారులు, పాత్రధారులు ఎవరో తేల్చి, వారిని సమాజం ముందు నిలబెట్టి కఠినంగా శిక్షించాలని మల్లూరు ప్రజలు గళమెత్తుతున్నారు. ఈ దొంగతనాల వెనుక ఉన్న నిజమైన హస్తాలను అధికారులు బయటపెడతారా? లేక రాజకీయ ప్రమేయంతో కేసు కనుమరుగవుతుందా? అనేది ఇప్పుడు మల్లూరు గ్రామంలో హాట్ టాపిక్గా మారింది.
.jpeg)
