రిమ్స్ ఆసుపత్రి వద్ద చాకలి ఐలమ్మ జయంతి వేడుకలు 

ఆదిలాబాద్ బ్యూరో :వెనుకబడిన తరగతుల అభివృద్ధి శాఖ ఆధ్వర్యంలో స్థానిక రిమ్స్ ఆసుపత్రి వద్ద వీరనారి చాకలి ఐలమ్మ 131వ జయంతి ఉత్సవాలను ఘనంగా నిర్వహించారు.  ఈ కార్యక్రమానికి జిల్లా కలెక్టర్ రాజర్షి షా, ఎమ్మెల్యే పాయల్ శంకర్ ముఖ్య అతిథులుగా హాజరై చాకలి ఐలమ్మ విగ్రహానికి పూలమాలలు వేసి ఘనంగా నివాళులర్పించారు.  ఈ సందర్భంగా కలెక్టర్ మాట్లాడుతూ.. సామాజిక సమానత్వం, ఆత్మగౌరవం కోసం వీరనారి చాకలి ఐలమ్మ చేసిన పోరాటం చిరస్మరణీయమని అన్నారు. అణగారిన వర్గాల హక్కుల కోసం ఆమె ప్రదర్శించిన ధైర్యసాహసాలు, పోరాట స్ఫూర్తి నేటి తరానికి ఆదర్శంగా నిలుస్తాయని పేర్కొన్నారు. చాకలి ఐలమ్మ జీవిత చరిత్ర, ఆమె చేసిన పోరాటాలు, సమాజం కోసం అందించిన సేవలను ప్రతి ఒక్కరూ గుర్తు చేసుకోవాలని, ఆమె ఆశయాలను ముందుకు తీసుకెళ్లేందుకు ప్రతి ఒక్కరూ కృషి చేయాలని అన్నారు. ఎమ్మెల్యే పాయల్ శంకర్ మాట్లాడుతూ.. వీరనారి చాకలి ఇలమ్మ ధైర్యం, పట్టుదల, ఆత్మగౌరవం కోసం చేసిన పోరాటం చరిత్రలో ప్రత్యేక స్థానం సంపాదించుకుందని అన్నారు. ఆమె స్ఫూర్తిని భవిష్యత్ తరాలకు అందించాల్సిన బాధ్యత మనందరిపై ఉందని పేర్కొన్నారు. ఈ కార్యక్రమంలో అదనపు కలెక్టర్ ఆర్ఎస్ చిత్రు, మున్సిపల్ చైర్మన్ బండారి అనూష, బిసి, ఇతర సంఘాల ప్రతినిధులు, అధికారులు, సిబ్బంది, తదితరులు పాల్గొన్నారు,