చౌటకూర్‌లో ఘనంగా చాకలి ఐలమ్మ జయంతి 

చౌటకూర్ మండల కేంద్రంలో శనివారం ఎమ్మార్వో కార్యాలయంలో చాకలి ఐలమ్మ జయంతి వేడుకలను ఘనంగా నిర్వహించారు. ఈ సందర్భంగా చాకలి ఐలమ్మ చిత్రపటానికి పూలమాలలు వేసి ఘన నివాళులు అర్పించారు. భూమి కోసం, భుక్తి కోసం, వెట్టిచాకిరి విముక్తి కోసం ఆమె సాగించిన పోరాటాన్ని ఈ సందర్భంగా వక్తలు గుర్తుచేశారు.చాకలి ఐలమ్మ తెలంగాణ సాయుధ పోరాటంలో ధైర్యసాహసాలతో నిలిచి, అణగారిన వర్గాల హక్కుల కోసం పోరాడిన ధీరవనితగా వక్తలు కొనియాడారు. ఆమె పోరాటం తెలంగాణ ప్రజల్లో చైతన్యాన్ని నింపిందని అన్నారు. సామాజిక అన్యాయాలను ఎదురిస్తూ హక్కుల కోసం పోరాడే స్ఫూర్తిని ఐలమ్మ జీవితం అందిస్తోందని పేర్కొన్నారు.ఈ సందర్భంగా జిల్లా రజక వర్కింగ్ ప్రెసిడెంట్ ఆగమయ్య మాట్లాడుతూ.. చాకలి ఐలమ్మ తన ధైర్యం, తెగువ, పోరాట స్ఫూర్తితో తెలంగాణ సమాజంలో చైతన్యం తీసుకొచ్చారని అన్నారు. అణగారిన వర్గాల హక్కుల కోసం ఆమె చేసిన పోరాటం చరిత్రలో చిరస్థాయిగా నిలిచిపోయిందని పేర్కొన్నారు. మహిళలు కూడా సామాజిక అన్యాయాలను ఎదురించి తమ హక్కుల కోసం పోరాడాలనే స్ఫూర్తిని చాకలి ఐలమ్మ జీవితం అందిస్తోందన్నారు. తెలంగాణ తెగువను ప్రపంచానికి చాటిచెప్పిన చాకలి ఐలమ్మ జయంతి సందర్భంగా ఆమెకు ఘన నివాళులు అర్పిస్తున్నట్లు తెలిపారు.చాకలి ఐలమ్మ ఆశయాలను నేటి తరానికి తెలియజేయాల్సిన అవసరం ఉందని వక్తలు అన్నారు. సమాజంలో సమానత్వం, సామాజిక న్యాయం నెలకొల్పేందుకు ప్రతి ఒక్కరూ కృషి చేయాలని పిలుపునిచ్చారు. ఐలమ్మ పోరాట స్ఫూర్తిని నేటి తరానికి అందిస్తూ, ఆమె ఆశయాలను ముందుకు తీసుకెళ్లాలని ఆకాంక్షించారు.ఈ కార్యక్రమంలో ఎమ్మార్వో అనుదీప్, జిల్లా రజక వర్కింగ్ ప్రెసిడెంట్ ఆగమయ్య , చౌటకూర్ మండల అధ్యక్షుడు అశోక్, మండల వర్కింగ్ ప్రెసిడెంట్ శివాయ, శివ్వంపేటకు చెందిన మల్లికార్జున్ గౌడ్, కోర్పోల్‌కు చెందిన ప్రవీణ్ రెడ్డి, రాజు, గాడ్ల శీను, యువ రజక నాయకుడు మోహన్, కుమార్ గౌడ్,సుల్తాన్‌పూర్‌కు చెందిన చెన్నయ్య, కార్యక్రమంలో ప్రజాప్రతినిధులు, నాయకులు, తదితరులు పాల్గొన్నారు.